॥ Sharada Sahasranamastotram Malayalam Lyrics ॥
॥ ശ്രീശാരദാസഹസ്രനാമസ്തോത്രം ॥
ശ്രീ ഗണേശായ നമഃ ।
ശ്രീഭൈരവീ ഉവാച
ഭഗവന്‍ സര്‍വധര്‍മജ്ഞ സര്‍വലോകനമസ്കൃത ।
സര്‍വാഗമൈകതത്ത്വജ്ഞ തത്ത്വസാഗരപാരഗ ॥ 1 ॥
കൃപാപരോഽസി ദേവേശ ശരണാഗതവത്സല ।
പുരാ ദത്തം വരം മഹ്യം ദേവദാനവസങ്ഗരേ ॥ 2 ॥
തമദ്യ ഭഗവംസ്ത്വത്തോ യാചേഽഹം പരമേശ്വര ।
പ്രയച്ഛ ത്വരിതം ശംഭോ യദ്യഹം പ്രേയസീ തവ ॥ 3 ॥
ശ്രീഭൈരവ ഉവാച
ദേവദേവീ പുരാ സത്യം സുരാസുരരണാജിരേ ।
വരോ ദത്തോ മയാ തേഽദ്യ വരം യാചസ്വ വാഞ്ഛിതം ॥ 4 ॥
ശ്രീഭൈരവീ ഉവാച
ഭഗവന്‍ യാ മഹാദേവീ ശാരദാഽഽഖ്യാ സരസ്വതീ ।
കാശ്മീരേ സാ സ്വതപസാ ശാണ്ഡില്യേനാവതാരിതാ ॥ 5 ॥
തസ്യാ നാമസഹസ്രം മേ ഭോഗമോക്ഷൈകസാധനം ।
സാധകാനാം ഹിതാര്‍ഥായ വദ ത്വം പരമേശ്വര ॥ 6 ॥
ശ്രീഭൈരവ ഉവാച
രഹസ്യമേതദഖിലം ദേവാനാം പരമേശ്വരി ।
പരാപരരഹസ്യം ച ജഗതാം ഭുവനേശ്വരി ॥ 7 ॥
യാ ദേവീ ശാരദാഖ്യേതി ജഗന്‍മാതാ സരസ്വതീ ।
പഞ്ചാക്ഷരീ ച ഷട്കൂടത്രൈലോക്യപ്രഥിതാ സദാ ॥ 8 ॥
തയാ തതമിദം വിശ്വം തയാ സമ്പാല്യതേ ജഗത് ।
സൈവ സംഹരതേ ചാന്തേ സൈവ മുക്തിപ്രദായിനീ ॥ 9 ॥
ദേവദേവീ മഹാവിദ്യാ പരതത്ത്വൈകരൂപിണീ ।
തസ്യാ നാമസഹസ്രം തേ വക്ഷ്യേഽഹം ഭക്തിസാധനം ॥ 10 ॥
॥ വിനിയോഗഃ ॥
ഓം അസ്യ ശ്രീശാരദാഭഗവതീസഹസ്രനാമസ്തോത്രമഹാമന്ത്രസ്യ
ശ്രീഭഗവാന്‍ ഭൈരവ ഋഷിഃ । ത്രിഷ്ടുപ് ഛന്ദഃ।പഞ്ചാക്ഷരശാരദാ ദേവതാ।
ക്ലീം ബീജം । ഹ്രീം ശക്തിഃ। നമ ഇതി കീലകം।
ത്രിവര്‍ഗഫലസിദ്ധ്യര്‍ഥേ സഹസ്രനാമപാഠേ വിനിയോഗഃ ॥
॥ കരന്യാസഃ ॥
ഓം ഹ്രാം ക്ലാം അങ്ഗുഷ്ഠാഭ്യാം നമഃ ।
ഓം ഹ്രീം ക്ലീം തര്‍ജനീഭ്യാം നമഃ ।
ഓം ഹ്രൂം ക്ലൂം മധ്യമാഭ്യാം നമഃ ।
ഓം ഹ്രൈം ക്ലൈം അനാമികാഭ്യാം നമഃ।
ഓം ഹ്രൌം ക്ലൌം കനിഷ്ഠികാഭ്യാം നമഃ ।
ഓം ഹ്രഃ ക്ലഃ കരതലകരപൃഷ്ഠാഭ്യാം നമഃ ॥
॥ ഹൃദയാദി ന്യാസഃ ॥
ഓം ഹ്രാം ക്ലാം ഹൃദയായ നമഃ ।
ഓം ഹ്രീം ക്ലീം ശിരസേ സ്വാഹാ ।
ഓം ഹ്രൂം ക്ലൂം ശിഖായൈ വഷട് ।
ഓം ഹ്രൈം ക്ലൈം കവചായ ഹും ।
ഓം ഹ്രൌം ക്ലൌം നേത്രത്രയായ വൌഷട് ।
ഓം ഹ്രഃ ക്ലഃ അസ്ത്രായ ഫട ।
ഓം ഭൂര്‍ഭുവസ്സുവരോമിതി ദിഗ്ബന്ധഃ ॥
॥ ധ്യാനം ॥
ശക്തിചാപശരഘണ്ടികാസുധാപാത്രരത്നകലശോല്ലസത്കരാം ।
പൂര്‍ണചന്ദ്രവദനാം ത്രിലോചനാം ശാരദാം നമത സര്‍വസിദ്ധിദാം ॥
ശ്രീ ശ്രീശൈലസ്ഥിതാ യാ പ്രഹസിതവദനാ പാര്‍വതീ ശൂലഹസ്താ
വഹ്ന്യര്‍കേന്ദുത്രിനേത്രാ ത്രിഭുവനജനനീ ഷഡ്ഭുജാ സര്‍വശക്തിഃ ।
ശാണ്ഡില്യേനോപനീതാ ജയതി ഭഗവതീ ഭക്തിഗംയാ നതാനാം
സാ നഃ സിംഹാസനസ്ഥാ ഹ്യഭിമതഫലദാ ശാരദാ ശം കരോതു ॥
॥ പഞ്ചപൂജാ ॥
ലം പൃഥിവ്യാത്മികായൈ ശ്രീശാരദാദേവ്യൈ ഗന്ധം സമര്‍പയാമി ।
ഹം ആകാശാത്മികായൈ ശ്രീശാരദാദേവ്യൈ പുഷ്പൈഃ പൂജയാമി ।
യം വായ്വാത്മികായൈ ശ്രീശാരദാദേവ്യൈ ധൂപമാഘ്രാപയാമി ।
രം വഹ്ന്യാത്മികായൈ ശ്രീശാരദാദേവ്യൈ ദീപം ദര്‍ശയാമി ।
വം അമൃതാത്മികായൈ ശ്രീശാരദാദേവ്യൈ അമൃതമ്മഹാനൈവേദ്യം നിവേദയാമി ।
സം സര്‍വാത്മികായൈ ശ്രീശാരദാദേവ്യൈ സര്‍വോപചാരപൂജാം സമര്‍പയാമി ॥
യോനിമുദ്രാം ദര്‍ശയേത് ॥
॥ ശ്രീശാരദാ ഗായത്രീ ॥
ഓം ശാരദായൈ വിദ്മഹേ । വരദായൈ ധീമഹി।
തന്നോ മോക്ഷദായിനീ പ്രചോദയാത് ॥
ശ്രീശാരദാസഹസ്രനാമസ്തോത്രം ॥
ശ്രീ ഗണേശായ നമഃ ।
ശ്രീഭൈരവീ ഉവാച
ഭഗവന്‍ സര്‍വധര്‍മജ്ഞ സര്‍വലോകനമസ്കൃത ।
സര്‍വാഗമൈകതത്ത്വജ്ഞ തത്ത്വസാഗരപാരഗ ॥ 1 ॥
കൃപാപരോഽസി ദേവേശ ശരണാഗതവത്സല ।
പുരാ ദത്തം വരം മഹ്യം ദേവദാനവസങ്ഗരേ ॥ 2 ॥
തമദ്യ ഭഗവംസ്ത്വത്തോ യാചേഽഹം പരമേശ്വര ।
പ്രയച്ഛ ത്വരിതം ശംഭോ യദ്യഹം പ്രേയസീ തവ ॥ 3 ॥
ശ്രീഭൈരവ ഉവാച
ദേവദേവീ പുരാ സത്യം സുരാസുരരണാജിരേ ।
