॥ Mahatripurasundari Sahasranamastotram Gujarati Lyrics ॥
॥ શ્રીમહાત્રિપુરસુન્દરીસહસ્રનામસ્તોત્રમ્ ॥
અથ શ્રીમહાત્રિપુરસુન્દરીસહસ્રનામસ્તોત્રમ્ ।
કૈલાસશિખરે રમ્યે નાનારત્નોપશોભિતે ।
કલ્પપાદપમધ્યસ્થે નાનાપુષ્પોપશોભિતે ।
મણિમણ્ડપમધ્યસ્થે મુનિગન્ધર્વસેવિતે ।
તઙ્કશ્ચિત્સુખમાસીનમ્ભગવન્તઞ્જગદ્ગુરુમ્ ॥
કપાલખટ્વાઙ્ગધરઞ્ચન્દ્રાર્દ્ધકૃતશેખરમ્ ।
ત્રિશૂલડમરૂહસ્તમહાવૃષભવાહનમ્ ॥
જટાજૂટધરન્દેવવાસુકીકણ્ઠભૂષણમ્ ।
વિભૂતિભૂષણન્દેવન્નીલકણ્ઠન્ત્રિલોચનમ્ ॥
દ્વીપિચર્મપરીધાનં શુદ્ધસ્ફટિકસન્નિભમ્ ।
સહસ્રાદિત્યસઙ્કાશઙ્ગિરિજાર્દ્ધાઙ્ગભૂષણમ્ ॥
પ્રણમ્ય શિરસા નાથઙ્કારણવિશ્વરૂપિણમ્ ।
કૃતાઞ્જલિપુટો ભૂત્વા પ્રાહૈનં શિખિવાહનઃ ॥
કાર્તિકેય ઉવાચ –
દેવદેવ જગન્નાથ સૃષ્ટિસ્થિતિલયાત્મક ।
ત્વમેવ પરમાત્મા ચ ત્વઙ્ગતિઃ સર્વદેહિનામ્ ॥
ત્વં ગતિસ્સર્વલોકાનાન્દીનાનાઞ્ચ ત્વમેવ હિ ।
ત્વમેવ જગદાધારસ્ત્વમેષ વિશ્વકારણઃ ॥
ત્વમેવ પૂજ્યસ્સર્વેષાન્ત્વદન્યો નાસ્તિ મે ગતિઃ ।
કિઙ્ગુહ્યમ્પરમં લોકે કિમેકં સર્વસિદ્ધિદમ્ ॥
કિમેકમ્પરમં શ્રેષ્ઠઙ્કિ યોગં સ્વર્ગમોક્ષદમ્ ।
વિના તીર્થેન તપસા વિના દાનૈર્વિના મખૈઃ ॥
વિના લયેન ધ્યાનેન નરઃ સિદ્ધિમવાપ્નુયાત્ ।
કસ્માદુત્પદ્યતે સૃષ્ટિઃ કસ્મિંશ્ચ પ્રલયો ભવેત્ ॥
કસ્માદુત્તીર્યતે દેવ સંસારાર્ણવસઙ્કટાત્ ।
તદહં શ્રોતુમિચ્છામિ કથયસ્વ મહેશ્વર ॥
ઈશ્વર ઉવાચ –
સાધુ સાધુ ત્વયા પૃષ્ટમ્પાર્વતીપ્રિયનન્દન ।
અસ્તિ ગુહ્યતમમ્પુત્ર કથયિષ્યામ્યસંશયમ્ ॥
સત્ત્વં રજસ્તમશ્ચૈવ યે ચાન્યે મહદાદયઃ ।
યે ચાન્યે બહવો ભૂતાઃ સર્વપ્રકૃતિસમ્ભવાઃ ॥
સૈવ દેવી પરાશક્તિર્મહાત્રિપુરસુન્દરી ।
સૈવ પ્રસૂયતે વિશ્વવિશ્વં સૈવ પ્રયાસ્યતિ ॥
સૈવ સંહરતે વિશ્વઞ્જગદેતચ્ચરાચરમ્ ।
આધારસ્સર્વભૂતાનાં સૈવ રોગાર્તિહારિણી ॥
ઇચ્છાજ્ઞાનક્રિયાશક્તિર્બહ્મવિષ્ણુશિવાદયઃ ।
ત્રિધા શક્તિસ્વરૂપેણ સૃષ્ટિસ્થિતિવિનાશિની ।
સૃજ્યતે બ્રહ્મરૂપેણ વિષ્ણુરૂપેણ પાલ્યતે ।
સંહરેદ્રુદ્રરૂપેણ જગદેતચ્ચરાચરમ્ ॥
યસ્યા યોનૌ જગત્સર્વમદ્યાપિ પરિવર્તતે ।
યસ્યામ્પ્રલીયતે ચાન્તે યસ્યાઞ્ચ જાયતે પુનઃ ।
યાં સમારાધ્ય ત્રૈલોક્યં સમ્પ્રાપ્તમ્પદમુત્તમમ્ ।
તસ્યા નામ સહસ્રન્તુ કથયામિ શૃણુષ્વ તત્ ॥
ૐ અસ્ય શ્રીમહાત્રિપુરસુન્દરીસહસ્રનામસ્તોત્રમન્ત્રસ્ય
