॥ Garbha Stuti Telugu Lyrics ॥
॥ గర్భ స్తుతి (దేవ కృతం) ॥
దేవా ఊచుః –
జగద్యోనిరయోనిస్త్వమనంతోఽవ్యయ ఏవ చ ।
జ్యోతిస్స్వరూపో హ్యనిశః సగుణో నిర్గుణో మహాన్ ॥ ౧ ॥
భక్తానురోధాత్సాకారో నిరాకారో నిరంకుశః ।
నిర్వ్యూహో నిఖిలాధారో నిఃశంకో నిరుపద్రవః ॥ ౨ ॥
నిరుపాధిశ్చ నిర్లిప్తో నిరీహో నిధనాంతకః ।
స్వాత్మారామః పూర్ణకామోఽనిమిషో నిత్య ఏవ చ ॥ ౩ ॥
స్వేచ్ఛామయః సర్వహేతుః సర్వః సర్వగుణాశ్రయః ।
సర్వదో దుఃఖదో దుర్గో దుర్జనాంతక ఏవ చ ॥ ౪ ॥
సుభగో దుర్భగో వాగ్మీ దురారాధ్యో దురత్యయః ।
వేదహేతుశ్చ వేదశ్చ వేదాంగో వేదవిద్విభుః ॥ ౫ ॥
ఇత్యేవముక్త్వా దేవాశ్చ ప్రణమ్రాశ్చ ముహుర్ముహుః ।
హర్షాశ్రులోచనాః సర్వే వవృషుః కుసుమాని చ ॥ ౬ ॥
ద్విచత్వారింశన్నామాని ప్రాతరుత్థాయ యః పఠేత్ ।
దృఢాం భక్తిం హరేర్దాస్యం లభతే వాంఛితం ఫలమ్ ॥ ౭ ॥
ఇత్యేవం స్తవనం కృత్వా దేవాస్తే స్వాలయం యయుః ।
బభూవ జలవృష్టిశ్చ నిశ్చేష్టా మథురాపురీ ॥ ౮ ॥
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే దేవకృత గర్భస్తుతిః ।