॥ Shivakama Sundari Sahasranamastotram Odia Lyrics ॥
॥ ଶ୍ରୀଶିଵକାମସୁନ୍ଦରୀସହସ୍ରନାମସ୍ତୋତ୍ରମ୍ ॥
॥ ପୂର୍ଵପୀଠିକା ॥
ୟସ୍ୟାସ୍ସର୍ଵଂ ସମୁତ୍ପନ୍ନଂ ଚରାଚରମିଦଂ ଜଗତ୍ ।
ଇଦଂ ନମୋ ନଟେଶାନ୍ୟୈ ତସ୍ୟୈ କାରୁଣ୍ୟମୂର୍ତୟେ ॥
କୈଲାସାଦ୍ରୌ ସୁଖାସୀନଂ ଶିଵଂ ଵେଦାନ୍ତଗୋଚରମ୍ ।
ସର୍ଵଵିଦ୍ୟେଶ୍ଵରଂ ଭୂତିରୁଦ୍ରାକ୍ଷାଲଙ୍କୃତଂ ପରମ୍ ॥ ୧ ॥
ସର୍ଵଲକ୍ଷଣସମ୍ପନ୍ନଂ ସନକାଦିମୁନୀଡିତମ୍ ।
ସଂସାରାରଣ୍ୟଦାଵାଗ୍ନିଂ ୟୋଗିରାଜଂ ୟତେନ୍ଦ୍ରିୟମ୍ ॥ ୨ ॥
ମୁକୁଟେନ୍ଦୁସୁଧାପୂରଲବ୍ଧଜୀଵକଶୀର୍ଷକମ୍ ।
ଵ୍ୟାଘ୍ରଚର୍ମାମ୍ବରଧରଂ ନୀଲକଣ୍ଠଂ କପର୍ଦିନମ୍ ॥ ୩ ॥
ସଵ୍ୟହସ୍ତେ ଵହ୍ନିଧରଂ ମନ୍ଦସ୍ମିତମୁଖାମ୍ବୁଜମ୍ ।
ଢକ୍କାଂ ଚ ଦକ୍ଷିଣେ ହସ୍ତେ ଵହନ୍ତଂ ଚ ତ୍ରିଲୋଚନମ୍ ॥ ୪ ॥
ଅଭୟଂ ଦକ୍ଷହସ୍ତେନ ଦର୍ଶୟନ୍ତଂ ମନୋହରମ୍ ।
ଡୋଲହସ୍ତେନ ଵାମେନ ଦର୍ଶୟନ୍ତଂ ପଦାମ୍ବୁଜମ୍ ॥ ୫ ॥
କୁଚିତଂ ଦକ୍ଷପାଦେନ ତିଷ୍ଠନ୍ତଂ ମୁସଲୋପରି ।
ବ୍ରହ୍ମଵିଷ୍ଣ୍ଵାଦିଵିନୁତଂ ଵେଦଵେଦ୍ୟଂ ନଟେଶ୍ଵରମ୍ ॥ ୬ ॥
ପ୍ରଣମ୍ୟ ପାର୍ଵତୀ ଗୌରୀ ପପ୍ରଚ୍ଛ ମୁଦିତାନନା ।
ସର୍ଵଲକ୍ଷଣସମ୍ପନ୍ନା ସର୍ଵଦା ସର୍ଵଦା ନୃଣାମ୍ ॥ ୭ ॥
ପାର୍ଵତ୍ୟୁଵାଚ –
ଶିଵ! ଶଙ୍କର! ଵିଶ୍ଵେଶ! ମହାଦେଵ! ଦୟାନିଧେ!
ସର୍ଵାସାଂ ଚୈଵ ଦେଵୀନାଂ ନାମସାହସ୍ରମୁତ୍ତମମ୍ ॥ ୮ ॥
ପୁରା ପ୍ରୋକ୍ତଂ ସଦାନନ୍ଦ ! ମହ୍ୟଂ ଶ୍ରୀପତିପୂଜିତ ! ।
ଶିଵକାମସୁନ୍ଦରୀନାମ୍ନାଂ ସହସ୍ରଂ ଵଦ ସୁନ୍ଦର! ॥ ୯ ॥
ସଦ୍ୟସ୍ସମ୍ପତ୍କରଂ ପୁଣ୍ୟଂ ସର୍ଵପାପପ୍ରଣାଶନମ୍ ।
ଇତ୍ୟୁକ୍ତ୍ଵା ପାର୍ଵତୀ ଦେଵୀ ତୁଷ୍ଟାଵ ନଟନେଶ୍ଵରମ୍ ॥ ୧୦ ॥
ସତ୍ୟପ୍ରବୋଧସୁଖସନ୍ତତିରୂପ ଵିଶ୍ଵ –
ମାୟେନ୍ଦ୍ରଜାଲିକଵରେଣ୍ୟ ସମସ୍ତସାକ୍ଷିନ୍ ।
ସୃଷ୍ଟିସ୍ଥିତିପ୍ରଲୟହେତୁକଵିଷ୍ଣୁରୁଦ୍ର
ଶ୍ରୀମନ୍ନଟେଶ ମମ ଦେହି କରାଵଲମ୍ବମ୍ ॥ ୧୧ ॥
ଭୂଵାରିଵହ୍ନିପଵନାମ୍ବରଚନ୍ଦ୍ରସୂର୍ୟ –
ୟଜ୍ଵାଷ୍ଟମୂର୍ତିଵିମଲୀକୃତଵିଗ୍ରହେଦଶ ।
ସ୍ଵାଙ୍ଘ୍ର୍ୟମ୍ବୁଜଦ୍ଵୟନିଷସ୍ତହୃଦାଂ ପ୍ରସନ୍ନ !
ଶ୍ରୀମନ୍ନଟେଶ ମମ ଦେହି କରାଵଲମ୍ବମ୍ ॥ ୧୨ ॥
ଲିଙ୍ଗାକୃତେ ପଶୁପତେ ଗିରିଜାପତେ ତ୍ଵଂ
ନାରାୟଣେଶ ଗିରିଵାସ ଵିଧୀଶ ଶମ୍ଭୋ
ଫାଲାକ୍ଷ ଶଙ୍କର! ମହେଶ୍ଵର ମନ୍ମଥାରେ
ଶ୍ରୀମନ୍ନଟେଶ ମମ ଦେହି କରାଵଲମ୍ବମ୍ ॥ ୧୩ ॥
ଶ୍ରୀନୀଲକଣ୍ଠ ଶମନାନ୍ତକ ପଞ୍ଚଵକ୍ତ୍ର
ପଞ୍ଚାକ୍ଷରପ୍ରିୟ ପରାତ୍ପର! ଵିଶ୍ଵଵନ୍ଦ୍ୟ ।
ଶ୍ରୀଚନ୍ଦ୍ରଚୂଡ ଗଜଵକ୍ତ୍ରପିତଃ ପରେଶ
ଶ୍ରୀମନ୍ନଟେଶ ମମ ଦେହି କରାଵଲମ୍ବମ୍ ॥ ୧୪ ॥
ଗଙ୍ଗାଧର ପ୍ରମଥନାଥ ସଦାଶିଵାର୍ୟା –
ଜାନେ! ଜଲନ୍ଧରରିପୋ ଜଗତାମଧୀଶ ।
ଶର୍ଵୋଗ୍ର ଭର୍ଗ ମୃଡ ଶାଶ୍ଵତ! ଶୂଲପାଣେ
ଶ୍ରୀମନ୍ନଟେଶ ମମ ଦେହି କରାଵଲମ୍ବମ୍ ॥ ୧୫ ॥
ସ୍ଥାଣୋ ତ୍ରିଣେତ୍ର ଶିପିଵିଷ୍ଟ! ମହେଶ! ତାତ
ନାରାୟଣପ୍ରିୟ କୁମାରଗୁରୋ କପର୍ଦିନ୍ ।
ଶମ୍ଭୋ! ଗିରୀଶ! ଶିଵ ଲୋକପତେ! ପିନାକିନ୍
ଶ୍ରୀମନ୍ନଟେଶ ମମ ଦେହି କରାଵଲମ୍ବମ୍ ॥ ୧୬ ॥
ଖଙ୍ଗାଙ୍ଗିନ୍ ଅନ୍ଧକରିପୋ ଭଵ ଭୀମ ରୁଦ୍ର
ଦେଵେଶ! ଖଣ୍ଡପରଶୋ! କରୁଣାମ୍ବୁରାଶେ ।
ଭସ୍ମାଙ୍ଗରାଗ ପରମେଶ୍ଵର! ଵିଶ୍ଵମୂର୍ତେ
ଶ୍ରୀମନ୍ନଟେଶ ଦେହି କରାଵଲମ୍ବମ୍ ॥ ୧୭ ॥
ଵିଶ୍ଵେଶ୍ଵରାତ୍ମକ ଵିଵେକସୁଖାଭିରାମ
ଶ୍ରୀଵୀରଭଦ୍ର! ମଖହନ୍ତରୁମାସହାୟ ।
ଵୀରେଶ୍ଵରୈଣକର ଶୁଭ୍ରଵୃଷାଧିରୂଢ
ଶ୍ରୀମନ୍ନଟେଶ ମମ ଦେହି କରାଵଲମ୍ବମ୍ ॥ ୧୮ ॥
ଏଵଂ ସ୍ତୁତ୍ଵା ମହାଦେଵୀ ପଞ୍ଚାଙ୍ଗଂ ପ୍ରଣନାମ ହ ।
ତତସ୍ତୁଷ୍ଟୋ ନଟେଶଶ୍ଚ ପ୍ରୋଵାଚ ଵଚନଂ ଶୁଭମ୍ ॥ ୧୯ ॥
ଏଵମେଵ ପୁରା ଦେଵୀ ମହାଲକ୍ଷ୍ମୀଃ ପତିଵ୍ରତା ।
ଶଙ୍ଖଚକ୍ରଗଦାପାଣିଃ ସର୍ଵଲୋକହିତାଵହଃ ॥ ୨୦ ॥
ଧର୍ମସଂସ୍ଥାପନାର୍ଥାୟାଵତାରାନ୍ୟୁଗେ ୟୁଗେ ।
କରିଷ୍ୟତି ମହା ଵିଷ୍ଣୁଃ ମମ ଭର୍ତା ଦଶ ଶୃଣୁ ॥ ୨୧ ॥
ମତ୍ସ୍ୟଃ କୂର୍ମୋ ଵରାହଶ୍ଚ ନାରସିଂହୋଽଥ ଵାମନଃ ।
ରାମୋ ଦାଶରଥିଶ୍ଚୈଵ ରାମଃ ପରଶୁଧାରକଃ ॥ ୨୨ ॥
ହଲଭୃତ୍ ବଲରାମଶ୍ଚ କୃଷ୍ଣଃ କଲ୍କିଃ ଦଶ ସ୍ମୃତାଃ ।
ଅଵତାରେଷୁ ଦଶସୁ ମଦ୍ଭର୍ତୁର୍ନାଶଶଙ୍କୟା ॥ ୨୩ ॥
ପ୍ରାପ୍ତା ଭଵନ୍ତ ଶରଣଂ ଭଵାନେଵ ପରା ଗତିଃ ।
ଇତ୍ୟୁକ୍ତ୍ଵା ଚ ମହାଲକ୍ଷ୍ମୀର୍ଭସ୍ତାନାମିଷ୍ଟଦାୟକମ୍ ॥ ୨୪ ॥
ଵେଦପାଦସ୍ତଵଂ ଚାରୁ ମଧୁରଂ ମଧୁରାକ୍ଷରମ୍ ।
ଉକ୍ତ୍ଵା ତୁଷ୍ଟାଵ ମୁଦିତା ନଟେଶାନଂ ମହେଶ୍ଵରମ୍ ॥ ୨୫ ॥
ଵିଘ୍ନେଶ୍ଵରଂ ଵୀତଵିରାଗସେଵିତମ୍
ଵିଧୀନ୍ଦ୍ରଵିଷ୍ଣ୍ଵାଦିନତାଙ୍ଘ୍ରିପଙ୍କଜମ୍ ।
ସଭାସଦାମାଶୁ ସୁଖାର୍ଥସିଦ୍ଧିଦଂ
ଗଣାନାଂ ତ୍ଵାଂ ଗଣପତିଂ ହଵାମହେ ॥ ୨୬ ॥
ନଗେନ୍ଦ୍ରତନୟାରମ୍ୟସ୍ତନ୍ୟପାନରତାନନମ୍ ।
ମାଣିକ୍ୟକୁଣ୍ଡଲଧରଂ କୁମାରଂ ପୁଷ୍କରସ୍ରଜମ୍ ॥ ୨୭ ॥
ନମଃ ଶିଵାୟ ସାମ୍ବାୟ ସଗଣାୟ ସସୂନଵେ ।
ନମୋ ଜ୍ଞାନସଭେଶାୟ ଦିଶାଂ ଚ ପତୟେନମଃ ॥ ୨୮ ॥
ନମୋ ବ୍ରହ୍ମାଦିଦେଵାୟ ଵିଷ୍ଣୁକାନ୍ତାୟ ଶମ୍ଭଵେ ।
ପୀତାମ୍ବରାୟ ଚ ନମଃ ପଶୁନାଂ ପତୟେ ନମଃ ॥ ୨୯ ॥
ସନ୍ମାର୍ଗଦାୟ ଶିଷ୍ଟାନାମାଶ୍ରିତାନାଂ ଦ୍ଵିଜନ୍ମନାମ୍ ।
ଅଭକ୍ତାନାଂ ମୋହଦାତ୍ରେ ପଥୀନାଂ ପତୟେ ନମଃ ॥ ୩୦ ॥
ଅପସ୍ମାରମଧଃ କୃତ୍ୟ ନୃତ୍ୟନ୍ତଂ ତସ୍ୟ ପୃଷ୍ଠକେ ।
ସର୍ଵାଭରଣରମ୍ୟଂ ତଂ ପଶ୍ୟେମ ଶରଦଶ୍ଶତମ୍ ॥ ୩୧ ॥
ସୁନ୍ଦରଂ ସ୍ମେରଵଦନଂ ନଟରାଜମୁମାପତିମ୍ ।
ସମ୍ପୂଜ୍ୟ ନୃତ୍ୟପାଦଂ ତେ ଜୀଵେମ ଶରଦଶ୍ଶତମ୍ ॥ ୩୨ ॥
କୁଭୀନ୍ଦ୍ରଦୈତ୍ୟଂ ହତଵାନିତି ଶମ୍ଭୁର୍ଜଗତ୍ପତିଃ ।
ଶ୍ରୁତ୍ଵା ତେ କୀର୍ତିମମଲାଂ ନନ୍ଦାମ ଶରଦଶ୍ଶତମ୍ ॥ ୩୩ ॥
ମନ୍ମଥାନ୍ଧକସଂହାରକଥାଶ୍ରୁତିମନୋହରମ୍ ।
ଶ୍ରୁତ୍ଵା ତେ ଵିକ୍ରମୟୁତଂ ମୋଦାମ ଶରଦଶ୍ଶତମ୍ ॥ ୩୪ ॥
ସର୍ଵଦୁଃଖାନ୍ଵିହାୟାଶୁ ଶିଵ ତେଽଙ୍ଘ୍ରିୟୁଗାମ୍ବୁଜମ୍ ।
ଅର୍ଚୟନ୍ତଃ ସଦା ଧନ୍ୟା ଭଵାମ ଶରଦଶ୍ଶତମ୍ ॥ ୩୫ ॥
ତ୍ଵତ୍କୀର୍ତନଂ ସଦା ଭକ୍ତ୍ୟା ସର୍ଵକଲ୍ମଷନାଶନମ୍ ।
ଶଙ୍କରାଘହର ସ୍ଵାମିନ୍ ଶୃଣଵାମ ଶରଦଶ୍ଶତମ୍ ॥ ୩୬ ॥
ତ୍ଵଚ୍ଚରିତ୍ରଂ ପଵିତ୍ରଂ ଚ ସର୍ଵଦାରିଦ୍ର୍ୟନାଶନମ୍ ।
ଅସ୍ମତ୍ପୁତ୍ରପ୍ରଣପ୍ତୄଣାଂ ପ୍ରବ୍ରଵାମ ଶରଦଶ୍ଶତମ୍ ॥ ୩୭ ॥
ତ୍ଵଦ୍ଭକ୍ତକଲ୍ପକତରୁମାଶ୍ରୟନ୍ତସ୍ସଦା ଵୟମ୍ ।
ଇନ୍ଦ୍ରିୟାଘୌଘନିଚୟୈରଜୀତାସ୍ସ୍ୟାମ ଶରଦଶ୍ଶତମ୍ ॥ ୩୮ ॥
ଏଵଂ ସ୍ତୁତ୍ଵା ମହାଦେଵୀ ମହାଲକ୍ଷ୍ମୀର୍ମନୋହରା ।
ପ୍ରଣମ୍ୟ ଚିତ୍ସଭାନାଥଂ ତିଷ୍ଠନ୍ତୀ ମୁଦିତାନନା ॥ ୩୯ ॥
ମନ୍ମାଙ୍ଗଲ୍ୟସ୍ୟ ରକ୍ଷାୟୈ ମନ୍ତ୍ରମେକଂ ମମାଦିଶ ।
ତାଂ ଦୃଷ୍ଟ୍ଵା ଚ ମହାଦେଵଃ ପ୍ରହସନ୍ନିଦମବ୍ରଵୀତ୍ ॥ ୪୦ ॥
ତ୍ଵଂ ଶୀଘ୍ରଂ ଗଚ୍ଛ ଦେଵେଶୀଂ ଶିଵକାମାଂ ଚ ସୁନ୍ଦରୀମ୍ ।
ତତ୍ର ଗତ୍ଵା ମହେଶାନୀଂ ପୂଜୟ ତ୍ଵଂ ଵିଶେଷତଃ ॥ ୪୧ ॥
