॥ Bala Rama Sahasranamastotram Bengali Lyrics ॥
॥ বলরামসহস্রনামস্তোত্রম্ ॥
দুর্যোধন উবাচ –
বলভদ্রস্য দেবস্য প্রাড্বিপাক মহামুনে ।
নাম্নাং সহস্রং মে ব্রূহি গুহ্যং দেবগণৈরপি ॥ ১ ॥
প্রাড্বিপাক উবাচ –
সাধু সাধু মহারাজ সাধু তে বিমলং য়শঃ ।
য়ত্পৃচ্ছসে পরমিদং গর্গোক্তং দেবদুর্লভম্ ॥ ২ ॥
নাম্নাং সহস্রং দিব্যানাং বক্ষ্যামি তব চাগ্রতঃ ।
গর্গাচার্যেণ গোপীভ্যো দত্তং কৃষ্ণাতটে শুভে ॥ ৩ ॥
ওঁ অস্য শ্রীবলভদ্রসহস্রনামস্ত্রোত্রমন্ত্রস্য
গর্গাচার্য ঋষিঃ অনুষ্টুপ্ ছন্দঃ
সঙ্কর্ষণঃ পরমাত্মা দেবতা বলভদ্র ইতি বীজং
রেবতীতি শক্তিঃ অনন্ত ইতি কীলকং
বলভদ্রপ্রীত্যর্থে জপে বিনিয়োগঃ ॥
অথ ধ্যানম্ ।
স্ফুরদমলকিরীটং কিঙ্কিণীকঙ্কণার্হং
চলদলককপোলং কুণ্ডলশ্রীমুখাব্জম্ ।
তুহিনগিরিমনোজ্ঞং নীলমেঘাম্বরাঢ্যং
হলমুসলবিশালং কামপালং সমীডে ॥ ৪ ॥
ওঁ বলভদ্রো রামভদ্রো রামঃ সঙ্কর্ষণোঽচ্যুতঃ ।
রেবতীরমণো দেবঃ কামপালো হলায়ুধঃ ॥ ৫ ॥
নীলাম্বরঃ শ্বেতবর্ণো বলদেবোঽচ্যুতাগ্রজঃ ।
প্রলম্বঘ্নো মহাবীরো রৌহিণেয়ঃ প্রতাপবান্ ॥ ৬ ॥
তালাঙ্কো মুসলী হলী হরির্যদুবরো বলী ।
সীরপাণিঃ পদ্মপাণির্লগুডী বেণুবাদনঃ ॥ ৭ ॥
কালিন্দিভেদনো বীরো বলঃ প্রবল ঊর্ধ্বগঃ ।
বাসুদেবকলানন্তঃ সহস্রবদনঃ স্বরাট্ ॥ ৮ ॥
বসুর্বসুমতীভর্তা বাসুদেবো বসূত্তমঃ ।
য়দূত্তমো য়াদবেন্দ্রো মাধবো বৃষ্ণিবল্লভঃ ॥ ৯ ॥
দ্বারকেশো মাথুরেশো দানী মানী মহামনাঃ ।
পূর্ণঃ পুরাণঃ পুরুষঃ পরেশঃ পরমেশ্বরঃ ॥ ১০ ॥
পরিপূর্ণতমঃ সাক্ষাত্পরমঃ পুরুষোত্তমঃ ।
অনন্তঃ শাশ্বতঃ শেষো ভগবান্প্রকৃতেঃ পরঃ ॥ ১১ ॥
জীবাত্মা পরমাত্মা চ হ্যন্তরাত্মা ধ্রুবোঽব্যয়ঃ ।
চতুর্ব্যূহশ্চতুর্বেদশ্চতুর্মূর্তিশ্চতুষ্পদঃ ॥ ১২ ॥
প্রধানং প্রকৃতিঃ সাক্ষী সঙ্ঘাতঃ সঙ্ঘবান্ সখী ।
মহামনা বুদ্ধিসখশ্চেতোঽহংকার আবৃতঃ ॥ ১৩ ॥
ইন্দ্রিয়েশো দেবাতাত্মা জ্ঞানং কর্ম চ শর্ম চ ।
অদ্বিতীয়ো দ্বিতীয়শ্চ নিরাকারো নিরঞ্জনঃ ॥ ১৪ ॥
বিরাট্ সম্রাট্ মহৌঘশ্চ ধারঃ স্থাস্নুশ্চরিষ্ণুমান্ ।
