॥ Abhilasha Ashtakam Telugu Lyrics ॥
॥ అభిలాషాష్టకం ॥
॥ అథ అభిలాషాష్టకమ్ ॥
కదా పక్షీన్ద్రాంసోపరి గతమజం కఞ్చనయనమ్
రమాసంశ్లిష్టాంగం గగనరుచమాపీతవసనమ్ ।
గదాశంఖామ్భోజారివరమాలోక్య సుచిరం
గమిష్యత్యేతన్మే నను సఫలతాం నేత్రయుగలమ్ ॥ ౧ ॥
కదా క్షీరాబ్ధ్యన్తః సురతరువనాన్తర్మణిమయే
సమాసీనం పీఠే జలధితనయాలింగితతనుమ్ ।
స్తుతం దేవైర్నిత్యం మునివరకదంబైరభినుతమ్
స్తవైః సన్తోష్యామి శ్రుతివచనగర్భైః సురగురుమ్ ॥ ౨ ॥
కదా మామాభీతం భయజలధితస్తాపసతనుం
గతా రాగం గంగాతటగిరిగుహావాససహనమ్ ।
లపన్తం హే విష్ణో సురవర రమేశేతి సతతం
సమభ్యేత్యోదారం కమలనయనో వక్ష్యతి వచః ॥ ౩ ॥
కదా మే హృద్పద్మే భ్రమర ఇవ పద్మే ప్రతివసన్
సదా ధ్యానాభ్యాసాదనిశముపహూతో విభురసౌ ।
స్ఫురజ్జ్యోతీరూపో రవిరివ రసాసేవ్యచరణో
హరిష్యత్యజ్ఞానాజ్జనితతిమిరం తూర్ణమఖిలమ్ ॥ ౪ ॥
కదా మే భోగాశా నిబిడభవపాశాదుపరతం
తపఃశుద్ధం బుద్ధం గురువచనతోదైరచపలమ్ ।
మనో మౌనం కృత్వా హరిచరణయోశ్చారు సుచిరం
స్థితిం స్థాణుప్రాయాం భవభయహరాం యాస్యతి పరామ్ ॥ ౫ ॥
కదా మే సంరుద్ధాఖిలకరణజాలస్య పరితో
జితాశేషప్రాణానిలపరికరస్య ప్రజపతః ।
సదోంకారం చిత్తం హరిపదసరోజే ధృతవతః
సమేష్యత్యుల్లాసం ముహురఖిలరోమావలిరియమ్ ॥ ౬ ॥
కదా ప్రారబ్ధాన్తే పరిశిథిలతాం గచ్ఛతి శనైః
శరీరే చాక్షౌఘేఽప్యుపరతవతి ప్రాణపవనే ।
వదత్యూర్ధ్వం శశ్వన్మమ వదనకంజే ముహురహో
కరిష్యత్యావాసం హరిరితి పదం పావనతమమ్ ॥ ౭ ॥
కదా హిత్వా జీర్ణాం త్వచమివ భుజంగస్తనుమిమాం
చతుర్బాహుశ్చక్రామ్బుజదరకరః పీతవసనః ।
ఘనశ్యామో దూతైర్గగనగతినీతో నతిపరై-
ర్గమిష్యామీశస్యాంతికమఖిలదుఃఖాంతకమితి ॥ ౮ ॥
॥ ఇతి శ్రీమత్పరమహంసస్వామిబ్రహ్మానన్దవిరచితం
అభిలాషాష్టకం సమ్పూర్ణమ్ ॥
– Chant Stotra in Other Languages –
Abhilashashtakam Lyrics in Sanskrit » English » Bengali » Gujarati » Kannada » Malayalam » Odia » Tamil