ସହସ୍ରକୁସୁମୈଃ ପଦ୍ମୈଃ ନୈଵେଦ୍ୟୈଶ୍ଚ ମନୋହରୈଃ ।
ଇତ୍ୟୁକ୍ତ୍ଵା ପରମପ୍ରୀତୋ ଭଗଵାନ୍ଭକ୍ତଵତ୍ସଲଃ ॥ ୪୨ ॥
ଶିଵକାମସୁନ୍ଦରୀନାମ୍ନାଂ ସହସ୍ରଂ ପ୍ରଜଗାଦ ହ ।
ଉପଦିଶ୍ୟ ଚ ତାଂ ଦେଵୀଂ ପ୍ରେଷୟାମାସ ଶଙ୍କରଃ ॥ ୪୩ ॥
ଲକ୍ଷ୍ମୀର୍ଗତ୍ଵା ମହେଶାନୀଂ ଶିଵକାମୀଂ ମୁଦାନ୍ଵିତା ।
ଶିଵୋକ୍ତେନ ପ୍ରକାରେଣ ସହସ୍ରୈଃ ପଙ୍କଜୈଃ କ୍ରମାତ୍ ॥ ୪୪ ॥
ନାମଭିଶ୍ଚ ତ୍ରିତାରୈଶ୍ଚ ୟୁକ୍ତ୍ଵୈଶ୍ଚ ସୁମହତ୍ତରୈଃ ।
ପୂଜୟାମାସ ଵିଧିଵତ୍ ଶିଵାଚିନ୍ତନତତ୍ପରା ॥ ୪୫ ॥
ତଦା ଶିଵଃ ଶୋଧନାୟ ତସ୍ୟାଃ ଚିତ୍ତଂ ଜଗତ୍ପ୍ରଭୁଃ ।
ଆନୀତେଷୁ ଚ ପଦ୍ମେଷୁ ନ୍ୟୂନମେକଂ ଚକାର ହି ॥ ୪୬ ॥
ଅତୀଵ ଦୁଃଖିତାଲକ୍ଷ୍ମୀଃ ପୂର୍ତିକାମେଚ୍ଛୟା ସ୍ଵୟମ୍ ।
ଅଭାଵପୁଷ୍ପସମ୍ପୂର୍ତ୍ୟୈ ନେତ୍ରମୁତ୍ପାଟ୍ୟ ଵାମକମ୍ ॥ ୪୭ ॥
ଅର୍ଚୟାମାସ ଲକ୍ଷ୍ମୀଶ୍ଚ ଭକ୍ତ୍ୟା ପରମୟା ୟୁତା ।
ଦୃଷ୍ଟେଵଦଂ ସୁନ୍ଦରୀଦେଵୀ ଶିଵକାମମନୋହରୀ ॥ ୪୮ ॥
ପୂର୍ଵସ୍ମାଦପି ସୌନ୍ଦର୍ୟଂ ନେତ୍ରଂ ଦତ୍ଵାଽତିହର୍ଷତଃ ।
ତୁଷ୍ଟାଽହମିଷ୍ଟଂ ଵ୍ରିୟତାଂ ଵରମିତ୍ୟାହ ଶଙ୍କରୀ ॥ ୪୯ ॥
ତଦା ଵଵ୍ରେ ମହାଲକ୍ଷ୍ମୀଃ ସର୍ଵଲୋକପ୍ରିୟଙ୍କରମ୍ ।
ସୌମଙ୍ଗଲ୍ୟଂ କୁରୁ ମମ ଦୀର୍ଘଂ ଚ ଭଵତୁ ଧୁଵମ୍ ।
ତଥା ଭଵତୁ ଭଦ୍ରଂ ତେ ଵିଷ୍ଣୁଂ ଗଚ୍ଛ ୟଥାସୁଖମ୍ ॥ ୫୦ ॥
ଇତ୍ୟୁକ୍ତ୍ଵାଽନ୍ତର୍ଦଧେ ଦେଵୀ ଶିଵକାମୀ ମହେଶ୍ଵରୀ ।
ଲକ୍ଷ୍ମୀଶ୍ଚ ଵିଷ୍ଣୁଂ ଗତ୍ଵାଽଥ ୟଥାପୂର୍ଵଂ ସ୍ଥିତୋରସି ॥ ୫୧ ॥
ତାଦୃଶଂ ନାମସାହସ୍ରଂ ଶିଵକାମ୍ୟାଃ ମନୋହରମ୍ ।
ଵଦାମି ଶୃଣୁ ହେ ଦେଵୀନାମସାହସ୍ରମୁତ୍ତମମ୍ ॥ ୫୨ ॥
ଋଷିଃ ଛନ୍ଦୋ ଦେଵତା ଚ ବୀଜଂ ଶକ୍ତିଶ୍ଚ କୀଲକମ୍ ।
କରାଙ୍ଗନ୍ୟାସକୌ ପୂର୍ଵଂ ସୁରହସ୍ୟଂ ମହେଶ୍ଵରି ॥ ୫୩ ॥
ନାମ୍ନାଂ ତ୍ରିପୁରସୁନ୍ଦର୍ୟାଃ ୟତ୍ପ୍ରୋସ୍ତଂ ତଦ୍ଵଦେଵ ହି ।
ଶିଵକାମସୁନ୍ଦରୀପ୍ରୀତ୍ୟୈ ଵିନିୟୋଗୋ ଜପେ ସ୍ମୃତଃ ॥ ୫୪ ॥
ଦିଗ୍ବନ୍ଧଂ ତତୋ ଧ୍ୟାୟେତ୍ ଶିଵକାମୀଂ ମହେଶ୍ଵରୀମ୍ ।
ତତଶ୍ଚ ପଞ୍ଚପୂଜା ଚ କର୍ତଵ୍ୟା ମନୁଜାପିନା ॥ ୫୫ ॥
ତତଃ ପରଂ ସ୍ତୋତ୍ରମେତଜ୍ଜପ୍ତଵ୍ୟଂ ଭଦ୍ରକାମିନା ।
ସ୍ତୋତ୍ରାନ୍ତେ ଚ ପ୍ରକର୍ତଵ୍ୟମଙ୍ଗନ୍ୟାସଂ ଚ ପୂର୍ଵଵତ୍ତ୍ ॥ ୫୬ ॥
କୃତ୍ଵା ଚ ଦିଗ୍ଵିମୋକଂ ଚ ତତୋଧ୍ୟାୟେଚ୍ଚ ସୁନ୍ଦରୀମ୍ ।
ଲମିତ୍ୟାଦିମମନ୍ତ୍ରୈଶ୍ଚ ପଞ୍ଚପୂଜାଂ ଚ ସଂଵଦେତ୍ ॥ ୫୭ ॥
ଓଂ ଅସ୍ୟ ଶ୍ରୀ ଶିଵକାମସୁନ୍ଦରୀସହସ୍ରନାମସ୍ତୋତ୍ରମହା
ମନ୍ତ୍ରସ୍ୟ । ଆନନ୍ଦଭୈରଵଦକ୍ଷିଣାମୂର୍ତିଃ ଋଷିଃ । ଦେଵୀ ଗାୟତ୍ରୀ
ଛନ୍ଦଃ । ଶ୍ରୀଶିଵକାମସୁନ୍ଦରୀ ଦେଵତା । ବୀଜଂ ଶକ୍ତିଃ କୀଲକଂ
କରାଙ୍ଗନ୍ୟାସୌ ଚ ଶ୍ରୀମହାତ୍ରିପୁରସୁନ୍ଦରୀମହାମନ୍ତ୍ରଵତ୍ ।
॥ ଧ୍ୟାନମ୍ ॥
ପଦ୍ମସ୍ଥାଂ କନକପ୍ରଭାଂ ପରିଲସତ୍ପଦ୍ମାକ୍ଷିୟୁଗ୍ମୋତ୍ପଲାମ୍
ଅକ୍ଷସ୍ରକ୍ଷୁକଶାରିକାକଟିଲସତ୍ କଲ୍ହାର ହସ୍ତାବ୍ଜିନୀମ୍ ।
ରକ୍ତସ୍ରକ୍ସୁଵିଲେପନାମ୍ବରଧରାଂ ରାଜୀଵନେତ୍ରାର୍ଚିତାଂ
ଧ୍ୟାୟେତ୍ ଶ୍ରୀଶିଵକାମକୋଷ୍ଠନିଲୟାଂ ନୃତ୍ତେଶ୍ଵରସ୍ୟ ପ୍ରିୟାମ୍ ॥
ମୁକ୍ତାକୁନ୍ଦେନ୍ଦୁଗୌରାଂ ମଣିମୟମକୁଟାଂ ରତ୍ନତାଣ୍ଟଙ୍କୟୁକ୍ତାଂ
ଅକ୍ଷସ୍ରକ୍ପୁଷ୍ପହସ୍ତା ସଶୁକକଟିକରାଂ ଚନ୍ଦ୍ରଚୂଡାଂ ତ୍ରିନେତ୍ରୀମ୍ ।
ନାନାଲଙ୍କାରୟୁକ୍ତାଂ ସୁରମକୁଟମଣିଦ୍ୟୋତିତ ସ୍ଵର୍ଣପୀଠାଂ
ୟାସାପଦ୍ମାସନସ୍ଥାଂ ଶିଵପଦସହିତାଂ ସୁନ୍ଦରୀଂ ଚିନ୍ତୟାମି ॥
ରତ୍ନତାଟଙ୍କସଂୟୁକ୍ତାଂ ସୁଵର୍ଣକଵଚାନ୍ଵିତାମ୍ ।
ଦକ୍ଷିଣୋର୍ଧ୍ଵକରାଗ୍ରେଣ ସ୍ଵର୍ଣମାଲାଧରାଂ ଶୁଭାମ୍ ॥
ଦକ୍ଷାଧଃ କରପଦ୍ମେନ ପୁଲ୍ଲକଲ୍ହାର ଧାରିଣୀମ୍ ।
ଵାମେନୋଏଧ୍ଵକରାବ୍ଜେନ ଶୁକାର୍ଭକଧରାଂ ଵରାମ୍ ।
କଟିଦେଶେ ଵାମହସ୍ତଂ ନ୍ୟସ୍ୟନ୍ତୀଂ ଚ ସୁଦର୍ଶନାମ୍ ॥
ଶିଵକାମସୁନ୍ଦରୀଂ ନୌମି ପ୍ରସନ୍ନଵଦନାଂ ଶିଵାମ୍ ।
ଲମିତ୍ପାଦିପଞ୍ଚପୂଜା ॥
॥ ଶ୍ରୀ ଶିଵକାମସୁନ୍ଦରୀସହସ୍ରନାମସ୍ତୋତ୍ରମ୍ ॥
ଓଂ ଐଂ ହ୍ରୀଂ ଶ୍ରୀଂ ଅଂ – ୧ ॥
ଅଗଣ୍ୟାଽଗଣ୍ୟମହିମାଽସୁରପ୍ରେତାସନସ୍ଥିତା ।
ଅଜରାଽମୃତ୍ୟୁଜନନାଽପ୍ୟକାଲାନ୍ତକ ଭୀକରା ॥ ୧ ॥
ଅଜାଽଜାଂଶସମୁଦ୍ଭୂତାଽମରାଲୀଵୃତଗୋପୁରା ।
ଅତ୍ୟୁଗ୍ରାଜିନଟଚ୍ଛତ୍ରୁକବନ୍ଧାନେକକୋଟିକା ॥ ୨ ॥
ଅଦ୍ରିଦୁର୍ଗାଽଣିମାସିଦ୍ଧିଦାପିତେଷ୍ଟାମରାଵଲିଃ ।
ଅନନ୍ତାଽନନ୍ୟସୁଲଭପ୍ରିୟାଽଦ୍ଭୁତଵିଭୂଷଣା ॥ ୩ ॥
ଅନୂରୁକରସଙ୍କାଶାଽଖଣ୍ଡାନନ୍ଦସ୍ଵରୂପିଣୀ ।
ଅନ୍ଧୀକୃତଦ୍ଵିଜାରାତିନେତ୍ରାଽତ୍ୟୁଗ୍ରାଟ୍ଟହାସିନୀ ॥ ୪ ॥
ଅନ୍ନପୂର୍ଣାଽପରାଽଲକ୍ଷ୍ୟାଽମ୍ବିକାଽଘଵିନାଶିନୀ ।
ଅପାରକରୁଣାପୂରନିଭରେଖାଂ ଜନାକ୍ଷିଣୀ ॥ ୫ ॥
ଅମୃତାମ୍ଭୋଧିମଧ୍ୟସ୍ଥାଽଣିମାସିଦ୍ଧିମୁଖାଶ୍ରିତା ।
ଅରଵିନ୍ଦାକ୍ଷମାଲାଲିପାତ୍ରଶୂଲଧରାଽନଘା ॥ ୬ ॥
ଅଶ୍ଵମେଧମଖାଵାପ୍ତହଵିଃପୁଜକୃତାଦରା ।
ଅଶ୍ଵସେନାଵୃତାଽନେକପାରୂଢାଽପ୍ୟଗଜନ୍ମଭୂଃ ॥ ୭ ॥
ଓଂ ଐଂ ହ୍ରୀଂ ଶ୍ରୀଂ ଆଂ – ୨ ॥
ଆକାଶଵିଗ୍ରହାଽଽନନ୍ଦଦାତ୍ରୀ ଚାଜ୍ଞାବ୍ଜଭାସୁରା ।
ଆଚାରତତ୍ପରସ୍ଵାନ୍ତପଦ୍ମସଂସ୍ଥାଽଽଢ୍ୟପୂଜିତା ॥ ୮ ॥
ଆତ୍ମାୟତ୍ତଜଗଚ୍ଚକ୍ରା ଚାତ୍ମାରାମପରାୟଣା ।
ଆଦିତ୍ୟମଣ୍ଡଲାନ୍ତସ୍ଥା ଚାଦିମଧ୍ୟାନ୍ତଵର୍ଜିତା ॥ ୯ ॥
ଆଦ୍ୟନ୍ତରହିତାଽଚାର୍ୟା ଚାଦିକ୍ଷାନ୍ତାର୍ଣରୂପିଣୀ ।
ଆଦ୍ୟାଽମାତ୍ୟୁନୁତା ଚାଜ୍ୟହୋମପ୍ରୀତାଽଽଵୃତାଙ୍ଗନା ॥ ୧୦ ॥
ଆଧାରକମଲାରୂଢା ଚାଧାରାଧେୟଵିଵର୍ଜିତା ।
ଆଧିହୀନାଽଽସୁରୀଦୁର୍ଗାଽଽଜିସଙ୍କ୍ଷୋଭିତାସୁରା ॥ ୧୧ ॥
ଆଧୋରଣାଜ୍ଞାଶୁଣ୍ଡାଗ୍ରାକୃଷ୍ଟାସୁରଗଜାଵୃତା ।
ଆଶ୍ଚର୍ୟଵିୟହାଽଽଚାର୍ୟସେଵିତାଽଽଗମସଂସ୍ତୁତା ॥ ୧୨ ॥
ଆଶ୍ରିତାଖିଲଦେଵାଦିଵୃନ୍ଦରକ୍ଷଣତତ୍ପରା ।
ଓଂ ଐଂ ହ୍ରୀଂ ଶ୍ରୀଂ ଇଂ – ୩ ॥
ଇଚ୍ଛାଜ୍ଞାନକ୍ରିୟାଶକ୍ତିରୂପେରାଵତିସଂସ୍ତୁତା ॥ ୧୩ ॥
ଇନ୍ଦ୍ରାଣୀରଚିତଶ୍ଵେତଚ୍ଛତ୍ରେଡାଭକ୍ଷଣପ୍ରିୟା ।
ଇନ୍ଦ୍ରାକ୍ଷୀନ୍ଦ୍ରାର୍ଚିତେନ୍ଦ୍ରାଣୀ ଚେନ୍ଦିରାପତିସୋଦରୀ ॥ ୧୪ ॥
ଇନ୍ଦିରେନ୍ଦୀଵରଶ୍ୟାମା ଚେରମ୍ମଦସମପ୍ରଭା ।
ଇଭକୁମ୍ଭାଭଵକ୍ଷୋଜଦ୍ଵୟା ଚେକ୍ଷୁଧନୁର୍ଧରା ॥ ୧୫ ॥
ଇଭଦନ୍ତୋରୁନୟନା ଚେନ୍ଦ୍ରଗୋପସମାକୃତିଃ ।
ଇଭଶୁଣ୍ଡୋରୁୟୁଗଲାଚେନ୍ଦୁମଣ୍ଡଲମଧ୍ୟଗା ॥ ୧୬ ॥
ଇଷ୍ଟାର୍ତିଘ୍ନୀଷ୍ଟଵରଦା ଚେଭଵକ୍ତ୍ରପ୍ରିୟଙ୍କରୀ ।
ଓଂ ଐଂ ହ୍ରୀଂ ଶ୍ରୀଂ ଈଂ – ୪ ॥
ଈଶିତ୍ଵସିଦ୍ଧିସମ୍ପ୍ରାର୍ଥିତାପସେଷତ୍ସ୍ମିତାନନା ॥ ୧୭ ॥
ଈଶ୍ଵରୀଶପ୍ରିୟା ଚେଶତାଣ୍ଡଵାଲୋକନୋନ୍ତୁକା ।
ଈକ୍ଷଣୋତ୍ପନ୍ନଭୁଵନକଦମ୍ବା ଚେଡ୍ୟଵୈଭଵା ॥ ୧୮ ॥
ଓଂ ଐଂ ହ୍ରୀଂ ଶ୍ରୀଂ ଉଂ – ୫ ॥
ଉଚ୍ଚନୀଚାଦିରହିତାଽପ୍ୟୁରୁକାନ୍ତାରଵାସିନୀ ।
ଉତ୍ସାହରହିତେନ୍ଦ୍ରାରିଶ୍ଚୋରୁସନ୍ତୋଷିତାମରା ॥ ୧୯ ॥
ଉଦାସୀନୋଡୁରାଵକ୍ତ୍ରାଽପ୍ୟୁଗ୍ରକୃତ୍ୟଵିଦୂଷଣୀ ।
ଉପାଧିରହିତୋପାଦାନକାରଣୋନ୍ମତ୍ତନୃତ୍ତକୀ ॥ ୨୦ ॥
