॥ Anamaya Stotra Bengali Lyrics ॥
॥ অনাময়স্তোত্রম্ ॥
তৃষ্ণাতন্ত্রে মনসি তমসা দুর্দিনে বন্ধুবর্তী
মাদৃগ্জন্তুঃ কথমধিকরোত্যৈশ্বরং জ্যোতিরগ্র্যম্ ।
বাচঃ স্ফীতা ভগবতি হরেস্সন্নিকৃষ্টাত্মরূপা-
স্স্তুত্যাত্মানস্স্বয়মিবমুখাদস্য মে নিষ্পতন্তি ॥ ১ ॥
বেধা বিষ্ণুর্বরুণধনদৌ বাসবো জীবিতেশ-
শ্চন্দ্রাদিত্যে বসব ইতি যা দেবতা ভিন্নকক্ষ্যা ।
মন্যে তাসামপি ন ভজতে ভারতী তে স্বরূপং
স্থূলে ৎবংশে স্পৃশতি সদৃশং তৎপুনর্মাদৃশোঽপি ॥ ২ ॥
তন্নস্থাণোস্স্তুতিরতিভরা ভক্তিরুচ্চৈর্মুখী চেদ্
গ্রাম্যস্তোতা ভবতি পুরুষঃ কশ্চিদারণ্যকো বা ।
নো চেদ্ভক্তিস্ত্বয়ি চ যদি বা ব্রহ্মবিদ্যাৎবধীতে
নানুধ্যেয়স্তব পশুরসাবাত্মকর্মানভিজ্ঞঃ ॥ ৩ ॥
বিশ্বং প্রাদুর্ভবতি লভতে ৎবামধিষ্ঠায়কং চেৎ
নেহোৎপত্তির্যদি জনয়িতা নাস্তি চৈতন্যযুক্তঃ ।
ক্ষিত্যাদীনাং ভব নিজকলাবত্তয়া জন্মবত্তা
সিধ্যত্যেবং সতি ভগবতস্সর্বলোকাধিপত্যম্ ॥ ৪ ॥
ভোগ্যামাহুঃ প্রকৃতিমৃষয়শ্চেতনাশক্তিশূন্যাং
ভোক্তা চৈনাং পরিণময়িতুং বুদ্ধিবর্তী সমর্থঃ ।
ভোগোপ্যস্মিন্ ভবতি মিথুনে পুষ্কলস্তত্র হেতুঃ
নীলগ্রীব ৎবমসি ভুবনস্থাপনাসূত্রধারঃ ॥ ৫ ॥
ভিন্নাবস্থং জগতি বহুনা দেশকালপ্রভেদাদ্
দ্বাভ্যাং পাপান্যভিগিরি হরন্ যোনবদ্য ক্রমাভ্যাম্ ।
প্রেক্ষ্যারূঢস্সৃজতি নিয়মাদস্য সর্বং হি যত্তৎ
সর্বজ্ঞৎবং ত্রিভুবন সৃজা যত্র সূত্রং ন কিঞ্চিৎ ॥ ৬ ॥
চারূদ্রেকে রজসি জগতাং জন্মসৎবে প্রকৃষ্টে
যাত্রাং ভূয়স্তমসি বহুলে বিভ্রতস্সংহৃতিং চ ।
ব্রহ্মাদ্যৈতৎপ্রকৃতিগহনং স্তম্ভপর্যন্তমাসীৎ
ক্রীডাবস্তু ত্রিনয়ন মনোবৃত্তিমাত্রানুগং তে ॥ ৭ ॥
কৃত্তিশ্চিত্রা নিবসনপদে কল্পিতা পৌণ্ডরীকো
বাসাগারং পিতৃবনভুবং বাহনং কশ্চিদুক্ষা ।
এবং প্রাহুঃ প্রলঘুহৃদয়া যদ্যপি স্বার্থপোষং
ৎবাং প্রত্যেকং ধ্বনতি ভগবন্নীশ ইত্যেষ শব্দঃ ॥ ৮ ॥
ক্লৃপ্তাকল্পঃ কিময়মশিবৈরস্থিমুখ্যৈঃ পদার্থৈঃ
কস্স্যাদস্য স্তনকলশয়োর্ভারনম্রা ভবানী ।