ফণীন্দ্রঃ ফণিরাজশ্চ সহস্রফণমণ্ডিতঃ ॥ ১৫ ॥
ফণীশ্বরঃ ফণী স্ফূর্তিঃ ফূত্কারী চীত্করঃ প্রভুঃ ।
মণিহারো মণিধরো বিতলী সুতলী তলী ॥ ১৬ ॥
অতলী সুতলেশশ্চ পাতালশ্চ তলাতলঃ ।
রসাতলো ভোগিতলঃ স্ফুরদ্দন্তো মহাতলঃ ॥ ১৭ ॥
বাসুকিঃ শঙ্খচূডাভো দেবদত্তো ধনঞ্জয়ঃ ।
কম্বলাশ্বো বেগতরো ধৃতরাষ্ট্রো মহাভুজঃ ॥ ১৮ ॥
বারুণীমদমত্তাঙ্গো মদঘূর্ণিতলোচনঃ ।
পদ্মাক্ষঃ পদ্মমালী চ বনমালী মধুশ্রবাঃ ॥ ১৯ ॥
কোটিকন্দর্পলাবণ্যো নাগকন্যাসমর্চিতঃ ।
নূপুরী কটিসূত্রী চ কটকী কনকাঙ্গদী ॥ ২০ ॥
মুকুটী কুণ্ডলী দণ্ডী শিখণ্ডী খণ্ডমণ্ডলী ।
কলিঃ কলিপ্রিয়ঃ কালো নিবাতকবচেশ্বরঃ ॥ ২১ ॥
সংহারকদ্রুর্দ্রবয়ুঃ কালাগ্নিঃ প্রলয়ো লয়ঃ ।
মহাহিঃ পাণিনিঃ শাস্ত্রভাষ্যকারঃ পতঞ্জলিঃ ॥ ২২ ॥
কাত্যায়নঃ পক্বিমাভঃ স্ফোটায়ন উরঙ্গমঃ ।
বৈকুণ্ঠো য়াজ্ঞিকো য়জ্ঞো বামনো হরিণো হরিঃ ॥ ২৩ ॥
কৃষ্ণো বিষ্ণুর্মহাবিষ্ণুঃ প্রভবিষ্ণুর্বিশেষবিত্ ।
হংসো য়োগেশ্বরঃ কূর্মো বারাহো নারদো মুনিঃ ॥ ২৪ ॥
সনকঃ কপিলো মত্স্যঃ কমঠো দেবমঙ্গলঃ ।
দত্তাত্রেয়ঃ পৃথুর্বৃদ্ধ ঋষভো ভার্গবোত্তমঃ ॥ ২৫ ॥
ধন্বন্তরির্নৃসিংহশ্চ কলির্নারায়ণো নরঃ ।
রামচন্দ্রো রাঘবেন্দ্রঃ কোশলেন্দ্রো রঘূদ্বহঃ ॥ ২৬ ॥
কাকুত্স্থঃ করুণাসিংধূ রাজেন্দ্রঃ সর্বলক্ষণঃ ।
শূরো দাশরথিস্ত্রাতা কৌসল্যানন্দবর্দ্ধনঃ ॥ ২৭ ॥
সৌমিত্রির্ভরতো ধন্বী শত্রুঘ্নঃ শত্রুতাপনঃ ।
নিষঙ্গী কবচী খড্গী শরী জ্যাহতকোষ্ঠকঃ ॥ ২৮ ॥
বদ্ধগোধাঙ্গুলিত্রাণঃ শম্ভুকোদণ্ডভঞ্জনঃ ।
য়জ্ঞত্রাতা য়জ্ঞভর্তা মারীচবধকারকঃ ॥ ২৯ ॥
অসুরারিস্তাটকারির্বিভীষণসহায়কৃত্ ।
পিতৃবাক্যকরো হর্ষী বিরাধারির্বনেচরঃ ॥ ৩০ ॥
মুনির্মুনিপ্রিয়শ্চিত্রকূটারণ্যনিবাসকৃত্ ।
কবন্ধহা দণ্ডকেশো রামো রাজীবলোচনঃ ॥ ৩১ ॥
মতঙ্গবনসঞ্চারী নেতা পঞ্চবটীপতিঃ ।
সুগ্রীবঃ সুগ্রীবসখো হনুমত্প্রীতমানসঃ ॥ ৩২ ॥
সেতুবন্ধো রাবণারির্লংকাদহনতত্পরঃ ।
রাবণ্যরিঃ পুষ্পকস্থো জানকীবিরহাতুরঃ ॥ ৩৩ ॥
অয়োধ্যাধিপতিঃ শ্রীমাঁল্লবণারিঃ সুরার্চিতঃ ।
সূর্যবংশী চন্দ্রবংশী বংশীবাদ্যবিশারদঃ ॥ ৩৪ ॥