ଉରୁସ୍ୟନ୍ଦନସମ୍ବଦ୍ଧକୋଟ୍ୟଶ୍ଵୋରୁପରାକ୍ରମା ।
ଉଲ୍କାମୁଖୀ ହ୍ୟୁମାଦେଵୀ ଚୋନ୍ମତ୍ତକ୍ରୋଧଭୈରଵୀ ॥ ୨୧ ॥
ଓଂ ଐଂ ହ୍ରୀଂ ଶ୍ରୀଂ ଊଂ – ୬ ॥
ଊର୍ଜିତଜ୍ଞୋଢଭୁଵନକଦମ୍ବୋର୍ଧ୍ଵମୁଖାଵଲିଃ ।
ଊର୍ଧ୍ଵପ୍ରସାରିତାଙ୍ଘ୍ରୀଶଦର୍ଶନୋଦ୍ଵିଗ୍ରମାନସା ॥ ୨୨ ॥
ଊହାପୋହଵିହୀନୋରୁଜିତରମ୍ଭାମନୋହରା ।
ଓଂ ଐଂ ହ୍ରୀଂ ଶ୍ରୀଂ ଋଂ – ୭ ॥
ଋଗ୍ଵେଦସଂସ୍ତୁତା ଋଦ୍ଧିଦାୟିନୀ ଋଣମୋଚିନୀ ॥ ୨୩ ॥
ଋଜୁମାର୍ଗପରପ୍ରୀତା ଋଷଭଧ୍ଵଜଭାସୁରା ।
ଋଦ୍ଧିକାମମୁନିଵ୍ରାତସତ୍ରୟାଗସମର୍ଚିତା ॥ ୨୪ ॥
ଓଂ ଐଂ ହ୍ରୀଂ ଶ୍ରୀଂ ୠଂ – ୮ ॥
ୠକାରଵାଚ୍ୟା ୠକ୍ଷାଦିଵୃତା ୠକାରନାସିକା ।
ଓଂ ଐଂ ହ୍ରୀଂ ଶ୍ରୀଂ ଲୃଂ – ୯ ॥
ଲୃକରିଣୀ ଲୃକାରୋଷ୍ଠା
ଓଂ ଐଂ ହ୍ରୀଂ ଶ୍ରୀଂ ଲୄଂ – ୧୦ ॥
ଲୄଵର୍ଣାଧରପଲ୍ଲଵା ॥ ୨୫ ॥
ଓଂ ଐଂ ହ୍ରୀଂ ଶ୍ରୀଂ ଏଂ – ୧୧ ॥
ଏକାକିନ୍ୟେକମନ୍ତ୍ରାକ୍ଷରୈଧିତୋତ୍ସାହଵଲ୍ଲଭା ।
ଓଂ ଐଂ ହ୍ରୀଂ ଶ୍ରୀଂ ଐଂ – ୧୨ ॥
ଐଶ୍ଵର୍ୟଦାତ୍ରୀ
ଓଂ ଐଂ ହ୍ରୀଂ ଶ୍ରୀଂ ଓଂ – ୧୩ ॥
ଚୋଙ୍କାରଵାଦିଵାଗୀଶସିଦ୍ଧିଦା ॥ ୨୬ ॥
ଓଜଃପୁଞ୍ଜଘନୀସାନ୍ଦ୍ରରୂପିଣ୍ୟୋଙ୍କାରମଧ୍ୟଗା ।
ଓଷଧୀଶମନୁପ୍ରୀତା
ଓଂ ଐଂ ହ୍ରୀଂ ଶ୍ରୀଂ ଔଂ – ୧୪ ॥
ଚୌଦାର୍ୟଗୁପାଵାରିଧିଃ ॥ ୨୭ ॥
ଔପମ୍ୟରହିତାଚୈଵ
ଓଂ ଐଂ ହ୍ରୀଂ ଶ୍ରୀଂ ଅଂ – ୧୫ ॥
ଅମ୍ବୁଜାସନସୁନ୍ଦରୀ ।
ଅମ୍ବରାଧୀଶନଟନସାକ୍ଷିଣୀ
ଓଂ ଐଂ ହ୍ରୀଂ ଶ୍ରୀଂ ଅଃ – ୧୬ ॥
ଅଃ ପଦଦାୟିନୀ ॥ ୨୮ ॥
ଓଂ ଐଂ ହ୍ରୀଂ ଶ୍ରୀଂ କଂ – ୧୭ ॥
କବରୀବନ୍ଧମୁଖରୀଭମରଭ୍ରମରାଲକା ।
କରଵାଲଲତାଧାରାଭୀଷଣା କୌମୁଦୀନିଭା ॥ ୨୯ ॥
କର୍ପୂରାମ୍ବା କାଲରାତ୍ରିଃ କାଲୀ କଲିଵିନାଶିନୀ ।
କାଦିଵିଦ୍ୟାମୟୀ କାମ୍ୟା କାଞ୍ଚନାଭା କଲାଵତୀ ॥ ୩୦ ॥
କାମେଶ୍ଵରୀ କାମରାଜମନୁପ୍ରୀତା କୃପାଵତୀ ।
କାର୍ତଵୀର୍ୟଦ୍ଵିସାହସ୍ରଦୋର୍ଦଣ୍ଡପଟହଧ୍ଵନିଃ ॥ ୩୧ ॥
କିଟିଵକ୍ତ୍ରାଧିକାରୋଦ୍ୟଦ୍ଗଣପ୍ରୋତ୍ସାହିତାଙ୍ଗନା ।
କୀର୍ତିପ୍ରଦା କୀର୍ତିମତୀ କୁମାରୀ କୁଲସୁନ୍ଦରୀ ॥ ୩୨ ॥
କୁନ୍ତାୟୁଧଧରା କୁବ୍ଜିକାମ୍ବା କୁଧ୍ରଵିହାରିଣୀ ।
କୁଲାଗମରହସ୍ୟଜ୍ଞଵାଞ୍ଛାଦାନପରାୟଣା ॥ ୩୩ ॥
କୂଟସ୍ଥିତିଜୁଷୀ କୂର୍ମପୃଷ୍ଠଜିତ୍ପ୍ରପଦାନ୍ଵିତା ।
କେକାଶବ୍ଦତିରସ୍କାରିବାଣାସନମଣୀରଵା ॥ ୩୪ ॥
କେଶାକେଶିଚଣା କେଶିରାକ୍ଷସାଧିପମର୍ଦିନୀ ।
କୈତକଚ୍ଛଦସନ୍ଧ୍ୟାଭପିଶଙ୍ଗିତକଚାମ୍ବୁଦା ॥ ୩୫ ॥
କୈଲାସୋତ୍ତୁଙ୍ଗଶୃଙ୍ଗାଦ୍ରଵିଲାସେଶପରାଜିତା ।
କୈଶିକ୍ୟାରଭଟୀରୀତିସ୍ତୁତରକ୍ତେଶ୍ଵରୀପ୍ରିୟା ॥ ୩୬ ॥
କୋକାହିତକରସ୍ପର୍ଧିନଖା କୋକିଲଵାଦିନୀ ।
କୋପହୁଙ୍କାରସନ୍ତ୍ରସ୍ତସସେନାସୁରନାୟକା ॥ ୩୭ ॥
କୋଲାହଲରଵୋଦ୍ରେକରିଙ୍ଖଜ୍ଜମ୍ବୁକମଣ୍ଡଲା ।
କୌଣିଡନ୍ୟାନ୍ଵୟସମ୍ଭୂତା କରିଚର୍ମାମ୍ବରପ୍ରିୟା ॥ ୩୮ ॥
କୌପୀନଶିଷ୍ଟଵିପ୍ରର୍ଷିସ୍ତୁତା କୌଲିକଦେଶିକା ।
କୌସୁମ୍ଭାସ୍ତରଣା କୌଲମାର୍ଗନିଷ୍ଠାନ୍ତରାସ୍ଥିତା ॥ ୩୯ ॥
କଙ୍କଣାହିଗଣକ୍ଷେମଵଚନୋଦ୍ଵିଗ୍ନତାର୍କ୍ଷ୍ୟକା ।
କଞ୍ଜାକ୍ଷୀ କଞ୍ଜଵିନୁତା କଞ୍ଜଜାତିପ୍ରିୟଙ୍କରୀ ॥ ୪୦ ॥
ଓଂ ଐଂ ହ୍ରୀଂ ଶ୍ରୀଂ ଖଂ – ୧୮ ॥
ଖଡ୍ଗଖେଟକଦୋର୍ଦଣ୍ଡା ଖଟ୍ଵାଙ୍ଗୀ ଖଡ୍ଗସିଦ୍ଧିଦା ।
ଖଣ୍ଡିତାସୁରଗର୍ଵାଦ୍ରିଃ ଖଲାଦୃଷ୍ଟସ୍ଵରୂପିଣୀ ॥ ୪୧ ॥
ଖଣ୍ଡେନ୍ଦୁମୌଲିହୃଦୟା ଖଣ୍ଡିତାର୍କେନ୍ଦୁମଣ୍ଡଲା ।
ଖରାଂଶୁତାପଶମନୀ ଖସ୍ଥା ଖେଚରସଂସ୍ତୁତା ॥ ୪୨ ॥
ଖେଚରୀ ଖେଚରୀମୁଦ୍ରା ଖେଚରାଧୀଶଵାହନା ।
ଖେଲାପାରାଵତରତିପ୍ରୀତା ଖାଦ୍ୟାୟିତାନ୍ତକା ॥ ୪୩ ॥
ଓଂ ଐଂ ହ୍ରୀଂ ଶ୍ରୀଂ ଗଂ – ୧୯ ॥
ଗଗନା ଗଗନାନ୍ତସ୍ଥା ଗଗନାକାରମଧ୍ୟମା ।
ଗଜାରୂଢା ଗଜମୁଖୀ ଗାଥାଗୀତାମରାଙ୍ଗନା ॥ ୪୪ ॥
ଗଦାଧରୀ ଗଦାଽଽଧାତମୂର୍ଛିତାନେକପାସୁରା ।
ଗରିମାଲଘିମାସିଦ୍ଧିଵୃତା ଗ୍ରାମାଦିପାଲିନୀ ॥ ୪୫ ॥
ଗର୍ଵିତା ଗନ୍ଧଵସନା ଗନ୍ଧଵାହସମର୍ଚିତା ।
ଗର୍ଵିତାସୁରଦାରାଶ୍ରୁପଙ୍କିତାଜିଵସୁନ୍ଧରା ॥ ୪୬ ॥
ଗାୟତ୍ରୀ ଗାନସନ୍ତୁଷ୍ଟା ଗନ୍ଧର୍ଵାଧିପତୀଡିତା ।
ଗିରିଦୁର୍ଗା ଗିରୀଶାନସୁତା ଗିରିଵରାଶ୍ରୟା ॥ ୪୭ ॥
ଗିରୀନ୍ଦ୍ରକ୍ରୂରକଠିନକର୍ଷଦ୍ଧଲଵରାୟୁଧା ।
ଗୀତଚାରିତ୍ରହରିତଶୁକୈକଗତମାନସା ॥ ୪୮ ॥
ଗୀତିଶାସ୍ତ୍ରଗୁରୁଃ ଗୀତିହୃଦୟା ଗୀର୍ଗିରୀଶ୍ଵରୀ ।
ଗୀର୍ଵାଣଦନୁଜାଚାର୍ୟପୂଜିତା ଗୃଧ୍ରଵାହନା ॥ ୪୯ ॥
ଗୁଡପାୟସସନ୍ତୁଷ୍ଟହୃଦ୍ୟପ୍ତତରୟୋଗିନୀ ।
ଗୁଣାତୀତା ଗୁରୁର୍ଗୌରୀ ଗୋପ୍ତ୍ରୀ ଗୋଵିନ୍ଦସୋଦରୀ ॥ ୫୦ ॥
ଗୁରୁମୂତିର୍ଗୁଣାମ୍ଭୋଧିର୍ଗୁଣାଗୁଣଵିଵର୍ଜିତା ।
ଗୁହେଷ୍ଟଦା ଗୁହାଵାସିୟୋଗିଚିନ୍ତିତରୂପିଣୀ ॥ ୫୧ ॥
ଗୁହ୍ୟାଗମରହସ୍ୟଜ୍ଞା ଗୁହ୍ୟକାନନ୍ଦଦାୟିନୀ ।
ଗୁହ୍ୟା ଗୁହ୍ୟାର୍ଚିତା ଗୁହ୍ୟସ୍ଥାନବିନ୍ଦୁସ୍ଵରୂପିଣୀ ॥ ୫୨ ॥
ଗୋଦାଵରୀନଦୀତୀରଵାସିନୀ ଗୁଣଵର୍ଜିତା ।
ଗୋମେଦକମଣୀକର୍ଣକୁଣ୍ଡଲା ଗୋପପାଲିନୀ ॥ ୫୩ ॥
ଗୋସଵାସକ୍ତହୃଦୟା ଗୋଶୃଙ୍ଗଧ୍ୟାନମୋଦିନୀ ।
ଗଙ୍ଗାଗର୍ଵଙ୍କଷୋଦ୍ୟୁକ୍ତରୁଦ୍ରପ୍ରୋତ୍ସାହଵାଦିନୀ ॥ ୫୪ ॥
ଗନ୍ଧର୍ଵଵନିତାମାଲାମୋଦିନୀ ଗର୍ଵନାଶିନୀ ।
ଗୁଞ୍ଜାମଣିଗଣପ୍ରୋତମାଲାଭାସୁରକନ୍ଧରା ॥ ୫୫ ॥
ଓଂ ଐଂ ହ୍ରୀଂ ଶ୍ରୀଂ ଘଂ – ୨୦ ॥
ଘଟଵାଦ୍ୟପ୍ରିୟା ଘୋରକୋଣପଘ୍ନୀ ଘଟାର୍ଗଲା ।
ଘଟିକା ଘଟିକାମୁଖ୍ୟଷଟ୍ପାରାୟଣମୋଦିନୀ ॥ ୫୬ ॥
ଘଣ୍ଟାକର୍ଣାଦିଵିନୁତା ଘନଜ୍ୟୋତିର୍ଲତାନିଭା ।
ଘନଶ୍ୟାମା ଘଟୋତ୍ଭୂତତାପସାତ୍ମାର୍ଥଦେଵତା ॥ ୫୭ ॥
ଘନସାରାନୁଲିପ୍ତାଙ୍ଗୀ ଘୋଣୋଦ୍ଧୃତଵସୁନ୍ଧରା ।
ଘନସ୍ଫଟିକସଙ୍କ୍ଲୃପ୍ତସାଲାନ୍ତରକଦମ୍ବକା ॥ ୫୮ ॥
ଘନାଲ୍ୟୁଦ୍ଭେଦଶିଖରଗୋପୁରାନେକମନ୍ଦିରା ।
ଘୂର୍ଣୀତାକ୍ଷୀ ଘୃଣାସିନ୍ଧୁଃ ଘୃଣିଵିଦ୍ୟା ଘଟେଶ୍ଵରୀ ॥ ୫୯ ॥
ଘୃତକାତିନ୍ୟହୃଦ୍ଧଣ୍ଟାମଣିମାଲାପ୍ରସାଧନା ।
ଘୋରକୃତ୍ୟା ଘୋରଵାଦ୍ୟା ଘୋରାଘୌଘଵିନାଶିନୀ ॥ ୬୦ ॥
ଘୋରାଘନକୃପାୟୁକ୍ତା ଘନନୀଲାମ୍ବରାନ୍ଵିତା ।
ଘୋରାସ୍ୟା ଘୋରଶୂଲାଗ୍ରପ୍ରୋତାସୁରକଲେବରା ॥ ୬୧ ॥
ଘୋଷତ୍ରସ୍ତାନ୍ତକଭଟା ଘୋରସଙ୍ଘୋଷକୃଦ୍ବଲା ।
ଓଂ ଐଂ ହ୍ରୀଂ ଶ୍ରୀଂ ଙଂ – ୨୧ ॥
ଙାନ୍ତାର୍ଣାଦ୍ୟମନୁପ୍ରୀତା ଙାକାରାଡୀମ୍ପରାୟଣା ॥ ୬୨ ॥
ଙୀକାରିମମଞ୍ଜୁମଞ୍ଜୀରଚରଣା ଙାଙ୍କିତ୍ତାଙ୍ଗୁଲିଃ ।
ଓଂ ଐ ହ୍ରୀଂ ଶ୍ରୀଂ ଚଂ – ୨୨ ॥
ଚକ୍ରଵର୍ତିସମାରାଧ୍ୟା ଚକ୍ରନେମିରଵୋନ୍ତୁକା ॥ ୬୩ ॥
ଚଣ୍ଡମାର୍ଣ୍ଡଧିକ୍କାରିପ୍ରଭା ଚକ୍ରାଧିନାୟିକା ।
ଚଣ୍ଡାଲାସ୍ୟପରାମୋଦା ଚଣ୍ଡଵାଦପଟୀୟସୀ ॥ ୬୪ ॥
ଚଣ୍ଡିକା ଚଣ୍ଡକୋଦଣ୍ଡା ଚଣ୍ଡଘ୍ନୀ ଚଣ୍ଡଭୈରଵୀ ।
ଚତୁରା ଚତୁରାମ୍ନାୟଶିରୋଲକ୍ଷିତରୂପିଣୀ ॥ ୬୫ ॥
ଚତୁରଙ୍ଗବଲୋପେତା ଚରାଚରଵିନୋଦିନୀ ।
ଚତୁର୍ଵକ୍ତ୍ରା ଚକ୍ରହସ୍ତା ଚକ୍ରପାଣିସମର୍ଚିତା ॥ ୬୬ ॥