বাণৌ খড্গঃ পরশুরিদমপ্যক্ষসূত্রং কিমস্যেৎ
যা চক্ষাণো হর কৃতবিয়ামস্তু হাস্যৈকবেদ্যঃ ॥ ৯ ॥
যৎকাপালব্রতমপি মহদ্ পৃষ্টমেকান্তঘোরং
মুক্তেরধ্বা স পুনরমলঃ পাবনঃ কিং ন জাতঃ ।
দাক্ষায়ণ্যাং প্রিয়তমতয়া বর্ততে যোগমায়া
সা স্যাদ্ধত্তে মিথুনচরিতং বৃদ্ধিমূলং প্রজানাম্ ॥ ১০ ॥
কশ্চিন্মর্ত্যঃ ক্রতুকৃশতনুর্নীলকণ্ঠ ৎবয়া চেদ্
দৃষ্টিস্নিগ্ধস্স পুনরমরস্ত্রীভুজগ্রাহ্যকণ্ঠঃ ।
অপ্যারূঢস্সুপরিবৃতং স্থানমাখণ্ডলীয়ং
ৎবং চেৎক্রুদ্ধস্স পততি নিরালম্বনো ধ্বান্তজালে ॥ ১১ ॥
শশ্বদ্বাল্যং শরবণভবং ষণ্মুখং দ্বাদশাক্ষং
তেজো যত্তে কনকনলিনীপদ্মপত্রাবদাতম্ ।
বিস্মার্যন্তে সুরয়ুবতয়স্তেন সেন্দ্রাবরোধা
দৈত্যেন্দ্রাণামসুরজয়িনাং বন্ধনাগারবাসম্ ॥ ১২ ॥
বেগাকৃষ্টগ্রহরবিশশিব্যশ্নুবানং দিগন্তাৎ
ন্যক্কুর্বাণং প্রলয়পয়সামূর্মিভঙ্গাবলেপম্ ।
মুক্তাকারং হর তব জটাবদ্ধসংস্পর্শি সদ্যো
জজ্ঞে চূডা কুসুমসুভগং বারি ভাগীরথীয়ম্ ॥ ১৩ ॥
কল্মাষস্তে মরকতশিলাভঙ্গকান্তির্ন কণ্ঠে
ন ব্যাচষ্টে ভুবনবিষয়ীং ৎবৎপ্রসাদপ্রবৃত্তিম্ ।
বারাং গর্ভস্য হি বিষময়ো মন্দরক্ষোভজন্মা
নৈবং রুদ্ধো যদি ন ভবতি স্থাবরং জঙ্গমং বা ॥ ১৪ ॥
সন্ধায়াস্ত্রং ধনুষি নিয়মোন্মায়ি সম্মোহনাখ্যং
পার্শ্বে তিষ্ঠন্ গিরিশসদৃশে পঞ্চবাণো মুহূর্তম্ ।
তস্মাদূর্ধ্বং দহনপরিধৌ রাষদৃষ্টিপ্রসূতে
রক্তাশোকস্তবকিত ইব প্রান্তধূমদ্বিরেফঃ ॥ ১৫ ॥
লঙ্কানাথং লবণজলধিস্থূলবেলোর্মিদীর্ঘৈঃ
কৈলাসং তে নিলয়নগরীং বাহুভিঃ কম্পয়ন্তম্ ।
আক্রোশদ্ভির্বমিতরুধিরৈরাননৈরাপ্লুতাক্ষৈ-
রাপাতালানয়দলসাবদ্ধমঙ্গুষ্ঠকর্ম ॥ ১৬ ॥
ঐশ্বর্যং তেঽপ্যনৃণতপতন্নেকমূর্ধাবশেষঃ
পাদদ্বন্দ্বং দশমুখশিরঃ পুণ্ডরীকোপহারঃ ।
যেনৈবাসাবধিগতফলো রাক্ষসশ্রীবিধেয়-
শ্চক্রে দেবাসুরপরিষদো লোকপালৈকশত্রুঃ ॥ ১৭ ॥
ভক্তির্বাণাসুরমপি ভয়ৎপাদপদ্য স্পৃশন্তং
স্থানং চন্দ্রাভরণ গময়ামাস লোকস্য মূর্ধ্নি ।
নহ্যস্যাপি ভ্রুকুটিনয়নাদগ্নিদংষ্ট্রাকরালং