വരോ ദത്തോ മയാ തേഽദ്യ വരം യാചസ്വ വാഞ്ഛിതം ॥ 4 ॥
ശ്രീഭൈരവീ ഉവാച
ഭഗവന്‍ യാ മഹാദേവീ ശാരദാഽഽഖ്യാ സരസ്വതീ ।
കാശ്മീരേ സാ സ്വതപസാ ശാണ്ഡില്യേനാവതാരിതാ ॥ 5 ॥
തസ്യാ നാമസഹസ്രം മേ ഭോഗമോക്ഷൈകസാധനം ।
സാധകാനാം ഹിതാര്‍ഥായ വദ ത്വം പരമേശ്വര ॥ 6 ॥
ശ്രീഭൈരവ ഉവാച
രഹസ്യമേതദഖിലം ദേവാനാം പരമേശ്വരി ।
പരാപരരഹസ്യം ച ജഗതാം ഭുവനേശ്വരി ॥ 7 ॥
യാ ദേവീ ശാരദാഖ്യേതി ജഗന്‍മാതാ സരസ്വതീ ।
പഞ്ചാക്ഷരീ ച ഷട്കൂടത്രൈലോക്യപ്രഥിതാ സദാ ॥ 8 ॥
തയാ തതമിദം വിശ്വം തയാ സമ്പാല്യതേ ജഗത് ।
സൈവ സംഹരതേ ചാന്തേ സൈവ മുക്തിപ്രദായിനീ ॥ 9 ॥
ദേവദേവീ മഹാവിദ്യാ പരതത്ത്വൈകരൂപിണീ ।
തസ്യാ നാമസഹസ്രം തേ വക്ഷ്യേഽഹം ഭക്തിസാധനം ॥ 10 ॥
॥ വിനിയോഗഃ ॥
ഓം അസ്യ ശ്രീശാരദാഭഗവതീസഹസ്രനാമസ്തോത്രമഹാമന്ത്രസ്യ
ശ്രീഭഗവാന്‍ ഭൈരവ ഋഷിഃ । ത്രിഷ്ടുപ് ഛന്ദഃ।പഞ്ചാക്ഷരശാരദാ ദേവതാ।
ക്ലീം ബീജം । ഹ്രീം ശക്തിഃ। നമ ഇതി കീലകം।
ത്രിവര്‍ഗഫലസിദ്ധ്യര്‍ഥേ സഹസ്രനാമപാഠേ വിനിയോഗഃ ॥
॥ കരന്യാസഃ ॥
ഓം ഹ്രാം ക്ലാം അങ്ഗുഷ്ഠാഭ്യാം നമഃ ।ഓം ഹ്രീം ക്ലീം തര്‍ജനീഭ്യാം നമഃ।
ഓം ഹ്രൂം ക്ലൂം മധ്യമാഭ്യാം നമഃ ।ഓം ഹ്രൈം ക്ലൈം അനാമികാഭ്യാം നമഃ।
ഓം ഹ്രൌം ക്ലൌം കനിഷ്ഠികാഭ്യാം നമഃ ।ഓം ഹ്രഃ ക്ലഃ കരതലകരപൃഷ്ഠാഭ്യാം നമഃ ॥
॥ ഹൃദയാദി ന്യാസഃ ॥
ഓം ഹ്രാം ക്ലാം ഹൃദയായ നമഃ । ഓം ഹ്രീം ക്ലീം ശിരസേ സ്വാഹാ।
ഓം ഹ്രൂം ക്ലൂം ശിഖായൈ വഷട് । ഓം ഹ്രൈം ക്ലൈം കവചായ ഹും।
ഓം ഹ്രൌം ക്ലൌം നേത്രത്രയായ വൌഷട് । ഓം ഹ്രഃ ക്ലഃ അസ്ത്രായ ഫട।
ഓം ഭൂര്‍ഭുവസ്സുവരോമിതി ദിഗ്ബന്ധഃ ॥
॥ ധ്യാനം ॥
ശക്തിചാപശരഘണ്ടികാസുധാപാത്രരത്നകലശോല്ലസത്കരാം ।
പൂര്‍ണചന്ദ്രവദനാം ത്രിലോചനാം ശാരദാം നമത സര്‍വസിദ്ധിദാം ॥
ശ്രീ ശ്രീശൈലസ്ഥിതാ യാ പ്രഹസിതവദനാ പാര്‍വതീ ശൂലഹസ്താ
വഹ്ന്യര്‍കേന്ദുത്രിനേത്രാ ത്രിഭുവനജനനീ ഷഡ്ഭുജാ സര്‍വശക്തിഃ ।
ശാണ്ഡില്യേനോപനീതാ ജയതി ഭഗവതീ ഭക്തിഗംയാ നതാനാം
സാ നഃ സിംഹാസനസ്ഥാ ഹ്യഭിമതഫലദാ ശാരദാ ശം കരോതു ॥
॥ പഞ്ചപൂജാ ॥
ലം പൃഥിവ്യാത്മികായൈ ശ്രീശാരദാദേവ്യൈ ഗന്ധം സമര്‍പയാമി ।
ഹം ആകാശാത്മികായൈ ശ്രീശാരദാദേവ്യൈ പുഷ്പൈഃ പൂജയാമി ।
യം വായ്വാത്മികായൈ ശ്രീശാരദാദേവ്യൈ ധൂപമാഘ്രാപയാമി ।
രം വഹ്ന്യാത്മികായൈ ശ്രീശാരദാദേവ്യൈ ദീപം ദര്‍ശയാമി ।
വം അമൃതാത്മികായൈ ശ്രീശാരദാദേവ്യൈ അമൃതമ്മഹാനൈവേദ്യം നിവേദയാമി ।
സം സര്‍വാത്മികായൈ ശ്രീശാരദാദേവ്യൈ സര്‍വോപചാരപൂജാം സമര്‍പയാമി ॥
യോനിമുദ്രാം ദര്‍ശയേത് ॥
॥ ശ്രീശാരദാ ഗായത്രീ ॥
ഓം ശാരദായൈ വിദ്മഹേ । വരദായൈ ധീമഹി।
തന്നോ മോക്ഷദായിനീ പ്രചോദയാത് ॥
॥ ശ്രീശാരദാ മന്ത്രഃ ॥
ഓം ഹ്രീം ക്ലീം ശാരദായൈ നമഃ ॥
॥ അഥ ശ്രീശാരദാസഹസ്രനാമസ്തോത്രം ॥
ഓം ഹ്രീം ക്ലീം ശാരദാ ശാന്താ ശ്രീമതീ ശ്രീശുഭങ്കരീ ।
ശുഭാ ശാന്താ ശരദ്ബീജാ ശ്യാമികാ ശ്യാമകുന്തലാ ॥ 1 ॥
ശോഭാവതീ ശശാങ്കേശീ ശാതകുംഭപ്രകാശിനീ ।
പ്രതാപ്യാ താപിനീ താപ്യാ ശീതലാ ശേഷശായിനീ ॥ 2 ॥
ശ്യാമാ ശാന്തികരീ ശാന്തിഃ ശ്രീകരീ വീരസൂദിനീ ।
വേശ്യാ വേശ്യകരീ വൈശ്യാ വാനരീ വേഷഭാന്വിതാ ॥ 3 ॥
വാചാലീ ശുഭഗാ ശോഭ്യാ ശോഭനാ ച ശുചിസ്മിതാ ।
ജഗന്‍മാതാ ജഗദ്ധാത്രീ ജഗത്പാലനകാരിണീ ॥ 4 ॥
ഹാരിണീ ഗദിനീ ഗോധാ ഗോമതീ ജഗദാശ്രയാ ।
സൌംയാ യാംയാ തഥാ കാംയാ വാംയാ വാചാമഗോചരാ ॥ 5 ॥
ഐന്ദ്രീ ചാന്ദ്രീ കലാ കാന്താ ശശിമണ്ഡലമധ്യഗാ ।
ആഗ്നേയീ വാരുണീ വാണീ കാരുണാ കരുണാശ്രയാ ॥ 6 ॥
നൈരൃതീ ഋതരൂപാ ച വായവീ വാഗ്ഭവോദ്ഭവാ ।
കൌബേരീ കൂബരാ കോലാ കാമേശീ കാമസുന്ദരീ ॥ 7 ॥
ഖേശാനീ കേശനീകാരാ മോചനീ ധേനുകാമദാ ।