গোপতির্গোপবৃন্দেশো গোপো গোপীশতাবৃতঃ ।
গোকুলেশো গোপপুত্রো গোপালো গোগণাশ্রয়ঃ ॥ ৩৫ ॥
পূতনারির্বকারিশ্চ তৃণাবর্তনিপাতকঃ ।
অঘারির্ধেনুকারিশ্চ প্রলম্বারির্ব্রজেশ্বরঃ ॥ ৩৬ ॥
অরিষ্টহা কেশিশত্রুর্ব্যোমাসুরবিনাশকৃত্ ।
অগ্নিপানো দুগ্ধপানো বৃন্দাবনলতাশ্রিতঃ ॥ ৩৭ ॥
য়শোমতীসুতো ভব্যো রোহিণীলালিতঃ শিশুঃ ।
রাসমণ্ডলমধ্যস্থো রাসমণ্ডলমণ্ডনঃ ॥ ৩৮ ॥
গোপিকাশতয়ূথার্থী শঙ্খচূডবধোদ্যতঃ ।
গোবর্ধনসমুদ্ধর্তা শক্রজিদ্ব্রজরক্ষকঃ ॥ ৩৯ ॥
বৃষভানুবরো নন্দ আনন্দো নন্দবর্ধনঃ ।
নন্দরাজসুতঃ শ্রীশঃ কংসারিঃ কালিয়ান্তকঃ ॥ ৪০ ॥
রজকারির্মুষ্টিকারিঃ কংসকোদণ্ডভঞ্জনঃ ।
চাণূরারিঃ কূটহন্তা শলারিস্তোশলান্তকঃ ॥ ৪১ ॥
কংসভ্রাতৃনিহন্তা চ মল্লয়ুদ্ধপ্রবর্তকঃ ।
গজহন্তা কংসহন্তা কালহন্তা কলঙ্কহা ॥ ৪২ ॥
মাগধারির্যবনহা পাণ্ডুপুত্রসহায়কৃত্ ।
চতুর্ভুজঃ শ্যামলাঙ্গঃ সৌম্যশ্চৌপগবিপ্রিয়ঃ ॥ ৪৩ ॥
য়ুদ্ধভৃদুদ্ধবসখা মন্ত্রী মন্ত্রবিশারদঃ ।
বীরহা বীরমথনঃ শঙ্খচক্রগদাধরঃ ॥ ৪৪ ॥
রেবতীচিত্তহর্তা চ রেবতীহর্ষবর্দ্ধনঃ ।
রেবতীপ্রাণনাথশ্চ রেবতীপ্রিয়কারকঃ ॥ ৪৫ ॥
জ্যোতির্জ্যোতিষ্মতীভর্তা রৈবতাদ্রিবিহারকৃত্ ।
ধৃতিনাথো ধনাধ্যক্ষো দানাধ্যক্ষো ধনেশ্বরঃ ॥ ৪৬ ॥
মৈথিলার্চিতপাদাব্জো মানদো ভক্তবত্সলঃ ।
দুর্যোধনগুরুর্গুর্বীগদাশিক্ষাকরঃ ক্ষমী ॥ ৪৭ ॥
মুরারির্মদনো মন্দোঽনিরুদ্ধো ধন্বিনাং বরঃ ।
কল্পবৃক্ষঃ কল্পবৃক্ষী কল্পবৃক্ষবনপ্রভুঃ ॥ ৪৮ ॥
স্যমন্তকমণির্মান্যো গাণ্ডীবী কৌরবেশ্বরঃ ।
কুম্ভাণ্ডখণ্ডনকরঃ কূপকর্ণপ্রহারকৃত্ ॥ ৪৯ ॥
সেব্যো রৈবতজামাতা মধুমাধবসেবিতঃ ।
বলিষ্ঠপুষ্টসর্বাঙ্গো হৃষ্টঃ পুষ্টঃ প্রহর্ষিতঃ ॥ ৫০ ॥
বারাণসীগতঃ ক্রুদ্ধঃ সর্বঃ পৌণ্ড্রকঘাতকঃ ।
সুনন্দী শিখরী শিল্পী দ্বিবিদাঙ্গনিষূদনঃ ॥ ৫১ ॥
হস্তিনাপুরসঙ্কর্ষী রথী কৌরবপূজিতঃ ।
বিশ্বকর্মা বিশ্বধর্মা দেবশর্মা দয়ানিধিঃ ॥ ৫২ ॥
মহারাজচ্ছত্রধরো মহারাজোপলক্ষণঃ ।
সিদ্ধগীতঃ সিদ্ধকথঃ শুক্লচামরবীজিতঃ ॥ ৫৩ ॥
তারাক্ষঃ কীরনাসশ্চ বিম্বোষ্ঠঃ সুস্মিতচ্ছবিঃ ।