શ્રીભગવાન્દક્ષિણામૂર્તિરૃષિઃ જગતીચ્છન્દઃ
સમસ્તપ્રકટગુપ્તસમ્પ્રદાયકુલકૌલોત્તીર્ણનિર્ગર્ભરહસ્યાચિન્ત્યપ્રભા
વતી દેવતા ઓમ્બીજમ્ ॥ માયાશક્તિઃ કામરાજબીજકીલકમ્ જીવો બીજમ્
સુષુમ્ના નાડી સરસ્વતી શક્તિર્ધર્માર્થકામમોક્ષાર્થે જપે વિનિયોગઃ ॥
આધારે તરુણાર્કબિમ્બરુચિરં હેમપ્રભમ્વાગ્ભવમ્-
બીજં મન્મથમિન્દ્રગોપસદૃશં હૃત્પઙ્કજે સંસ્થિતમ્ ॥
વિષ્ણુબ્રહ્મપદસ્થશક્તિકલિતં સોમપ્રભાભાસુર
યે ધ્યાયન્તિ પદત્રયન્તવ શિવે તે યાન્તિ સૌખ્યમ્પદમ્ ॥
કલ્યાણી કમલા કાલી કરાલી કામરૂપિણી ।
કામાખ્યા કામદા કામ્યા કામના કામચારિણી ॥
કાલરાત્રિર્મહારાત્રિઃ કપાલી કાલરૂપિણી ।
કૌમારી કરુણામુક્તિઃ કલિકલ્મષનાશિની ॥
કાત્યાયની કરાધારા કૌમુદી કમલપ્રિયા ।
કીર્તિદા બુદ્ધિદા મેધા નીતિજ્ઞા નીતિવત્સલા ॥
માહેશ્વરી મહામાયા મહાતેજા મહેશ્વરી ।
મહાજિહ્વા મહાઘોરા મહાદંષ્ટ્રા મહાભુજા ॥
મહામોહાન્ધકારઘ્ની મહામોક્ષપ્રદાયિની ।
મહાદારિદ્ર્યનાશા ચ મહાશત્રુવિમર્દ્દિની ॥
મહામાયા મહાવીર્યા મહાપાતકનાશિની ।
મહામખા મન્ત્રમયી મણિપૂરકવાસિની ॥
માનસી માનદા માન્યા મનશ્ચક્ષૂ રણેચરા ।
ગણમાતા ચ ગાયત્રી ગણગન્ધર્વસેવિતા ॥
ગિરિજા ગિરિશા સાધ્વી ગિરિસ્થા ગિરિવલ્લભા ।
ચણ્ડેશ્વરી ચણ્ડરૂપા પ્રચણ્ડા ચણ્ડમાલિની ॥
ચર્વિકા ચર્ચિકાકારા ચણ્ડિકા ચારુરૂપિણી ।
યજ્ઞેશ્વરી યજ્ઞરૂપા જપયજ્ઞપરાયણા ॥
યજ્ઞમાતા યજ્ઞભોક્ત્રી યજ્ઞેશી યજ્ઞસમ્ભવા ।
સિદ્ધયજ્ઞક્રિયાસિદ્ધિર્યજ્ઞાઙ્ગી યજ્ઞરક્ષિકા ॥
યજ્ઞક્રિયા યજ્ઞરૂપા યજ્ઞાઙ્ગી યજ્ઞરક્ષિકા ।
યજ્ઞક્રિયા ચ યજ્ઞા ચ યજ્ઞાયજ્ઞક્રિયાલયા ॥
જાલન્ધરી જગન્માતા જાતવેદા જગત્પ્રિયા ।
જિતેન્દ્રિયા જિતક્રોધા જનની જન્મદાયિની ॥
ગઙ્ગા ગોદાવરી ચૈવ ગોમતી ચ શતદ્રુકા ।
ઘર્ઘરા વેદગર્ભા ચ રેચિકા સમવાસિની ॥
સિન્ધુર્મન્દાકિની ક્ષિપ્રા યમુના ચ સરસ્વતી ।
ભદ્રા રાગવિપાશા ચ ગણ્ડકી વિન્ધ્યવાસિની ॥
નર્મદા સિન્ધુ કાવેરી વેત્રવત્યા સુકૌશિકી ।
મહેન્દ્રતનયા ચૈવ અહલ્યા ચર્મકાવતી ॥
અયોધ્યા મથુરા માયા કાશી કાઞ્ચી અવન્તિકા ।
પુરી દ્વારાવતી તીર્થા મહાકિલ્બિષનાશિનીઇ ॥
પદ્મિની પદ્મમધ્યસ્થા પદ્મકિઞ્જલ્કવાસિની ।
પદ્મવક્ત્રા ચકોરાક્ષી પદ્મસ્થા પદ્મસમ્ભવા ॥
હ્રીઙ્કારી કુણ્ડલીધારી હૃત્પદ્મસ્થા સુલોચના ।
શ્રીઙ્કારીભૂષણા લક્ષ્મીઃ ક્લીઙ્કારી ક્લેશનાશિની ॥
