॥ Mahasarasvati Sahasranamastotram Telugu Lyrics ॥
॥ ॥ శ్రీ మహాసరస్వతీ సహస్రనామ స్తోత్రమ్ ॥
ధ్యానమ్
శ్రీమచ్చన్దనచర్చితోజ్జ్వలవపుః శుక్లామ్బరా మల్లికా-
మాలాలాలిత కున్తలా ప్రవిలసన్ముక్తావలీశోభనా ।
సర్వజ్ఞాననిధానపుస్తకధరా రుద్రాక్షమాలాఙ్కితా
వాగ్దేవీ వదనామ్బుజే వసతు మే త్రైలోక్యమాతా శుభా ॥
శ్రీనారద ఉవాచ –
భగవన్పరమేశాన సర్వలోకైకనాయక ।
కథం సరస్వతీ సాక్షాత్ప్రసన్నా పరమేష్ఠినః ॥ ౨ ॥
కథం దేవ్యా మహావాణ్యాః సతత్ప్రాప సుదుర్లభమ్ ।
ఏతన్మే వద తత్వేన మహాయోగీశ్వరప్రభో ॥ ౩ ॥
శ్రీసనత్కుమార ఉవాచ –
సాధు పృష్టం త్వయా బ్రహ్మన్ గుహ్యాద్గుహ్య మనుత్తమమ్ ।
భయానుగోపితం యత్నాదిదానీం సత్ప్రకాశ్యతే ॥ ౪ ॥
పురా పితామహం దృష్ట్వా జగత్స్థావరజఙ్గమమ్ ।
నిర్వికారం నిరాభాసం స్తంభీభూతమచేతసమ్ ॥ ౫ ॥
సృష్ట్వా త్రైలోక్యమఖిలం వాగభావాత్తథావిధమ్ ।
ఆధిక్యాభావతః స్వస్య పరమేష్ఠీ జగద్గురుః ॥ ౬ ॥
దివ్యవర్షాయుతం తేన తపో దుష్కర ముత్తమమ్ ।
తతః కదాచిత్సంజాతా వాణీ సర్వార్థశోభితా ॥ ౭ ॥
అహమస్మి మహావిద్యా సర్వవాచామధీశ్వరీ ।
మమ నామ్నాం సహస్రం తు ఉపదేక్ష్యామ్యనుత్తమమ్ ॥ ౮ ॥
అనేన సంస్తుతా నిత్యం పత్నీ తవ భవామ్యహమ్ ।
త్వయా సృష్టం జగత్సర్వం వాణీయుక్తం భవిష్యతి ॥ ౯ ॥
ఇదం రహస్యం పరమం మమ నామసహస్రకమ్ ।
సర్వపాపౌఘశమనం మహాసారస్వతప్రదమ్ ॥ ౧౦ ॥
మహాకవిత్వదం లోకే వాగీశత్వప్రదాయకమ్ ।
త్వం వా పరః పుమాన్యస్తుస్తవేనానేన తోషయేత్ ॥ ౧౧ ॥
తస్యాహం కింకరీ సాక్షాద్భవిష్యామి న సంశయః ।
ఇత్యుక్త్వాన్తర్దధే వాణీ తదారభ్య పితామహః ॥ ౧౨ ॥
స్తుత్వా స్తోత్రేణ దివ్యేన తత్పతిత్వమవాప్తవాన్ ।
వాణీయుక్తం జగత్సర్వం తదారభ్యాభవన్మునే ॥ ౧౩ ॥
తత్తేహం సంప్రవక్ష్యామి శృణు యత్నేన నారద ।
సావధానమనా భూత్వా క్షణం శుద్ధో మునీశ్వరః ॥ ౧౪ ॥
వాగ్వాణీ వరదా వన్ద్యా వరారోహా వరప్రదా ।
వృత్తిర్వాగీశ్వరీ వార్తా వరా వాగీశవల్లభా ॥ ౧ ॥
విశ్వేశ్వరీ విశ్వవన్ద్యా విశ్వేశప్రియకారిణీ ।
వాగ్వాదినీ చ వాగ్దేవీ వృద్ధిదా వృద్ధికారిణీ ॥ ౨ ॥
వృద్ధిర్వృద్ధా విషఘ్నీ చ వృష్టిర్వృష్టిప్రదాయినీ ।
విశ్వారాధ్యా విశ్వమాతా విశ్వధాత్రీ వినాయకా ॥ ౩ ॥
విశ్వశక్తిర్విశ్వసారా విశ్వా విశ్వవిభావరీ ।
వేదాన్తవేదినీ వేద్యా విత్తా వేదత్రయాత్మికా ॥ ౪ ॥