করীন্দ্রকরদোর্দণ্ডঃ প্রচণ্ডো মেঘমণ্ডলঃ ॥ ৫৪ ॥
কপাটবক্ষাঃ পীনাংসঃ পদ্মপাদস্ফুরদ্দ্যুতিঃ ।
মহবিভূতির্ভূতেশো বন্ধমোক্ষী সমীক্ষণঃ ॥ ৫৫ ॥
চৈদ্যশত্রুঃ শত্রুসন্ধো দন্তবক্ত্রনিষূদকঃ ।
অজাতশত্রুঃ পাপঘ্নো হরিদাসসহায়কৃত্ ॥ ৫৬ ॥
শালবাহুঃ শাল্বহন্তা তীর্থয়ায়ী জনেশ্বরঃ ।
নৈমিষারণ্যয়াত্রার্থী গোমতীতীরবাসকৃত্ ॥ ৫৭ ॥
গণ্ডকীস্নানবান্স্রগ্বী বৈজয়ন্তীবিরাজিতঃ ।
অম্লানপঙ্কজধরো বিপাশী শোণসম্প্লুতঃ ॥ ৫৮ ॥
প্রয়াগতীর্থরাজশ্চ সরয়ূঃ সেতুবন্ধনঃ ।
গয়াশিরশ্চ ধনদঃ পৌলস্ত্যঃ পুলহাশ্রমঃ ॥ ৫৯ ॥
গঙ্গাসাগরসঙ্গার্থী সপ্তগোদাবরীপতিঃ ।
বেণি ভীমরথী গোদা তাম্রপর্ণী বটোদকা ॥ ৬০ ॥
কৃতমালা মহাপুণ্যা কাবেরী চ পয়স্বিনী ।
প্রতীচী সুপ্রভা বেণী ত্রিবেণী সরয়ূপমা ॥ ৬১ ॥
কৃষ্ণা পংপা নর্মদা চ গঙ্গা ভাগীরথী নদী ।
সিদ্ধাশ্রমঃ প্রভাসশ্চ বিন্দুর্বিন্দুসরোবরঃ ॥ ৬২ ॥
পুষ্করঃ সৈন্ধবো জম্বূ নরনারায়ণাশ্রমঃ ।
কুরুক্ষেত্রপতী রামো জামদগ্ন্যো মহামুনিঃ ॥ ৬৩ ॥
ইল্বলাত্মজহন্তা চ সুদামাসৌখ্যদায়কঃ ।
বিশ্বজিদ্বিশ্বনাথশ্চ ত্রিলোকবিজয়ী জয়ী ॥ ৬৪ ॥
বসন্তমালতীকর্ষী গদো গদ্যো গদাগ্রজঃ ।
গুণার্ণবো গুণনিধির্গুণপাত্রো গুণাকরঃ ॥ ৬৫ ॥
রঙ্গবল্লীজলাকারো নির্গুণঃ সগুণো বৃহত্ ।
দৃষ্টঃ শ্রুতো ভবদ্ভূতো ভবিষ্যচ্চাল্পবিগ্রহঃ ॥ ৬৬ ॥
অনাদিরাদিরানন্দঃ প্রত্যগ্ধামা নিরন্তরঃ ।
গুণাতীতঃ সমঃ সাম্যঃ সমদৃঙ্নির্বিকল্পকঃ ॥ ৬৭ ॥
গূঢাব্যূঢো গুণো গৌণো গুণাভাসো গুণাবৃতঃ ।
নিত্যোঽক্ষরো নির্বিকারোঽক্ষরোঽজস্রসুখোঽমৃতঃ ॥ ৬৮ ॥
সর্বগঃ সর্ববিত্সার্থঃ সমবুদ্ধিঃ সমপ্রভঃ ।
অক্লেদ্যোঽচ্ছেদ্য আপূর্ণো শোষ্যো দাহ্যো নিবর্তকঃ ॥ ৬৯ ॥
ব্রহ্ম ব্রহ্মধরো ব্রহ্মা জ্ঞাপকো ব্যাপকঃ কবিঃ ।
অধ্যাত্মকোঽধিভূতশ্চাধিদৈবঃ স্বাশ্রয়াশ্রয়ঃ ॥ ৭০ ॥
মহাবায়ুর্মহাবীরশ্চেষ্টারূপতনুস্থিতঃ ।
প্রেরকো বোধকো বোধী ত্রয়োবিংশতিকো গণঃ ॥ ৭১ ॥
অংশাংশশ্চ নরাবেশোঽবতারো ভূপরিস্থিতঃ ।
মহর্জনস্তপঃসত্যং ভূর্ভুবঃস্বরিতি ত্রিধা ॥ ৭২ ॥
নৈমিত্তিকঃ প্রাকৃতিক আত্যন্তিকময়ো লয়ঃ ।