હરિવક્ત્રોદ્ભવા શાન્તા હરિવક્ત્રકૃતાલયા ।
હરિવક્ત્રોદ્ભવા શાન્તા હરિવક્ષસ્થલસ્થિતા ॥
વૈષ્ણવી વિષ્ણુરૂપા ચ વિષ્ણુમાતૃસ્વરૂપિણી ।
વિષ્ણુમાયા વિશાલાક્ષી વિશાલનયનોજ્જ્વલા ॥
વિશ્વેશ્વરી ચ વિશ્વાત્મા વિશ્વેશી વિશ્વરૂપિણી ।
વિશ્વેશ્વરી શિવારાધ્યા શિવનાથા શિવપ્રિયા ॥
શિવમાતા શિવાખ્યા ચ શિવદા શિવરૂપિણી ।
ભવેશ્વરી ભવારાધ્યા ભવેશી ભવનાયિકા ॥
ભવમાતા ભવગમ્યા ભવકણ્ટકનાશિની ।
ભવપ્રિયા ભવાનન્દા ભવાની ભવમોહિની ॥
ગાયત્રી ચૈવ સાવિત્રી બ્રહ્માણી બ્રહ્મરૂપિણી ।
બ્રહ્મેશી બ્રહ્મદા બ્રહ્મા બ્રહ્માણી બ્રહ્મવાદિની ॥
દુર્ગસ્થા દુર્ગરૂપા ચ દુર્ગા દુર્ગાર્તિનાશિની ।
સુગમા દુર્ગમા દાન્તા દયા દોગ્ધ્રી દુરાપહા ॥
દુરિતઘ્ની દુરાધ્યક્ષા દુરા દુષ્કૃતનાશિની ।
પઞ્ચાસ્યા પઞ્ચમી પૂર્ણા પૂર્ણપીઠનિવાસિની ॥
સત્ત્વસ્થા સત્ત્વરૂપા ચ સત્ત્વસ્થા સત્ત્વસમ્ભવા ।
રજસ્સ્થા ચ રજોરૂપા રજોગુણસમુદ્ભવા ॥
તમસ્સ્થા ચ તમોરૂપા તામસી તામસપ્રિયા ।
તમોગુણસમુદ્ભૂતા સાત્ત્વિકી રાજસી કલા ॥
કાષ્ઠા મુહૂર્તા નિમિષા અનિમેષા તતઃ પરમ્ ।
અર્દ્ધમાસા ચ માસા ચ સઁવત્સરસ્વરૂપિણી ॥
યોગસ્થા યોગરૂપા ચ કલ્પસ્થા કલ્પરૂપિણી ।
નાનારત્નવિચિત્રાઙ્ગી નાનાભરણમણ્ડિતા ॥
વિશ્વાત્મિકા વિશ્વમાતા વિશ્વપાશવિનાશિની ।
વિશ્વાસકારિણી વિશ્વા વિશ્વશક્તિવિચારણા ॥
યવાકુસુમસઙ્કાશા દાડિમીકુસુમોપમા ।
ચતુરઙ્ગી ચતુર્બાહુશ્ચતુરાચારવાસિની ॥
સર્વેશી સર્વદા સર્વા સર્વદા સર્વદાયિની ।
માહેશ્વરી ચ સર્વાદ્યા શર્વાણી સર્વમઙ્ગલા ॥
નલિની નન્દિની નન્દા આનન્દા નન્દવર્દ્ધિની ।
વ્યાપિની સર્વભૂતેષુ શવભારવિનાશિની ॥
સર્વશૃઙ્ગારવેષાઢ્યા પાશાઙ્કુશકરોદ્યતા ।
સૂર્યકોટિસહસ્રાભા ચન્દ્રકોટિનિભાનના ॥
ગણેશકોટિલાવણ્યા વિષ્ણુકોટ્યરિમર્દિની ।
દાવાગ્નિકોટિનલિની રુદ્રકોટ્યુગ્રરૂપિણી ॥
સમુદ્રકોટિગમ્ભીરા વાયુકોટિમહાબલા ।
આકાશકોટિવિસ્તારા યમકોટિભયઙ્કરી ॥
મેરુકોટિસમુચ્છ્રાયા ગણકોટિસમૃદ્ધિદા ।
નિષ્કસ્તોકા નિરાધારા નિર્ગુણા ગુણવર્જિતા ॥
અશોકા શોકરહિતા તાપત્રયવિવર્જિતા ।
વસિષ્ઠા વિશ્વજનની વિશ્વાખ્યા વિશ્વવર્દ્ધિની ।
ચિત્રા વિચિત્રચિત્રાઙ્ગી હેતુગર્ભા કુલેશ્વરી ।
ઇચ્છાશક્તિર્જ્ઞાનશક્તિઃ ક્રિયાશક્તિઃ શુચિસ્મિતા ॥
શુચિઃ સ્મૃતિમયી સત્યા શ્રુતિરૂપા શ્રુતિપ્રિયા ।