കാമധേനുഃ കപാലേശീ കപാലകരസംയുതാ ॥ 8 ॥
ചാമുണ്ഡാ മൂല്യദാ മൂര്‍തിര്‍മുണ്ഡമാലാവിഭൂഷണാ ।
സുമേരുതനയാ വന്ദ്യാ ചണ്ഡികാ ചണ്ഡസൂദിനീ ॥ 9 ॥
ചണ്ഡാംശുതേജസാമ്മൂര്‍തിശ്ചണ്ഡേശീ ചണ്ഡവിക്രമാ ।
ചാടുകാ ചാടകീ ചര്‍ചാ ചാരുഹംസാ ചമത്കൃതിഃ ॥ 10 ॥
ലലജ്ജിഹ്വാ സരോജാക്ഷീ മുണ്ഡസൃങ്മുണ്ഡധാരിണീ ।
സര്‍വാനന്ദമയീ സ്തുത്യാ സകലാനന്ദവര്‍ധിനീ ॥ 11 ॥
ധൃതിഃ കൃതിഃ സ്ഥിതിര്‍മൂര്‍തിഃ ദ്യൌവാസാ ചാരുഹാസിനീ ।
രുക്മാങ്ഗദാ രുക്മവര്‍ണാ രുക്മിണീ രുക്മഭൂഷണാ ॥ 12 ॥
കാമദാ മോക്ഷദാനന്ദാ നാരസിംഹീ നൃപാത്മജാ ।
നാരായണീ നരോത്തുങ്ഗനാഗിനീ നഗനന്ദിനീ ॥ 13 ॥
നാഗശ്രീര്‍ഗിരിജാ ഗുഹ്യാ ഗുഹ്യകേശീ ഗരീയസീ ।
ഗുണാശ്രയാ ഗുണാതീതാ ഗജരാജോപരിസ്ഥിതാ ॥ 14 ॥
ഗജാകാരാ ഗണേശാനീ ഗന്ധര്‍വഗണസേവിതാ ।
ദീര്‍ഘകേശീ സുകേശീ ച പിങ്ഗലാ പിങ്ഗലാലകാ ॥ 15 ॥
ഭയദാ ഭവമാന്യാ ച ഭവാനീ ഭവതോഷിതാ ।
ഭവാലസ്യാ ഭദ്രധാത്രീ ഭീരുണ്ഡാ ഭഗമാലിനീ ॥ 16 ॥
പൌരന്ദരീ പരഞ്ജ്യോതിഃ പുരന്ദരസമര്‍ചിതാ ।
പീനാ കീര്‍തികരീ കീര്‍തിഃ കേയൂരാഢ്യാ മഹാകചാ ॥ 17 ॥
ഘോരരൂപാ മഹേശാനീ കോമലാ കോമലാലകാ ।
കല്യാണീ കാമനാ കുബ്ജാ കനകാങ്ഗദഭൂഷിതാ ॥ 18 ॥
കേനാശീ വരദാ കാലീ മഹാമേധാ മഹോത്സവാ ।
വിരൂപാ വിശ്വരൂപാ ച വിശ്വധാത്രീ പിലമ്പിലാ ॥ 19 ॥
പദ്മാവതീ മഹാപുണ്യാ പുണ്യാ പുണ്യജനേശ്വരീ ।
ജഹ്നുകന്യാ മനോജ്ഞാ ച മാനസീ മനുപൂജിതാ ॥ 20 ॥
കാമരൂപാ കാമകലാ കമനീയാ കലാവതീ ।
വൈകുണ്ഠപത്നീ കമലാ ശിവപത്നീ ച പാര്‍വതീ ॥ 21 ॥
കാംയശ്രീ ര്‍ഗാരുഡീവിദ്യാ വിശ്വസൂര്‍വീരസൂര്‍ദിതിഃ ।
മാഹേശ്വരീ വൈഷ്ണവീ ച ബ്രാഹ്മീ ബ്രാഹ്മണപൂജിതാ ॥ 22 ॥
മാന്യാ മാനവതീ ധന്യാ ധനദാ ധനദേശ്വരീ ।
അപര്‍ണാ പര്‍ണശിഥിലാ പര്‍ണശാലാപരമ്പരാ ॥ 23 ॥
പദ്മാക്ഷീ നീലവസ്ത്രാ ച നിംനാ നീലപതാകിനീ ।
ദയാവതീ ദയാധീരാ ധൈര്യഭൂഷണഭൂഷിതാ ॥ 24 ॥
ജലേശ്വരീ മല്ലഹന്ത്രീ ഭല്ലഹസ്താ മലാപഹാ ।
കൌമുദീ ചൈവ കൌമാരീ കുമാരീ കുമുദാകരാ ॥ 25 ॥
പദ്മിനീ പദ്മനയനാ കുലജാ കുലകൌലിനീ ।
കരാലാ വികരാലാക്ഷീ വിസ്രംഭാ ദര്‍ദുരാകൃതിഃ ॥ 26 ॥
വനദുര്‍ഗാ സദാചാരാ സദാശാന്താ സദാശിവാ ।
സൃഷ്ടിഃ സൃഷ്ടികരീ സാധ്വീ മാനുഷീ ദേവകീ ദ്യുതിഃ ॥ 27 ॥
വസുധാ വാസവീ വേണുഃ വാരാഹീ ചാപരാജിതാ ।
രോഹിണീ രമണാ രാമാ മോഹിനീ മധുരാകൃതിഃ ॥ 28 ॥
ശിവശക്തിഃ പരാശക്തിഃ ശാങ്കരീ ടങ്കധാരിണീ ।
ക്രൂരകങ്കാലമാലാഢ്യാ ലങ്കാകങ്കണഭൂഷിതാ ॥ 29 ॥
ദൈത്യാപഹരാ ദീപ്താ ദാസോജ്ജ്വലകുചാഗ്രണീഃ ।
ക്ഷാന്തിഃ ക്ഷൌമങ്കരീ ബുദ്ധിര്‍ബോധാചാരപരായണാ ॥ 30 ॥
ശ്രീവിദ്യാ ഭൈരവീവിദ്യാ ഭാരതീ ഭയഘാതിനീ ।
ഭീമാ ഭീമാരവാ ഭൈമീ ഭങ്ഗുരാ ക്ഷണഭങ്ഗുരാ ॥ 31 ॥
ജിത്യാ പിനാകഭൃത് സൈന്യാ ശങ്ഖിനീ ശങ്ഖരൂപിണീ ।
ദേവാങ്ഗനാ ദേവമാന്യാ ദൈത്യസൂര്‍ദൈത്യമര്‍ദിനീ ॥ 32 ॥
ദേവകന്യാ ച പൌലോമീ രതിഃ സുന്ദരദോസ്തടീ ।
സുഖിനീ ശൌകിനീ ശൌക്ലീ സര്‍വസൌഖ്യവിവര്‍ധിനീ ॥ 33 ॥
ലോലാ ലീലാവതീ സൂക്ഷ്മാ സൂക്ഷ്മാഽസൂക്ഷ്മഗതിര്‍മതിഃ ।
വരേണ്യാ വരദാ വേണീ ശരണ്യാ ശരചാപിനീ ॥ 34 ॥
ഉഗ്രകാലീ മഹാകാലീ മഹാകാലസമര്‍ചിതാ ।
ജ്ഞാനദാ യോഗിധ്യേയാ ച ഗോവല്ലീ യോഗവര്‍ധിനീ ॥ 35 ॥
പേശലാ മധുരാ മായാ വിഷ്ണുമായാ മഹോജ്ജ്വലാ ।
വാരാണസീ തഥാഽവന്തീ കാഞ്ചീ കുക്കുരക്ഷേത്രസുഃ ॥ 36 ॥
അയോധ്യാ യോഗസൂത്രാദ്യാ യാദവേശീ യദുപ്രിയാ ।
യമഹന്ത്രീ ച യമദാ യമിനീ യോഗവര്‍തിനീ ॥ 37 ॥
ഭസ്മോജ്ജ്വലാ ഭസ്മശയ്യാ ഭസ്മകാലീസമര്‍ചിതാ ।
ചന്ദ്രികാ ശൂലിനീ ശില്യാ പ്രാശിനീ ചന്ദ്രവാസിനീ ॥ 38 ॥
പദ്മഹസ്താ ച പീനാ ച പാശിനീ പാശമോചനീ ।
സുധാകലശഹസ്താ ച സുധാമൂര്‍തിഃ സുധാമയീ ॥ 39 ॥
വ്യൂഹായുധാ വരാരോഹാ വരധാത്രീ വരോത്തമാ ।