সর্গো বিসর্গঃ সর্গাদির্নিরোধো রোধ ঊতিমান্ ॥ ৭৩ ॥
মন্বন্তরাবতারশ্চ মনুর্মনুসুতোঽনঘঃ ।
স্বয়ম্ভূঃ শাম্ভবঃ শঙ্কুঃ স্বায়ম্ভুবসহায়কৃত্ ॥ ৭৪ ॥
সুরালয়ো দেবগিরির্মেরুর্হেমার্চিতো গিরিঃ ।
গিরীশো গণনাথশ্চ গৌরীশো গিরিগহ্বরঃ ॥ ৭৫ ॥
বিন্ধ্যস্ত্রিকূটো মৈনাকঃ সুবেলঃ পারিভদ্রকঃ ।
পতঙ্গঃ শিশিরঃ কঙ্কো জারুধিঃ শৈলসত্তমঃ ॥ ৭৬ ॥
কালঞ্জরো বৃহত্সানুর্দরীভৃন্নন্দিকেশ্বরঃ ।
সন্তানস্তরুরাজশ্চ মন্দারঃ পারিজাতকঃ ॥ ৭৭ ॥
জয়ন্তকৃজ্জয়ন্তাঙ্গো জয়ন্তীদিগ্জয়াকুলঃ ।
বৃত্রহা দেবলোকশ্চ শশী কুমুদবান্ধবঃ ॥ ৭৮ ॥
নক্ষত্রেশঃ সুধাসিন্ধুর্মৃগঃ পুষ্যঃ পুনর্বসুঃ ।
হস্তোঽভিজিচ্চ শ্রবণো বৈধৃতির্ভাস্করোদয়ঃ ॥ ৭৯ ॥
ঐন্দ্রঃ সাধ্যঃ শুভঃ শুক্লো ব্যতীপাতো ধ্রুবঃ সিতঃ ।
শিশুমারো দেবময়ো ব্রহ্মলোকো বিলক্ষণঃ ॥ ৮০ ॥
রামো বৈকুণ্ঠনাথশ্চ ব্যাপী বৈকুণ্ঠনায়কঃ ।
শ্বেতদ্বীপো জিতপদো লোকালোকাচলাশ্রিতঃ ॥ ৮১ ॥
ভূমির্বৈকুণ্ঠদেবশ্চ কোটিব্রহ্মাণ্ডকারকঃ ।
অসঙ্খ্যব্রহ্মাণ্ডপতির্গোলোকেশো গবাং পতিঃ ॥ ৮২ ॥
গোলোকধামধিষণো গোপিকাকণ্ঠভূষণঃ ।
শ্রীধারঃ শ্রীধরো লীলাধরো গিরিধরো ধুরী ॥ ৮৩ ॥
কুন্তধারী ত্রিশূলী চ বীভত্সী ঘর্ঘরস্বনঃ ।
শূলসূচ্যর্পিতগজো গজচর্মধরো গজী ॥ ৮৪ ॥
অন্ত্রমালী মুণ্ডমালী ব্যালী দণ্ডকমণ্ডলুঃ ।
বেতালভৃদ্ভূতসঙ্ঘঃ কূষ্মাণ্ডগণসংবৃতঃ ॥ ৮৫ ॥
প্রমথেশঃ পশুপতির্মৃডানীশো মৃডো বৃষঃ ।
কৃতান্তকালসঙ্ঘারিঃ কূটঃ কল্পান্তভৈরবঃ ॥ ৮৬ ॥
ষডাননো বীরভদ্রো দক্ষয়জ্ঞবিঘাতকঃ ।
খর্পরাশী বিষাশী চ শক্তিহস্তঃ শিবার্থদঃ ॥ ৮৭ ॥
পিনাকটঙ্কারকরশ্চলজ্ঝঙ্কারনূপুরঃ ।
পণ্ডিতস্তর্কবিদ্বান্বৈ বেদপাঠী শ্রুতীশ্বরঃ ॥ ৮৮ ॥
বেদান্তকৃত্সাঙ্খ্যশাস্ত্রী মীমাংসী কণনামভাক্ ।
কাণাদির্গৌতমো বাদী বাদো নৈয়ায়িকো নয়ঃ ॥ ৮৯ ॥
বৈশেষিকো ধর্মশাস্ত্রী সর্বশাস্ত্রার্থতত্ত্বগঃ ।
বৈয়াকরণকৃচ্ছন্দো বৈয়াসঃ প্রাকৃতির্বচঃ ॥ ৯০ ॥
পারাশরীসংহিতাবিত্কাব্যকৃন্নাটকপ্রদঃ ।
পৌরাণিকঃ স্মৃতিকরো বৈদ্যো বিদ্যাবিশারদঃ ॥ ৯১ ॥
