॥ Mahamrityunjaya Kavacha Odia Lyrics ॥
॥ ମହାମୃତ୍ୟୁଞ୍ଜୟକବଚମ୍ ॥
ଶ୍ରୀ ଗଣେଶାୟ ନମଃ ।
ଭୈରବ ଉବାଚ ।
ଶୃଣୁଷ୍ୱ ପରମେଶାନି କବଚଂ ମନ୍ମୁଖୋଦିତମ୍ ।
ମହାମୃତ୍ୟୁଞ୍ଜୟସ୍ୟାସ୍ୟ ନ ଦେୟଂ ପରମାଦ୍ଭୁତମ୍ ॥ ୧ ॥
ଯଂ ଧୃତ୍ୱା ଯଂ ପଠିତ୍ୱା ଚ ଶ୍ରୁତ୍ୱା ଚ କବଚୋତ୍ତମମ୍ ।
ତ୍ରୈଲୋକ୍ୟାଧିପତିର୍ଭୂତ୍ୱା ସୁଖିତୋଽସ୍ମି ମହେଶ୍ୱରି ॥ ୨ ॥
ତଦେବବର୍ଣୟିଷ୍ୟାମି ତବ ପ୍ରୀତ୍ୟା ବରାନନେ ।
ତଥାପି ପରମଂ ତତ୍ୱଂ ନ ଦାତବ୍ୟଂ ଦୁରାତ୍ମନେ ॥ ୩ ॥
ବିନିୟୋଗଃ
ଅସ୍ୟ ଶ୍ରୀମହାମୃତ୍ୟୁଞ୍ଜୟକବଚସ୍ୟ ଶ୍ରୀଭୈରବ ଋଷିଃ,
ଗାୟତ୍ରୀଛନ୍ଦଃ, ଶ୍ରୀମହାମୃତ୍ୟୁଞ୍ଜୟୋ ମହାରୁଦ୍ରୋ ଦେବତା,
ଓଁ ବୀଜଂ, ଜୂଂ ଶକ୍ତିଃ, ସଃ କୀଲକଂ, ହୌମିତି ତତ୍ୱଂ,
ଚତୁର୍ୱର୍ଗସାଧନେ ମୃତ୍ୟୁଞ୍ଜୟକବଚପାଠେ ବିନିୟୋଗଃ ।
ଚନ୍ଦ୍ରମଣ୍ଡଲମଧ୍ୟସ୍ଥଂ ରୁଦ୍ରଂ ଭାଲେ ବିଚିନ୍ତ୍ୟ ତମ୍ ।
ତତ୍ରସ୍ଥଂ ଚିନ୍ତୟେତ୍ ସାଧ୍ୟଂ ମୃତ୍ୟୁଂ ପ୍ରାପ୍ତୋଽପି ଜୀବତି ॥ ୧ ॥
ଓଁ ଜୂଂ ସଃ ହୌଂ ଶିରଃ ପାତୁ ଦେବୋ ମୃତ୍ୟୁଞ୍ଜୟୋ ମମ ।
ଓଁ ଶ୍ରୀଂ ଶିବୋ ଲଲାଟଂ ମେ ଓଁ ହୌଂ ଭ୍ରୁବୌ ସଦାଶିବଃ ॥ ୨ ॥
ନୀଲକଣ୍ଠୋଽବତାନ୍ନେତ୍ରେ କପର୍ଦୀ ମେଽବତାଚ୍ଛ୍ରୁତୀ ।
ତ୍ରିଲୋଚନୋଽବତାଦ୍ ଗଣ୍ଡୌ ନାସାଂ ମେ ତ୍ରିପୁରାନ୍ତକଃ ॥ ୩ ॥
ମୁଖଂ ପୀୟୂଷଘଟଭୃଦୋଷ୍ଠୌ ମେ କୃତ୍ତିକାମ୍ବରଃ ।
ହନୁଂ ମେ ହାଟକେଶନୋ ମୁଖଂ ବଟୁକଭୈରବଃ ॥ ୪ ॥
କନ୍ଧରାଂ କାଲମଥନୋ ଗଲଂ ଗଣପ୍ରିୟୋଽବତୁ ।