দ্রষ্টুং কশ্চিদ্বদনমশকদ্দেবদৈত্যেশ্বরেষু ॥ ১৮ ॥
পাদন্যাসান্নমতি বসুধা পন্নগস্কন্ধলগ্না
বাহুক্ষেপাদ্ গ্রহগণয়ুতং ঘূর্ণতে মেঘবৃন্দম্ ।
উৎসাদ্যন্তে ক্ষণমিব দিশো হুঙ্কৃতেনাতিমাত্রং
ভিন্নাবস্থং ভবতি ভুবনং ৎবয়্যুপক্রান্তবৃত্তে ॥ ১৯ ॥
নোর্ধ্বং গম্যং সরসিজভুবো নাপ্যধশ্শার্ঙ্গপাণে-
রাসীদন্যস্তব হুতবহস্তম্ভমূর্ত্যা স্থিতস্য ।
ভূয়স্তাভ্যামুপরি লঘুনা বিস্ময়েন স্তুবদ্ভ্যাং
কণ্ঠে কালং কপিলনয়নং রূপমাবির্বভূব ॥ ২০ ॥
শ্লাধ্যাং দৃষ্টিং দুহিতরি গিরের্ন্যস্য চাপোর্ধ্বকোট্যাং
কৃৎবা বাহুং ত্রিপুরবিজয়ানন্তরং তে স্থিতস্য ।
মন্দারাণাং মধুরসুরভয়ো বৃষ্টয়ঃ পেতুরার্দ্রাঃ
স্বর্গোদ্যানভ্রমরবনিতাদত্তদীর্ঘানুয়াতাঃ ॥ ২১ ॥
উদ্ধৃত্যৈকং নয়নমরুণং স্নিগ্ধতারাপরাগং
পূর্ণেধাদ্যঃ পরমসুলভে দুষ্করাণাং সহস্রে ।
চক্রং ভেজে দহনজটিলং দক্ষিণং তস্য হস্তং
বালস্যেব দ্যূতিবলয়িতং মণ্ডলং ভাস্করস্য ॥ ২২ ॥
বিষ্ণুশ্চক্রে করতলগতে বিষ্টপানাং ত্রয়াণাং
দত্তাশ্বাসো দনুসুতশিরশ্ছেদদীক্ষাং ববন্ধ ।
প্রত্যাসন্নং তদপি নয়নং পুণ্ডরীকাতুকারি
শ্লাঘ্যা ভক্তিস্ত্রিনয়ন ভবত্যর্পিতা কিং ন সূতে ॥ ২৩ ॥
সব্যে শূলং ত্রিশিখরমপরে দোষ্ণি ভিক্ষাকপালং
সোমো মুগ্ধশ্শিরসি ভুজগঃ কশ্চিদংশোত্তরীয়ঃ ।
কোঽয়ং বেষস্ত্রিনয়ন কুতো দৃষ্ট ইত্যদ্রিকন্যা
প্রায়েণ ৎবাং হসতি ভগবন্ প্রেমনির্যন্ত্রিতাত্মা ॥ ২৪ ॥
আর্দ্রং নাগাজিনমবয়বগ্রন্থিমদ্বিভ্রদংসে
রূপং প্রাবৃড্ঘনরুচিমহাভৈরবং দর্শয়িৎবা ।
পশ্যন্ গৌরীং ভয়চলকরালম্বিতস্কন্ধহস্তাং
মন্যে প্রীত্যা দৃঢ ইতি ভবান্ বজ্রদেহেঽপি জাতঃ ॥ ২৫ ॥
ব্যালাকল্পা বিষমনয়না বিদ্রুমাতাম্রভাসো
জায়ামিশ্রা জটিলশিরশ্চন্দ্ররেখাবতংসাঃ ।
নিত্যানন্দা নিয়তললিতাঃ স্নিগ্ধকল্মাষকণ্ঠাঃ
দেবা রুদ্রা ধৃতপরশবস্তে ভবিষ্যন্তি ভক্তাঃ ॥ ২৬ ॥
মন্ত্রাভ্যাসো নিয়মবিধয়স্তীর্থয়াত্রানুরোধো
গ্রামে ভিক্ষাচরণমুটজে বীজবৃত্তির্বনে বা
ইত্যায়াসে মহতি রমতামপ্রগল্ভঃ ফলার্থে