ଚତୁଷ୍ଷଷ୍ଟିକଲାରୂପା ଚତୁଷ୍ଷଷ୍ୟଚର୍ଚନୋସ୍ତୁକା ।
ଚନ୍ଦ୍ରମଣ୍ଡଲନ୍ଧ୍ୟୟସ୍ଥା ଚତୁର୍ଵର୍ଗଫଲପ୍ରଦା ॥ ୬୭ ॥
ଚମରୀମୃଗୟୋଦ୍ୟୁକ୍ତା ଚିରଞ୍ଜୀଵିତ୍ଵଦାୟିନୀ ।
ଚମ୍ପକାଶୋକସ୍ରଦ୍ବଦ୍ଧଚିକୁରା ଚରୁଭକ୍ଷିଣୀ ॥ ୬୮ ॥
ଚରାଚରଜଗଦ୍ଧାତ୍ରୀ ଚନ୍ଦ୍ରିକାଧଵଲସ୍ମିତା ।
ଚର୍ମାମ୍ବରଧରା ଚଣ୍ଡକ୍ରୋଧହୁଙ୍କାରଭୀକରା ॥ ୬୯ ॥
ଚାଟୁଵାଦପ୍ରିୟା ଚାମୀକରପର୍ଵତଵାସିନୀ ।
ଚାପିନୀ ଚାପମୁକ୍ତେଷୁଚ୍ଛନ୍ନଦିଗ୍ଭ୍ରାନ୍ତପନ୍ନଗା ॥ ୭୦ ॥
ଚିତ୍ରଭାନୁମୁଖୀ ଚିତ୍ରସେନା ଚିତ୍ରାଙ୍ଗଦେଷ୍ଟଦା ।
ଚିତ୍ରଲେଖା ଚିଦାକାଶମଧ୍ୟଗା ଚିନ୍ତିତାର୍ଥଦା ॥ ୭୧ ॥
ଚିନ୍ତ୍ୟା ଚିରନ୍ତନୀ ଚିତ୍ରା ଚିତ୍ରାମ୍ବା ଚିତ୍ତଵାସିନୀ ।
ଚୈତନ୍ୟରୂପା ଚିଚ୍ଛକ୍ତିଶ୍ଚିଦମ୍ବରଵିହାରିଣୀ ॥ ୭୨ ॥
ଚୋରଘ୍ନୀ ଚୀର୍ୟଵିମୁଖା ଚତୁର୍ଦଶମନୁପ୍ରିୟା ।
ଓଂ ଐଂ ହ୍ରୀଂ ଶ୍ରୀଂ ଛଂ – ୨୩ ॥
ଛତ୍ରଚାମରଭୃଲ୍ଲକ୍ଷ୍ମୀଵାଗିନ୍ଦ୍ରାଣୀରତୀଵୃତା ॥ ୭୩ ॥
ଛନ୍ଦଶ୍ଶାସ୍ତ୍ରମୟୀ ଛନ୍ଦୋଲକ୍ଷ୍ୟାଚ୍ଛେଦଵିଵର୍ଜିତା ।
ଛନ୍ଦୋରୂପାଛନ୍ଦଗତିଃ ଛନ୍ଦଶ୍ଶିରଵିହାରିଣୀ ॥ ୭୪ ॥
ଛଦ୍ମହୃତ୍ଛଵିସନ୍ଦୀପ୍ତସୂର୍ୟଚନ୍ଦ୍ରାଗ୍ନିତାରକା ।
ଛର୍ଦିତାଣ୍ଡାଵଲିଶ୍ଛାଦିତାକାରା ଛିନ୍ନସଂଶୟା ॥ ୭୫ ॥
ଛାୟାପତିସମାରାଧ୍ୟା ଛାୟାମ୍ବା ଛତ୍ରସେଵିତା ।
ଛିନ୍ନମସ୍ତାବିକା ଛିନ୍ନଶୀର୍ଷଶତ୍ରୁଶ୍ଛଲାନ୍ତକୀ ॥ ୭୬ ॥
ଛେଦିତାସୁରଜିହ୍ଵାଗ୍ରା ଛତ୍ରୀକୃତୟଶସ୍ଵିନୀ ।
ଓଂ ଐଂ ହ୍ରୀଂ ଶ୍ରୀଂ ଜଂ – ୨୪ ॥
ଜଗନ୍ମାତା ଜଗତ୍ସାକ୍ଷୀ ଜଗଦ୍ୟୋନିର୍ଜଗଦ୍ଗୁରୁଃ ॥ ୭୭ ॥
ଜଗନ୍ମାୟା ଜଗନ୍ତ୍ଵୃନ୍ଦଵନ୍ଦିତା ଜୟିନୀଜୟା ।
ଜନଜାଡ୍ୟପ୍ରତାପଘ୍ନୀ ଜିତାସୁରମହାଵ୍ରଜା ॥ ୭୮ ॥
ଜନନୀ ଜଗଦାନନ୍ଦଦାତ୍ରୀ ଜହ୍ନୁସମର୍ଚିତା ।
ଜପମାଲାଵରାଭୀତିମୁଦ୍ରାପୁସ୍ତକଧାରିଣୀ ॥ ୭୯ ॥
ଜପୟଜ୍ଞପରାଧୀନହୃଦୟା ଜଗଦୀଶ୍ଵରୀ ।
ଜପାକୁସୁମସଙ୍କାଶା ଜନ୍ମାଦିଧ୍ଵଂସକାରଣା ॥ ୮୦ ॥
ଜାଲଧ୍ରପୂର୍ଣକାମୋଡ୍ୟାଣଚତୁଷ୍ପୀଠରୂପିଣୀ ।
ଜୀଵନାର୍ଥିଦ୍ଵିଜଵ୍ରାତତ୍ରାଣନାବଦ୍ଧକଙ୍କଣା ॥ ୮୧ ॥
ଜୀଵବ୍ରହ୍ମୈକତାକାଙ୍କ୍ଷି ଜନତାକୀର୍ଣପାର୍ଵଭୂଃ ।
ଜମ୍ଭିନୀ ଜମ୍ଭଭିତ୍ପୂଲ୍ୟା ଜାଗ୍ରଦାଦିତ୍ରୟାତିଗା ॥ ୮୨ ॥
ଜଲଦଗ୍ରିଧରା ଜ୍ଵାଲାପ୍ରୋଚ୍ଚକେଶୀ ଜ୍ଵରାର୍ତିହୃତ୍ ।
ଜ୍ଵାଲାମାଲିନିକା ଜ୍ଵାଲାମୁଖୀ ଜୈମିନିସଂସ୍ତୁତା ॥ ୮୩ ॥
ଓଂ ଐଂ ହ୍ରୀଂ ଶ୍ରୀଂ ଝଂ – ୨୫ ॥
ଝଲଞ୍ଝଲକୃତସ୍ଵର୍ଣମଞ୍ଜୀରା ଝଷଲୋଚନା ।
ଝଷକୁଣ୍ଡଲିନୀ ଝଲ୍ଲରୀଵାଦ୍ୟମୁଦିତାନନା ॥ ୮୪ ॥
ଝଷକେତୁସମାରାଧ୍ୟା ଝଷମାଂସାନ୍ନଭକ୍ଷିଣୀ ।
ଝଷୋପଦ୍ରଵକୃଦ୍ଧନ୍ତ୍ରୀ ଝ୍ମ୍ରୂମ୍ମନ୍ତ୍ରାଧିଦେଵତା ॥ ୮୫ ॥
ଝଞ୍ଝାନିଲାତିଗମନା ଝଷରାଣ୍ଣୀତସାଗରା ।
ଓଂ ଐଂ ହ୍ରୀଂ ଶ୍ରୀଂ ଜ୍ଞଂ – ୨୬ ॥
ଜ୍ଞାନମୁଦ୍ରାଧରା ଜ୍ଞାନିହୃତ୍ପଦ୍ମକୁହରାସ୍ଥିତା ॥ ୮୬ ॥
ଜ୍ଞାନମୂର୍ତିଜ୍ଞନିଗମ୍ୟା ଜ୍ଞାନଦା ଜ୍ଞାତିଵର୍ଜିତା ।
ଜ୍ଞେୟା ଜ୍ଞେୟାଦିରହିତା ଜ୍ଞାତ୍ରୀ ଜ୍ଞାନସ୍ଵରୂପିଣୀ ॥ ୮୭ ॥
ଓଂ ଐଂ ହ୍ରୀଂ ଶ୍ରୀଂ ଟଂ – ୨୭ ॥
ଟଙ୍କପୁଷ୍ପାଲିସ୍ରଙ୍ମଞ୍ଜୁକନ୍ଧରା ଟଙ୍କିତାଚଲା ।
ଟଙ୍କଵେତ୍ରାଦିକାନେକଶସ୍ତ୍ରଭୃଦ୍ଦୋର୍ଲତାଵଲିଃ ॥ ୮୮ ॥
ଓଂ ଐ ହ୍ରୀଂ ଶ୍ରୀଂ ଠଂ – ୨୮ ॥
ଠକାରନିଭଵକ୍ଷୋଜଦ୍ଵୟାଧୋଵୃତ୍ତଭାସୁରା ।
ଠକାରାଙ୍କିତଜାନ୍ଵଗ୍ରଜିତକୋରକିତାମ୍ବୁଜା ॥ ୮୯ ॥
ଓଂ ଐଂ ହ୍ରୀଂ ଶ୍ରୀଂ ଶଂ – ୨୯ ॥
ଡାକିନୀ ଡାମରୀତନ୍ତ୍ରରୂପା ଡାଡିମପାଟଲା ।
ଡମ୍ବଘ୍ନୀ ଡମ୍ବରାଽଽଡମ୍ବରୋନ୍ମୁଖୀ ଡମରୁପ୍ରିୟା ॥ ୯୦ ॥
ଡିମ୍ବଦାନଚଣା ଡୋଲାମୁଦିତା ଡୁଣ୍ଠିପୂଜିତା ।
ଓଂ ଐଂ ହ୍ରୀଂ ଶ୍ରୀଂ ଢଂ – ୩୦ ॥
ଢକାନିନଦସନ୍ତୁଷ୍ଟଶିଖିନୃତ୍ତସମୁତ୍ସୁକା ॥ ୯୧ ॥
ଓଂ ଐଂ ହ୍ରୀଂ ଶ୍ରୀଂ ଣଂ – ୩୧ ॥
ଣକାରପଞ୍ଜରଶୁକୀ ଣକାରୋଦ୍ୟାନକୋକିଲା ।
ଓଂ ଐଂ ହ୍ରୀଂ ଶ୍ରୀଂ ତଂ – ୩୨ ॥
ତତ୍ଵାତୀତା ତପୋଲକ୍ଷ୍ୟା ତପ୍ତକାଞ୍ଚନସନ୍ନିଭା ॥ ୯୨ ॥
ତନ୍ତ୍ରୀ ତତ୍ଵମସୀଵାକ୍ୟଵିଷୟା ତରୁଣୀଵୃତା ।
ତର୍ଜନ୍ୟଙ୍ଗୁଷ୍ଠସଂୟୋଗଜ୍ଞାନବ୍ରହ୍ମମୁନୀଶ୍ଵରା ॥ ୯୩ ॥
ତର୍ଜିତାନେକଦନୁଜା ତକ୍ଷକୀ ତଡିତାଲିଭା ।
ତାମ୍ରଚୂଡଧ୍ଵଜୋତ୍ସଙ୍ଗା ତାପତ୍ରୟଵିନାଶିନୀ ॥ ୯୪ ॥
ତାରାମ୍ବା ତାରକୀ ତାରାପୂଜ୍ୟା ତାଣ୍ଡଵଲୋଲୁପା ।
ତିଲୋତ୍ତମାଦିଦେଵସ୍ତ୍ରୀଶାରୀରୋନ୍ସୁକମାନସା ॥ ୯୫ ॥
ତିଲ୍ଵଦ୍ରୁସଙ୍କୁଲାଭୋଗକାନ୍ତାରାନ୍ତରଵାସିନୀ ।
ତ୍ରୟୀଦ୍ଵିଡ୍ରସନାରକ୍ତପାନଲୋଲାସିଧାରିଣୀ ॥ ୯୬ ॥
ତ୍ରୟୀମୟୀ ତ୍ରୟୀଵେଦ୍ୟା ତ୍ର୍ୟୟ୍ୟନ୍ତୋଦ୍ଗୀତଵୈଭଵା ।
ତ୍ରିକୋଣସ୍ଥା ତ୍ରିକାଲଜ୍ଞା ତ୍ରିକୂଟା ତ୍ରିପୁରେଶ୍ଵରୀ ॥ ୯୭ ॥
ତ୍ରିଚତ୍ଵାରିଂଶଦଶ୍ରାଙ୍କଚକ୍ରାନ୍ତର୍ବିନ୍ଦୁସଂସ୍ଥିତା ।
ତ୍ରିତାରା ତୁମ୍ବୁରୂଦ୍ଗୀତା ତାର୍କ୍ଷ୍ୟାକାରା ତ୍ରିକାଗ୍ନିଜା ॥ ୯୮ ॥
ତ୍ରିପୁରା ତ୍ରିପୁରଧ୍ଵଂସିପ୍ରିୟା ତ୍ରିପୁରସୁନ୍ଦରୀ ।
ତ୍ରିସ୍ଥା ତ୍ରିମୂର୍ତିସହଜଶକ୍ତିସ୍ତ୍ରିପୁରଭୈରଵୀ ॥ ୯୯ ॥
ଓଂ ଐଂ ହ୍ରୀଂ ଶ୍ରୀଂ ଥଂ – ୩୩ ॥
ଥାଂ ଥୀକରମୃଦଗାଦିଭୃଦ୍ଵିଷ୍ଣୁମୁଖସେଵିତା ।
ଥାଂ ଥୀଂ ତକ୍ତକ ଥିଂ ତୋକୃତ୍ତାଲଧ୍ଵନିସଭାଙ୍ଗଣା ॥ ୧୦୦ ॥
ଓଂ ଐଂ ହ୍ରୀଂ ଶ୍ରୀଂ ଦଂ – ୩୪ ॥
ଦକ୍ଷା ଦାକ୍ଷାୟଣୀ ଦକ୍ଷପ୍ରଜାପତିମଖାନ୍ତକୀ ।
ଦକ୍ଷିଣାଚାରରସିକା ଦୟାସମ୍ପୂର୍ଣମାନସା ॥ ୧୦୧ ॥
ଦାରିଦ୍ରୟୋନ୍ମୂଲିନୀ ଦାନଶୀଲା ଦୋଷଵିଵର୍ଜିତା ।
ଦାରୁକାନ୍ତକରୀ ଦାରୁକାରଣ୍ୟମୁନିମୋହିନୀ ॥ ୧୦୨ ॥
ଦୀର୍ଘଦଂଷ୍ଟ୍ରାନନା ଦୀର୍ଘରସନାଗୀର୍ଣଦାନଵା ।
ଦୀକ୍ଷିତା ଦୀକ୍ଷିତାରାଧ୍ୟା ଦୀନସଂରକ୍ଷଣୋଦ୍ୟତା ॥ ୧୦୩ ॥
ଦୁଃଖାବ୍ଧିବଡବା ଦୁର୍ଗା ଦୁମ୍ବୀଜା ଦୁରିତାପହା ।
ଦୁଷ୍ଟଦୂରା ଦୁରାଚାରଶମନୀ ଦ୍ୟୂତଵେଦିନୀ ॥ ୧୦୪ ॥
ଦ୍ଵିଜାଵଗୂରଣସ୍ଵାନ୍ତପିଶିତାମୋଦିତାଣ୍ଡଜା ।
ଓଂ ଐଂ ହ୍ରୀଂ ଶ୍ରୀଂ ଧଂ – ୩୫ ॥
ଧନଦା ଧନଦାରାଧ୍ୟା ଧନଦାପ୍ତକୁଟୁମ୍ବିନୀ ॥ ୧୦୫ ॥
ଧରାଧରାତ୍ମଜା ଧର୍ମରୂପା ଧରଣିଧୂର୍ଧରା ।
ଧାତ୍ରୀ ଧାତୃଶିରଚ୍ଛେତ୍ରୀ ଧୀଧ୍ୟେୟା ଧୁଵପୂଜିତା ॥ ୧୦୬ ॥
ଧୂମାଵତୀ ଧୂମ୍ରନେତ୍ରଗର୍ଵସଂହାରିଣୀ ଧୃତିଃ ।
ଓଂ ଐଂ ହ୍ରୀଂ ଶ୍ରୀଂ ନଂ – ୩୬ ॥
ନଖୋତ୍ପନ୍ନଦଶାକାରମାଧଵା ନକୁଲୀଶ୍ଵରୀ ॥ ୧୦୭ ॥
ନରନାରାୟଣସ୍ତୁତ୍ୟା ନଲିନାୟତଲୋଚନା ।
ନରାସ୍ଥିସ୍ରଗ୍ଧରା ନାରୀ ନରପ୍ରେତୋପରିସ୍ଥିତା ॥ ୧୦୮ ॥
ନଵାକ୍ଷରୀନାମମନ୍ତ୍ରଜପପ୍ରୀତା ନଟେଶ୍ଵରୀ ।
ନାଦଚାମୁଣ୍ଡିକା ନାନାରୂପକୃନ୍ନାସ୍ତିକାନ୍ତକୀ ॥ ୧୦୯ ॥
ନାଦବ୍ରହ୍ମମୟୀ ନାମରୂପହୀନା ନତାନନା ।
ନାରାୟଣୀ ନନ୍ଦିଵିଦ୍ୟା ନାରଦୋଦ୍ଗୀତଵୈଭଵା ॥ ୧୧୦ ॥
ନିଗମାଗମସଂଵେଦ୍ୟା ନେତ୍ରୀ ନୀତିଵିଶାରଦା ।
ନିର୍ଗୁଣା ନିତ୍ୟସନ୍ତୁଷ୍ଟା ନିତ୍ୟାଷୋଡଶିକାଵୃତା ॥ ୧୧୧ ॥