പാപാശനാ മഹാമൂര്‍താ മോഹദാ മധുരസ്വരാ ॥ 40 ॥
മധുപാ മാധവീ മാല്യാ മല്ലികാ കാലികാ മൃഗീ ।
മൃഗാക്ഷീ മൃഗരാജസ്ഥാ കേശികീനാശഘാതിനീ ॥ 41 ॥
രക്താംബരധരാ രാത്രിഃ സുകേശീ സുരനായികാ ।
സൌരഭീ സുരഭിഃ സൂക്ഷ്മാ സ്വയംഭൂകുസുമാര്‍ചിതാ ॥ 42 ॥
അംബാ ജൃംഭാ ജടാഭൂഷാ ജൂടിനീ ജടിനീ നടീ ।
മര്‍മാനന്ദദാ ജ്യേഷ്ഠാ ശ്രേഷ്ഠാ കാമേഷ്ടവര്‍ദ്ധിനീ ॥ 43 ॥
രൌദ്രീ രുദ്രസ്തനാ രുദ്രാ ശതരുദ്രാ ച ശാംഭവീ ।
ശ്രവിഷ്ഠാ ശിതികണ്ഠേശീ വിമലാനന്ദവര്‍ധിനീ ॥ 44 ॥
കപര്‍ദിനീ കല്‍പലതാ മഹാപ്രലയകാരിണീ ।
മഹാകല്‍പാന്തസംഹൃഷ്ഠാ മഹാകല്‍പക്ഷയങ്കരീ ॥ 45 ॥
സംവര്‍താഗ്നിപ്രഭാ സേവ്യാ സാനന്ദാഽഽനന്ദവര്‍ധിനീ ।
സുരസേനാ ച മാരേശീ സുരാക്ഷീ വിവരോത്സുകാ ॥ 46 ॥
പ്രാണേശ്വരീ പവിത്രാ ച പാവനീ ലോകപാവനീ ।
ലോകധാത്രീ മഹാശുക്ലാ ശിശിരാചലകന്യകാ ॥ 47 ॥
തമോഘ്നീ ധ്വാന്തസംഹര്‍ത്രീ യശോദാ ച യശസ്വിനീ ।
പ്രദ്യോതിനീ ച ദ്യുമതീ ധീമതീ ലോകചര്‍ചിതാ ॥ 48 ॥
പ്രണവേശീ പരഗതിഃ പാരാവാരസുതാ സമാ ।
ഡാകിനീ ശാകിനീ രുദ്ധാ നീലാ നാഗാങ്ഗനാ നുതിഃ ॥ 49 ॥
കുന്ദദ്യുതിശ്ച കുരടാ കാന്തിദാ ഭ്രാന്തിദാ ഭ്രമാ ।
ചര്‍വിതാചര്‍വിതാ ഗോഷ്ഠീ ഗജാനനസമര്‍ചിതാ ॥ 50 ॥
ഖഗേശ്വരീ ഖനീലാ ച നാഗിനീ ഖഗവാഹിനീ ।
ചന്ദ്രാനനാ മഹാരുണ്ഡാ മഹോഗ്രാ മീനകന്യകാ ॥ 51 ॥
മാനപ്രദാ മഹാരൂപാ മഹാമാഹേശ്വരീപ്രിയാ ।
മരുദ്ഗണാ മഹദ്വക്ത്രാ മഹോരഗാ ഭയാനകാ ॥ 52 ॥
മഹാഘോണാ കരേശാനീ മാര്‍ജാരീ മന്‍മഥോജ്ജ്വലാ ।
കര്‍ത്രീ ഹന്ത്രീ പാലയിത്രീ ചണ്ഡമുണ്ഡനിഷൂദിനീ ॥ 53 ॥
നിര്‍മലാ ഭാസ്വതീ ഭീമാ ഭദ്രികാ ഭീമവിക്രമാ ।
ഗങ്ഗാ ചന്ദ്രാവതീ ദിവ്യാ ഗോമതീ യമുനാ നദീ ॥ 54 ॥
വിപാശാ സരയൂസ്താപീ വിതസ്താ കുങ്കുമാര്‍ചിതാ ।
ഗണ്ഡകീ നര്‍മദാ ഗൌരീ ചന്ദ്രഭാഗാ സരസ്വതീ ॥ 55 ॥
ഐരാവതീ ച കാവേരീ ശതാഹ്രവാ ച ശതഹ്രദാ ।
ശ്വേതവാഹനസേവ്യാ ച ശ്വേതാസ്യാ സ്മിതഭാവിനീ ॥ 56 ॥
കൌശാംബീ കോശദാ കോശ്യാ കാശ്മീരകനകേലിനീ ।
കോമലാ ച വിദേഹാ ച പൂഃ പുരീ പുരസൂദിനീ ॥ 57 ॥
പൌരൂരവാ പലാപാലീ പീവരാങ്ഗീ ഗുരുപ്രിയാ ।
പുരാരിഗൃഹിണീ പൂര്‍ണാ പൂര്‍ണരൂപാ രജസ്വലാ ॥ 58 ॥
സമ്പൂര്‍ണചന്ദ്രവദനാ ബാലചന്ദ്രസമദ്യുതിഃ ।
രേവതീ പ്രേയസീ രേവാ ചിത്രാ ചിത്രാംബരാ ചമൂഃ ॥ 59 ॥
നവപുഷ്പസമുദ്ഭൂതാ നവപുഷ്പൈകഹാരിണീ ।
നവപുഷ്പശുഭാമാലാ നവപുഷ്പകുലാനനാ ॥ 60 ॥
നവപുഷ്പോദ്ഭവപ്രീതാ നവപുഷ്പസമാശ്രയാ ।
നവപുഷ്പലലത്കേശാ നവപുഷ്പലലന്‍മുഖാ ॥ 61 ॥
നവപുഷ്പലലത്കര്‍ണാ നവപുഷ്പലലത്കടിഃ ।
നവപുഷ്പലലന്നേത്രാ നവപുഷ്പലലന്നസാ ॥ 62 ॥
നവപുഷ്പസമാകാരാ നവപുഷ്പലലദ്ഭുജാ ।
നവപുഷ്പലലത്കണ്ഠാ നവപുഷ്പാര്‍ചിതസ്തനീ ॥ 63 ॥
നവപുഷ്പലലന്‍മധ്യാ നവപുഷ്പകുലാലകാ ।
നവപുഷ്പലലന്നാഭിഃ നവപുഷ്പലലത്ഭഗാ ॥ 64 ॥
നവപുഷ്പലലത്പാദാ നവപുഷ്പകുലാങ്ഗനീ ।
നവപുഷ്പഗുണോത്പീഠാ നവപുഷ്പോപശോഭിതാ ॥ 65 ॥
നവപുഷ്പപ്രിയോപേതാ പ്രേതമണ്ഡലമധ്യഗാ ।
പ്രേതാസനാ പ്രേതഗതിഃ പ്രേതകുണ്ഡലഭൂഷിതാ ॥ 66 ॥
പ്രേതബാഹുകരാ പ്രേതശയ്യാ ശയനശായിനീ ।
കുലാചാരാ കുലേശാനീ കുലകാ കുലകൌലിനീ ॥ 67 ॥
സ്മശാനഭൈരവീ കാലഭൈരവീ ശിവഭൈരവീ ।
സ്വയംഭൂഭൈരവീ വിഷ്ണുഭൈരവീ സുരഭൈരവീ ॥ 68 ॥
കുമാരഭൈരവീ ബാലഭൈരവീ രുരുഭൈരവീ ।
ശശാങ്കഭൈരവീ സൂര്യഭൈരവീ വഹ്നിഭൈരവീ ॥ 69 ॥
ശോഭാദിഭൈരവീ മായാഭൈരവീ ലോകഭൈരവീ ।
മഹോഗ്രഭൈരവീ സാധ്വീഭൈരവീ മൃതഭൈരവീ ॥ 70 ॥
സമ്മോഹഭൈരവീ ശബ്ദഭൈരവീ രസഭൈരവീ ।
സമസ്തഭൈരവീ ദേവീ ഭൈരവീ മന്ത്രഭൈരവീ ॥ 71 ॥
സുന്ദരാങ്ഗീ മനോഹന്ത്രീ മഹാശ്മശാനസുന്ദരീ ।
സുരേശസുന്ദരീ ദേവസുന്ദരീ ലോകസുന്ദരീ ॥ 72 ॥
ത്രൈലോക്യസുന്ദരീ ബ്രഹ്മസുന്ദരീ വിഷ്ണുസുന്ദരീ ।
