॥ Achyutashtakam by Shridhara Venkatesha Telugu Lyrics ॥
॥ అచ్యుతాష్టకం శ్రీధరవేంకటేశవిరచితమ్ ॥
అథ అచ్యుతాష్టకమ్ ॥
అభిలపననిసర్గాదచ్యుతాఖ్యే భజే త్వాం
హరసి మదఘబృన్దం త్వద్భుబుక్షావశాత్ త్వమ్ ।
అఘహృదితి తవాంబ ప్రత్యుత ఖ్యాతిదోఽహం
త్వయి మమ వద కా వా సంగతిర్దైన్యవాచామ్ ॥ ౧ ॥
చిరాతీతా సాన్దీపనితనుభువః కాలభవన-
ప్రపత్తిస్తం పిత్రోః పునరగమయత్ సన్నిధిమితి ।
యశః కృష్ణస్యేదం కథమహహ న త్వాం రసనయా
యది శ్రీకృష్ణాఖ్యే భజతి స తాదనీం మునిసుతః ॥ ౨ ॥
హరేర్యచ్చోరత్వం యదపి చ తథా జారచరితం
తదేతత్ సర్వాంహస్తతికృతే సంకథనతః ।
ఇతీదం మాహాత్మ్యం మధుమథన తే దీపితమిదం
వదన్త్యాః కృష్ణాఖ్యే తవహి విచరన్త్యా విలసితమ్ ॥ ౩ ॥
సభాయాం ద్రౌపత్యాఽంశుకసృతిభియా తద్రసనయా
ధృతా తస్యాశ్చేలం ప్రతను తదవస్థం విదధతీ ।
వ్యతానీశ్శైలాభం వసనవిసరం చాంబ హరతా-
మియాన్ గోవిన్దాఖ్యే వద వసనరాశిస్తవ కుతః ॥ ౪ ॥
అధిరసనమయి త్వామచ్యుతాఖ్యే దధానం
వనజభవముఖానాం వన్ద్యమాహుర్మహాన్తః ।
సతు వినమతి మాతశ్చాశ్వగోశ్వాదనాదీన్
భవతి నను విచిత్రా పద్ధతిస్తావకానామ్ ॥ ౫ ॥
జనని మురభిదాఖ్యే జాహ్నవీనిమ్నగైకా
సమజని పదపద్మాచ్చక్రిణస్త్వాశ్రితానామ్ ।
పరిణమతి సమస్తాః పాదవార్ఘిన్దురేకో
జగతి నను తటిన్యో జాహ్నవీసహ్యజాద్యాః ॥ ౬ ॥
సమవహితమపశ్యన్ సన్నిధౌ వైనతేయం
ప్రసభవిధుతపద్మాపాణిరీశోఽచ్యుతాఖ్యే ।
సమవితుముపనీతః సాగజేన్ద్రం త్వయా ద్రాక్
వద జనని వినా త్వాం కేన వా కిం తదాభూత్ ॥ ౭ ॥
యదేష స్తౌమి త్వాం త్రియుగచరణత్రాయిణి తతో
మహిమ్నః కా హానిస్తవతు మమ సంపన్నిరవధిః ।
శునా లీలాకామం భవతి సురసిన్ధుర్భగవతీ
తదేషా కింభూతా సతు సపది సన్తాపభరితః ॥ ౮ ॥
ఇతి శ్రీశ్రీధరవేంకటేశార్యకృతౌ అచ్యుతాష్టకం సంపూర్ణమ్ ॥
– Chant Stotra in Other Languages –
Maha Vishnu Slokam » Achyutashtakam by Shridhara Venkatesha Lyrics in Sanskrit » English » Bengali » Gujarati » Kannada » Malayalam » Odia » Tamil