ନୃସିଂହଦର୍ପଶମନୀ ନରେନ୍ଦ୍ରଗଣଵନ୍ଦିତା ।
ନୌକାରୂଢାସମୁତ୍ତୀର୍ଣଭଵାମ୍ଭୋଧି ନିଜାଶ୍ରିତା ॥ ୧୧୨ ॥
ଓଂ ଐଂ ହ୍ରୀଂ ଶ୍ରୀଂ ପଂ – ୩୭ ॥
ପରମା ପରମଂ ଜ୍ୟୋତିଃ ପରବ୍ରହ୍ମମୟୀ ପରା ।
ପରାପରମୟୀ ପାଶବାଣାଙ୍କୁଶଧନୁର୍ଧରା ॥ ୧୧୩ ॥
ପରାପ୍ରାସାଦମନ୍ତ୍ରାର୍ଥା ପତଞ୍ଜଲିସମର୍ଚିତା ।
ପାପଘ୍ନୀ ପାଶରହିତା ପାର୍ଵତୀ ପରମେଶ୍ଵରୀ ॥ ୧୧୪ ॥
ପୁଣ୍ୟା ପୁଲିନ୍ଦିନୀପୂଜ୍ୟା ପ୍ରାଜ୍ଞା ପ୍ରଜ୍ଞାନରୂପିଣୀ ।
ପୁରାତନା ପରାଶକ୍ତିଃ ପଞ୍ଚଵର୍ଣସ୍ଵରୂପିଣୀ ॥ ୧୧୫ ॥
ପ୍ରତ୍ୟଙ୍ଗିରାଃ ପାନପାତ୍ରଧରା ପୀନୋନ୍ନତସ୍ତନୀ ।
ଓଂ ଐଂ ହ୍ରୀଂ ଶ୍ରୀଂ ଫଂ – ୩୮ ॥
ଫଡର୍ଣଧ୍ଵସ୍ତପାପୌଘଦାସା ଫଣିଵରେଡିତା ॥ ୧୧୬ ॥
ଫଣିରତ୍ନାସନାସୀନକାମେଶୋତ୍ସଙ୍ଗଵାସିନୀ ।
ଫଲଦା ଫଲ୍ଗୁନପ୍ରୀତା ଫୁଲ୍ଲାନନସରୋରୁହା ॥ ୧୧୭ ॥
ଫୁଲ୍ଲୋତ୍ତପ୍ତାଙ୍ଗସାହସ୍ରଦଲପଙ୍କଜଭାସୁରା ।
ଓଂ ଐଂ ହ୍ରୀଂ ଶ୍ରୀଂ ବଂ – ୩୯ ॥
ବନ୍ଧୂକସୁମନୋରାଗା ବାଦରାୟଣଦେଶିକା ॥ ୧୧୮ ॥
ବାଲାମ୍ବା ବାଣକୁସୁମା ବଗଲାମୁଖିରୂପିଣୀ ।
ବିନ୍ଦୁଚକ୍ରସ୍ଥିତା ବିନ୍ଦୁତର୍ପଣପ୍ରୀତମାନସା ॥ ୧୧୯ ॥
ବୃହତ୍ସାମସ୍ତୁତା ବ୍ରହ୍ମମାୟା ବ୍ରହ୍ମର୍ଷିପୂଜିତା ।
ବୃହଦୈଶ୍ଵର୍ୟଦା ବନ୍ଧହୀନା ବୁଧସମର୍ଚିତା ॥ ୧୨୦ ॥
ବ୍ରହ୍ମଚାମୁଣ୍ଡିକା ବ୍ରହ୍ମଜନନୀ ବ୍ରାହ୍ମଣପ୍ରିୟା ।
ବ୍ରହ୍ମଜ୍ଞାନପ୍ରଦା ବ୍ରହ୍ମଵିଦ୍ୟା ବ୍ରହ୍ମାଣ୍ଡନାୟିକା ॥ ୧୨୧ ॥
ବ୍ରହ୍ମତାଲପ୍ରିୟା ବ୍ରହ୍ମପଞ୍ଚମଞ୍ଚକଶାୟିନୀ । (??)
ବ୍ରହ୍ମାଦିଵିନୁତା ବ୍ରହ୍ମପତ୍ନୀ ବ୍ରହ୍ମପୁରସ୍ଥିତା ॥ ୧୨୨ ॥
ବ୍ରାହ୍ମୀମାହେଶ୍ଵରୀମୁଖ୍ୟଶକ୍ତିଵୃନ୍ଦସମାଵୃତା ।
ଓଂ ଐଂ ହ୍ରୀଂ ଶ୍ରୀଂ ଭଂ – ୪୦ ॥
ଭଗାରାଧ୍ୟା ଭଗଵତୀ ଭାର୍ଗଵୀ ଭାର୍ଗଵାର୍ଚିତା ॥ ୧୨୩ ॥
ଭଣ୍ଡାସୁରଶିରଶ୍ଛେତ୍ରୀ ଭାଷାସର୍ଵସ୍ଵଦର୍ଶିନୀ ।
ଭଦ୍ରା ଭଦ୍ରାର୍ଚିତା ଭଦ୍ରକାଲୀ ଭର୍ଗସ୍ଵରୂପିଣୀ ॥ ୧୨୪ ॥
ଭଵାନୀ ଭାଗ୍ୟଦା ଭୀମା ଭାମତୀ ଭୀମସୈନିକା ।
ଭୁଜଙ୍ଗନଟନୋଦ୍ୟୁକ୍ତା ଭୁଜନିର୍ଜିତଦାନଵା ॥ ୧୨୫ ॥
ଭ୍ରୁକୁଟୀକ୍ରୂରଵଦନା ଭ୍ରୂମଧ୍ୟନିଲୟସ୍ଥିତା ।
ଭେତାଲନଟନପ୍ରୀତା ଭୋଗିରାଜାଙ୍ଗୁଲୀୟକା ॥ ୧୨୬ ॥
ଭେରୁଣ୍ଡା ଭେଦନିର୍ମୁକ୍ତା ଭୈରଵୀ ଭୈରଵାର୍ଚିତା ।
ଓଂ ଐଂ ହ୍ରୀଂ ଶ୍ରୀଂ ମଂ – ୪୧ ॥
ମଣିମଣ୍ଡପମଧ୍ୟସ୍ଥା ମାଣିକ୍ୟାଭରଣାନ୍ଵିତା ॥ ୧୨୭ ॥
ମନୋନ୍ମନୀ ମନୋଗମ୍ୟା ମହାଦେଵପତିତ୍ରତା ।
ମନ୍ତ୍ରରୂପା ମହାରାଜ୍ଞୀ ମହାସିଦ୍ଧାଲିସଂଵୃତା ॥ ୧୨୮ ॥
ମନ୍ଦରାଦିକୃତାଵାସା ମହାଦେଵୀ ମହେଶ୍ଵରୀ ।
ମହାହିଧମେଖଲା ମାର୍ଗଦୁର୍ଗା ମାଙ୍ଗଲ୍ୟଦାୟିନୀ ॥ ୧୨୯ ॥
ମହାଵତକ୍ରତୁପ୍ରୀତା ମାଣିଭଦ୍ରସମର୍ଚିତା । (??)
ମହିଷାସୁରଶିରଶ୍ଛେଦନର୍ତକୀ ମୁଣ୍ଡଖମିଡନୀ ॥ ୧୩୦ ॥
ମାତା ମରକଟଶ୍ୟାମା ମାତଙ୍ଗୀ ମତିସାକ୍ଷିଣୀ । (??)
ମାଧଵୀ ମାଧଵାରାଧ୍ୟା ମଧୁମାଂସପ୍ରିୟା ମହୀ ॥ ୧୩୧ ॥
ମାରୀ ମାରାନ୍ତକ କ୍ଷୋଭକାରିଣୀ ମୀନଲୋଚନା ।
ମାଲତୀକୁନ୍ଦମାଲାଢ୍ୟା ମାଷୌଦନସମୁନ୍ସୁକା ॥ ୧୩୨ ॥
ମିଥୁନାସକ୍ତହୃଦୟା ମୋହିତାଶେଷଵିଷ୍ଟପା ।
ମୁଦ୍ରା ମୁଦ୍ରାପ୍ରିୟା ମୂର୍ଖନାଶିନୀ ମେଷଭକ୍ଷିଣୀ ॥ ୧୩୩ ॥
ମୂକାମ୍ବା ମୁଖଜା ମୋଦଜନକାଲୋକନପ୍ରିୟା ।
ମୌନଵ୍ୟାଖ୍ୟାପରା ମୌନସତ୍ୟଚିନ୍ମାତ୍ରଲକ୍ଷଣା ॥ ୧୩୪ ॥
ମୌଞ୍ଜୀକଚ୍ଛଧରା ମୌର୍ଵୀଦ୍ଵିରେଫମୁଖରୋନ୍ମୁଖା ।
ଓଂ ଐଂ ହ୍ରୀଂ ଶ୍ରୀଂ ୟଂ – ୪୨ ॥
ୟଜ୍ଞଵୃନ୍ଦପ୍ରିୟା ୟଷ୍ଟ୍ରୀ ୟାନ୍ତଵର୍ଣସ୍ଵରୂପିଣୀ ॥ ୧୩୫ ॥
ୟନ୍ତ୍ରରୂପା ୟଶୋଦାତ୍ମଜାତସଜୁତଵୈଭଵା ।
ୟଶସ୍କରୀ ୟମାରାଧ୍ୟା ୟଜମାନାକୃତିର୍ୟତିଃ ॥ ୧୩୬ ॥
ୟାକିନୀ ୟକ୍ଷରକ୍ଷାଦିଵୃତା ୟଜନତର୍ପଣା ।
ୟାଥାର୍ଥ୍ୟଵିଗ୍ରହା ୟୋଗ୍ୟା ୟୋଗିନୀ ୟୋଗନାୟିକା ॥ ୧୩୭ ॥
ୟାମିନୀ ୟଜମୋତ୍ସାହା ୟାମିନୀଚରଭକ୍ଷିଣୀ ।
ୟାୟଜୂକର୍ଚିତପଦା ୟଜ୍ଞେଶୀ ୟକ୍ଷିଣୀଶ୍ଵରୀ ॥ ୧୩୮ ॥
ୟାସାପଦ୍ମଧରା ୟାସାପଦ୍ମାନ୍ତରପରିଷ୍କୃତା ।
ୟୋଷାଽଭୟଙ୍କରୀ ୟୋଷିଦ୍ଵୃନ୍ଦଵନ୍ଦିତପାଦୁକା ॥ ୧୩୯ ॥
ଓଂ ଐଂ ହ୍ରୀଂ ଶ୍ରୀଂ ରଂ – ୪୩ ॥
ରକ୍ତଚାମୁଣ୍ଡିକା ରାତ୍ରିଦେଵତା ରାଗଲୋଲୁପା ।
ରକ୍ତବୀଜପ୍ରଶମନୀ ରଜୋଗନ୍ଧନିଵାରିଣୀ ॥ ୧୪୦ ॥
ରଣରଗନଟୀରତ୍ତ୍ରମଜ୍ଜୀରଚରଣାମ୍ବୁଜା ।
ରଜଧ୍ଵଵସ୍ତାଚଲା ରାଗହୀନମାନସହଂସିନୀ ॥ ୧୪୧ ॥
ରସନାଲେପିତକ୍ରୂରରକ୍ତବୀଜକଲେବରା ।
ରକ୍ଷାକରୀ ରମା ରମ୍ୟା ରଞ୍ଜିନୀ ରସିକାଵୃତା ॥ ୧୪୨ ॥
ରାକିଣ୍ୟମ୍ବା ରାମନୁତା ରମାଵାଣୀନିଷେଵିତା ।
ରାଗାଲାପପରବ୍ରହ୍ମ ଶିରୋ ମାଲାପ୍ରସାଧନା ॥ ୧୪୩ ॥
ରାଜରାଜେଶ୍ଵରୀ ରାଜ୍ଞୀ ରାଜୀଵନୟନପ୍ରିୟା ।
ରାଜଵ୍ରାତକିରୀଟାଂଶୁନୀରାଜିତପଦାମ୍ବୁଜା ॥ ୧୪୪ ॥
ରୁଦ୍ରଚାମୁଣ୍ଡିକା ରୁକ୍ମସଦୃଶା ରୁଧିରପ୍ରିୟା ।
ରୁଦ୍ରତାଣ୍ଡଵସାମର୍ଥ୍ୟଦର୍ଶନୋତ୍ସୁକମାନସା ॥ ୧୪୫ ॥
ରୁଦ୍ରାଟ୍ଟହାସସଙ୍କ୍ଷୁଭ୍ୟଜ୍ଜଗନ୍ତୁଷ୍ଟିଵିଧାୟିନୀ ।
ରୁଦ୍ରାଣୀ ରୁଦ୍ରଵନିତା ରୁରୁରାଜହିତୈଷିଣୀ ॥ ୧୪୬ ॥
ରେଣୁକା ରେଣୁକାସୂନୁସ୍ତୁତ୍ୟା ରେଵାଵିହାରିଣୀ ।
ରୋଗଘ୍ନୀ ରୋଷନିର୍ଦଗ୍ଧଶତ୍ରୁସେନାନିଵେଶିନୀ ॥ ୧୪୭ ॥
ରୋହିଣୀଶାଂଶୁସମ୍ଭୂତଝରୀରତ୍ନଵିତାନକା ।
ରୌଦ୍ରୀ ରୌଦ୍ରାସ୍ତ୍ରନିର୍ଦଗ୍ଧରାକ୍ଷସା ରାହୁପୂଜିତା ॥ ୧୪୮ ॥
ଓଂ ଐଂ ହ୍ରୀଂ ଶ୍ରୀଂ ଲଂ – ୪୪ ॥
ଲଘୂକ୍ତିଵଲ୍ଗୁସ୍ତିମିତଵାଣୀତ୍ୟକ୍ତଵିପଞ୍ଚିକା ।
ଲଜ୍ଜାଵତୀ ଲଲତ୍ପ୍ରୋଚ୍ଚକେଶା ଲମ୍ବିପୟୋଧରା ॥ ୧୪୯ ॥
ଲୟାଦିକର୍ତ୍ରୀ ଲୋମାଲିଲତାନାଭୀସରଃ କଟୀ ।
ଲଲଦୋଷ୍ଠଦଲଦ୍ଵନ୍ଦ୍ଵଵଦନା ଲକ୍ଷ୍ୟଦୂରଗା ॥ ୧୫୦ ॥
ଲଲନ୍ତିକାମଣୀଭାସ୍ଵନ୍ନିଟିଲଶ୍ରୀମୁଖାମ୍ବୁଜା ।
ଲଲାଟାର୍ଧନିଶାନାଥକଲଙ୍କୋଦ୍ଭାସିଲୋଚନା ॥ ୧୫୧ ॥
ଲଲିତା ଲୋଭିନୀ ଲୋଭହୀନା ଲୋକେଶ୍ଵରୀ ଲଘୁଃ ।
ଲକ୍ଷ୍ମୀର୍ଲକ୍ଷ୍ମୀଶସହଜା ଲକ୍ଷ୍ମଣାଗ୍ରଜଵନ୍ଦିତା ॥ ୧୫୨ ॥
ଲାକିନୀ ଲଘିତାପୃଭୋଧିନିଵହା ଲଲିତାଗ୍ବିକା ।
ଲାଜହୋମପ୍ରିୟା ଲମ୍ବମୁକ୍ତାଭାସୁରନାସିକା ॥ ୧୫୩ ॥
ଲାଭାଲାଭାଦିରହିତା ଲାସ୍ୟଦର୍ଶନକୋଵିଦା ।
ଲାଵଣ୍ୟଦର୍ଶନୋଦ୍ଵିଗ୍ନରତୀଶା ଲଧୁଭାଷିଣୀ ॥ ୧୫୪ ॥
ଲାକ୍ଷାରସାଞ୍ଚିତପଦା ଲଧୁଶ୍ୟାମା ଲତାତନୁଃ ।
ଲାକ୍ଷାଲକ୍ଷ୍ମୀତିରସ୍କାରିୟୁଗଲାଧରପଲ୍ଲଵା ॥ ୧୫୫ ॥
ଲୀଲାଗତିପରାଭୂତହଂସା ଲୀଲାଵିନୋଦିନୀ ।
ଲୀଲାନନ୍ଦନକଲ୍ପଦ୍ରୁମଲତାଡୋଲାଵିହାରିଣୀ ॥ ୧୫୬ ॥
ଲୀଲାପୀତାବ୍ଧିଵିନୁତା ଲୀଲାସ୍ଵୀକୃତଵିୟହା ।
ଲୀଲାଶୁକୋସ୍ତିମୁଦିତା ଲୀଲାମୃଗଵିହାରିଣୀ ॥ ୧୫୭ ॥
ଲୋକମାତା ଲୋକସୃଷ୍ଟିସ୍ଥିତିସଂହାରକାରିଣୀ ।
ଲୋକାତୀତପଦା ଲୋକଵନ୍ଦ୍ୟା ଲୋକୈକସାକ୍ଷିଣୀ ॥ ୧୫୮ ॥
ଲୋକାତୀତାକୃତିର୍ଲବ୍ଧା ମାର୍ଗତ୍ୟାଗପରାନ୍ତକୀ । (??)