ସ୍କନ୍ଧୌ ସ୍କନ୍ଦପିତା ପାତୁ ହସ୍ତୌ ମେ ଗିରିଶୋଽବତୁ ॥ ୫ ॥
ନଖାନ୍ ମେ ଗିରିଜାନାଥଃ ପାୟାଦଙ୍ଗୁଲିସଂୟୁତାନ୍ ।
ସ୍ତନୌ ତାରାପତିଃ ପାତୁ ବକ୍ଷଃ ପଶୁପତିର୍ମମ ॥ ୬ ॥
କୁକ୍ଷିଂ କୁବେରବରଦଃ ପାର୍ଶ୍ୱୌ ମେ ମାରଶାସନଃ ।
ଶର୍ୱଃ ପାତୁ ତଥା ନାଭିଂ ଶୂଲୀ ପୃଷ୍ଠଂ ମମାବତୁ ॥ ୭ ॥
ଶିଶ୍ର୍ନଂ ମେ ଶଙ୍କରଃ ପାତୁ ଗୁହ୍ୟଂ ଗୁହ୍ୟକବଲ୍ଲଭଃ ।
କଟିଂ କାଲାନ୍ତକଃ ପାୟାଦୂରୂ ମେଽନ୍ଧକଘାତକଃ ॥ ୮ ॥
ଜାଗରୂକୋଽବତାଜ୍ଜାନୂ ଜଙ୍ଘେ ମେ କାଲଭୈରବଃ ।
ଗୁଲ୍ଫୋ ପାୟାଜ୍ଜଟାଧାରୀ ପାଦୌ ମୃତ୍ୟୁଞ୍ଜୟୋଽବତୁ ॥ ୯ ॥
ପାଦାଦିମୂର୍ଧପର୍ୟନ୍ତମଘୋରଃ ପାତୁ ମେ ସଦା ।
ଶିରସଃ ପାଦପର୍ୟନ୍ତଂ ସଦ୍ୟୋଜାତୋ ମମାବତୁ ॥ ୧୦ ॥
ରକ୍ଷାହୀନଂ ନାମହୀନଂ ବପୁଃ ପାତ୍ୱମୃତେଶ୍ୱରଃ ।
ପୂର୍ୱେ ବଲବିକରଣୋ ଦକ୍ଷିଣେ କାଲଶାସନଃ ॥ ୧୧ ॥
ପଶ୍ଚିମେ ପାର୍ୱତୀନାଥୋ ହ୍ୟୁତ୍ତରେ ମାଂ ମନୋନ୍ମନଃ ।
ଐଶାନ୍ୟାମୀଶ୍ୱରଃ ପାୟାଦାଗ୍ନେୟ୍ୟାମଗ୍ନିଲୋଚନଃ ॥ ୧୨ ॥
ନୈଋତ୍ୟାଂ ଶମ୍ଭୁରବ୍ୟାନ୍ମାଂ ବାୟବ୍ୟାଂ ବାୟୁବାହନଃ ।
ଉର୍ଧ୍ୱେ ବଲପ୍ରମଥନଃ ପାତାଲେ ପରମେଶ୍ୱରଃ ॥ ୧୩ ॥
ଦଶଦିକ୍ଷୁ ସଦା ପାତୁ ମହାମୃତ୍ୟୁଞ୍ଜୟଶ୍ଚ ମାମ୍ ।
ରଣେ ରାଜକୁଲେ ଦ୍ୟୂତେ ବିଷମେ ପ୍ରାଣସଂଶୟେ ॥ ୧୪ ॥
ପାୟାଦ୍ ଓଂ ଜୂଂ ମହାରୁଦ୍ରୋ ଦେବଦେବୋ ଦଶାକ୍ଷରଃ ।
ପ୍ରଭାତେ ପାତୁ ମାଂ ବ୍ରହ୍ମା ମଧ୍ୟାହ୍ନେ ଭୈରବୋଽବତୁ ॥ ୧୫ ॥
ସାୟଂ ସର୍ୱେଶ୍ୱରଃ ପାତୁ ନିଶାୟାଂ ନିତ୍ୟଚେତନଃ ।