వేదజ్ఞా వేదజననీ విశ్వా విశ్వవిభావరీ ।
వరేణ్యా వాఙ్మయీ వృద్ధా విశిష్టప్రియకారిణీ ॥ ౫ ॥
విశ్వతోవదనా వ్యాప్తా వ్యాపినీ వ్యాపకాత్మికా ।
వ్యాళఘ్నీ వ్యాళభూషాంగీ విరజా వేదనాయికా ॥ ౬ ॥
వేదవేదాన్తసంవేద్యా వేదాన్తజ్ఞానరూపిణీ ।
విభావరీ చ విక్రాన్తా విశ్వామిత్రా విధిప్రియా ॥ ౭ ॥
వరిష్ఠా విప్రకృష్టా చ విప్రవర్యప్రపూజితా ।
వేదరూపా వేదమయీ వేదమూర్తిశ్చ వల్లభా ॥ ౮ ॥
గౌరీ గుణవతీ గోప్యా గన్ధర్వనగరప్రియా ।
గుణమాతా గుహాన్తస్థా గురురూపా గురుప్రియా ॥ ౯ ॥
గిరివిద్యా గానతుష్టా గాయకప్రియకారిణీ ।
గాయత్రీ గిరిశారాధ్యా గీర్గిరీశప్రియంకరీ ॥ ౧౦ ॥
గిరిజ్ఞా జ్ఞానవిద్యా చ గిరిరూపా గిరీశ్వరీ ।
గీర్మాతా గణసంస్తుత్యా గణనీయగుణాన్వితా ॥ ౧౧ ॥
గూఢరూపా గుహా గోప్యా గోరూపా గౌర్గుణాత్మికా ।
గుర్వీ గుర్వమ్బికా గుహ్యా గేయజా గృహనాశినీ ॥ ౧౨ ॥
గృహిణీ గృహదోషఘ్నీ గవఘ్నీ గురువత్సలా ।
గృహాత్మికా గృహారాధ్యా గృహబాధావినాశినీ ॥ ౧౩ ॥
గఙ్గా గిరిసుతా గమ్యా గజయానా గుహస్తుతా ।
గరుడాసనసంసేవ్యా గోమతీ గుణశాలినీ ॥ ౧౪ ॥
శారదా శాశ్వతీ శైవీ శాంకరీ శంకరాత్మికా ।
శ్రీః శర్వాణీ శతఘ్నీ చ శరచ్చన్ద్రనిభాననా ॥ ౧౫ ॥
శర్మిష్ఠా శమనఘ్నీ చ శతసాహస్రరూపిణీ ।
శివా శమ్భుప్రియా శ్రద్ధా శ్రుతిరూపా శ్రుతిప్రియా ॥ ౧౬ ॥
శుచిష్మతీ శర్మకరీ శుద్ధిదా శుద్ధిరూపిణీ ।
శివా శివంకరీ శుద్ధా శివారాధ్యా శివాత్మికా ॥ ౧౭ ॥
శ్రీమతీ శ్రీమయీ శ్రావ్యా శ్రుతిః శ్రవణగోచరా ।
శాన్తిః శాన్తికరీ శాన్తా శాన్తాచారప్రియంకరీ ॥ ౧౮ ॥
శీలలభ్యా శీలవతీ శ్రీమాతా శుభకారిణీ ।
శుభవాణీ శుద్ధవిద్యా శుద్ధచిత్తప్రపూజితా ॥ ౧౯ ॥
శ్రీకరీ శ్రుతపాపఘ్నీ శుభాక్షీ శుచివల్లభా ।
శివేతరఘ్నీ శబరీ శ్రవణీయగుణాన్వితా ॥ ౨౦ ॥
శారీ శిరీషపుష్పాభా శమనిష్ఠా శమాత్మికా ।
శమాన్వితా శమారాధ్యా శితికణ్ఠప్రపూజితా ॥ ౨౧ ॥
శుద్ధిః శుద్ధికరీ శ్రేష్ఠా శ్రుతానన్తా శుభావహా ।
సరస్వతీ చ సర్వజ్ఞా సర్వసిద్ధిప్రదాయినీ ॥ ౨౨ ॥
సరస్వతీ చ సావిత్రీ సంధ్యా సర్వేప్సితప్రదా ।
సర్వార్తిఘ్నీ సర్వమయీ సర్వవిద్యాప్రదాయినీ ॥ ౨౩ ॥
సర్వేశ్వరీ సర్వపుణ్యా సర్గస్థిత్యన్తకారిణీ ।
సర్వారాధ్యా సర్వమాతా సర్వదేవనిషేవితా ॥ ౨౪ ॥
