॥ Achyutashtakam by Shridhara Venkatesha Malayalam Lyrics ॥
॥ അച്യുതാഷ്ടകം ശ്രീധരവേംകടേശവിരചിതം ॥
അഥ അച്യുതാഷ്ടകം ॥
അഭിലപനനിസര്‍ഗാദച്യുതാഖ്യേ ഭജേ ത്വാം
ഹരസി മദഘബൃന്ദം ത്വദ്ഭുബുക്ഷാവശാത് ത്വം ।
അഘഹൃദിതി തവാംബ പ്രത്യുത ഖ്യാതിദോഽഹം
ത്വയി മമ വദ കാ വാ സംഗതിര്‍ദൈന്യവാചാം ॥ 1 ॥
ചിരാതീതാ സാന്ദീപനിതനുഭുവഃ കാലഭവന-
പ്രപത്തിസ്തം പിത്രോഃ പുനരഗമയത് സന്നിധിമിതി ।
യശഃ കൃഷ്ണസ്യേദം കഥമഹഹ ന ത്വാം രസനയാ
യദി ശ്രീകൃഷ്ണാഖ്യേ ഭജതി സ താദനീം മുനിസുതഃ ॥ 2 ॥
ഹരേര്യച്ചോരത്വം യദപി ച തഥാ ജാരചരിതം
തദേതത് സര്‍വാംഹസ്തതികൃതേ സംകഥനതഃ ।
ഇതീദം മാഹാത്മ്യം മധുമഥന തേ ദീപിതമിദം
വദന്ത്യാഃ കൃഷ്ണാഖ്യേ തവഹി വിചരന്ത്യാ വിലസിതം ॥ 3 ॥
സഭായാം ദ്രൌപത്യാഽംശുകസൃതിഭിയാ തദ്രസനയാ
ധൃതാ തസ്യാശ്ചേലം പ്രതനു തദവസ്ഥം വിദധതീ ।
വ്യതാനീശ്ശൈലാഭം വസനവിസരം ചാംബ ഹരതാ-
മിയാന്‍ ഗോവിന്ദാഖ്യേ വദ വസനരാശിസ്തവ കുതഃ ॥ 4 ॥
അധിരസനമയി ത്വാമച്യുതാഖ്യേ ദധാനം
വനജഭവമുഖാനാം വന്ദ്യമാഹുര്‍മഹാന്തഃ ।
സതു വിനമതി മാതശ്ചാശ്വഗോശ്വാദനാദീന്‍
ഭവതി നനു വിചിത്രാ പദ്ധതിസ്താവകാനാം ॥ 5 ॥
ജനനി മുരഭിദാഖ്യേ ജാഹ്നവീനിംനഗൈകാ
സമജനി പദപദ്മാച്ചക്രിണസ്ത്വാശ്രിതാനാം ।
പരിണമതി സമസ്താഃ പാദവാര്‍ഘിന്ദുരേകോ
ജഗതി നനു തടിന്യോ ജാഹ്നവീസഹ്യജാദ്യാഃ ॥ 6 ॥
സമവഹിതമപശ്യന്‍ സന്നിധൌ വൈനതേയം
പ്രസഭവിധുതപദ്മാപാണിരീശോഽച്യുതാഖ്യേ ।
സമവിതുമുപനീതഃ സാഗജേന്ദ്രം ത്വയാ ദ്രാക്
വദ ജനനി വിനാ ത്വാം കേന വാ കിം തദാഭൂത് ॥ 7 ॥
യദേഷ സ്തൌമി ത്വാം ത്രിയുഗചരണത്രായിണി തതോ
മഹിംനഃ കാ ഹാനിസ്തവതു മമ സമ്പന്നിരവധിഃ ।
ശുനാ ലീലാകാമം ഭവതി സുരസിന്ധുര്‍ഭഗവതീ
തദേഷാ കിംഭൂതാ സതു സപദി സന്താപഭരിതഃ ॥ 8 ॥
ഇതി ശ്രീശ്രീധരവേംകടേശാര്യകൃതൌ അച്യുതാഷ്ടകം സമ്പൂര്‍ണം ॥
– Chant Stotra in Other Languages –
Maha Vishnu Slokam » Achyutashtakam by Shridhara Venkatesha Lyrics in Sanskrit » English » Bengali » Gujarati » Kannada » Odia » Telugu » Tamil