॥ Shiva Praatah Smarana Stotram Bengali Lyrics ॥
॥ শ্রীশিবপ্রাতঃস্মরণস্তোত্রম্ ॥
ওঁ
অথ শিবপ্রাতঃস্মরণস্তোত্রম্ ।
প্রাতঃ স্মরামি ভবভীতিহরং সুরেশং
গঙ্গাধরং বৃষভবাহনমম্বিকেশম্ ।
খট্বাঙ্গশূলবরদাভয়হস্তমীশং
সংসাররোগহরমৌষধমদ্বিতীয়ম্ ॥ ১ ॥
প্রাতর্নমামি গিরিশং গিরিজার্ধদেহং
সর্গস্থিতিপ্রলয়কারণমাদিদেবম্ ।
বিশ্বেশ্বরং বিজিতবিশ্বমনোঽভিরামং
সংসাররোগহরমৌষধমদ্বিতীয়ম্ ॥ ২ ॥
প্রাতর্ভজামি শিবমেকমনন্তমাদ্যং
বেদান্তবেদ্যমনঘং পুরুষং মহান্তম্ ।
নামাদিভেদরহিতং ষডভাবশূন্যং
সংসাররোগহরমৌষধমদ্বিতীয়ম্ ॥ ৩ ॥
ফলশ্রুতিঃ
প্রাতঃ সমুত্থায় শিবং বিচিন্ত্য শ্লোকাংস্ত্রয়ং যেঽনুদিনং পঠন্তি ।
তে দুঃখজাতং বহুজন্মসঞ্চিতং হিৎবা পদং যান্তি তদেব শম্ভোঃ ॥ ৪ ॥
– Chant Stotra in Other Languages –
Shiva Praatah Smarana Stotram in Sanskrit – English – Bengali – Gujarati – Kannada – Malayalam – Odia – Telugu – Tamil