సర్వైశ్వర్యప్రదా సత్యా సతీ సత్వగుణాశ్రయా ।
స్వరక్రమపదాకారా సర్వదోషనిషూదినీ ॥ ౨౫ ॥
సహస్రాక్షీ సహస్రాస్యా సహస్రపదసంయుతా ।
సహస్రహస్తా సాహస్రగుణాలంకృతవిగ్రహా ॥ ౨౬ ॥
సహస్రశీర్షా సద్రూపా స్వధా స్వాహా సుధామయీ ।
షడ్గ్రన్థిభేదినీ సేవ్యా సర్వలోకైకపూజితా ॥ ౨౭ ॥
స్తుత్యా స్తుతిమయీ సాధ్యా సవితృప్రియకారిణీ ।
సంశయచ్ఛేదినీ సాంఖ్యవేద్యా సంఖ్యా సదీశ్వరీ ॥ ౨౮ ॥
సిద్ధిదా సిద్ధసమ్పూజ్యా సర్వసిద్ధిప్రదాయినీ ।
సర్వజ్ఞా సర్వశక్తిశ్చ సర్వసమ్పత్ప్రదాయినీ ॥ ౨౯ ॥
సర్వాశుభఘ్నీ సుఖదా సుఖా సంవిత్స్వరూపిణీ ।
సర్వసమ్భీషణీ సర్వజగత్సమ్మోహినీ తథా ॥ ౩౦ ॥
సర్వప్రియంకరీ సర్వశుభదా సర్వమఙ్గళా ।
సర్వమన్త్రమయీ సర్వతీర్థపుణ్యఫలప్రదా ॥ ౩౧ ॥
సర్వపుణ్యమయీ సర్వవ్యాధిఘ్నీ సర్వకామదా ।
సర్వవిఘ్నహరీ సర్వవన్దితా సర్వమఙ్గళా ॥ ౩౨ ॥
సర్వమన్త్రకరీ సర్వలక్ష్మీః సర్వగుణాన్వితా ।
సర్వానన్దమయీ సర్వజ్ఞానదా సత్యనాయికా ॥ ౩౩ ॥
సర్వజ్ఞానమయీ సర్వరాజ్యదా సర్వముక్తిదా ।
సుప్రభా సర్వదా సర్వా సర్వలోకవశంకరీ ॥ ౩౪ ॥
సుభగా సున్దరీ సిద్ధా సిద్ధామ్బా సిద్ధమాతృకా ।
సిద్ధమాతా సిద్ధవిద్యా సిద్ధేశీ సిద్ధరూపిణీ ॥ ౩౫ ॥
సురూపిణీ సుఖమయీ సేవకప్రియకారిణీ ।
స్వామినీ సర్వదా సేవ్యా స్థూలసూక్ష్మాపరామ్బికా ॥ ౩౬ ॥
సారరూపా సరోరూపా సత్యభూతా సమాశ్రయా ।
సితాసితా సరోజాక్షీ సరోజాసనవల్లభా ॥ ౩౭ ॥
సరోరుహాభా సర్వాఙ్గీ సురేన్ద్రాదిప్రపూజితా ।
మహాదేవీ మహేశానీ మహాసారస్వతప్రదా ॥ ౩౮ ॥
మహాసరస్వతీ ముక్తా ముక్తిదా మలనాశినీ ।
మహేశ్వరీ మహానన్దా మహామన్త్రమయీ మహీ ॥ ౩౯ ॥
మహాలక్ష్మీర్మహావిద్యా మాతా మన్దరవాసినీ ।
మన్త్రగమ్యా మన్త్రమాతా మహామన్త్రఫలప్రదా ॥ ౪౦ ॥
మహాముక్తిర్మహానిత్యా మహాసిద్ధిప్రదాయినీ ।
మహాసిద్ధా మహామాతా మహదాకారసంయుతా ॥ ౪౧ ॥
మహా మహేశ్వరీ మూర్తిర్మోక్షదా మణిభూషణా ।
మేనకా మానినీ మాన్యా మృత్యుఘ్నీ మేరురూపిణీ ॥ ౪౨ ॥
మదిరాక్షీ మదావాసా మఖరూపా మఖేశ్వరీ ।
మహామోహా మహామాయా మాతౄణాం మూర్ధ్నిసంస్థితా ॥ ౪౩ ॥
మహాపుణ్యా ముదావాసా మహాసమ్పత్ప్రదాయినీ ।
మణిపూరైకనిలయా మధురూపా మహోత్కటా ॥ ౪౪ ॥
మహాసూక్ష్మా మహాశాన్తా మహాశాన్తిప్రదాయినీ ।
మునిస్తుతా మోహహన్త్రీ మాధవీ మాధవప్రియా ॥ ౪౫ ॥
మా మహాదేవసంస్తుత్యా మహిషీగణపూజితా ।