অলঙ্কারো লক্ষণার্থো ব্যঙ্গ্যবিদ্ধনবদ্ধ্বনিঃ ।
বাক্যস্ফোটঃ পদস্ফোটঃ স্ফোটবৃত্তিশ্চ সার্থবিত্ ॥ ৯২ ॥
শৃঙ্গার উজ্জ্বলঃ স্বচ্ছোঽদ্ভুতো হাস্যো ভয়ানকঃ ।
অশ্বত্থো য়বভোজী চ য়বক্রীতো য়বাশনঃ ॥ ৯৩ ॥
প্রহ্লাদরক্ষকঃ স্নিগ্ধ ঐলবংশবিবর্দ্ধনঃ ।
গতাধিরংবরীষাঙ্গো বিগাধির্গাধিনাং বরঃ ॥ ৯৪ ॥
নানামণিসমাকীর্ণো নানারত্নবিভূষণঃ ।
নানাপুষ্পধরঃ পুষ্পী পুষ্পধন্বা প্রপুষ্পিতঃ ॥ ৯৫ ॥
নানাচন্দনগন্ধাঢ্যো নানাপুষ্পরসার্চিতঃ ।
নানাবর্ণময়ো বর্ণো নানাবস্ত্রধরঃ সদা ॥ ৯৬ ॥
নানাপদ্মকরঃ কৌশী নানাকৌশেয়বেষধৃক্ ।
রত্নকম্বলধারী চ ধৌতবস্ত্রসমাবৃতঃ ॥ ৯৭ ॥
উত্তরীয়ধরঃ পর্ণো ঘনকঞ্চুকসঙ্ঘবান্ ।
পীতোষ্ণীষঃ সিতোষ্ণীষো রক্তোষ্ণীষো দিগম্বরঃ ॥ ৯৮ ॥
দিব্যাঙ্গো দিব্যরচনো দিব্যলোকবিলোকিতঃ ।
সর্বোপমো নিরুপমো গোলোকাঙ্কীকৃতাঙ্গণঃ ॥ ৯৯ ॥
কৃতস্বোত্সঙ্গগো লোকঃ কুণ্ডলীভূত আস্থিতঃ ।
মাথুরো মাথুরাদর্শী চলত্খঞ্জনলোচনঃ ॥ ১০০ ॥
দধিহর্তা দুগ্ধহরো নবনীতসিতাশনঃ ।
তক্রভুক্ তক্রহারী চ দধিচৌর্যকৃতশ্রমঃ ॥ ১০১ ॥
প্রভাবতীবদ্ধকরো দামী দামোদরো দমী ।
সিকতাভূমিচারী চ বালকেলির্ব্রজার্ভকঃ ॥ ১০২ ॥
ধূলিধূসরসর্বাঙ্গঃ কাকপক্ষধরঃ সুধীঃ ।
মুক্তকেশো বত্সবৃন্দঃ কালিন্দীকূলবীক্ষণঃ ॥ ১০৩ ॥
জলকোলাহলী কূলী পঙ্কপ্রাঙ্গণলেপকঃ ।
শ্রীবৃন্দাবনসঞ্চারী বংশীবটতটস্থিতঃ ॥ ১০৪ ॥
মহাবননিবাসী চ লোহার্গলবনাধিপঃ ।
সাধুঃ প্রিয়তমঃ সাধ্যঃ সাধ্বীশো গতসাধ্বসঃ ॥ ১০৫ ॥
রঙ্গনাথো বিঠ্ঠলেশো মুক্তিনাথোঽঘনাশকঃ ।
সুকির্তিঃ সুয়শাঃ স্ফীতো য়শস্বী রঙ্গরঞ্জনঃ ॥ ১০৬ ॥
রাগষট্কো রাগপুত্রো রাগিণীরমণোত্সুকঃ ।
দীপকো মেঘমল্হারঃ শ্রীরাগো মালকোশকঃ ॥ ১০৭ ॥
হিন্দোলো ভৈরবাখ্যশ্চ স্বরজাতিস্মরো মৃদুঃ ।
তালো মানপ্রমাণশ্চ স্বরগম্যঃ কলাক্ষরঃ ॥ ১০৮ ॥
শমী শ্যামী শতানন্দঃ শতয়ামঃ শতক্রতুঃ ।
জাগরঃ সুপ্ত আসুপ্তঃ সুষুপ্তঃ স্বপ্ন উর্বরঃ ॥ ১০৯ ॥
ঊর্জঃ স্ফূর্জো নির্জরশ্চ বিজ্বরো জ্বরবর্জিতঃ ।
জ্বরজিজ্জ্বরকর্তা চ জ্বরয়ুক্ ত্রিজ্বরো জ্বরঃ ॥ ১১০ ॥