ഗിരീശസുന്ദരീ കാമസുന്ദരീ ഗുണസുന്ദരീ ॥ 73 ॥
ആനന്ദസുന്ദരീ വക്ത്രസുന്ദരീ ചന്ദ്രസുന്ദരീ ।
ആദിത്യസുന്ദരീ വീരസുന്ദരീ വഹ്നിസുന്ദരീ ॥ 74 ॥
പദ്മാക്ഷസുന്ദരീ പദ്മസുന്ദരീ പുഷ്പസുന്ദരീ ।
ഗുണദാസുന്ദരീ ദേവീ സുന്ദരീ പുരസുന്ദരീ ॥ 75 ॥
മഹേശസുന്ദരീ ദേവീ മഹാത്രിപുരസുന്ദരീ ।
സ്വയംഭൂസുന്ദരീ ദേവീ സ്വയംഭൂപുഷ്പസുന്ദരീ ॥ 76 ॥
ശുക്രൈകസുന്ദരീ ലിങ്ഗസുന്ദരീ ഭഗസുന്ദരീ ।
വിശ്വേശസുന്ദരീ വിദ്യാസുന്ദരീ കാലസുന്ദരീ ॥ 77 ॥
ശുക്രേശ്വരീ മഹാശുക്രാ ശുക്രതര്‍പണതര്‍പിതാ ।
ശുക്രോദ്ഭവാ ശുക്രരസാ ശുക്രപൂജനതോഷിതാ ॥ 78 ॥
ശുക്രാത്മികാ ശുക്രകരീ ശുക്രസ്നേഹാ ച ശുക്രിണീ ।
ശുക്രസേവ്യാ ശുക്രസുരാ ശുക്രലിപ്താ മനോന്‍മനാ ॥ 79 ॥
ശുക്രഹാരാ സദാശുക്രാ ശുക്രരൂപാ ച ശുക്രജാ ।
ശുക്രസൂഃ ശുക്രരംയാങ്ഗീ ശുക്രാംശുകവിവര്‍ധിനീ ॥ 80 ॥
ശുക്രോത്തമാ ശുക്രപൂജാ ശുക്രേശീ ശുക്രവല്ലഭാ ।
ജ്ഞാനേശ്വരീ ഭഗോത്തുങ്ഗാ ഭഗമാലാവിഹാരിണീ ॥ 81 ॥
ഭഗലിങ്ഗൈകരസികാ ലിങ്ഗിനീ ഭഗമാലിനീ ।
ബൈന്ദവേശീ ഭഗാകാരാ ഭഗലിങ്ഗാദിശുക്രസൂഃ ॥ 82 ॥
വാത്യാലീ വനിതാ വാത്യാരൂപിണീ മേഘമാലിനീ ।
ഗുണാശ്രയാ ഗുണവതീ ഗുണഗൌരവസുന്ദരീ ॥ 83 ॥
പുഷ്പതാരാ മഹാപുഷ്പാ പുഷ്ടിഃ പരമലാഘവീ ।
സ്വയംഭൂപുഷ്പസങ്കാശാ സ്വയംഭൂപുഷ്പപൂജിതാ ॥ 84 ॥
സ്വയംഭൂകുസുമന്യാസാ സ്വയംഭൂകുസുമാര്‍ചിതാ ।
സ്വയംഭൂപുഷ്പസരസീ സ്വയംഭൂപുഷ്പപുഷ്പിണീ ॥ 85 ॥
ശുക്രപ്രിയാ ശുക്രരതാ ശുക്രമജ്ജനതത്പരാ ।
അപാനപ്രാണരൂപാ ച വ്യാനോദാനസ്വരൂപിണീ ॥ 86 ॥
പ്രാണദാ മദിരാ മോദാ മധുമത്താ മദോദ്ധതാ ।
സര്‍വാശ്രയാ സര്‍വഗുണാഽവ്യസ്ഥാ സര്‍വതോമുഖീ ॥ 87 ॥
നാരീപുഷ്പസമപ്രാണാ നാരീപുഷ്പസമുത്സുകാ ।
നാരീപുഷ്പലതാ നാരീ നാരീപുഷ്പസ്രജാര്‍ചിതാ ॥ 88 ॥
ഷഡ്ഗുണാ ഷഡ്ഗുണാതീതാ ശശിനഃഷോഡശീകലാ ।
ചതുര്‍ഭുജാ ദശഭുജാ അഷ്ടാദശഭുജാ തഥാ ॥ 89 ॥
ദ്വിഭുജാ ചൈക ഷട്കോണാ ത്രികോണനിലയാശ്രയാ ।
സ്രോതസ്വതീ മഹാദേവീ മഹാരൌദ്രീ ദുരന്തകാ ॥ 90 ॥
ദീര്‍ഘനാസാ സുനാസാ ച ദീര്‍ഘജിഹ്വാ ച മൌലിനീ ।
സര്‍വാധാരാ സര്‍വമയീ സാരസീ സരലാശ്രയാ ॥ 91 ॥
സഹസ്രനയനപ്രാണാ സഹസ്രാക്ഷസമര്‍ചിതാ ।
സഹസ്രശീര്‍ഷാ സുഭടാ ശുഭാക്ഷീ ദക്ഷപുത്രിണീ ॥ 92 ॥
ഷഷ്ടികാ ഷഷ്ടിചക്രസ്ഥാ ഷഡ്വര്‍ഗഫലദായിനീ ।
അദിതിര്‍ദിതിരാത്മാ ശ്രീരാദ്യാ ചാങ്കഭചക്രിണീ ॥ 93 ॥
ഭരണീ ഭഗബിംബാക്ഷീ കൃത്തികാ ചേക്ഷ്വസാദിതാ ।
ഇനശ്രീ രോഹിണീ ചേഷ്ടിഃ ചേഷ്ടാ മൃഗശിരോധരാ ॥ 94 ॥
ഈശ്വരീ വാഗ്ഭവീ ചാന്ദ്രീ പൌലോമീ മുനിസേവിതാ ।
ഉമാ പുനര്‍ജയാ ജാരാ ചോഷ്മരുന്ധാ പുനര്‍വസുഃ ॥ 95 ॥
ചാരുസ്തുത്യാ തിമിസ്ഥാന്തീ ജാഡിനീ ലിപ്തദേഹിനീ ।
ലിഢ്യാ ശ്ലേഷ്മതരാശ്ലിഷ്ടാ മഘവാര്‍ചിതപാദുകീ ॥ 96 ॥
മഘാമോഘാ തഥൈണാക്ഷീ ഐശ്വര്യപദദായിനീ ।
ഐങ്കാരീ ചന്ദ്രമുകുടാ പൂര്‍വാഫാല്‍ഗുനികീശ്വരീ ॥ 97 ॥
ഉത്തരാഫല്‍ഗുഹസ്താ ച ഹസ്തിസേവ്യാ സമേക്ഷണാ ।
ഓജസ്വിനീ തഥോത്സാഹാ ചിത്രിണീ ചിത്രഭൂഷണാ ॥ 98 ॥
അംഭോജനയനാ സ്വാതിഃ വിശാഖാ ജനനീ ശിഖാ ।
അകാരനിലയാധാരാ നരസേവ്യാ ച ജ്യേഷ്ടദാ ॥ 99 ॥
മൂലാ പൂര്‍വാഷാഢേശീ ചോത്തരാഷാഢ്യാവനീ തു സാ ।
ശ്രവണാ ധര്‍മിണീ ധര്‍ംയാ ധനിഷ്ഠാ ച ശതഭിഷക് ॥ 100 ॥
പൂര്‍വഭാദ്രപദസ്ഥാനാഽപ്യാതുരാ ഭദ്രപാദിനീ ।
രേവതീരമണസ്തുത്യാ നക്ഷത്രേശസമര്‍ചിതാ ॥ 101 ॥
കന്ദര്‍പദര്‍പിണീ ദുര്‍ഗാ കുരുകുല്ലകപോലിനീ ।
കേതകീകുസുമസ്നിഗ്ധാ കേതകീകൃതഭൂഷണാ ॥ 102 ॥
കാലികാ കാലരാത്രിശ്ച കുടുംബജനതര്‍പിതാ ।
കഞ്ജപത്രാക്ഷിണീ കല്യാരോപിണീ കാലതോഷിതാ ॥ 103 ॥
കര്‍പൂരപൂര്‍ണവദനാ കചഭാരനതാനനാ ।
കലാനാഥകലാമൌലിഃ കലാ കലിമലാപഹാ ॥ 104 ॥