మృష్టాన్నదా చ మాహేన్ద్రీ మహేన్ద్రపదదాయినీ ॥ ౪౬ ॥
మతిర్మతిప్రదా మేధా మర్త్యలోకనివాసినీ ।
ముఖ్యా మహానివాసా చ మహాభాగ్యజనాశ్రితా ॥ ౪౭ ॥
మహిళా మహిమా మృత్యుహారీ మేధాప్రదాయినీ ।
మేధ్యా మహావేగవతీ మహామోక్షఫలప్రదా ॥ ౪౮ ॥
మహాప్రభాభా మహతీ మహాదేవప్రియంకరీ ।
మహాపోషా మహర్ద్ధిశ్చ ముక్తాహారవిభూషణా ॥ ౪౯ ॥
మాణిక్యభూషణా మన్త్రా ముఖ్యచన్ద్రార్ధశేఖరా ।
మనోరూపా మనఃశుద్ధిః మనఃశుద్ధిప్రదాయినీ ॥ ౫౦ ॥
మహాకారుణ్యసమ్పూర్ణా మనోనమనవన్దితా ।
మహాపాతకజాలఘ్నీ ముక్తిదా ముక్తభూషణా ॥ ౫౧ ॥
మనోన్మనీ మహాస్థూలా మహాక్రతుఫలప్రదా ।
మహాపుణ్యఫలప్రాప్యా మాయాత్రిపురనాశినీ ॥ ౫౨ ॥
మహానసా మహామేధా మహామోదా మహేశ్వరీ ।
మాలాధరీ మహోపాయా మహాతీర్థఫలప్రదా ॥ ౫౩ ॥
మహామఙ్గళసమ్పూర్ణా మహాదారిద్ర్యనాశినీ ।
మహామఖా మహామేఘా మహాకాళీ మహాప్రియా ॥ ౫౪ ॥
మహాభూషా మహాదేహా మహారాజ్ఞీ ముదాలయా ।
భూరిదా భాగ్యదా భోగ్యా భోగ్యదా భోగదాయినీ ॥ ౫౫ ॥
భవానీ భూతిదా భూతిః భూమిర్భూమిసునాయికా ।
భూతధాత్రీ భయహరీ భక్తసారస్వతప్రదా ॥ ౫౬ ॥
భుక్తిర్భుక్తిప్రదా భేకీ భక్తిర్భక్తిప్రదాయినీ ।
భక్తసాయుజ్యదా భక్తస్వర్గదా భక్తరాజ్యదా ॥ ౫౭ ॥
భాగీరథీ భవారాధ్యా భాగ్యాసజ్జనపూజితా ।
భవస్తుత్యా భానుమతీ భవసాగరతారణీ ॥ ౫౮ ॥
భూతిర్భూషా చ భూతేశీ ఫాలలోచనపూజితా ।
భూతా భవ్యా భవిష్యా చ భవవిద్యా భవాత్మికా ॥ ౫౯ ॥
బాధాపహారిణీ బన్ధురూపా భువనపూజితా ।
భవఘ్నీ భక్తిలభ్యా చ భక్తరక్షణతత్పరా ॥ ౬౦ ॥
భక్తార్తిశమనీ భాగ్యా భోగదానకృతోద్యమా ।
భుజఙ్గభూషణా భీమా భీమాక్షీ భీమరూపిణీ ॥ ౬౧ ॥
భావినీ భ్రాతృరూపా చ భారతీ భవనాయికా ।
భాషా భాషావతీ భీష్మా భైరవీ భైరవప్రియా ॥ ౬౨ ॥
భూతిర్భాసితసర్వాఙ్గీ భూతిదా భూతినాయికా ।
భాస్వతీ భగమాలా చ భిక్షాదానకృతోద్యమా ॥ ౬౩ ॥
భిక్షురూపా భక్తికరీ భక్తలక్ష్మీప్రదాయినీ ।
భ్రాన్తిఘ్నా భ్రాన్తిరూపా చ భూతిదా భూతికారిణీ ॥ ౬౪ ॥
భిక్షణీయా భిక్షుమాతా భాగ్యవద్దృష్టిగోచరా ।
భోగవతీ భోగరూపా భోగమోక్షఫలప్రదా ॥ ౬౫ ॥
భోగశ్రాన్తా భాగ్యవతీ భక్తాఘౌఘవినాశినీ ।
బ్రాహ్మీ బ్రహ్మస్వరూపా చ బృహతీ బ్రహ్మవల్లభా ॥ ౬౬ ॥
బ్రహ్మదా బ్రహ్మమాతా చ బ్రహ్మాణీ బ్రహ్మదాయినీ ।
బ్రహ్మేశీ బ్రహ్మసంస్తుత్యా బ్రహ్మవేద్యా బుధప్రియా ॥ ౬౭ ॥