স্মৃত্যেবাহং তবচরণয়োর্নির্বৃতিং সাধয়ামি ॥ ২৭ ॥
আস্তাং তাবৎস্নপনমুপরিক্ষীরধারাপ্রবাহৈঃ
স্নেহাভ্যঙ্গো ভবনকরণং গন্ধপুষ্পার্পণং বা ।
যস্তে কশ্চিৎকিরতি কুসুমান্যুদ্দিশন্ পাদপীঠং
ভূয়ো নৈব ভ্রমতি জননীগর্ভকারাগৃহেষু ॥ ২৮ ॥
শুক্তাকারং মুনিভিরনিশং চেতসি ধ্যায়মানং
মুক্তাগীরং শিরসিজটিলে জাহ্নবীমুদ্বহন্তম্ ।
নানাকারং নবশশিকলাশেখরং নাগহারং
নারীমিশ্রং ধৃতনরশিরোমাল্যমীশং নমামি ॥ ২৯ ॥
তির্যগ্যোনৌ ত্রিদশনিলয়ে মানুষে রাক্ষসে বা
যক্ষাবাসে বিষধরপুরে দেব বিদ্যাধরে বা ।
যস্মিন্ কস্মিন্সুকৃতনিলয়ে জন্মনি শ্রেয়সো বা
ভূয়াদ্যুষ্মচ্চরণকমলধ্যায়িনী চিত্তবৃত্তিঃ ॥ ৩০ ॥
বন্দে রুদ্রং বরদমমলং দণ্ডিনং মুণ্ডধারিং
দিব্যজ্ঞানং ত্রিপুরদহনং শঙ্করং শূলপাণিম্ ।
তেজোরাশিং ত্রিভুবনগুরুং তীর্থমৌলিং ত্রিনেত্রং
কৈলাসস্থং ধনপতিসখং পার্বতীনাথমীশম্ ॥ ৩১ ॥
যোগী ভোগী বিষভুগমৃতভৃক্ শস্ত্রপাণিস্তপস্বী
শান্তঃ ক্রূরঃ শমিতবিষয়ঃ শৈলকন্যাসহায়ঃ ।
ভিক্ষাবৃত্তিস্ত্রিভুবনপতিঃ শুদ্ধিমানস্থিমালী
শক্যো জ্ঞাতুং কথমিব শিব ৎবং বিরুদ্ধস্বভাবঃ ॥ ৩২ ॥
উপদিশতি যদুচ্চৈর্জ্যোতিরাম্নায়বিদ্যাং
পরম পরমদূরং দূরমাদ্যন্তশূন্যাম্ ।
ত্রিপুরজয়িনী তস্মিন্ দেবদেবে নিবিষ্টাং
ভগবতি পরিবর্তোন্মাদিনী ভক্তিরস্তু ॥ ৩৩ ॥
ইতি বিরচিতমেতচ্চারুচন্দ্রার্ধমৌলে-
র্ললিতপদমুদারং দণ্ডিনা পণ্ডিতেন ।
স্তবনমবনকামেনাত্মনোঽনাময়াখ্যং
ভবতি বিগতরোগী জন্তুরেতজ্জপেন ॥ ৩৪ ॥
স্তোত্রং সম্যক্পরমবিদুষা দণ্ডিনাং বাচ্যবৃত্তান্
মন্দাক্রান্তান্ ত্রিভুবনগুরোঃ পার্বতীবল্লভস্য ।
কৃৎবা স্তোত্রং যদি সুভগমাপ্নোতি নিত্যং হি পুণ্যং
তেন ব্যাধিং হর হর নৃণাং স্তোত্রপাঠেন সত্যম্ ॥ ৩৫ ॥
ইতি দণ্ডিবিরচিতমনাময়স্তোত্রং সম্পূর্ণম্ ॥
– Chant Stotra in Other Languages –
Anamaya Stotram in Sanskrit – English – Bengali – Gujarati – Kannada – Malayalam – Odia – Telugu – Tamil