കാദംബിനീ കരിഗതിഃ കരിചക്രസമര്‍ചിതാ ।
കഞ്ജേശ്വരീ കൃപാരൂപാ കരുണാമൃതവര്‍ഷിണീ ॥ 105 ॥
ഖര്‍ബാ ഖദ്യോതരൂപാ ച ഖേടേശീ ഖഡ്ഗധാരിണീ ।
ഖദ്യോതചഞ്ചലാ കേശീ ഖേചരീ ഖേചരാര്‍ചിതാ ॥ 106 ॥
ഗദാധാരീ മഹാഗുര്‍വീ ഗുരുപുത്രാ ഗുരുപ്രിയാ ।
ഗീതവാദ്യപ്രിയാ ഗാഥാ ഗജവക്ത്രപ്രസൂഗതിഃ ॥ 107 ॥
ഗരിഷ്ഠഗണപൂജ്യാ ച ഗൂഢഗുല്‍ഫാ ഗജേശ്വരീ ।
ഗണമാന്യാ ഗണേശാനീ ഗാണാപത്യഫലപ്രദാ ॥ 108 ॥
ഘര്‍മാംശുനയനാ ഘര്‍ംയാ ഘോരാ ഘുര്‍ഘുരനാദിനീ ।
ഘടസ്തനീ ഘടാകാരാ ഘുസൃണോല്ലസിതസ്തനീ ॥ 109 ॥
ഘോരാരവാ ഘോരമുഖീ ഘോരദൈത്യനിബര്‍ഹിണീ ।
ഘനച്ഛായാ ഘനദ്യുതിഃ ഘനവാഹനപൂജിതാ ॥ 110 ॥
ടവകോടേശരൂപാ ച ചതുരാ ചതുരസ്തനീ ।
ചതുരാനനപൂജ്യാ ച ചതുര്‍ഭുജസമര്‍ചിതാ ॥ 111 ॥
ചര്‍മാംബരാ ചരഗതിഃ ചതുര്‍വേദമയീ ചലാ ।
ചതുഃസമുദ്രശയനാ ചതുര്‍ദശസുരാര്‍ചിതാ ॥ 112 ॥
ചകോരനയനാ ചമ്പാ ചമ്പാബകുലകുന്തലാ ।
ച്യുതചീരാംബരാ ചാരുമൂര്‍തിശ്ചമ്പകമാലിനീ ॥ 113 ॥
ഛായാ ഛദ്മകരീ ഛില്ലീ ഛോടികാ ഛിന്നമസ്തകാ ।
ഛിന്നശീര്‍ഷാ ഛിന്നനാസാ ഛിന്നവസ്ത്രവരൂഥിനീ ॥ 114 ॥
ഛന്ദിപത്രാ ഛന്നഛല്‍കാ ഛാത്രമന്ത്രാനുഗ്രാഹിണീ ।
ഛദ്മിനീ ഛദ്മനിരതാ ഛദ്മസദ്മനിവാസിനീ ॥ 115 ॥
ഛായാസുതഹരാ ഹവ്യാ ഛലരൂപാ സമുജ്ജ്വലാ ।
ജയാ ച വിജയാ ജേയാ ജയമണ്ഡലമണ്ഡിതാ ॥ 116 ॥
ജയനാഥപ്രിയാ ജപ്യാ ജയദാ ജയവര്‍ധിനീ ।
ജ്വാലാമുഖീ മഹാജ്വാലാ ജഗത്ത്രാണപരായണാ ॥ 117 ॥
ജഗദ്ധാത്രീ ജഗദ്ധര്‍ത്ത്രീ ജഗതാമുപകാരിണീ ।
ജാലന്ധരീ ജയന്തീ ച ജംഭാരാതിവരപ്രദാ ॥ 118 ॥
ഝില്ലീ ഝാങ്കാരമുഖരാ ഝരീ ഝങ്കാരിതാ തഥാ ।
ഞനരൂപാ മഹാഞമീ ഞഹസ്താ ഞിവലോചനാ ॥ 119 ॥
ടങ്കാരകാരിണീ ടീകാ ടികാ ടങ്കായുധപ്രിയാ ।
ഠുകുരാങ്ഗീ ഠലാശ്രയാ ഠകാരത്രയഭൂഷണാ ॥ 120 ॥
ഡാമരീ ഡമരൂപ്രാന്താ ഡമരൂപ്രഹിതോന്‍മുഖീ ।
ഢിലീ ഢകാരവാ ചാടാ ഢഭൂഷാ ഭൂഷിതാനനാ ॥ 121 ॥
ണാന്താ ണവര്‍ണസംയുക്താ ണേയാഽണേയവിനാശിനീ ।
തുലാ ത്ര്യക്ഷാ ത്രിനയനാ ത്രിനേത്രവരദായിനീ ॥ 122 ॥
താരാ താരവയാ തുല്യാ താരവര്‍ണസമന്വിതാ ।
ഉഗ്രതാരാ മഹാതാരാ തോതുലാഽതുലവിക്രമാ ॥ 123 ॥
ത്രിപുരാ ത്രിപുരേശാനീ ത്രിപുരാന്തകരോഹിണീ ।
തന്ത്രൈകനിലയാ ത്ര്യസ്രാ തുഷാരാംശുകലാധരാ ॥ 124 ॥
തപഃ പ്രഭാവദാ തൃഷ്ണാ തപസാ താപഹാരിണീ ।
തുഷാരപരിപൂര്‍ണാസ്യാ തുഹിനാദ്രിസുതാ തു സാ ॥ 125 ॥
താലായുധാ താര്‍ക്ഷ്യവേഗാ ത്രികൂടാ ത്രിപുരേശ്വരീ ।
ഥകാരകണ്ഠനിലയാ ഥാല്ലീ ഥല്ലീ ഥവര്‍ണജാ ॥ 126 ॥
ദയാത്മികാ ദീനരവാ ദുഃഖദാരിദ്രയനാശിനീ ।
ദേവേശീ ദേവജനനീ ദശവിദ്യാ ദയാശ്രയാ ॥ 127 ॥
ദ്യുനദീ ദൈത്യസംഹര്‍ത്രീ ദൌര്‍ഭാഗ്യപദനാശിനീ ।
ദക്ഷിണാ കാലികാ ദക്ഷാ ദക്ഷയജ്ഞവിനാശിനീ ॥ 128 ॥
ദാനവാ ദാനവേന്ദ്രാണീ ദാന്താ ദംഭവിവര്‍ജിതാ ।
ദധീചീവരദാ ദുഷ്ടദൈത്യദര്‍പാപഹാരിണീ ॥ 129 ॥
ദീര്‍ഘനേത്രാ ദീര്‍ഘകചാ ദുഷ്ടാരപദസംസ്ഥിതാ ।
ധര്‍മധ്വജാ ധര്‍മമയീ ധര്‍മരാജവരപ്രദാ ॥ 130 ॥
ധനേശ്വരീ ധനിസ്തുത്യാ ധനാധ്യക്ഷാ ധനാത്മികാ ।
ധീര്‍ധ്വനിര്‍ധവലാകാരാ ധവലാംഭോജധാരിണീ ॥ 131 ॥
ധീരസൂര്‍ധാരിണീ ധാത്രീ പൂഃ പുനീ ച പുനീസ്തു സാ ।
നവീനാ നൂതനാ നവ്യാ നലിനായതലോചനാ ॥ 132 ॥
നരനാരായണസ്തുത്യാ നാഗഹാരവിഭൂഷണാ ।
നവേന്ദുസന്നിഭാ നാംനാ നാഗകേസരമാലിനീ ॥ 133 ॥
നൃവന്ദ്യാ നഗരേശാനീ നായികാ നായകേശ്വരീ ।
നിരക്ഷരാ നിരാലംബാ നിര്ലോഭാ നിരയോനിജാ ॥ 134 ॥
നന്ദജാഽനങ്ഗദര്‍പാഢ്യാ നികന്ദാ നരമുണ്ഡിനീ ।
നിന്ദാഽഽനിന്ദഫലാ നിഷ്ഠാ നന്ദകര്‍മപരായണാ ॥ 135 ॥
നരനാരീഗുണപ്രീതാ നരമാലാവിഭൂഷണാ ।
പുഷ്പായുധാ പുഷ്പമാലാ പുഷ്പബാണാ പ്രിയംവദാ ॥ 136 ॥
പുഷ്പബാണപ്രിയങ്കരീ പുഷ്പധാമവിഭൂഷിതാ ।
പുണ്യദാ പൂര്‍ണിമാ പൂതാ പുണ്യകോടിഫലപ്രദാ ॥ 137 ॥