బాలేన్దుశేఖరా బాలా బలిపూజాకరప్రియా ।
బలదా బిన్దురూపా చ బాలసూర్యసమప్రభా ॥ ౬౮ ॥
బ్రహ్మరూపా బ్రహ్మమయీ బ్రధ్నమణ్డలమధ్యగా ।
బ్రహ్మాణీ బుద్ధిదా బుద్ధిర్బుద్ధిరూపా బుధేశ్వరీ ॥ ౬౯ ॥
బన్ధక్షయకరీ బాధనాశనీ బన్ధురూపిణీ ।
బిన్ద్వాలయా బిన్దుభూషా బిన్దునాదసమన్వితా ॥ ౭౦ ॥
బీజరూపా బీజమాతా బ్రహ్మణ్యా బ్రహ్మకారిణీ ।
బహురూపా బలవతీ బ్రహ్మజా బ్రహ్మచారిణీ ॥ ౭౧ ॥
బ్రహ్మస్తుత్యా బ్రహ్మవిద్యా బ్రహ్మాణ్డాధిపవల్లభా ।
బ్రహ్మేశవిష్ణురూపా చ బ్రహ్మవిష్ణ్వీశసంస్థితా ॥ ౭౨ ॥
బుద్ధిరూపా బుధేశానీ బన్ధీ బన్ధవిమోచనీ ।
అక్షమాలాక్షరాకారాక్షరాక్షరఫలప్రదా ॥ ౭౩ ॥
అనన్తానన్దసుఖదానన్తచన్ద్రనిభాననా ।
అనన్తమహిమాఘోరానన్తగమ్భీరసమ్మితా ॥ ౭౪ ॥
అదృష్టాదృష్టదానన్తాదృష్టభాగ్యఫలప్రదా ।
అరున్ధత్యవ్యయీనాథానేకసద్గుణసంయుతా ॥ ౭౫ ॥
అనేకభూషణాదృశ్యానేకలేఖనిషేవితా ।
అనన్తానన్తసుఖదాఘోరాఘోరస్వరూపిణీ ॥ ౭౬ ॥
అశేషదేవతారూపామృతరూపామృతేశ్వరీ ।
అనవద్యానేకహస్తానేకమాణిక్యభూషణా ॥ ౭౭ ॥
అనేకవిఘ్నసంహర్త్రీ హ్యనేకాభరణాన్వితా ।
అవిద్యాజ్ఞానసంహర్త్రీ హ్యవిద్యాజాలనాశినీ ॥ ౭౮ ॥
అభిరూపానవద్యాఙ్గీ హ్యప్రతర్క్యగతిప్రదా ।
అకళంకారూపిణీ చ హ్యనుగ్రహపరాయణా ॥ ౭౯ ॥
అమ్బరస్థామ్బరమయామ్బరమాలామ్బుజేక్షణా ।
అమ్బికాబ్జకరాబ్జస్థాంశుమత్యంశుశతాన్వితా ॥ ౮౦ ॥
అమ్బుజానవరాఖణ్డామ్బుజాసనమహాప్రియా ।
అజరామరసంసేవ్యాజరసేవితపద్యుగా ॥ ౮౧ ॥
అతులార్థప్రదార్థైక్యాత్యుదారాత్వభయాన్వితా ।
అనాథవత్సలానన్తప్రియానన్తేప్సితప్రదా ॥ ౮౨ ॥
అమ్బుజాక్ష్యమ్బురూపామ్బుజాతోద్భవమహాప్రియా ।
అఖణ్డాత్వమరస్తుత్యామరనాయకపూజితా ॥ ౮౩ ॥
అజేయాత్వజసంకాశాజ్ఞాననాశిన్యభీష్టదా ।
అక్తాఘనేనా చాస్త్రేశీ హ్యలక్ష్మీనాశినీ తథా ॥ ౮౪ ॥
అనన్తసారానన్తశ్రీరనన్తవిధిపూజితా ।
అభీష్టామర్త్యసమ్పూజ్యా హ్యస్తోదయవివర్జితా ॥ ౮౫ ॥
ఆస్తికస్వాన్తనిలయాస్త్రరూపాస్త్రవతీ తథా ।
అస్ఖలత్యస్ఖలద్రూపాస్ఖలద్విద్యాప్రదాయినీ ॥ ౮౬ ॥
అస్ఖలత్సిద్ధిదానన్దామ్బుజాతామరనాయికా ।
అమేయాశేషపాపఘ్న్యక్షయసారస్వతప్రదా ॥ ౮౭ ॥
జయా జయన్తీ జయదా జన్మకర్మవివర్జితా ।
జగత్ప్రియా జగన్మాతా జగదీశ్వరవల్లభా ॥ ౮౮ ॥
జాతిర్జయా జితామిత్రా జప్యా జపనకారిణీ ।
జీవనీ జీవనిలయా జీవాఖ్యా జీవధారిణీ ॥ ౮౯ ॥