મહાસત્ત્વમયી સત્ત્વા પઞ્ચતત્ત્વોપરિસ્થિતા ॥
પાર્વતી હિમવત્પુત્રી પારસ્થા પારરૂપિણી ।
જયન્તી ભદ્રકાલી ચ અહલ્યા કુલનાયિકા ॥
ભૂતધાત્રી ચ ભૂતેશી ભૂતસ્થા ભૂતભાવના ।
મહાકુણ્ડલિની શક્તિર્મહાવિભવવર્દ્ધિની ॥
હંસાક્ષી હંસરૂપા ચ હંસસ્થા હંસરૂપિણી ।
સોમસૂર્યાગ્નિમધ્યસ્થા મણિમણ્ડલવાસિની ॥
દ્વાદશારસરોજસ્થા સૂર્યમણ્ડલવાસિની ।
અકલઙ્કા શશાઙ્કાભા ષોડશારનિવાસિની ॥
ડાકિની રાકિની ચૈવ લાકિની કાકિની તથા ।
શાકિની હાકિની ચૈવ ષટ્ચક્રેષુ નિવાસિની ॥
સૃષ્ટિસ્થિતિવિનાશાય સૃષ્ટિસ્થિત્યન્તકારિણી ।
શ્રીકણ્ઠપ્રિયહૃત્કણ્ઠા નન્દાખ્યા બિન્દુમાલિની ॥
ચતુષ્ષષ્ટિકલાધારા દેહદણ્ડસમાશ્રિતા ।
માયા કાલી ધૃતિર્મેધા ક્ષુધા તુષ્ટિર્મહાદ્યુતિઃ ॥
હિઙ્ગુલા મઙ્ગલા સીતા સુષુમ્નામધ્યગામિની ।
પરઘોરા કરાલાક્ષી વિજયા જયદાયિની ॥
હૃત્પદ્મનિલયા ભીમમહાભૈરવનાદિની ।
આકાશલિઙ્ગસમ્ભૂતા ભુવનોદ્યાનવાસિની ॥
મહત્સૂક્ષ્મા ચ કઙ્કાલી ભીમરૂપા મહાબલા ।
મેનકાગર્ભસમ્ભૂતા તપ્તકાઞ્ચનસન્નિભા ॥
અન્તરસ્થા કૂટબીજા ત્રિકૂટાચલવાસિની ।
વર્ણાખ્યા વર્ણરહિતા પઞ્ચાશદ્વર્ણભેદિની ॥
વિદ્યાધરી લોકધાત્રી અપ્સરા અપ્સરઃ પ્રિયા ।
દીક્ષા દાક્ષાયણી દક્ષા દક્ષયજ્ઞવિનાશિની ॥
યશઃ પૂર્ણા યશોદા ચ યશોદાગર્ભસમ્ભવા ।
દેવકી દેવમાતા ચ રાધિકા કૃષ્ણવલ્લભા ॥
અરુન્ધતી શચીન્દ્રાણી ગાન્ધારી ગન્ધમાલિની ।
ધ્યાનાતીતા ધ્યાનગમ્યા ધ્યાનજ્ઞા ધ્યાનધારિણી ॥
લમ્બોદરી ચ લમ્બોષ્ઠી જામ્બવન્તી જલોદરી ।
મહોદરી મુક્તકેશી મુક્તકામાર્થસિદ્ધિદા ॥
તપસ્વિની તપોનિષ્ઠા સુપર્ણા ધર્મવાસિની ।
વાણચાપધરા ધીરા પાઞ્ચાલી પઞ્ચમપ્રિયા ॥
ગુહ્યાઙ્ગી ચ સુભીમા ચ ગુહ્યતત્ત્વા નિરઞ્જના ।
અશરીરા શરીરસ્થા સંસારાર્ણવતારિણી ॥
અમૃતા નિષ્કલા ભદ્રા સકલા કૃષ્ણપિઙ્ગલા ।
ચક્રપ્રિયા ચ ચક્રાહ્વા પઞ્ચચક્રાદિદારિણી ॥
પદ્મરાગપ્રતીકાશા નિર્મલાકાશસન્નિભા ।
અધઃસ્થા ઊર્દ્ધ્વરૂપા ચ ઊર્દ્ધ્વપદ્મનિવાસિની ॥
કાર્યકારણ કર્તૃત્વે શશ્વદ્રૂપેષુ સંસ્થિતા ।
રસજ્ઞા રસમધ્યસ્થા ગન્ધસ્થા ગન્ધરૂપિણી ॥
પ્રબ્રહ્મસ્વરૂપા ચ પરબ્રહ્મનિવાસિની ।
શબ્દબ્રહ્મસ્વરૂપા ચ શબ્દસ્થા શબ્દવર્જિતા ॥
સિદ્ધિર્બુદ્ધિઃ પરાબુદ્ધિઃ સન્દીપ્તિર્મધ્યસંસ્થિતા ।
સ્વગુહ્યા શામ્ભવીશક્તિસ્તત્ત્વસ્થા તત્ત્વરૂપિણી ॥
શાશ્વતી ભૂતમાતા ચ મહાભૂતાધિપપ્રિયા ।