জাম্ববান্ জম্বুকাশঙ্কী জম্বূদ্বীপো দ্বিপারিহা ।
শাল্মলিঃ শাল্মলিদ্বীপঃ প্লক্ষঃ প্লক্ষবনেশ্বরঃ ॥ ১১১ ॥
কুশধারী কুশঃ কৌশী কৌশিকঃ কুশবিগ্রহঃ ।
কুশস্থলীপতিঃ কাশীনাথো ভৈরবশাসনঃ ॥ ১১২ ॥
দাশার্হঃ সাত্বতো বৃষ্ণির্ভোজোঽন্ধকনিবাসকৃত্ ।
অন্ধকো দুন্দুভির্দ্যোতঃ প্রদ্যোতঃ সাত্বতাং পতিঃ ॥ ১১৩ ॥
শূরসেনোঽনুবিষয়ো ভোজবৃষ্ণ্যন্ধকেশ্বরঃ ।
আহুকঃ সর্বনীতিজ্ঞ উগ্রসেনো মহোগ্রবাক্ ॥ ১১৪ ॥
উগ্রসেনপ্রিয়ঃ প্রার্থ্যঃ পার্থো য়দুসভাপতিঃ ।
সুধর্মাধিপতিঃ সত্ত্বং বৃষ্ণিচক্রাবৃতো ভিষক্ ॥ ১১৫ ॥
সভাশীলঃ সভাদীপঃ সভাগ্নিশ্চ সভারবিঃ ।
সভাচন্দ্রঃ সভাভাসঃ সভাদেবঃ সভাপতিঃ ॥ ১১৬ ॥
প্রজার্থদঃ প্রজাভর্তা প্রজাপালনতত্পরঃ ।
দ্বারকাদুর্গসঞ্চারী দ্বারকাগ্রহবিগ্রহঃ ॥ ১১৭ ॥
দ্বারকাদুঃখসংহর্তা দ্বারকাজনমঙ্গলঃ ।
জগন্মাতা জগত্ত্রাতা জগদ্ভর্তা জগত্পিতা ॥ ১১৮ ॥
জগদ্বন্ধুর্জগদ্ভ্রাতা জগন্মিত্রো জগত্সখঃ ।
ব্রহ্মণ্যদেবো ব্রহ্মণ্যো ব্রহ্মপাদরজো দধত্ ॥ ১১৯ ॥
ব্রহ্মপাদরজঃস্পর্শী ব্রহ্মপাদনিষেবকঃ ।
বিপ্রাঙ্ঘ্রিজলপূতাঙ্গো বিপ্রসেবাপরায়ণঃ ॥ ১২০ ॥
বিপ্রমুখ্যো বিপ্রহিতো বিপ্রগীতমহাকথঃ ।
বিপ্রপাদজলার্দ্রাঙ্গো বিপ্রপাদোদকপ্রিয়ঃ ॥ ১২১ ॥
বিপ্রভক্তো বিপ্রগুরুর্বিপ্রো বিপ্রপদানুগঃ ।
অক্ষৌহিণীবৃতো য়োদ্ধা প্রতিমাপঞ্চসংয়ুতঃ ॥ ১২২ ॥
চতুরোংঽগিরাঃ পদ্মবর্তী সামন্তোদ্ধৃতপাদুকঃ ।
গজকোটিপ্রয়ায়ী চ রথকোটিজয়ধ্বজঃ ॥ ১২৩ ॥
মহারথশ্চাতিরথো জৈত্রং স্যন্দনমাস্থিতঃ ।
নারায়ণাস্ত্রী ব্রহ্মাস্ত্রী রণশ্লাঘী রণোদ্ভটঃ ॥ ১২৪ ॥
মদোত্কটো য়ুদ্ধবীরো দেবাসুরভঙ্করঃ ।
করিকর্ণমরুত্প্রেজত্কুন্তলব্যাপ্তকুণ্ডলঃ ॥ ১২৫ ॥
অগ্রগো বীরসম্মর্দো মর্দলো রণদুর্মদঃ ।
ভটঃ প্রতিভটঃ প্রোচ্যো বাণবর্ষী সুতোয়দঃ ॥ ১২৬ ॥
খড্গখণ্ডিতসর্বাঙ্গঃ ষোডশাব্দঃ ষডক্ষরঃ ।
বীরঘোষঃ ক্লিষ্টবপুর্বজ্রাঙ্গো বজ্রভেদনঃ ॥ ১২৭ ॥
রুগ্ণবজ্রো ভগ্নদণ্ডঃ শত্রুনির্ভত্সনোদ্যতঃ ।
অট্টহাসঃ পট্টধরঃ পট্টরাজ্ঞীপতিঃ পটুঃ ॥ ১২৮ ॥
কলঃ পটহবাদিত্রো হুঙ্কারো গর্জিতস্বনঃ ।