జాహ్నవీ జ్యా జపవతీ జాతిరూపా జయప్రదా ।
జనార్దనప్రియకరీ జోషనీయా జగత్స్థితా ॥ ౯౦ ॥
జగజ్జ్యేష్ఠా జగన్మాయా జీవనత్రాణకారిణీ ।
జీవాతులతికా జీవజన్మీ జన్మనిబర్హణీ ॥ ౯౧ ॥
జాడ్యవిధ్వంసనకరీ జగద్యోనిర్జయాత్మికా ।
జగదానన్దజననీ జమ్బూశ్చ జలజేక్షణా ॥ ౯౨ ॥
జయన్తీ జఙ్గపూగఘ్నీ జనితజ్ఞానవిగ్రహా ।
జటా జటావతీ జప్యా జపకర్తృప్రియంకరీ ॥ ౯౩ ॥
జపకృత్పాపసంహర్త్రీ జపకృత్ఫలదాయినీ ।
జపాపుష్పసమప్రఖ్యా జపాకుసుమధారిణీ ॥ ౯౪ ॥
జననీ జన్మరహితా జ్యోతిర్వృత్యభిదాయినీ ।
జటాజూటనచన్ద్రార్ధా జగత్సృష్టికరీ తథా ॥ ౯౫ ॥
జగత్త్రాణకరీ జాడ్యధ్వంసకర్త్రీ జయేశ్వరీ ।
జగద్బీజా జయావాసా జన్మభూర్జన్మనాశినీ ॥ ౯౬ ॥
జన్మాన్త్యరహితా జైత్రీ జగద్యోనిర్జపాత్మికా ।
జయలక్షణసమ్పూర్ణా జయదానకృతోద్యమా ॥ ౯౭ ॥
జమ్భరాద్యాదిసంస్తుత్యా జమ్భారిఫలదాయినీ ।
జగత్త్రయహితా జ్యేష్ఠా జగత్త్రయవశంకరీ ॥ ౯౮ ॥
జగత్త్రయామ్బా జగతీ జ్వాలా జ్వాలితలోచనా ।
జ్వాలినీ జ్వలనాభాసా జ్వలన్తీ జ్వలనాత్మికా ॥ ౯౯ ॥
జితారాతిసురస్తుత్యా జితక్రోధా జితేన్ద్రియా ।
జరామరణశూన్యా చ జనిత్రీ జన్మనాశినీ ॥ ౧౦౦ ॥
జలజాభా జలమయీ జలజాసనవల్లభా ।
జలజస్థా జపారాధ్యా జనమఙ్గళకారిణీ ॥ ౧౦౧ ॥
కామినీ కామరూపా చ కామ్యా కామప్రదాయినీ ।
కమౌళీ కామదా కర్త్రీ క్రతుకర్మఫలప్రదా ॥ ౧౦౨ ॥
కృతఘ్నఘ్నీ క్రియారూపా కార్యకారణరూపిణీ ।
కఞ్జాక్షీ కరుణారూపా కేవలామరసేవితా ॥ ౧౦౩ ॥
కల్యాణకారిణీ కాన్తా కాన్తిదా కాన్తిరూపిణీ ।
కమలా కమలావాసా కమలోత్పలమాలినీ ॥ ౧౦౪ ॥
కుముద్వతీ చ కల్యాణీ కాన్తిః కామేశవల్లభా ।
కామేశ్వరీ కమలినీ కామదా కామబన్ధినీ ॥ ౧౦౫ ॥
కామధేనుః కాఞ్చనాక్షీ కాఞ్చనాభా కళానిధిః ।
క్రియా కీర్తికరీ కీర్తిః క్రతుశ్రేష్ఠా కృతేశ్వరీ ॥ ౧౦౬ ॥
క్రతుసర్వక్రియాస్తుత్యా క్రతుకృత్ప్రియకారిణీ ।
క్లేశనాశకరీ కర్త్రీ కర్మదా కర్మబన్ధినీ ॥ ౧౦౭ ॥
కర్మబన్ధహరీ కృష్టా క్లమఘ్నీ కఞ్జలోచనా ।
కన్దర్పజననీ కాన్తా కరుణా కరుణావతీ ॥ ౧౦౮ ॥
క్లీంకారిణీ కృపాకారా కృపాసిన్ధుః కృపావతీ ।
కరుణార్ద్రా కీర్తికరీ కల్మషఘ్నీ క్రియాకరీ ॥ ౧౦౯ ॥
క్రియాశక్తిః కామరూపా కమలోత్పలగన్ధినీ ।
కళా కళావతీ కూర్మీ కూటస్థా కఞ్జసంస్థితా ॥ ౧౧౦ ॥
కాళికా కల్మషఘ్నీ చ కమనీయజటాన్వితా ।