શુચિપ્રેતા ધર્મસિદ્ધિર્ધર્મવૃદ્ધિઃ પરાજિતા ॥
કામસન્દીપિણી કામા સદા કૌતૂહલપ્રિયા ।
જટાજૂટધરા મુક્તા સૂક્ષ્મા શક્તિવિભૂષણા ॥
દ્વીપિચર્મપરીધાના ચીરવલ્કલધારિણી ।
ત્રિશૂલડમરુધરા નરમાલાવિભૂષણા ॥
અત્યુગ્રરૂપિણી ચોગ્રા કલ્પાન્તદહનોપમા ।
ત્રૈલોક્યસાધિની સાધ્યા સિદ્ધિસાધકવત્સલા ॥
સર્વવિદ્યામયી સારા ચાસુરાણાવિનાશિની ।
દમની દામની દાન્તા દયા દોગ્ધ્રી દુરાપહા ॥
અગ્નિજિહ્વોપમા ઘોરા ઘોરઘોરતરાનના ।
નારાયણી નારસિંહી નૃસિંહહૃદયેસ્થિતા ॥
યોગેશ્વરી યોગરૂપા યોગમાતા ચ યોગિની ।
ખેચરી ખચરી ખેલા નિર્વાણપદસંશ્રયા ॥
નાગિની નાગકન્યા ચ સુવેશા નાગનાયિકા ।
વિષજ્વાલાવતી દીપ્તા કલાશતવિભૂષણા ॥
તીવ્રવક્ત્રા મહાવક્ત્રા નાગકોટિત્વધારિણી ।
મહાસત્ત્વા ચ ધર્મજ્ઞા ધર્માતિસુખદાયિની ॥
કૃષ્ણમૂર્દ્ધા મહામૂર્દ્ધા ઘોરમૂર્દ્ધા વરાનના ।
સર્વેન્દ્રિયમનોન્મત્તા સર્વેન્દ્રિયમનોમયી ॥
સર્વસઙ્ગ્રામજયદા સર્વપ્રહરણોદ્યતા ।
સર્વપીડોપશમની સર્વારિષ્ટનિવારિણી ॥
સર્વૈશ્વર્યસમુત્પન્ના સર્વગ્રહવિનાશિની ।
માતઙ્ગી મત્તમાતઙ્ગી માતઙ્ગીપ્રિયમણ્ડલા ॥
અમૃતોદધિમધ્યસ્થા કટિસૂત્રૈરલઙ્કૃતા ।
અમૃતોદધિમધ્યસ્થા પ્રવાલવસનામ્બુજા ॥
મણિમણ્ડલમધ્યસ્થા ઈષત્પ્રહસિતાનના ।
કુમુદા લલિતા લોલા લાક્ષા લોહિતલોચના ॥
દિગ્વાસા દેવદૂતી ચ દેવદેવાધિદેવતા ।
સિંહોપરિસમારૂઢા હિમાચલનિવાસિની ॥
અટ્ટાટ્ટહાસિની ઘોરા ઘોરદૈત્યવિનાશિની ।
અત્યુગ્રરક્તવસ્ત્રાભા નાગકેયૂરમણ્ડિતા ॥
મુક્તાહારલતોપેતા તુઙ્ગપીનપયોધરા ।
રક્તોત્પલદલાકારા મદાઘૂર્ણિતલોચના ॥
સમસ્તદેવતામૂર્તિઃ સુરારિક્ષયકારિણી ।
ખડ્ગિની શૂલહસ્તા ચ ચક્રિણી ચક્રમાલિની ॥
શઙ્ખિની ચાપિની વાણી વજ્રિણી વજ્રદણ્ડિની ।
આનન્દોદધિમધ્યસ્થા કટિસૂત્રૈરલઙ્કૃતા ॥
નાનાભરણદીપ્તાઙ્ગા નાનામણિવિભૂષિતા ।
જગદાનન્દસમ્ભૂતા ચિન્તામણિગુણાન્વિતા ॥
ત્રૈલોક્યનમિતા તુર્યા ચિન્મયાનન્દરૂપિણી ।
ત્રૈલોક્યનન્દિની દેવી દુઃખસુસ્સ્વપ્નનાશિની ॥
ઘોરાગ્નિદાહશમની રાજ્યદેવાર્થસાધિની ।
મહાપરાધરાશિઘ્ની મહાચૌરભયાપહા ॥
રાગાદિદોષરહિતા જરામરણવર્જિતા ।
ચન્દ્રમણ્ડલમધ્યસ્થા પીયૂષાર્ણવસમ્ભવા ॥
સર્વદેવૈઃ સ્તુતા દેવી સર્વસિદ્ધૈર્ન્નમસ્કૃતા ।
અચિન્ત્યશક્તિરૂપા ચ મણિમન્ત્રમહૌષધી ॥
અસ્તિસ્વસ્તિમયી બાલા મલયાચલવાસિની ।
ધાત્રી વિધાત્રી સંહારી રતિજ્ઞા રતિદાયિની ॥
રુદ્રાણી રુદ્રરૂપા ચ રુદ્રરૌદ્રાર્ત્તિનાશિની ।
સર્વજ્ઞા ચૈવ ધર્મજ્ઞા રસજ્ઞા દીનવત્સલા ॥
અનાહતા ત્રિનયના નિર્ભારા નિર્વૃતિઃ પરા ।
પરાઘોરા કરાલાક્ષી સુમતી શ્રેષ્ઠદાયિની ॥
મન્ત્રાલિકા મન્ત્રગમ્યા મન્ત્રમાલા સુમન્ત્રિણી ।
શ્રદ્ધાનન્દા મહાભદ્રા નિર્દ્વન્દ્વા નિર્ગુણાત્મિકા ॥
ધરિણી ધારિણી પૃથ્વી ધરા ધાત્રી વસુન્ધરા ।
મેરુમન્દરમધ્યસ્થાસ્થિતિઃ શઙ્કરવલ્લભા ॥
શ્રીમતી શ્રીમયી શ્રેષ્ઠા શ્રીકરી ભાવભાવિની ।
શ્રીદા શ્રીમા શ્રીનિવાસા શ્રીમતી શ્રીમતાઙ્ગતિઃ ॥
ઉમા સારઙ્ગિણી કૃષ્ણા કુટિલા કુટિલાલકા ।
ત્રિલોચના ત્રિલોકાત્મા પુણ્યપુણ્યા પ્રકીર્તિતા ॥
અમૃતા સત્યસઙ્કલ્પા સાસત્યા ગ્રન્થિભેદિની ।
પરેશી પરમા સાધ્યા પરાવિદ્યા પરાત્પરા ॥
સુન્દરાઙ્ગી સુવર્ણાભા સુરાસુરનમસ્કૃતા ।
પ્રજા પ્રજાવતી ધન્યા ધનધાન્યસમૃદ્ધિદા ॥
ઈશાની ભુવનેશાની ભવાની ભુવનેશ્વરી ।
અનન્તાનતમહિતા જગત્સારા જગદ્ભવા ॥
અચિન્ત્યાત્મા ચિન્ત્યશક્તિશ્ચિન્ત્યાચિન્ત્યસ્વરૂપિણી ।
જ્ઞાનગમ્યા જ્ઞાનમૂર્તિર્જ્ઞાનિની જ્ઞાનશાલિની ॥
અસિતા ઘોરરૂપા ચ સુધાધારા સુધાવહા ।
ભાસ્કરી ભાસ્વતી ભીતિર્ભાસ્વદક્ષાનુશાયિની ॥
અનસૂયા ક્ષમા લજ્જા દુર્લભા ભરણાત્મિકા ।
વિશ્વઘ્ની વિશ્વવીરા ચ વિશ્વઘ્ની વિશ્વસંસ્થિતા ॥
શીલસ્થા શીલરૂપા ચ શીલા શીલપ્રદાયિની ।
બોધની બોધકુશલા રોધની બોધની તથા ॥
વિદ્યોતિની વિચિત્રાત્મા વિદ્યુત્પટલસન્નિભા ।
વિશ્વયોનિર્મહાયોનિઃ કર્મયોનિઃ પ્રિયાત્મિકા ॥
રોહિણી રોગશમની મહારોગજ્વરાપહા ।
રસદા પુષ્ટિદા પુષ્ટિર્માનદા માનવપ્રિયા ॥
કૃષ્ણાઙ્ગવાહિની કૃષ્ણા કૃષ્ણાકૃષ્ણસહોદરી ।
શામ્ભવી શમ્ભુરૂપા ચ શમ્ભુસ્થા શમ્ભુસમ્ભવા ॥
વિશ્વોદરી યોગમાતા યોગમુદ્રાધ્નયોગિની ।
વાગીશ્વરી યોગનિદ્રા યોગિનીકોટિસેવિતા ॥
કૌલિકા મન્દકન્યા ચ શૃઙ્ગારપીઠવાસિની ।
ક્ષેમઙ્કરી સર્વરૂપા દિવ્યરૂપા દિગમ્બરી ॥
ધૂમ્રવક્ત્રા ધૂમ્રનેત્રા ધૂમ્રકેશી ચ ધૂસરા ।
પિનાકી રુદ્રવેતાલી મહાવેતાલરૂપિણી ॥
તપિની તાપિની દીક્ષા વિષ્ણુવિદ્યાત્મનાશ્રીતા ।
મન્થરા જઠરા તીવ્રા અગ્નિજિહ્વા ભયાપહા ॥
પશુઘ્ની પશુરૂપા ચ પશુહા પશુબાહિની ।
પીતા માતા ચ ધીરા ચ પશુપાશવિનાશિની ॥
ચન્દ્રપ્રભા ચન્દ્રરેખા ચન્દ્રકાન્તિવિભૂષિણી ।
કુઙ્કુમાઙ્કિતસર્વાઙ્ગી સુધાસદ્ગુરુલોચના ॥