ଲୋକାନୁଲ୍ଲଙ୍ଘିତନିଜଶାସନା ଲବ୍ଧଵିୟହା ॥ ୧୫୯ ॥
ଲୋମାଵଲି ଲତା ଲମ୍ବିସ୍ତନୟୁଗ୍ମନତାନନା ।
ଲୋଲଚିତ୍ତଵିଦୂରସ୍ଥା ଲୋମଲମ୍ବ୍ୟଣ୍ଡଜାଲକା ॥ ୧୬୦ ॥
ଲବିତାରିଶିରୋହସ୍ତା ଲୋକରକ୍ଷାପରାୟଣା ।
ଓଂ ଐଂ ହ୍ରୀଂ ଶ୍ରୀଂ ଵଂ – ୪୫ ॥
ଵନଦୁର୍ଗା ଵିନ୍ଧ୍ୟଦଲଵାସିନୀ ଵାମକେଶ୍ଵରୀ ॥ ୧୬୧ ॥
ଵଶିନ୍ୟାଦିସ୍ତୁତା ଵହ୍ନିଜ୍ଵାଲୋଦ୍ଗାରିମୁଖୀ ଵରା ।
ଵକ୍ଷୋଜୟୟୁଗ୍ମଵିରହାସହିଷ୍ଣୁକରଶଙ୍କରା ॥ ୧୬୨ ॥
ଵାଙ୍ମନୋତୀତଵିଷୟା ଵାମାଚାରସମୁତ୍ସୁକା ।
ଵାଜପେୟାଧ୍ଵରାନନ୍ଦା ଵାସୁଦେଵେଷ୍ଟଦାୟିନୀ ॥ ୧୬୩ ॥
ଵାଦିତ୍ରଧ୍ଵନିସମ୍ଭ୍ରାନ୍ତଦିଗ୍ଗଜାଲିର୍ଵିଧୀଡିତା ।
ଵାମଦେଵଵସିଷ୍ଠାଦିପୂଜିତା ଵାରିଦପ୍ରଭା ॥ ୧୬୪ ॥
ଵାମସ୍ତନାଶ୍ଲିଷ୍ଦ୍ଧସ୍ତପଦ୍ମଶମ୍ଭୁଵିହାରିଣୀ ।
ଵାରାହୀ ଵାସ୍ତୁମଧ୍ୟସ୍ଥା ଵାସଵାନ୍ତଃ ପୁରେଷ୍ଟଦା ॥ ୧୬୫ ॥
ଵାରାଙ୍ଗନାନୀତପୂର୍ଣକୁମ୍ଭଦୀପାଲିମଣ୍ଟପା ।
ଵାରିଜାସନଶୀର୍ଷାଲିମାଲା ଵାର୍ଧିସରୋଵରା ॥ ୧୬୬ ॥
ଵାରିତାସୁରଦର୍ପଶ୍ରୀଃ ଵାର୍ଧଘ୍ନୀମନ୍ତ୍ରରୂପିଣୀ ।
ଵାର୍ତାଲୀ ଵାରୁଣୀ ଵିଦ୍ୟା ଵରୁଣାରୋଗ୍ୟଦାୟିନୀ ॥ ୧୬୭ ॥
ଵିଜୟା ଵିଜୟାସ୍ତୁତ୍ୟା ଵିରୂପା ଵିଶ୍ଵରୂପିଣୀ ।
ଵିପ୍ରଶତ୍ରୁକଦମ୍ବଘ୍ନୀ ଵିପ୍ରପୂଜ୍ୟା ଵିଷାପହା ॥ ୧୬୮ ॥
ଵିରିଞ୍ଚିଶିକ୍ଷଣୋଦ୍ୟୁକ୍ତମଧୁକୈଟଭନାଶିନୀ ।
ଵିଶ୍ଵମାତା ଵିଶାଲାକ୍ଷୀ ଵିରାଗା ଵୀଶଵାହନା ॥ ୧୬୯ ॥
ଵୀତରାଗଵୃତା ଵ୍ୟାଘ୍ରପାଦ ନୃତ୍ତପ୍ରଦର୍ଶିନୀ ।
ଵୀରଭଦ୍ରହତୋନ୍ମତ୍ତଦକ୍ଷୟଜ୍ଞାଶ୍ରିତାମରା ॥ ୧୭୦ ॥
ଵେଦଵେଦ୍ୟା ଵେଦରୂପା ଵେଦାନନସରୋରୁହା ।
ଵେଦାନ୍ତଵିଷୟା ଵେଣୁନାଦଜ୍ଞା ଵେଦପୂଜିତା ॥ ୧୭୧ ॥
ଵୌଷଟ୍ମନ୍ତ୍ରମୟାକାରା ଵ୍ୟୋମକେଶୀ ଵିଭାଵରୀ । ??
ଵନ୍ଦ୍ୟା ଵାଗ୍ଵାଦିନୀ ଵନ୍ୟମାଂସାହାରା ଵନେଶ୍ଵରୀ ॥ ୧୭୨ ॥
ଵାଞ୍ଛାକଲ୍ପଲତା ଵାଣୀ ଵାକ୍ପ୍ରଦା ଵାଗଧୀଶ୍ଵରୀ ।
ଓଂ ଐଂ ହ୍ରୀଂ ଶ୍ରୀଂ ଶଂ – ୪୬ ॥
ଶକ୍ତିଵୃନ୍ଦାଵୃତା ଶବ୍ଦମୟୀ ଶ୍ରୀଚକ୍ରରୂପିଣୀ ॥ ୧୭୩ ॥
ଶବରୀ ଶବରୀଦୁର୍ଗା ଶରଭେଶଚ୍ଛଦାକୃତିଃ ।
ଶବ୍ଦଜାଲୋଦ୍ଭଵଢ୍ଢକ୍କାରଵାସନ୍ଦିଗ୍ଧତାପସା ॥ ୧୭୪ ॥
ଶରଣାଗତସନ୍ତ୍ରାଣପରାୟଣପଟୀୟସୀ ।
ଶଶାଙ୍କଶେଖରା ଶସ୍ତ୍ରଧରା ଶତମୁଖାମ୍ବୁଜା ॥ ୧୭୫ ॥
ଶାତୋଦରୀ ଶାନ୍ତିମତୀ ଶରଚ୍ଚନ୍ଦ୍ରନିଭାନନା ।
ଶାପାପନୋଦନଚଣା ଶଙ୍କାଦୋଷାଦିନାଶିନୀ ॥ ୧୭୬ ॥
ଶିଵକାମସୁନ୍ଦରୀ ଶ୍ରୀଦା ଶିଵଵାମାଙ୍ଗଵାସିନୀ ।
ଶିଵା ଶ୍ରୀଦାନନିପୁଣଲୋଚନା ଶ୍ରୀପତିପ୍ରିୟା ॥ ୧୭୭ ॥
ଶୁକାଦିଦ୍ଵିଜଵୃନ୍ଦୋକ୍ତିସ୍ତବ୍ଧମାନସଗୀଷ୍ପତିଃ ।
ଶୁକ୍ରମଣ୍ଡଲସଙ୍କାଶମୁକ୍ତାମାଲା ଶୁଚିସ୍ମିତା ॥ ୧୭୮ ॥
ଶୁକ୍ଲଦଂଷ୍ଟ୍ରାଗ୍ରସନ୍ଦୀପ୍ତପାତାଲଭ୍ରାନ୍ତପନ୍ନଗା ।
ଶୁଭ୍ରାସନା ଶୂରସେନାଵୃତା ଶୂଲାଦିନାଶିନୀ ॥ ୧୭୯ ॥
ଶୂକଵୃଶ୍ଚିକନାଗାଖୁର୍ଵୃକହ୍ରିଂସ୍ରାଲିସଂଵୃତା ।
ଶୂଲିନୀ ଶୂଲଡ୍ଗାହିଶଙ୍ଖଚକ୍ରଗଦାଧରା ॥ ୧୮୦ ॥
ଶୋକାବ୍ଧିଶୋଷଣୋଦ୍ୟୁକ୍ତବଡଵା ଶ୍ରୋତ୍ରିୟାଵୃତା ।
ଶଙ୍କରାଲିଙ୍ଗନାନନ୍ଦମେଦୁରା ଶୀତଲାମ୍ବିକା ॥ ୧୮୧ ॥
ଶଙ୍କରୀ ଶଙ୍କରାର୍ଧାଙ୍ଗହରା ଶାକ୍କରଵାହନା ।
ଶମ୍ଭୁକୋପାଗ୍ନିନିର୍ଦଗ୍ଧମଦନୋତ୍ପାଦକେକ୍ଷଣା ॥ ୧୮୨ ॥
ଶାମ୍ଭଵୀ ଶମ୍ଭୁହସ୍ତାବ୍ଜଲୀଲାରୁଣକରାଵଲିଃ ।
ଶ୍ରୀଵିଦ୍ୟା ଶୁଭଦା ଶୁଭଵସ୍ତ୍ରା ଶୁମ୍ଭାସୁରାନ୍ତକୀ ॥ ୧୮୩ ॥
ଓଂ ଐଂ ହ୍ରୀଂ ଶ୍ରୀଂ ଷଂ – ୪୭ ॥
ଷଡାଧାରାବ୍ଜନିଲୟା ଷାଡ୍ଗୁଣ୍ୟଶ୍ରୀପ୍ରଦାୟିନୀ ।
ଷଡୂର୍ମିଘ୍ନି ଷଡଧ୍ଵାନ୍ତପଦାରୂଢସ୍ଵରୂପିଣୀ ॥ ୧୮୪ ॥
ଷଟ୍କୋଣମଧ୍ୟନିଲୟା ଷଡର୍ଣା ଷାନ୍ତରୂପିଣୀ ।
ଷଡ୍ଜାଦିସ୍ଵରନିର୍ମାତ୍ରୀ ଷଡଙ୍ଗୟୁଵତୀଶ୍ଵରୀ ॥ ୧୮୫ ॥
ଷଡ୍ଭାଵରହିତା ଷଣ୍ଡକଣ୍ଟକୀ ଷଣ୍ମୁଖପ୍ରିୟା ।
ଷଡ୍ସାସ୍ଵାଦମୁଦିତା ଷଷ୍ଠୀଶାଦିମଦେଵତା ॥ ୧୮୬ ॥
ଷୋଢାନ୍ୟାସମୟାକାରା ଷୋଡଶାକ୍ଷରଦେଵତା ।
ଓଂ ଐଂ ହ୍ରୀଂ ଶ୍ରୀଂ ସଂ – ୪୮ ॥
ସକଲା ସଚ୍ଚିଦାନନ୍ଦଲକ୍ଷଣା ସୌଖ୍ୟଦାୟିନୀ ॥ ୧୮୭ ॥
ସନକାଦିମୁନିଧ୍ୟେୟା ସନ୍ଧ୍ୟାନାଟ୍ୟଵିଶାରଦା ।
ସମସ୍ତଲୋକଜନନୀ ସଭାନଟନରଞ୍ଜିନୀ ॥ ୧୮୮ ॥
ସରଃ ପୁଲିନଲୀଲାର୍ଥିୟୁଵତୀନିଵହୋତ୍ସୁକା ।
ସରସ୍ଵତୀ ସୁରାରାଧ୍ୟା ସୁରାପାନପ୍ରିୟାସୁରା ॥ ୧୮୯ ॥
ସରୋଜଲଵିହାରୋଦ୍ୟତ୍ପ୍ରିୟାକୃଷ୍ଟୋତ୍ତରାଂଶୁକା ।
ସାଧ୍ୟା ସାଧ୍ୟାଦିରୀହତା ସ୍ଵତନ୍ତ୍ରା ସ୍ଵସ୍ତିରୂପିଣୀ ॥ ୧୯୦ ॥
ସାଧ୍ଵୀ ସଙ୍ଗୀତରସିକା ସର୍ଵଦା ସର୍ଵମଙ୍ଗଲା ।
ସାମୋଦ୍ଗୀତନିଜାନନ୍ଦମହିମାଲିସ୍ସନାତନା ॥ ୧୯୧ ॥
ସାରସ୍ଵତପ୍ରଦା ସାମା ସଂସାରାର୍ଣଵତାରିଣୀମ୍ ।
ସାଵିତ୍ରୀ ସଙ୍ଗନିର୍ମୁକ୍ତା ସତୀଶୀ ସର୍ଵତୋମୁଖୀ ॥ ୧୯୨ ॥
ସାଖ୍ୟତତ୍ଵଜ୍ଞନିଵହଵ୍ୟାପିସାଲା ସୁଖେଶ୍ଵରୀ ।
ସିଦ୍ଧସଙ୍ଘାଵୃତା ସାନ୍ଧ୍ୟଵନ୍ଦିତା ସାଧୁସତ୍କୃତା ॥ ୧୯୩ ॥
ସିଂହାସନଗତା ସର୍ଵଶୃଙ୍ଗାରରସଵାରିଧିଃ ।
ସୁଧାବ୍ଧିମଧ୍ୟନିଲୟା ସ୍ଵର୍ଣଦ୍ଵୀପାନ୍ତରସ୍ଥିତା ॥ ୧୯୪ ॥
ସୁଧାସିକ୍ତାଲଵାଲୋଦ୍ୟତ୍କାୟମାନଲତାଗୃହା ।
ସୁଭଗା ସୁନ୍ଦରୀ ସୁଭ୍ରୂଃ ସମୁପାସ୍ୟତ୍ଵଲକ୍ଷଣା ॥ ୧୯୫ ॥
ସୁରଦୁସଙ୍କୁଲାଭୋଗତଟା ସୌଦାମିନୀନିଭା ।
ସୁରଭୀକେଶସମ୍ଭ୍ରାନ୍ତଦ୍ଵିରେଫମୁଖରାନ୍ଵିତା ॥ ୧୯୬ ॥
ସୂର୍ୟଚନ୍ଦ୍ରାଂଶୁଧିକ୍କାରିପ୍ରଭାରତ୍ନାଲିମଣ୍ଡପା ।
ସୋମପାନୋଦ୍ଭଵାମୋଦଵିପ୍ରଗୀତାପଦାନକା ॥ ୧୯୭ ॥
ସୋମୟାଗପ୍ରିୟା ସୋମସୂର୍ୟଵହ୍ନିଵିଲୋଚନା ।
ସୌଗନ୍ଧିକମରୁଦ୍ଵେଗମୋଦିତା ସଦ୍ଵିଲାସିନୀ ॥ ୧୯୮ ॥
ସୌନ୍ଦର୍ୟମୋହିତାଧୀନଵଲ୍ଲଭା ସନ୍ତତିପ୍ରଦା ।
ସୌଭାଗ୍ୟମନ୍ତ୍ରିଣୀ ସତ୍ୟଵାଦା ସାଗରମେଖଲା ॥ ୧୯୯ ॥
ସ୍ଵଶ୍ଵାସୋଚ୍ଛଵାସଭୁଵନମୋଚନୋନ୍ମୋଚନା ସ୍ଵଧା ।
ଓଂ ଐଂ ହ୍ରୀଂ ଶ୍ରୀଂ ହଂ – ୪୯ ॥
ହୟାରୂଢା ହୟଗ୍ରୀଵଵିନୁତା ହତକିଲ୍ବିଷା ॥ ୨୦୦ ॥
ହରାଲିଙ୍ଗନଶୀତାଂଶୂନ୍ମିଷନ୍ନେତ୍ରମୁଦ୍ଵତୀ ।
ହରିନାଭିସମୁଦ୍ଭୂତଵିରିଞ୍ଚିଵିନୁତା ହରା ॥ ୨୦୧ ॥
ହାଦିଵିଦ୍ୟା ହାନିହୀନା ହାକିନୀ ହରିଚଣ୍ଡିକା ।
ହାରାଵଲିପ୍ରଭାଦୀପ୍ତ ହରିଦନ୍ତଦିଗମ୍ବରା ॥ ୨୦୨ ॥
ହାଲାହଲଵିଷୋଦ୍ଵିଗ୍ରଵିଷ୍ଟାପାନେକରକ୍ଷକୀ ।
ହାହାକାରରଵୋଦ୍ଗୀତଦନୁଜା ହାରମଞ୍ଜୁଲା ॥ ୨୦୩ ॥
ହିମାଦ୍ରିତନୟା ହୀରମକୁଟା ହାରପନ୍ନଗା ।
ହୁତାଶନଧରା ହୋମପ୍ରିୟା ହୋତ୍ରୀ ହୟେଶ୍ଵରୀ ॥ ୨୦୪ ॥
ହେମପଦ୍ମଧରା ହେମଵର୍ମରାଜସମର୍ଚିତା ।
ହଂସିନୀ ହଂସମନ୍ତ୍ରାର୍ଥା ହଂସଵାହା ହରାଙ୍ଗଭୃତ୍ ॥ ୨୦୫ ॥
ହୃଦ୍ୟା ହୃଦ୍ୟମନୋନିତ୍ୟଵାସା ହରକୁଟୁମ୍ବିନୀ । (??)