പുരാണാഗമമന്ത്രാഢ്യാ പുരാണപുരുഷാകൃതിഃ ।
പുരാണഗോചരാ പൂര്‍വാ പരബ്രഹ്മസ്വരൂപിണീ ॥ 138 ॥
പരാപരരഹസ്യാങ്ഗാ പ്രഹ്ലാദപരമേശ്വരീ ।
ഫാല്‍ഗുനീ ഫാല്‍ഗുണപ്രീതാ ഫണിരാജസമര്‍ചിതാ ॥ 139 ॥
ഫണപ്രദാ ഫണേശീ ച ഫണാകാരാ ഫലോത്തമാ ।
ഫണിഹാരാ ഫണിഗതിഃ ഫണികാഞ്ചീ ഫലാശനാ ॥ 140 ॥
ബലദാ ബാല്യരൂപാ ച ബാലരാക്ഷരമന്ത്രിതാ ।
ബ്രഹ്മജ്ഞാനമയീ ബ്രഹ്മവാഞ്ഛാ ബ്രഹ്മപദപ്രദാ ॥ 141 ॥
ബ്രഹ്മാണീ ബൃഹതിര്‍വ്രീഡാ ബ്രഹ്മാവര്‍തപ്രവര്‍തനീ ।
ബ്രഹ്മരൂപാ പരാവ്രജ്യാ ബ്രഹ്മമുണ്ഡൈകമാലിനീ ॥ 142 ॥
ബിന്ദുഭൂഷാ ബിന്ദുമാതാ ബിംബോഷ്ഠീ ബഗുലാമുഖീ ।
ബ്രഹ്മാസ്ത്രവിദ്യാ ബ്രഹ്മാണീ ബ്രഹ്മാഽച്യുതനമസ്കൃതാ ॥ 143 ॥
ഭദ്രകാലീ സദാഭദ്രീ ഭീമേശീ ഭുവനേശ്വരീ ।
ഭൈരവാകാരകല്ലോലാ ഭൈരവീ ഭൈരവാര്‍ചിതാ ॥ 144 ॥
ഭാനവീ ഭാസുദാംഭോജാ ഭാസുദാസ്യഭയാര്‍തിഹാ ।
ഭീഡാ ഭാഗീരഥീ ഭദ്രാ സുഭദ്രാ ഭദ്രവര്‍ധിനീ ॥ 145 ॥
മഹാമായാ മഹാശാന്താ മാതങ്ഗീ മീനതര്‍പിതാ ।
മോദകാഹാരസന്തുഷ്ടാ മാലിനീ മാനവര്‍ധിനീ ॥ 146 ॥
മനോജ്ഞാ ശഷ്കുലീകര്‍ണാ മായിനീ മധുരാക്ഷരാ ।
മായാബീജവതീ മാനീ മാരീഭയനിസൂദിനീ ॥ 147 ॥
മാധവീ മന്ദഗാ മാധ്വീ മദിരാരുണലോചനാ ।
മഹോത്സാഹാ ഗണോപേതാ മാനനീയാ മഹര്‍ഷിഭിഃ ॥ 148 ॥
മത്തമാതങ്ഗാ ഗോമത്താ മന്‍മഥാരിവരപ്രദാ ।
മയൂരകേതുജനനീ മന്ത്രരാജവിഭൂഷിതാ ॥ 149 ॥
യക്ഷിണീ യോഗിനീ യോഗ്യാ യാജ്ഞികീ യോഗവല്ലഭാ ।
യശോവതീ യശോധാത്രീ യക്ഷഭൂതദയാപരാ ॥ 150 ॥
യമസ്വസാ യമജ്ഞീ ച യജമാനവരപ്രദാ ।
രാത്രീ രാത്രിഞ്ചരജ്ഞീ ച രാക്ഷസീ രസികാ രസാ ॥ 151 ॥
രജോവതീ രതിഃ ശാന്തീ രാജമാതങ്ഗിനീ പരാ ।
രാജരാജേശ്വരീ രാജ്ഞീ രസാസ്വാദവിചക്ഷണാ ॥ 152 ॥
ലലനാ നൂതനാകാരാ ലക്ഷ്മീനാഥസമര്‍ചിതാ ।
ലക്ഷ്മീശ്ച സിദ്ധലക്ഷ്മീശ്ച മഹാലക്ഷ്മീ ലലദ്രസാ ॥ 153 ॥
ലവങ്ഗകുസുമപ്രീതാ ലവങ്ഗഫലതോഷിതാ ।
ലാക്ഷാരുണാ ലലത്യാ ച ലാങ്ഗൂലീ വരദയിനീ ॥ 154 ॥
വാതാത്മജപ്രിയാ വീര്യാ വരദാ വാനരേശ്വരീ ।
വിജ്ഞാനകാരിണീ വേണ്യാ വരദാ വരദേശ്വരീ ॥ 155 ॥
വിദ്യാവതീ വൈദ്യമാതാ വിദ്യാഹാരവിഭൂഷണാ ।
വിഷ്ണുവക്ഷസ്ഥലസ്ഥാ ച വാമദേവാങ്ഗവാസിനീ ॥ 156 ॥
വാമാചാരപ്രിയാ വല്ലീ വിവസ്വത്സോമദായിനീ ।
ശാരദാ ശാരദാംഭോജവാരിണീ ശൂലധാരിണീ ॥ 157 ॥
ശശാങ്കമുകുടാ ശഷ്പാ ശേഷശായീനമസ്കൃതാ ।
ശ്യാമാ ശ്യാമാംബരാ ശ്യാമമുഖീ ശ്രീപതിസേവിതാ ॥ 158 ॥
ഷോഡശീ ഷഡ്രസാ ഷഡ്ജാ ഷഡാനനപ്രിയങ്കരീ ।
ഷഡങ്ഘ്രികൂജിതാ ഷഷ്ടിഃ ഷോഡശാംബരപൂജിതാ ॥ 159 ॥
ഷോഡശാരാബ്ജനിലയാ ഷോഡശീ ഷോഡശാക്ഷരീ ।
സൌംബീജമണ്ഡിതാ സര്‍വാ സര്‍വഗാ സര്‍വരൂപിണീ ॥ 160 ॥
സമസ്തനരകത്രാതാ സമസ്തദുരിതാപഹാ ।
സമ്പത്കരീ മഹാസമ്പത് സര്‍വദാ സര്‍വതോമുഖീ ॥ 161 ॥
സൂക്ഷ്മാകരീ സതീ സീതാ സമസ്തഭുവനാശ്രയാ ।
സര്‍വസംസ്കാരസമ്പത്തിഃ സര്‍വസംസ്കാരവാസനാ ॥ 162 ॥
ഹരിപ്രിയാ ഹരിസ്തുത്യാ ഹരിവാഹാ ഹരീശ്വരീ ।
ഹാലാപ്രിയാ ഹലിമുഖീ ഹാടകേശീ ഹൃദേശ്വരീ ॥ 163 ॥
ഹ്രീംബീജവര്‍ണമുകുടാ ഹ്രീം ഹരപ്രിയകാരിണീ ।
ക്ഷമാ ക്ഷാന്താ ച ക്ഷോണീ ച ക്ഷത്രിയീ മന്ത്രരൂപിണീ ॥ 164 ॥
പഞ്ചാത്മികാ പഞ്ചവര്‍ണാ പഞ്ചതിഗ്മസുഭേദിനീ ।
മുക്തിദാ മുനിവൃന്ദേശീ ശാണ്ഡില്യവരദായിനീ ॥ 165 ॥
ഓം ഹ്രീം ഐം ഹ്രീം ച പഞ്ചാര്‍ണദേവതാ ശ്രീസരസ്വതീ ।
ഓം സൌം ഹ്രീം ശ്രീം ശരദ്ബീജശീര്‍ഷാ നീലസരസ്വതീ ॥ 166 ॥
ഓം ഹ്രീം ക്ലീം സഃ നമോ ഹ്രീം ഹ്രീം സ്വാഹാ ബീജാ ച ശാരദാ ॥ 167 ॥
॥ ഫലശ്രുതിഃ ॥
ശാരദാനാമസാഹസ്രമന്ത്രം ശ്രീഭൈരവോദിതം ।
ഗുഹ്യം മന്ത്രാത്മകം പുണ്യം സര്‍വസ്വം ത്രിദിവൌകസാം ॥ 1 ॥
യഃ പഠേത്പാഠയേദ്വാപി ശ‍ൃണുയാച്ഛ്രാവയേദപി ।
ദിവാ രാത്രൌ ച സന്ധ്യായാം പ്രഭാതേ ച സദാ പുമാന്‍ ॥ 2 ॥
ഗോഗജാശ്വരഥൈഃ പൂര്‍ണം ഗേഹം തസ്യ ഭവിഷ്യതി ।
ദാസീ ദാസജനൈഃ പൂര്‍ണം പുത്രപൌത്രസമാകുലം ॥ 3 ॥
ശ്രേയസ്കരം സദാ ദേവീ സാധകാനാം യശസ്കരം ।
പഠേന്നാമസഹസ്രം തു നിശീഥേ സാധകോത്തമഃ ॥ 4 ॥
സര്‍വരോഗപ്രശമനം സര്‍വദുഃഖനിവാരണം ।
പാപരോഗാദിദുഷ്ടാനാം സഞ്ജീവനിഫലപ്രദം ॥ 5 ॥
യഃ പഠേദ്ഭക്തിയുക്തസ്തു മുക്തകേശോ ദിഗംബരഃ ।
സര്‍വാഗമേ സഃ പൂജ്യഃ സ്യാത്സവിഷ്ണുഃ സമഹേശ്വരഃ ॥ 6 ॥
ബൃഹസ്പതിസമോ വാചി നീത്യാ ശങ്കരസന്നിഭഃ ।
ഗത്യാ പവനസങ്കാശോ മത്യാ ശുക്രസമോഽപി ച ।
തേജസാ ദിവ്യസങ്കാശോ രൂപേണ മകരധ്വജഃ ॥ 7 ॥
ജ്ഞാനേന ച ശുകോ ദേവി ചായുഷാ ഭൃഗുനന്ദനഃ ।
സാക്ഷാത് സ പരമേശാനി പ്രഭുത്വേന സുരാധിപഃ ॥ 8 ॥
വിദ്യാധിഷണയാ കീര്‍ത്യാ രാമോ രാമോ ബലേന ച ।
സ ദീര്‍ഘായുഃ സുഖീ പുത്രീ വിജയീ വിഭവീ വിഭുഃ ॥ 9 ॥
നാന്യചിന്താ പ്രകര്‍തവ്യാ നാന്യചിന്താ കദാചന ॥ 10 ॥
വാതസ്തംഭം ജലസ്തംഭം ചൌരസ്തംഭം മഹേശ്വരി ।
വഹ്നിശൈത്യം കരോത്യേവ പഠനം ചാസ്യ സുന്ദരി ॥ 11 ॥
സ്തംഭയേദപി ബ്രഹ്മാണം മോഹയദപി ശങ്കരം ।
വശ്യയേദപി രാജാനം ശമയേദ്ധവ്യവാഹനം ॥ 12 ॥
ആകര്‍ഷയേദ്ദേവകന്യാം ഉച്ചാടയതി വൈരിണം ।
മാരയേദപകീര്‍തിം ച സംവശ്യേച്ച ചതുര്‍ഭുജം ॥ 13 ॥
കിം കിം ന സാധയേദേവം മന്ത്രനാമസഹസ്രകം ।
ശരത്കാലേ നിശീഥേ ച ഭൌമേ ശക്തിസമന്വിതഃ ॥ 14 ॥
പഠേന്നാമസഹസ്രം ച സാധകഃ കിം ന സാധയേത് ।
അഷ്ടംയാമാശ്വമാസേ തു മധ്യാഹ്നേ മൂര്‍തിസന്നിധൌ ॥ 15 ॥
പഠേന്നാമസഹസ്രം തു മുക്തകേശോ ദിഗംബരഃ ।
സുദര്‍ശനോ ഭവേദാശു സാധകഃപര്‍വതാത്മജേ ॥ 16 ॥
അഷ്ടംയാം സര്‍വരാത്രം തു കുങ്കുമേന ച ചന്ദനൈഃ ।
രക്തചന്ദനയുക്തേന കസ്തൂര്യാ ചാപി പാവകൈഃ ॥ 17 ॥
മൃഗനാഭിര്‍മനഃശിലാകല്‍കയുക്തേനവാരിണാ ।
ലിഖേദ്ഭൂര്‍ജേ ജപേന്‍മന്ത്രം സാധകോ ഭക്തിപൂര്‍വകം ॥ 18 ॥
ധാരയേന്‍മൂര്‍ധ്നി വാ ബാഹൌ യോഷിദ്വാമകരേ ശിവേ ।
രണേ രിപൂന്വിജിത്യാശു മാതങ്ഗാനിവ കേസരീ ॥ 19 ॥
സ്വഗൃഹം ക്ഷണമായാതി കല്യാണി സാധകോത്തമഃ ।
വന്ധ്യാ വാമഭുജേ ധൃത്വാ ചതുര്‍ഥേഽഹനി പാര്‍വതി ॥ 20 ॥
അമായാം രവിവാരേ യഃ പഠേത്പ്രേതാലയേ തഥാ ।
ത്രിവാരം സാധകോ ദേവി ഭവേത് സ തു കവീശ്വരഃ ॥ 21 ॥
സങ്ക്രാന്തൌ ഗ്രഹണേ വാപി പഠേന്‍മന്ത്രം നദീതടേ ।
സ ഭവേത്സര്‍വശാസ്ത്രജ്ഞോ വേദവേദാങ്ഗതത്ത്വവിത് ॥ 22 ॥
ശാരദായാ ഇദം നാംനാം സഹസ്രം മന്ത്രഗര്‍ഭകം ।
ഗോപ്യം ഗുഹ്യം സദാ ഗോപ്യം സര്‍വധര്‍മൈകസാധനം ॥ 23 ॥
മന്ത്രകോടിമയം ദിവ്യം തേജോരൂപം പരാത്പരം ।
അഷ്ടംയാം ച നവംയാം ച ചതുര്‍ദശ്യാം ദിനേ ദിനേ ॥ 24 ॥
സങ്ക്രാന്തേ മങ്ഗലൌ രാത്ര്യാം യോഽര്‍ചയേച്ഛാരദാം സുധീഃ ।
ത്രയസ്ത്രിംശത്സുകോടീനാം ദേവാനാം തു മഹേശ്വരി ॥ 25 ॥
ഈശ്വരീ ശാരദാ തസ്യ മാതേവ ഹിതകാരിണീ ।
യോ ജപേത്പഠതേ നാംനാം സഹസ്രം മനസാ ശിവേ ॥ 26 ॥
സ ഭവേച്ഛാരദാപുത്രഃ സാക്ഷാദ്ഭൈരവസന്നിഭഃ ।
ഇദം നാംനാം സഹസ്രം തു കഥിതം ഹിതകാംയയാ ॥ 27 ॥
അസ്യ പ്രഭാവമതുലം ജന്‍മജന്‍മാന്തരേഷ്വപി ।
ന ശക്യതേ മയാഽഽഖ്യാതും കോടിശോ വദനൈരപി ॥ 28 ॥
അദാതവ്യമിദം ദേവി ദുഷ്ടാനാമതിഭാഷിണാം ।
അകുലീനായ ദുഷ്ടായ ദീക്ഷാഹീനായ സുന്ദരി ॥ 29 ॥
അവക്തവ്യമശ്രോതവ്യമിദം നാമസഹസ്രകം ।
അഭക്തേഭ്യോഽപി പുത്രേഭ്യോ ന ദാതവ്യം കദാചന ॥ 30 ॥
ശാന്തായ ഗുരുഭക്തായ കുലീനായ മഹേശ്വരി ।
സ്വശിഷ്യായ പ്രദാതവ്യം ഇത്യാജ്ഞാ പരമേശ്വരി ॥ 31 ॥
ഇദം രഹസ്യം പരമം ദേവി ഭക്ത്യാ മയോദിതം ।
ഗോപ്യം രഹസ്യം ച ഗോപ്തവ്യം ഗോപനീയം സ്വയോനിവത് ॥ 32 ॥
॥ ഇതി ശ്രീരുദ്രയാമലതന്ത്രേ പാര്‍വതീപരമേശ്വരസംവാദേ
ശ്രീശാരദാസഹസ്രനാമസ്തവരാജഃ സമ്പൂര്‍ണഃ ॥