શુક્લામ્બરધરા દેવી વીણાપુસ્તકધારિણી ।
ઐરાવતપદ્મધારા શ્વેતપદ્માસનસ્થિતા ॥
રક્તામ્બરધરા દેવી રક્તપદ્મવિલોચના ।
દુસ્તરા તારિણી તારા તરુણી તારરૂપિણી ॥
સુધાધારા ચ ધર્મજ્ઞા ધર્મસઙ્ગોપદેશિની ।
ભગેશ્વરી ભગારાધ્યા ભગિની ભગનાયિકા ॥
ભગબિમ્બા ભગક્લિન્ના ભગયોનિર્ભગપ્રદા ।
ભગેશ્વરી ભગારાધ્યા ભગિની ભગનાયકા ॥
ભગેશી ભગરૂપા ચ ભગગુહ્યા ભગાવહા ।
ભગોદરી ભગાનન્દા ભગસ્થા ભગશાલિની ॥
સર્વસઙ્ક્ષોભિણી શક્તિસ્સર્વવિદ્રાવિણી તથા ।
માલિની માધવી માધ્વી મધુરૂપા મહોત્કટા ॥
ભરુણ્ડચન્દ્રિકા જ્યોત્સ્ના વિશ્વચક્ષુસ્તમોપહા ।
સુપ્રસન્ના મહાદૂતી યમદૂતી ભયઙ્કરી ॥
ઉન્માદિની મહારૂપા દિવ્યરૂપા સુરાર્ચિતા ।
ચૈતન્યરૂપિણી નિત્યા ક્લિન્ના કામમદોદ્ધતા ॥
મદિરાનન્દકૈવલ્યા મદિરાક્ષી મદાલસા ।
સિદ્ધેશ્વરી સિદ્ધવિદ્યા સિદ્ધાદ્યા સિદ્ધસમ્ભવા ॥
સિદ્ધર્દ્ધિઃ સિદ્ધમાતા ચ સિદ્ધિસ્સર્વાર્થસિદ્ધિદા ।
મનોમયી ગુણાતીતા પરઞ્જ્યોતિઃસ્વરૂપિણી ॥
પરેશી પરગા પારા પરાસિદ્ધિઃ પરાગતિઃ ।
વિમલા મોહિની આદ્યા મધુપાનપરાયણા ॥
વેદવેદાઙ્ગજનની સર્વશાસ્ત્રવિશારદા ।
સર્વદેવમયી વિદ્યા સર્વશાસ્ત્રમયી તથા ॥
સર્વજ્ઞાનમયી દેવી સર્વધર્મમયીશ્વરી ।
સર્વયજ્ઞમયી યજ્ઞા સર્વમન્ત્રાધિકારિણી ॥
સર્વસમ્પત્પ્રતિષ્ઠાત્રી સર્વવિદ્રાવિણી પરા ।
સર્વસઙ્ક્ષોભિણી દેવી સર્વમઙ્ગલકારિણી ॥
ત્રૈલોક્યાકર્ષિણી દેવી સર્વાહ્લાદનકારિણી ।
સર્વસમ્મોહિની દેવી સર્વસ્તમ્ભનકારિણી ॥
ત્રૈલોક્યજૃમ્ભિણી દેવી તથા સર્વવશઙ્કરી ।
ત્રૈલોક્યરઞ્જિની દેવી સર્વસમ્પત્તિદાયિની ।
સર્વમન્ત્રમયી દેવી સર્વદ્વન્દ્વક્ષયઙ્કરી ॥
સર્વસિદ્ધિપ્રદા દેવી સર્વસમ્પત્પ્રદાયિની ।
સર્વપ્રિયકરી દેવી સર્વમઙ્ગલકારિણી ॥
સર્વકામપ્રદા દેવી સર્વદુઃખવિમોચિની ।
સર્વમૃત્યુપ્રશમની સર્વવિઘ્નવિનાશિની ॥
સર્વાઙ્ગસુન્દરી માતા સર્વસૌભાગ્યદાયિની ।
સર્વજ્ઞા સર્વશક્તિશ્ચ સર્વૈશ્વર્યફલપ્રદા ॥
સર્વજ્ઞાનમયી દેવી સર્વવ્યાધિવિનાશિની ।
સર્વાધારસ્વરૂપા ચ સર્વપાપહરા તથા ॥
સર્વાનન્દમયી દેવી સર્વેક્ષાયાઃસ્વરૂપિણી ।
સર્વલક્ષ્મીમયી વિદ્યા સર્વેપ્સિતફલપ્રદા ॥
સર્વારિષ્ટપ્રશમની પરમાનન્દદાયિની ।
ત્રિકોણનિલયા ત્રિસ્થા ત્રિમાત્રા ત્રિતનુસ્થિતા ॥
ત્રિવેણી ત્રિપથા ત્રિસ્થા ત્રિમૂર્તિસ્ત્રિપુરેશ્વરી ।
ત્રિધામ્ની ત્રિદશાધ્યક્ષા ત્રિવિત્ત્રિપુરવાસિની ॥