కరపద్మా కరాభీష్టప్రదా క్రతుఫలప్రదా ॥ ౧౧౧ ॥
కౌశికీ కోశదా కావ్యా కర్త్రీ కోశేశ్వరీ కృశా ।
కూర్మయానా కల్పలతా కాలకూటవినాశినీ ॥ ౧౧౨ ॥
కల్పోద్యానవతీ కల్పవనస్థా కల్పకారిణీ ।
కదమ్బకుసుమాభాసా కదమ్బకుసుమప్రియా ॥ ౧౧౩ ॥
కదమ్బోద్యానమధ్యస్థా కీర్తిదా కీర్తిభూషణా ।
కులమాతా కులావాసా కులాచారప్రియంకరీ ॥ ౧౧౪ ॥
కులానాథా కామకళా కళానాథా కళేశ్వరీ ।
కున్దమన్దారపుష్పాభా కపర్దస్థితచన్ద్రికా ॥ ౧౧౫ ॥
కవిత్వదా కావ్యమాతా కవిమాతా కళాప్రదా ।
తరుణీ తరుణీతాతా తారాధిపసమాననా ॥ ౧౧౬ ॥
తృప్తిస్తృప్తిప్రదా తర్క్యా తపనీ తాపినీ తథా ।
తర్పణీ తీర్థరూపా చ త్రిదశా త్రిదశేశ్వరీ ॥ ౧౧౭ ॥
త్రిదివేశీ త్రిజననీ త్రిమాతా త్ర్యమ్బకేశ్వరీ ।
త్రిపురా త్రిపురేశానీ త్ర్యమ్బకా త్రిపురామ్బికా ॥ ౧౧౮ ॥
త్రిపురశ్రీస్త్రయీరూపా త్రయీవేద్యా త్రయీశ్వరీ ।
త్రయ్యన్తవేదినీ తామ్రా తాపత్రితయహారిణీ ॥ ౧౧౯ ॥
తమాలసదృశీ త్రాతా తరుణాదిత్యసన్నిభా ।
త్రైలోక్యవ్యాపినీ తృప్తా తృప్తికృత్తత్వరూపిణీ ॥ ౧౨౦ ॥
తుర్యా త్రైలోక్యసంస్తుత్యా త్రిగుణా త్రిగుణేశ్వరీ ।
త్రిపురఘ్నీ త్రిమాతా చ త్ర్యమ్బకా త్రిగుణాన్వితా ॥ ౧౨౧ ॥
తృష్ణాచ్ఛేదకరీ తృప్తా తీక్ష్ణా తీక్ష్ణస్వరూపిణీ ।
తులా తులాదిరహితా తత్తద్బ్రహ్మస్వరూపిణీ ॥ ౧౨౨ ॥
త్రాణకర్త్రీ త్రిపాపఘ్నీ త్రిపదా త్రిదశాన్వితా ।
తథ్యా త్రిశక్తిస్త్రిపదా తుర్యా త్రైలోక్యసున్దరీ ॥ ౧౨౩ ॥
తేజస్కరీ త్రిమూర్త్యాద్యా తేజోరూపా త్రిధామతా ।
త్రిచక్రకర్త్రీ త్రిభగా తుర్యాతీతఫలప్రదా ॥ ౧౨౪ ॥
తేజస్వినీ తాపహారీ తాపోపప్లవనాశినీ ।
తేజోగర్భా తపఃసారా త్రిపురారిప్రియంకరీ ॥ ౧౨౫ ॥
తన్వీ తాపససంతుష్టా తపనాఙ్గజభీతినుత్ ।
త్రిలోచనా త్రిమార్గా చ తృతీయా త్రిదశస్తుతా ॥ ౧౨౬ ॥
త్రిసున్దరీ త్రిపథగా తురీయపదదాయినీ ।
శుభా శుభావతీ శాన్తా శాన్తిదా శుభదాయినీ ॥ ౧౨౭ ॥
శీతళా శూలినీ శీతా శ్రీమతీ చ శుభాన్వితా ।
యోగసిద్ధిప్రదా యోగ్యా యజ్ఞేనపరిపూరితా ॥ ౧౨౮ ॥
యజ్యా యజ్ఞమయీ యక్షీ యక్షిణీ యక్షివల్లభా ।
యజ్ఞప్రియా యజ్ఞపూజ్యా యజ్ఞతుష్టా యమస్తుతా ॥ ౧౨౯ ॥
యామినీయప్రభా యామ్యా యజనీయా యశస్కరీ ।
యజ్ఞకర్త్రీ యజ్ఞరూపా యశోదా యజ్ఞసంస్తుతా ॥ ౧౩౦ ॥
యజ్ఞేశీ యజ్ఞఫలదా యోగయోనిర్యజుస్తుతా ।