ହ୍ରୀମତିଃ ହୃଦୟାକାଶତରଣିଃ ହ୍ରିମ୍ପରାୟଣା ॥ ୨୦୬ ॥
ଓଂ ଐଂ ହ୍ରୀଂ ଶ୍ରୀଂ କ୍ଷଂ – ୫୦ ॥
କ୍ଷଣଦାଚରସଂହାରଚତୁରା କ୍ଷୁଦ୍ରଦୁର୍ମୁଖା ।
କ୍ଷଣଦାର୍ଚ୍ୟା କ୍ଷପାନାଥସୁଧାର୍ଦ୍ରକବରୀ କ୍ଷିତିଃ ॥ ୨୦୭ ॥
କ୍ଷମା କ୍ଷମାଧରସୁତା କ୍ଷାମକ୍ଷୋଭଵିନାଶିନୀ ।
କ୍ଷିପ୍ରସିଦ୍ଧିମ୍ପ୍ରଦା କ୍ଷିପ୍ରଗମନା କ୍ଷୁଣ୍ଣିଵାରିଣୀ ॥ ୨୦୮ ॥
କ୍ଷୀଣପୁଣ୍ୟାସୁହୃତ୍ କ୍ଷୀରଵର୍ଣା କ୍ଷୟଵିଵର୍ଜିତା ।
କ୍ଷୀରାନ୍ନାହାରମୁଦିତା କ୍ଷ୍ମ୍ର୍ୟୂମ୍ମନ୍ତ୍ରାପ୍ତେଷ୍ଟୟୋଗିରାଟ୍ ॥ ୨୦୯ ॥
କ୍ଷୀରାବ୍ଧିତନୟା କ୍ଷୀରଘୃତମଧ୍ଵାସଵାର୍ଚିତା ।
କ୍ଷୁଧାର୍ତିଦୀନସନ୍ତ୍ରାଣା କ୍ଷିତିସଂରକ୍ଷଣକ୍ଷମା ॥ ୨୧୦ ॥
କ୍ଷେମଙ୍କରୀ କ୍ଷେତ୍ରପାଲଵନ୍ଦିତା କ୍ଷେତ୍ରରୂପିଣୀ ।
କ୍ଷୌମାମ୍ବରଧରା କ୍ଷତ୍ରସମ୍ପ୍ରାର୍ଥିତଜୟୋତ୍ସଵା ॥ ୨୧୧ ॥
କ୍ଷ୍ଵେଲଭୁଗ୍ରସନାସ୍ଵାଦ ଜାତ ଵାଗ୍ରସଵୈଭଵା ।
ଇତି ଶ୍ରୀଭୃଙ୍ଗିରିଟିସଂହିତାୟାଂ ଶକ୍ତ୍ୟୁତ୍କର୍ଷପ୍ରକରଣେ
ଶିଵଗୌରୀସଂଵାଦେ ଶ୍ରୀଶିଵକାମସୁନ୍ଦରୀସହସ୍ରନାମସ୍ତୋତ୍ରଂ ସମ୍ପୂର୍ଣମ୍
॥ ଉତ୍ତରପୀତିକା ॥
ଇତ୍ୟେତତ୍ତେ ମୟାଽଽଖ୍ୟାତଂ ନାମ ସାହସ୍ରମୁତ୍ତମମ୍ ।
ଶିଵକାମସୁନ୍ଦରୀଦେଵ୍ୟାଃ ଶିଵାୟାଃ ପରମେଶ୍ଵରି ॥ ୧ ॥
ଚତୁର୍ଵେଦସ୍ୟ ତାତ୍ପର୍ୟସାରଭୂତଂ ସୁଖପ୍ରଦମ୍ ।
ସହସ୍ରନାମକ ସ୍ତୋତ୍ରରତ୍ନାଭିଧମିଦଂ ପ୍ରିୟେ ।
ଶ୍ରୁତ୍ୟନ୍ତଵାକ୍ୟନିଚୟବଦ୍ଧଂ ଶୀଘ୍ରପ୍ରସିଦ୍ଧିଦମ୍ ॥ ୨ ॥
ଆୟୁରାରୋଗ୍ୟଦଂ ପୁଣ୍ୟଵର୍ଧନଂ ଭୁକ୍ତିମୁକ୍ତିଦମ୍ ।
ଵିଘ୍ନଵାରଣଵିଘ୍ନେଶଂ ସଂସାରଧ୍ଵାନ୍ତଭାସ୍କରମ୍ ॥ ୩ ॥
ଶୋକକାନ୍ତାରଦାଵାଗ୍ନିମଜ୍ଞାନାବ୍ଧିଘଟୋଦ୍ଭଵମ୍ ।
ରୋଗପର୍ଵତଦଭ୍ଭୋଲିଂ ଶତ୍ରୁଵର୍ଗାହିତାର୍କ୍ଷ୍ୟକମ୍ ॥ ୪ ॥
ସର୍ଵଵିଦ୍ୟାପ୍ରଦଂ ନୄଣାଂ ତୁଷ୍ଟିଦଂ ପୁଷ୍ଟିଦଂ ପ୍ରିୟେ ।
ଭୂତାଃ ପ୍ରେତାଃ ପିଶାଚାଶ୍ଚ ବ୍ରହ୍ମରକ୍ଷୋଗଣୋରଗାଃ ॥ ୫ ॥
ଜଟାମୁନିଗଣାଃ କ୍ଷୁଦ୍ରଜ୍ଵରକୃଦ୍ଗ୍ରହମଣ୍ଡଲାଃ ।
କୋଟରାରେଵତୀଜ୍ୟେଷ୍ଠାପୂତନାମାତୃକାଦୟଃ ॥ ୬ ॥
ମହାଜ୍ଵରକରାଶ୍ଚାନ୍ୟେ ଭେତାଲାଗ୍ନିଧରାଶ୍ଶିଵେ ।
ଅପସ୍ମାରାଦିମାଶ୍ଚାନ୍ୟେ ଦୃଷ୍ଟା ହିଂସାରାରାଶ୍ଶିଵେ ॥ ୭ ॥
ରାକ୍ଷସା ମନୁଜା ୟଜ୍ଞଵିଘ୍ନଭୂତାଶ୍ଚ ପନ୍ନଗାଃ ।
ସାଲୁଵାଃ ଶରଭାଃ ସିଂହାଃ ଵ୍ୟାଘ୍ରା ଋକ୍ଷା ଗଜା ଵୃଷାଃ ।
ଶାକ୍କରା ମହିଷାଚ୍ଛଗାଃ ଗଵୟାଵୃକଜମ୍ବୁକାଃ ।
ଅନ୍ୟେ ଵନ୍ୟା ମୃଗା ଦେଵି ହିଂସକାଶ୍ଶୂକଵୃଶ୍ଚିକାଃ ॥ ୯ ॥
ଅଣ୍ଡଜାସ୍ସ୍ଵେଦଜା ଦେଵି ଚୋଦ୍ଭିଦାଶ୍ଚ ଜରାୟୁଜାଃ ।
ୟେ ୟେ ହିଂସାକରାସ୍ସର୍ଵେ ନାମସାହସ୍ରଜାପିନମ୍ ॥ ୧୦ ॥
ଦୃଷ୍ଟ୍ଵା ଭୀତ୍ୟା ପରିଭ୍ରାନ୍ତାଃ ସ୍ଖଲନ୍ତଶ୍ଚ ଵିଦୂରତଃ ।
ପତନ୍ତଶ୍ଚ ପଲାୟନ୍ତେ ପ୍ରାଣତ୍ରାଣପରାୟଣାଃ ॥ ୧୧ ॥
ଅମ୍ବିକାନାମସାହସ୍ରଜପଶୀଲସ୍ୟ ୟୋଗିନଃ ।
ଦ୍ରଵ୍ୟାଣି ୟୋଽପହରତେ ତଂ ଭକ୍ଷୟତି ୟୋଗିନୀ ॥ ୧୨ ॥
ଶିଵକାମସୁନ୍ଦରୀଭସ୍ତିଶାଲିନଂ ଦ୍ଵେଷ୍ଟି ୟୋ ନରଃ ।
ତଂ ନାଶୟତି ସା ଦେଵୀ ସପୁତ୍ରଗଣବାନ୍ଧଵମ୍ ॥ ୧୩ ॥
ଶିଵକାମସୁନ୍ଦରୀଭକ୍ତେ ଚାଭିଚାରାଦିଦୁଷ୍କୃତିମ୍ ।
ୟଃ ପ୍ରେରୟତି ମୂଢାତ୍ମା ତଂ ଦେଵୀ ଶିଵସୁନ୍ଦରୀ ॥ ୧୪ ॥
ମୁଖାଗ୍ନିଜ୍ଵାଲୟା ଦେଵୀ ଦାହୟତ୍ୟଞ୍ଜସା ଧୁଵମ୍ ।
ଅନେନ ସଦୃଶଂ ସ୍ତୋତ୍ରଂ ନାସ୍ତି ନାସ୍ତ୍ୟଦ୍ରିକନ୍ୟକେ ॥ ୧୫ ॥
ଏତତ୍ସ୍ତୋତ୍ରଜପେନୈଵ ଵିଷ୍ଣୁର୍ଲକ୍ଷ୍ମୀଶ୍ଵରୋଽଭଵତ୍ ।
ଜଗଦ୍ରକ୍ଷକକର୍ତୃତ୍ଵଂ ବ୍ରହ୍ମଣୋ ଵେଧସଃ ପ୍ରିୟେ ॥ ୧୬ ॥
ସୃଷ୍ଟିକର୍ତୃତ୍ଵମପ୍ୟମ୍ବେ ଵେଦାନାଂ ଚ ଵିଧାୟକଃ ।
ଅଭୂଦନ୍ୟେଽମରାଶ୍ଚୈଵ ଵହ୍ନୀନ୍ଦ୍ରୟମରାକ୍ଷସାଃ ॥ ୧୭ ॥
ଜଲଵାୟ୍ଵୀଶଧନଦାଃ ୟୋଗିନଶ୍ଚ ମହର୍ଷୟଃ ।
ଜପାଦସ୍ୟ ସ୍ଵୟଂ ସିଦ୍ଧିଂ ଲେଭିରେ ସତତଂ ଶିଵେ ॥ ୧୮ ॥
ମମ ଶକ୍ତିମୟୀ ତ୍ଵଂ ହି ଦେଵୀ ସା କାମସୁନ୍ଦରୀ ।
ତସ୍ୟାଃ ପ୍ରଭାଵଂ ନାନ୍ୟେନ ଵସ୍ତୁଂ ଶକ୍ୟଂ ହି ସୁନ୍ଦରି! ॥ ୧୯ ॥
ତ୍ଵୟୈଵ ଚିନ୍ତନୀୟଂ ତତ୍ ତ୍ଵତ୍ତୋ ନାନ୍ୟାସ୍ତି ହି ପ୍ରିୟା ।
ଏତନ୍ନାମସହସ୍ରସ୍ୟ ଜପେ ତ୍ରୈଵର୍ଣିକଃ ପ୍ରିୟେ ॥ ୨୦ ॥
ମୟାଧିକ୍ରିୟତେଽନ୍ୟେଷାଂ ଚ ଭଵେଦଧିକାରତା ।
ଅନ୍ୟେ ତୁ ପାଠୟେଦ୍ଵିପ୍ରୈଃ ଲଭେରନ୍ଦଵେଷ୍ଟକାମନାମ୍ ॥ ୨୧ ॥
ୟୋ ଵିପ୍ରଶ୍ଶାନ୍ତହୃଦୟଃ ନାମସାହସ୍ରମୁତ୍ତମମ୍ ।
ଜପତି ଶ୍ରଦ୍ଧୟା ୟୁକ୍ତଃ ସର୍ଵାନ୍କାମାନଵାପ୍ନୁୟାତ୍ ॥ ୨୨ ॥
ଶୁକ୍ରଵାରେ ସୌମଵାରେ ଭୌମଵାରେ ଗୁରୋର୍ଦିନେ ।
ଦର୍ଶେ ପର୍ଵଣି ପଞ୍ଚମ୍ୟାଂ ନଵମ୍ୟାଂ କୁଲସୁନ୍ଦରି ॥ ୨୩ ॥
କୃଷ୍ଣାଙ୍ଗାରଚତୁର୍ଦଶ୍ୟାଂ ସଙ୍କ୍ରାନ୍ତାଵୟନେ ଵିଷୌ ।
ଵୃଷେ ଶୁକ୍ଲନଵମ୍ୟାଂ ଚ ଶ୍ରାଵଣ୍ୟାଂ ମୂଲଭେ ଶୁଭେ ॥ ୨୪ ॥
ଆଷାଢେ ଚ ତୁଲାୟାଂ ଚ ନକ୍ଷତ୍ରେ ପୂର୍ଵଫଲ୍ଗୁନେ ।
ଜ୍ୟେଷ୍ଠେ ଚ ଫାଲ୍ଗୁନେ ମାସି ଉତ୍ତରେ ଫଲ୍ଗୁନେ ଶୁଭେ ॥ ୨୫ ॥
ନକ୍ଷତ୍ରେ ଚ ଶୁଭାଂ ଦେଵୀଂ ଗୌରୀନାମଭିରମ୍ବିକାମ୍ ।
ଅର୍ଚୟେତ୍ସତତଂ ପ୍ରୀତା ସୁନ୍ଦରୀ ଭଵତି ପ୍ରିୟେ ॥ ୨୬ ॥
ପ୍ରତିପନ୍ମୁଖରାକାନ୍ତଦିନରାତ୍ରିଷୁ ଚାମ୍ବିକାମ୍ ।
ଅର୍ଚୟେତ୍କୁସୁମୈର୍ବିଲ୍ଵୈଃ ହାରିଦ୍ରୈଃ କୁକୁମୈଃ ଶୁଭୈଃ ॥ ୨୭ ॥
ହରିଦ୍ରାଚୂର୍ଣସମ୍ପୃକ୍ତୈରକ୍ଷତୈର୍ତୁଲସୀଦଲୈଃ ।
କେସରୈଃ କେତକୈଶ୍ଚୈଵ ମନ୍ଦାରୈଶ୍ଚମ୍ପକୈରପି ॥ ୨୮ ॥
ପ୍ରଥମଂ ଗନ୍ଧତୈଲେନାଭିଷିଚ୍ୟ ତତଃ ପରମ୍ ।