ત્રયીવિદ્યા ચ ત્રિશિરા ત્રૈલોક્યા ચ ત્રિપુષ્કરા ।
ત્રિકોટરસ્થા ત્રિવિધા ત્રિપુરા ત્રિપુરાત્મિકા ॥
ત્રિપુરાશ્રી ત્રિજનની ત્રિપુરા ત્રિપુરસુન્દરી ।
ઇદન્ત્રિપુરસુન્દર્યાઃ સ્તોત્રન્નામ સહસ્રકમ્ ॥
ગુહ્યાદ્ગુહ્યતરમ્પુત્ર તવ પ્રીત્યૈ પ્રકીર્તિતમ્ ।
ગોપનીયમ્પ્રયત્નેન પઠનીયમ્પ્રયત્નતઃ ॥
નાતઃ પરતરમ્પુણ્યન્નાતઃ પરતરન્તપઃ ।
નાતઃ પરતરં સ્તોત્રન્નાતઃ પરતરા ગતિઃ ॥
સ્તોત્રં સહસ્રનામાખ્યં મમ વક્ત્રાદ્વિનિર્ગતમ્ ।
યઃ પઠેત્પ્રયતો ભક્ત્યા શૃણુયાદ્વા સમાહિતઃ ॥
મોક્ષાર્થી લભતે મોક્ષં સ્વર્ગાર્થી સ્વર્ગમાપ્નુયાત્ ।
કામાંશ્ચ પ્રાપ્નુયાત્કામી ધનાર્થી ચ લભેદ્ધનમ્ ॥
વિદ્યાર્થી લભતે વિદ્યાયશોર્થી લભતે યશઃ ।
કન્યાર્થી લભતે કન્યાં સુતાર્થી લભતે સુતમ્ ॥
ગુર્વિણી જનયેત્પુત્રઙ્કન્યા વિન્દતિ સત્પતિમ્ ।
મૂર્ખોઽપિ લભતે શાસ્ત્રં હીનોઽપિ લભતે ગતિમ્ ॥
સઙ્ક્રાન્ત્યાવાર્કામાવસ્યામષ્ટમ્યાઞ્ચ વિશેષતઃ ।
પૌર્ણમાસ્યાઞ્ચતુર્દ્દશ્યાન્નવમ્યામ્ભૌમવાસરે ॥
પઠેદ્વા પાઠયેદ્વાપિ શૃણુયાદ્વા સમાહિતઃ ।
સ મુક્તસ્સર્વપાપેભ્યઃ કામેશ્વરસમો ભવેત્ ॥
લક્ષ્મીવાન્ધર્મવાંશ્ચૈવ વલ્લભસ્સર્વયોષિતામ્ ।
તસ્ય વશ્યમ્ભવેદાશુ ત્રૈલોક્યં સચરાચરમ્ ॥
રુદ્રન્દૃષ્ટ્વા યથા દેવા વિષ્ણુન્દૃષ્ટ્વા ચ દાનવાઃ ।
યથાહિર્ગરુડન્દૃષ્ટ્વા સિંહન્દૃષ્ટ્વા યથા ગજાઃ ।
કીટવત્પ્રપલાયન્તે તસ્ય વક્ત્રાવલોકનાત્ ।
અગ્નિચૌરભયન્તસ્ય કદાચિન્નૈવ સમ્ભવેત્ ॥
પાતકા વિવિધાઃ શાન્તિર્મેરુપર્વતસન્નિભાઃ ।
યસ્માત્તચ્છૃણુયાદ્વિઘ્નાંસ્તૃણવહ્નિહુતય્યથા ॥
એકદા પઠનાદેવ સર્વપાપક્ષયો ભવેત્ ।
દશધા પઠનાદેવ વાચા સિદ્ધિઃ પ્રજાયતે ॥
શતધા પઠનાદ્વાપિ ખેચરો જાયતે નરઃ ।
સહસ્રદશસઙ્ખ્યાતયઃ પઠેદ્ભક્તિમાનસઃ ॥
માતાસ્ય જગતાન્ધાત્રી પ્રત્યક્ષા ભવતિ ધ્રુવમ્ ।
લક્ષપૂર્ણે યથા પુત્ર સ્તોત્રરાજમ્પઠેત્સુધીઃ ॥
ભવપાશવિનિર્મુક્તો મમ તુલ્યો ન સંશયઃ ।
સર્વતીર્થેષુ યત્પુણ્યં સકૃજ્જપ્ત્વા લભેન્નરઃ ॥
સર્વવેદેષુ યત્પ્રોક્તન્તત્ફલમ્પરિકીર્તિતમ્ ।
ભૂત્વા ચ બલવાન્પુત્ર ધનવાન્સર્વસમ્પદઃ ॥
દેહાન્તે પરમં સ્થાનયત્સુરૈરપિ દુર્લભમ્ ।
સ યાસ્યતિ ન સન્દેહઃ સ્તવરાજસ્ય કીર્તનાત્ ॥
ઇતિ શ્રીવામકેશ્વરતન્ત્રે હરકુમારસઁવાદે મહાત્રિપુરસુન્દર્યાઃ
ષોડશ્યાઃ સહસ્રનામસ્તોત્રં સમાપ્તમ્ ॥