యమిసేవ్యా యమారాధ్యా యమిపూజ్యా యమీశ్వరీ ॥ ౧౩౧ ॥
యోగినీ యోగరూపా చ యోగకర్తృప్రియంకరీ ।
యోగయుక్తా యోగమయీ యోగయోగీశ్వరామ్బికా ॥ ౧౩౨ ॥
యోగజ్ఞానమయీ యోనిర్యమాద్యష్టాఙ్గయోగతా ।
యన్త్రితాఘౌఘసంహారా యమలోకనివారిణీ ॥ ౧౩౩ ॥
యష్టివ్యష్టీశసంస్తుత్యా యమాద్యష్టాఙ్గయోగయుక్ ।
యోగీశ్వరీ యోగమాతా యోగసిద్ధా చ యోగదా ॥ ౧౩౪ ॥
యోగారూఢా యోగమయీ యోగరూపా యవీయసీ ।
యన్త్రరూపా చ యన్త్రస్థా యన్త్రపూజ్యా చ యన్త్రితా ॥ ౧౩౫ ॥
యుగకర్త్రీ యుగమయీ యుగధర్మవివర్జితా ।
యమునా యమినీ యామ్యా యమునాజలమధ్యగా ॥ ౧౩౬ ॥
యాతాయాతప్రశమనీ యాతనానాన్నికృన్తనీ ।
యోగావాసా యోగివన్ద్యా యత్తచ్ఛబ్దస్వరూపిణీ ॥ ౧౩౭ ॥
యోగక్షేమమయీ యన్త్రా యావదక్షరమాతృకా ।
యావత్పదమయీ యావచ్ఛబ్దరూపా యథేశ్వరీ ॥ ౧౩౮ ॥
యత్తదీయా యక్షవన్ద్యా యద్విద్యా యతిసంస్తుతా ।
యావద్విద్యామయీ యావద్విద్యాబృన్దసువన్దితా ॥ ౧౩౯ ॥
యోగిహృత్పద్మనిలయా యోగివర్యప్రియంకరీ ।
యోగివన్ద్యా యోగిమాతా యోగీశఫలదాయినీ ॥ ౧౪౦ ॥
యక్షవన్ద్యా యక్షపూజ్యా యక్షరాజసుపూజితా ।
యజ్ఞరూపా యజ్ఞతుష్టా యాయజూకస్వరూపిణీ ॥ ౧౪౧ ॥
యన్త్రారాధ్యా యన్త్రమధ్యా యన్త్రకర్తృప్రియంకరీ ।
యన్త్రారూఢా యన్త్రపూజ్యా యోగిధ్యానపరాయణా ॥ ౧౪౨ ॥
యజనీయా యమస్తుత్యా యోగయుక్తా యశస్కరీ ।
యోగబద్ధా యతిస్తుత్యా యోగజ్ఞా యోగనాయకీ ॥ ౧౪౩ ॥
యోగిజ్ఞానప్రదా యక్షీ యమబాధావినాశినీ ।
యోగికామ్యప్రదాత్రీ చ యోగిమోక్షప్రదాయినీ ॥ ౧౪౪ ॥
ఇతి నామ్నాం సరస్వత్యాః సహస్రం సముదీరితమ్ ।
మన్త్రాత్మకం మహాగోప్యం మహాసారస్వతప్రదమ్ ॥ ౧ ॥
యః పఠేచ్ఛృణుయాద్భక్త్యా త్రికాలం సాధకః పుమాన్ ।
సర్వవిద్యానిధిః సాక్షాత్ స ఏవ భవతి ధ్రువమ్ ॥ ౨ ॥
లభతే సంపదః సర్వాః పుత్రపౌత్రాదిసంయుతాః ।
మూకోపి సర్వవిద్యాసు చతుర్ముఖ ఇవాపరః ॥ ౩ ॥
భూత్వా ప్రాప్నోతి సాన్నిధ్యం అన్తే ధాతుర్మునీశ్వర ।
సర్వమన్త్రమయం సర్వవిద్యామానఫలప్రదమ్ ॥ ౪ ॥
మహాకవిత్వదం పుంసాం మహాసిద్ధిప్రదాయకమ్ ।
కస్మైచిన్న ప్రదాతవ్యం ప్రాణైః కణ్ఠగతైరపి ॥ ౫ ॥
మహారహస్యం సతతం వాణీనామసహస్రకమ్ ।
సుసిద్ధమస్మదాదీనాం స్తోత్రం తే సముదీరితమ్ ॥ ౬ ॥
॥ ఇతి శ్రీస్కాన్దపురాణాన్తర్గత
సనత్కుమార సంహితాయాం నారద సనత్కుమార సంవాదే
సరస్వతీసహస్రనామస్తోత్రమ్ సమ్పూర్ణమ్ ॥