সাধুর্ভক্তপরাধীনঃ স্বতন্ত্রঃ সাধুভূষণঃ ॥ ১২৯ ॥
অস্বতন্ত্রঃ সাধুময়ঃ সাধুগ্রস্তমনা মনাক্ ।
সাধুপ্রিয়ঃ সাধুধনঃ সাধুজ্ঞাতিঃ সুধাঘনঃ ॥ ১৩০ ॥
সাধুচারী সাধুচিত্তঃ সাধুবাসী শুভাস্পদঃ ।
ইতি নাম্নাং সহস্রং তু বলভদ্রস্য কীর্তিতম্ ॥ ১৩১ ॥
সর্বসিদ্ধিপ্রদং নৄণাং চতুর্বর্গফলপ্রদম্ ।
শতবারং পঠেদ্যস্তু স বিদ্যাবান্ ভবেদিহ ॥ ১৩২ ॥
ইন্দিরাং চ বিভূতিং চাভিজনং রূপমেব চ ।
বলমোজশ্চ পঠনাত্সর্বং প্রাপ্নোতি মানবঃ ॥ ১৩৩ ॥
গঙ্গাকূলেঽথ কালিন্দিকূলে দেবালয়ে তথা ।
সহস্রাবর্তপাঠেন বলাত্সিদ্ধিঃ প্রজায়তে ॥ ১৩৪ ॥
পুত্রার্থী লভতে পুত্রং ধনার্থী লভতে ধনম্ ।
বন্ধাত্প্রমুচ্যতে বদ্ধো রোগী রোগান্নিবর্ততে ॥ ১৩৫ ॥
অয়ুতাবর্তপাঠে চ পুরশ্চর্যাবিধানতঃ ।
হোমতর্পণগোদানবিপ্রার্চনকৃতোদ্যমাত্ ॥ ১৩৬ ॥
পটলং পদ্ধতিং স্তোত্রং কবচং তু বিধায় চ ।
মহামণ্ডলভর্তা স্যান্মণ্ডিতো মণ্ডলেশ্বরৈঃ ॥ ১৩৭ ॥
মত্তেভকর্ণপ্রহিতা মদগন্ধেন বিহ্বলা ।
অলঙ্করোতি তদ্দ্বারাং ভ্রমদ্ভৃঙ্গাবলী ভৃশম্ ॥ ১৩৮ ॥
নিষ্কারণঃ পঠেদ্যস্তু প্রীত্যর্থং রেবতীপতেঃ ।
নাম্নাং সহস্রং রাজেন্দ্র স জীবন্মুক্ত উচ্যতে ॥ ১৩৯ ॥
সদা বসেত্তস্য গৃহে বলভদ্রোঽচ্যুতাগ্রজঃ ।
মহাপাতক্যপি জনঃ পঠেন্নামসহস্রকম্ ॥ ১৪০ ॥
ছিত্ত্বা মেরুসমং পাপং ভুক্ত্বা সর্বসুখং ত্বিহ ।
পরাত্পরং মহারাজ গোলোকং ধাম য়াতি হি ॥ ১৪১ ॥
শ্রীনারদ উবাচ –
ইতি শ্রুত্বাচ্যুতাগ্রজস্য বলদেবস্য পঞ্চাঙ্গং
ধৃতিমান্ ধার্তরাষ্ট্রঃ সপর্যয়া সহিতয়া পরয়া
ভক্ত্যা প্রাড্বিপাকং পূজয়ামাস ॥
তমনুজ্ঞাপ্যাশিষং দত্বা প্রাড্বিপাকো মুনীন্দ্রো
গজাহ্বয়াত্স্বাশ্রমং জগাম ॥ ১৪২ ॥
ভগবতোঽনন্তস্য বলভদ্রস্য পরব্রহ্মণঃ কথাং
য়ঃ শৃণুতে শ্রাবয়তে তয়াঽঽনন্দময়ো ভবতি ॥ ১৪৩ ॥
ইদং ময়া তে কথিতং নৃপেন্দ্র সর্বার্থদং শ্রীবলভদ্রখণ্ডম্ ।
শৃণোতি য়ো ধাম হরেঃ স য়াতি বিশোকমানন্দমখণ্ডরূপম্ ॥ ১৪৪ ॥
ইতি শ্রীগর্গসংহিতায়াং বলভদ্রখণ্ডে প্রাড্বিপাকদুর্যোধনসংবাদে
বলভদ্রসহস্রনামবর্ণনং নাম ত্রয়োদশোঽধ্যায়ঃ ॥ গ. সং. অধায় ১৩ ॥