ପୟସା ମଧୁନା ଦଘ୍ନା ଘୃତେନ ଲିକୁଚେନ ଚ ॥ ୨୯ ॥
ନାରିକେଲାମ୍ରପନସକଦଲୀନାଂ ଫଲତ୍ରୟମ୍ ।
ଶର୍କରାମଧୁସମ୍ପୃକ୍ତଂ ପଞ୍ଚ୍ଜାମୃତମଥାମ୍ବିକାମ୍ ॥ ୩୦ ॥
ଅଭିଷିଚ୍ୟ ତତଃ ପଶ୍ଚାତ୍ସଗନ୍ଧୀଶ୍ଚନ୍ଦନୈଃ ଶୁଭୈଃ ।
ଅନ୍ନୈଶ୍ଚ କୁଙ୍କୁମୈଶ୍ଚୈଵ ଫଲାନାଂ ଚ ରସୈସ୍ତଥା ॥ ୩୧ ॥
ଗଙ୍ଗାମ୍ବୁଭିସ୍ତତଃ କୁର୍ୟାତ୍ଵାସିତୈଃ ସଲିଲୈଶ୍ଶୁଭୈଃ ।
ସମ୍ୟଗୁନ୍ମାର୍ଜ୍ୟ ଵସ୍ତ୍ରୈଶ୍ଚ ପୀତାମ୍ବରମୁଖୈଃ ଶିଵୈଃ ॥ ୩୨ ॥
ଆଚ୍ଛାଦ୍ୟ କଞ୍ଚୁକୈଶ୍ଚୈଵାଲଙ୍କୃତ୍ୟାଭରଣୈସ୍ସୁମୈଃ ।
ଶୁଦ୍ଧାନ୍ନୈଃ ପାୟସାନ୍ନୈଶ୍ଚ ରସଖଣ୍ଡାନ୍ନୈଶ୍ଚ ଭକ୍ଷ୍ୟକୈଃ ॥ ୩୩ ॥
ଗୁଡାନ୍ନେଃ ପାୟସାପୂପୈର୍ମାଷାପୂପୈଶ୍ଚ ଲେହ୍ୟକୈଃ ।
ଖାଦ୍ୟୈଶ୍ଚ ଵିଵିଧୈରନ୍ନୈଃ ଚିତ୍ରାନ୍ନୈଶ୍ଚ ଵିଶେଷତଃ ॥ ୩୪ ॥
ଲଡ୍ଡୁକୈର୍ମୋଦକୈଶ୍ଚାପି କରମ୍ଭୈଶ୍ଚ ଶରାଵକୈଃ ।
ଫଲୈଶ୍ଚ ଵିଵିଧୈଶ୍ଚାପି କୁର୍ୟାନ୍ନୈଵେଦ୍ୟମାଦରାତ୍ ॥ ୩୫ ॥
ଷୋଡଶୈରୁପଚାରୈଶ୍ଚ ପୂଜୟେଚ୍ଛିଵସୁନ୍ଦରୀମ୍ ।
ସୁଵାସିନୀଃ କନ୍ୟକାଶ୍ଚ ଵସ୍ତ୍ରାନ୍ନୈଶ୍ଚ ପ୍ରପୂଜୟେତ୍ ॥ ୩୬ ॥
ଏଭିର୍ନାମଭିରେଵୈତାଂ ମୂର୍ତେ ୟନ୍ତ୍ରେ ଘଟେଽପି ଵା ।
ଆଵାହ୍ୟାଭ୍ୟର୍ଚ୍ୟୟେଦ୍ଦେଵୀଂ ଜପେଦ୍ଵା ସନ୍ନିଧୌ ସ୍ତୁତିମ୍ ॥ ୩୭ ॥
ୟଂ ୟଂ କାମୟତେ ଶୀଘ୍ରଂ ତଂ ତଂ ପ୍ରାପ୍ନୋତ୍ୟସଂଶୟଃ ।
ଵିଦ୍ୟାର୍ଥୀ ଲଭତେ ଵିଦ୍ୟାଂ ପୁତ୍ରାର୍ଥୀ ପୁତ୍ରମାପ୍ନୁୟାତ୍ ॥ ୩୮ ॥
କନ୍ୟାର୍ଥୀ ଲଭତେ କନ୍ୟାଂ ଅପ୍ସରସ୍ସଦୃଶୀଂ ଶିଵେ ।
ଧନାର୍ଥୀ ଲଭତେ ଶୀଘ୍ରଂ ଧନଂ ଭୂରି ମହେଶ୍ଵରି ॥ ୩୯ ॥
ଶ୍ରୀଵିଦ୍ୟୋପାସ୍ତିଶୀଲାନାମାତ୍ମରକ୍ଷାର୍ଥମାଦରାତ୍ ।
ଶତ୍ରୁନିର୍ଘାତନାର୍ଥଞ୍ଚ ସ୍ଵଦାସାନୁଗ୍ରହାୟ ଚ ॥ ୪୦ ॥
ଜପ୍ତଵ୍ୟଂ ସତତଂ ଭଦ୍ରେ ଶ୍ରୁତିଵଦ୍ଵାଗ୍ୟତଶ୍ଶୁଚିଃ ।
ସର୍ଵମନ୍ତ୍ରାଧିକାରତ୍ଵାତ୍ ଶ୍ରୀଵିଦ୍ୟୋପାସକସ୍ୟ ତୁ ॥ ୪୧ ॥
ଗୁରୁଂ ସ୍ଵୟଂ ଜପ୍ୟଂ ଵିନା ସୁନ୍ଦର୍ୟେଵାସ୍ୟ ଦେଶିକା ।
ତେଷାମେଵ ଵିଧିଃ ପ୍ରୋକ୍ତୋ ନାନ୍ୟେଷାଂ ମେନକାତ୍ମନ୍ତେ ॥ ୪୨ ॥
ଉପଦେଶାଦେଵ ଚ ଗୁରୋଃ ଜପ୍ତଵ୍ୟଂ ଶିଵଭାଷିତମ୍ ।
ଶ୍ରୀଚକ୍ରପୁରସମାଜସ୍ତ୍ରିପୁରାତୁଷ୍ଟିକାରଣମ୍ ॥ ୪୩ ॥
ତତ୍ତ୍ଵମସ୍ୟାଦିଵାକ୍ୟାର୍ଥପରବ୍ରହ୍ମପଦପ୍ରଦମ୍ ।
ଶିଵଜ୍ଞାନପ୍ରଦଂ ଦେଵି ଶୀଘ୍ରସିଦ୍ଧିକରଂ ପରମ୍ ॥ ୪୪ ॥
ଶ୍ରୌତସ୍ମାର୍ତାଦିକର୍ମାଦୌ ଭକ୍ତ୍ୟେଦଂ ୟୋ ଜପେତ୍ପ୍ରିୟେ ।
ଅଵିଘ୍ନେନ ଚ ତତ୍କର୍ମ ସାଫଲ୍ୟଂ ଚୈତି ନିଶ୍ଚୟଃ ॥ ୪୫ ॥
ୟୁଦ୍ଧେ ପ୍ରୟାଣେ ଦୁର୍ଦ୍ଧର୍ଷେ ସ୍ଵପ୍ନେ ଵାତେ ଜଲେ ଭୟେ ।
ଜପ୍ତଵ୍ୟଂ ସତତଂ ଭଦ୍ରେ ତତ୍ତଚ୍ଛାନ୍ତ୍ୟୈ ମହେଶ୍ଵରି ॥ ୪୬ ॥
ତତ୍ତନ୍ମାତୃକୟା ପୁସ୍ତଂ ତ୍ରିତାରେଣ ସମନ୍ଵିତମ୍ ।
ସ୍ତୋତ୍ରମେତଜ୍ଜପେଦ୍ଦେଵୀମର୍ଚୟେଚ୍ଚ ଵିଶେଷତଃ ॥ ୪୭ ॥
ସଦା ତସ୍ୟ ହୃଦମ୍ଭୋଜେ ସୁନ୍ଦରୀ ଵସତି ଧୁଵମ୍ ।
ଅଣିମାଦିମହାସିଦ୍ଧୀଃ ଲଭତେ ନାତ୍ର ସଂଶୟଃ ॥ ୪୮ ॥
ଅଶ୍ଵମେଧାଦିଭିର୍ୟଜ୍ଞୈଃ ୟତ୍ଫଲଂ ତତ୍ ସୁଦୁର୍ଲଭମ୍ ।
ଅଣିମାଦିମମହାସିଦ୍ଧୀଃ ଲଭତେ ନାତ୍ର ସଂଶୟଃ ॥ ୪୯ ॥
ଏଭିର୍ନାମଭିରେଵଂ ୟଃ କାଲୀଂ ଦୁର୍ଗାଞ୍ଚ ଚଣ୍ଡିକାମ୍ ।
ଅର୍ଚୟେତ୍ସତତଂ ଭକ୍ତ୍ୟା ୟେ ସର୍ଵାନ୍କାମାଂଲ୍ଲଭେନ୍ନରଃ ॥ ୫୦ ॥
ସୁନ୍ଦରୀମୂର୍ତିଭେଦାଶ୍ଚ କାଲୀ ଦୁର୍ଗା ଚ ଚଣ୍ଡିକା ॥ ୫୧ ॥
ଏକୈଵ ଶକ୍ତିଃ ପରମେଶ୍ଵରସ୍ୟ
ଭିନ୍ନା ଚତୁର୍ଧା ଵିନିୟୋଗକାଲେ ।
ଭୋଗେ ଭଵାନୀ ପୁରୁଷେଷୁ ଵିଷ୍ଣୁଃ
କୋପେଷୁ କାଲୀ ସମରେଷୁ ଦୁର୍ଗା ॥ ୫୨ ॥
ଏକା ଶକ୍ତିଶ୍ଚ ଶମ୍ଭୋର୍ଵିନିମୟନଵିଧୌ ସା ଚତୁର୍ଧା ଵିଭିନ୍ନା
କ୍ରୋଧେ କାଲୀ ଵିଜାତାଚ ସମରସମୟେ ସା ଚ ଚଣ୍ଡୀ ଚ ଦୁର୍ଗା ।
ଭୋଗେ ସୃଷ୍ଟୌ ନିୟୋଗେ ଚ ସକଲଜଗତାଂ ସା ଭଵାନୀ ଚ ଜାତା
ସର୍ଵେଷାଂ ରକ୍ଷଣାନୁଗ୍ରହକରଣଵିଧୌ ତସ୍ୟ ଵିଷ୍ଣୁର୍ଭଵେତ୍ସା ॥ ୫୨ ॥
ସମ୍ପ୍ରୟଚ୍ଛତି ତସ୍ୟେଷ୍ଟମଚିରାଦେଵ ସୁନ୍ଦରୀ ।
ସ୍ତୋତ୍ରରତ୍ନମିଦଂ ଭଦ୍ରେ ସଦା ନିଷ୍କାମନାୟୁତଃ ॥ ୫୩ ॥
ୟୋ ଜପେନ୍ମାମକଂ ଧାମ ବ୍ରହ୍ମଵିଷ୍ଣ୍ଵାଦିଦୁର୍ଲଭମ୍ ।
ସତ୍ୟଜ୍ଞାନମନନ୍ତାଖ୍ୟଂ ବ୍ରାହ୍ମଂ କୈଵଲ୍ୟସଞ୍ଜ୍ଞକମ୍ ॥ ୫୪ ॥
ଭଵାବ୍ଧିତାରକଂ ସୋଽପି ପ୍ରାପ୍ନୋତି ମଦନୁଗ୍ରହାତ୍ ।
ଚିତ୍ସଭାୟାଂ ନୃତ୍ୟମାନନଟରାଜସ୍ୟ ସାକ୍ଷିଣୀ ॥ ୫୫ ॥
ତସ୍ୟୈଵ ମହିଷୀ ନାମ୍ରା ଶିଵକାମା ଚ ସୁନ୍ଦରୀ ।
ସା ପରବ୍ରହ୍ମମହିଷୀ ସଦାନନ୍ଦା ଶୁଭପ୍ରଦା ॥ ୫୬ ॥
ଶିଵକାମସୁନ୍ଦରୀନାମ୍ନାଂ ସହସ୍ରଂ ପ୍ରୋକ୍ତମମ୍ବିକେ ।
ଏତସ୍ୟ ସଦୃଶଂ ସ୍ତୋତ୍ରଂ ନାସ୍ତି ନାସ୍ତି ଜଗତ୍ତ୍ରୟେ ॥ ୫୭ ॥
ସତ୍ୟଂ ସତ୍ୟଂ ପୁନସ୍ସତ୍ୟଂ ତ୍ଵାଂ ଶପେଽହଂ ଵଦାମି ତେ ।
ନାସ୍ତିକାୟ କୃତଘ୍ନାୟ ଵିପ୍ରଦ୍ଵେଷପରାୟ ଚ ॥ ୫୮ ॥
ନ ଦେୟଂ ଵେଦଵିପ୍ରର୍ଷିଭକ୍ତିୟୁକ୍ତାୟ ଶାମ୍ଭଵି ।
ଦେୟଂ ତ୍ରିପୁରଵିଦ୍ୟେଶୀତ୍ୟଥର୍ଵଶ୍ରୁତି ଚୋଦିତମ୍ ॥ ୫୯ ॥
ଵିସ୍ତୃତେନ କିମନ୍ୟଚ୍ଚ ଶ୍ରୋତୁକାମାସି ସୁନ୍ଦରି ।
ଇତି ନିଗଦିତଵନ୍ତଂ ରାଜତେ ପର୍ଵତେଽସ୍ମିନ୍
ନଵମଣିଗଣପୀଠେ ସଂସ୍ଥିତଂ ଦେଵମୀଶମ୍ ।
ମୁହୁରପି କୃତନମ୍ରା ଭକ୍ତିନମ୍ରା ଭଵାନୀ
କରୟୁଗସରସିଜେନାଲିଲିଙ୍ଗାତିଗାଢମ୍ ॥ ୬୦ ॥
ଇତି ଶ୍ରୀଭୃଙ୍ଗିରିଟିସଂହିତାୟାଂ ଶକ୍ତ୍ୟୁତ୍କର୍ଷପ୍ରକରଣେ ଶିଵଗୌରୀସଂଵାଦେ
ଶ୍ରୀଶିଵକାମସୁନ୍ଦରୀସହସ୍ରନାମସ୍ତୋତ୍ରୋତ୍ତରପୀଠିକା ସମ୍ପୂର୍ଣା ॥
॥ ଶିଵମସ୍ତୁ ॥