ଅର୍ଧରାତ୍ରେ ମହାଦେବୋ ନିଶାନ୍ତେ ମାଂ ମହୋମୟଃ ॥ ୧୬ ॥
ସର୍ୱଦା ସର୍ୱତଃ ପାତୁ ଓଁ ଜୂଂ ସଃ ହୌଂ ମୃତ୍ୟୁଞ୍ଜୟଃ ।
ଇତୀଦଂ କବଚଂ ପୁଣ୍ୟଂ ତ୍ରିଷୁ ଲୋକେଷୁ ଦୁର୍ଲଭମ୍ ॥ ୧୭ ॥
ଫଲଶ୍ରୁତି
ସର୍ୱମନ୍ତ୍ରମୟଂ ଗୁହ୍ୟଂ ସର୍ୱତନ୍ତ୍ରେଷୁ ଗୋପିତମ୍ ।
ପୁଣ୍ୟଂ ପୁଣ୍ୟପ୍ରଦଂ ଦିବ୍ୟଂ ଦେବଦେବାଧିଦୈବତମ୍ ॥ ୧୮ ॥
ଯ ଇଦଂ ଚ ପଠେନ୍ମନ୍ତ୍ରୀ କବଚଂ ବାର୍ଚୟେତ୍ ତତଃ ।
ତସ୍ୟ ହସ୍ତେ ମହାଦେବି ତ୍ର୍ୟମ୍ବକସ୍ୟାଷ୍ଟ ସିଦ୍ଧୟଃ ॥ ୧୯ ॥
ରଣେ ଧୃତ୍ୱା ଚରେଦ୍ୟୁଦ୍ଧଂ ହତ୍ୱା ଶତ୍ରୂଞ୍ଜୟଂ ଲଭେତ୍ ।
ଜୟଂ କୃତ୍ୱା ଗୃହଂ ଦେବି ସମ୍ପ୍ରାପ୍ସ୍ୟତି ସୁଖୀ ପୁନଃ ॥ ୨୦ ॥
ମହାଭୟେ ମହାରୋଗେ ମହାମାରୀଭୟେ ତଥା ।
ଦୁର୍ଭିକ୍ଷେ ଶତ୍ରୁସଂହାରେ ପଠେତ୍ କବଚମାଦରାତ୍ ॥ ୨୧ ॥
ସର୍ୱ ତତ୍ ପ୍ରଶମଂ ଯାତି ମୃତ୍ୟୁଞ୍ଜୟପ୍ରସାଦତଃ ।
ଧନଂ ପୁତ୍ରାନ୍ ସୁଖଂ ଲକ୍ଷ୍ମୀମାରୋଗ୍ୟଂ ସର୍ୱସମ୍ପଦଃ ॥ ୨୨ ॥
ପ୍ରାପ୍ନୋତି ସାଧକଃ ସଦ୍ୟୋ ଦେବି ସତ୍ୟଂ ନ ସଂଶୟଃ
ଇତୀଦଂ କବଚଂ ପୁଣ୍ୟଂ ମହାମୃତ୍ୟୁଞ୍ଜୟସ୍ୟ ତୁ ।
ଗୋପ୍ୟଂ ସିଦ୍ଧିପ୍ରଦଂ ଗୁହ୍ୟଂ ଗୋପନୀୟଂ ସ୍ୱୟୋନିବତ୍ ॥ ୨୩ ॥
। ଇତି ଶ୍ରୀରୁଦ୍ରୟାମଲେ ତନ୍ତ୍ରେ ଶ୍ରୀଦେବୀରହସ୍ୟେ
ମୃତ୍ୟୁଞ୍ଜୟକବଚଂ ସମ୍ପୂର୍ଣମ୍ ।
– Chant Stotra in Other Languages –
Maha Mrityunjaya Kavacha in Sanskrit – English – Marathi – Bengali – Gujarati – Kannada – Malayalam – Odia – Telugu – Tamil