॥ Achyuta Ashtakam Gujarati Lyrics ॥
॥ અચ્યુતાષ્ટકં ॥
અચ્યુતં કેશવં રામનારાયણં કૃષ્ણદામોદરં વાસુદેવં હરિમ્ ।
શ્રીધરં માધવં ગોપિકાવલ્લભં જાનકીનાયકં રામચન્દ્રં ભજે ॥ ૧ ॥
અચ્યુતં કેશવં સત્યભામાધવં માધવં શ્રીધરં રાધિકારાધિતમ્ ।
ઇન્દિરામન્દિરં ચેતસા સુન્દરં દેવકીનન્દનં નન્દનં સંદધે ॥ ૨ ॥
વિષ્ણવે જિષ્ણવે શઙ્ખિને ચક્રિણે રુક્મિનીરાગિણે જાનકીજાનયે ।
વલ્લવીવલ્લભાયાઽર્ચિતાયાત્મને કંસવિધ્વંસિને વંશિને તે નમઃ ॥ ૩ ॥
કૃષ્ણ ગોવિન્દ હે રામ નારાયણ શ્રીપતે વાસુદેવાજિત શ્રીનિધે ।
અચ્યુતાનન્ત હે માધવાધોક્ષજ દ્વારકાનાયક દ્રૌપદીરક્ષક ॥ ૪ ॥
રાક્ષસક્ષોભિતઃ સીતયા શોભિતો દણ્ડકારણ્યભૂપુણ્યતાકારણઃ ।
લક્ષ્મણેનાન્વિતો વાનરૈઃ સેવિતોઽગસ્ત્યસમ્પૂજિતો રાઘવઃ પાતુ મામ્ ॥ ૫ ॥
ધેનુકારિષ્ટકોઽનિષ્ટકૃદ્દ્વેષિણાં કેશિહા કંસહૃદ્વંશિકાવાદકઃ ।
પૂતનાકોપકઃ સૂરજાખેલનો બાલગોપાલકઃ પાતુ મામ્ સર્વદા ॥ ૬ ॥
વિદ્યુદુદ્ધયોતવાનપ્રસ્ફુરદ્વાસસં પ્રાવૃડમ્ભોદવત્પ્રોલ્લસદ્વિગ્રહમ્ ।
વન્યયા માલયા શોભિતોરઃસ્થલં લોહિતાંઘ્રિદ્વયં વારિજાક્ષં ભજે ॥ ૭ ॥
કુઞ્ચિતૈઃ કુન્તલૈર્ભ્રાજમાનાનનં રત્નમૌલિં લસત્ કુણ્ડલં ગણ્ડયોઃ ।
હારકેયૂરકં કઙ્કણપ્રોજ્જ્વલં કિઙ્કિણીમઞ્જુલં શ્યામલં તં ભજે ॥ ૮ ॥
અચ્યુતસ્યાષ્ટકં યઃ પઠેદિષ્ટદં પ્રેમતઃ પ્રત્યહં પૂરુષઃ સસ્પૃહમ્ ।
વૃત્તતઃ સુંદરં કર્તૃ વિશ્વંભરં તસ્ય વશ્યો હરિર્જાયતે સત્વરમ્ ॥ ૯ ॥
॥ ઇતિ શ્રીશંકરાચાર્યવિરચિતમચ્યુતાષ્ટકં સમ્પૂર્ણમ્ ॥
– Chant Stotra in Other Languages –
Lord Vishnu Slokam » Achyuta Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil