॥ Aparajita Stotram Bengali Lyrics ॥
॥ অপরাজিতাস্তোত্রম্ ॥
শ্রীত্রৈলোক্যবিজয়া অপরাজিতাস্তোত্রম্ ।
ওঁ নমোঽপরাজিতায়ৈ ।
ওঁ অস্যা বৈষ্ণব্যাঃ পরায়া অজিতায়া মহাবিদ্যায়াঃ
বামদেব-বৃহস্পতি-মার্কণ্ডেয়া ঋষয়ঃ ।
গায়ত্র্যুষ্ণিগনুষ্টুব্বৃহতী ছন্দাংসি ।
লক্ষ্মীনৃসিংহো দেবতা ।
ওঁ ক্লীং শ্রীং হ্রীং বীজম্ ।
হুং শক্তিঃ ।
সকলকামনাসিদ্ধ্যর্থং অপরাজিতবিদ্যামন্ত্রপাঠে বিনিয়োগঃ ।
ওঁ নীলোৎপলদলশ্যামাং ভুজঙ্গাভরণান্বিতাম্ ।
শুদ্ধস্ফটিকসঙ্কাশাং চন্দ্রকোটিনিভাননাম্ ॥ ১॥
শঙ্খচক্রধরাং দেবী বৈষ্ণ্বীমপরাজিতাম্
বালেন্দুশেখরাং দেবীং বরদাভয়দায়িনীম্ ॥ ২॥
নমস্কৃত্য পপাঠৈনাং মার্কণ্ডেয়ো মহাতপাঃ ॥ ৩॥
মার্কণ্ডেয় উবাচ –
শৃণুষ্বং মুনয়ঃ সর্বে সর্বকামার্থসিদ্ধিদাম্ ।
অসিদ্ধসাধনীং দেবীং বৈষ্ণবীমপরাজিতাম্ ॥ ৪॥
ওঁ নমো নারায়ণায়, নমো ভগবতে বাসুদেবায়,
নমোঽস্ত্বনন্তায় সহস্রশীর্ষায়ণে, ক্ষীরোদার্ণবশায়িনে,
শেষভোগপর্য্যঙ্কায়, গরুডবাহনায়, অমোঘায়
অজায় অজিতায় পীতবাসসে,
ওঁ বাসুদেব সঙ্কর্ষণ প্রদ্যুম্ন, অনিরুদ্ধ,
হয়গ্রীব, মৎস্য কূর্ম্ম, বারাহ নৃসিংহ, অচ্যুত,
বামন, ত্রিবিক্রম, শ্রীধর রাম রাম রাম ।
বরদ, বরদ, বরদো ভব, নমোঽস্তু তে, নমোঽস্তুতে, স্বাহা,
ওঁ অসুর-দৈত্য-যক্ষ-রাক্ষস-ভূত-প্রেত-পিশাচ-কূষ্মাণ্ড-
সিদ্ধ-যোগিনী-ডাকিনী-শাকিনী-স্কন্দগ্রহান্
উপগ্রহান্নক্ষত্রগ্রহাংশ্চান্যা হন হন পচ পচ
মথ মথ বিধ্বংসয় বিধ্বংসয় বিদ্রাবয় বিদ্রাবয়
চূর্ণয় চূর্ণয় শঙ্খেন চক্রেণ বজ্রেণ শূলেন
গদয়া মুসলেন হলেন ভস্মীকুরু কুরু স্বাহা ।
ওঁ সহস্রবাহো সহস্রপ্রহরণায়ুধ,
জয় জয়, বিজয় বিজয়, অজিত, অমিত,
অপরাজিত, অপ্রতিহত, সহস্রনেত্র,
জ্বল জ্বল, প্রজ্বল প্রজ্বল,
বিশ্বরূপ বহুরূপ, মধুসূদন, মহাবরাহ,
মহাপুরুষ, বৈকুণ্ঠ, নারায়ণ,
পদ্মনাভ, গোবিন্দ, দামোদর, হৃষীকেশ,
কেশব, সর্বাসুরোৎসাদন, সর্বভূতবশঙ্কর,
সর্বদুঃস্বপ্নপ্রভেদন, সর্বয়ন্ত্রপ্রভঞ্জন,
সর্বনাগবিমর্দন, সর্বদেবমহেশ্বর,
সর্ববন্ধবিমোক্ষণ,সর্বাহিতপ্রমর্দন,
সর্বজ্বরপ্রণাশন, সর্বগ্রহনিবারণ,
সর্বপাপপ্রশমন, জনার্দন, নমোঽস্তুতে স্বাহা ।
বিষ্ণোরিয়মনুপ্রোক্তা সর্বকামফলপ্রদা ।
সর্বসৌভাগ্যজননী সর্বভীতিবিনাশিনী ॥ ৫॥
সর্বৈংশ্চ পঠিতাং সিদ্ধৈর্বিষ্ণোঃ পরমবল্লভা ।
নানয়া সদৃশং কিঙ্চিদ্দুষ্টানাং নাশনং পরম্ ॥ ৬॥
বিদ্যা রহস্যা কথিতা বৈষ্ণব্যেষাপরাজিতা ।
পঠনীয়া প্রশস্তা বা সাক্ষাৎসত্ত্বগুণাশ্রয়া ॥ ৭॥
ওঁ শুক্লাম্বরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্যায়েৎসর্ববিঘ্নোপশান্তয়ে ॥ ৮॥
অথাতঃ সম্প্রবক্ষ্যামি হ্যভয়ামপরাজিতাম্ ।
যা শক্তির্মামকী বৎস রজোগুণময়ী মতা ॥ ৯॥
সর্বসত্ত্বময়ী সাক্ষাৎসর্বমন্ত্রময়ী চ যা ।
যা স্মৃতা পূজিতা জপ্তা ন্যস্তা কর্মণি যোজিতা ।
সর্বকামদুঘা বৎস শৃণুষ্বৈতাং ব্রবীমি তে ॥ ১০॥
য ইমামপরাজিতাং পরমবৈষ্ণবীমপ্রতিহতাং
পঠতি সিদ্ধাং স্মরতি সিদ্ধাং মহাবিদ্যাং
জপতি পঠতি শৃণোতি স্মরতি ধারয়তি কীর্তয়তি বা
ন তস্যাগ্নিবায়ুবজ্রোপলাশনিবর্ষভয়ং,
ন সমুদ্রভয়ং, ন গ্রহভয়ং, ন চৌরভয়ং,
ন শত্রুভয়ং, ন শাপভয়ং বা ভবেৎ ।
ক্বচিদ্রাত্র্যন্ধকারস্ত্রীরাজকুলবিদ্বেষি-বিষগরগরদবশীকরণ-
বিদ্বেষোচ্চাটনবধবন্ধনভয়ং বা ন ভবেৎ ।
এতৈর্মন্ত্রৈরুদাহৃতৈঃ সিদ্ধৈঃ সংসিদ্ধপূজিতৈঃ ।
ওঁ নমোঽস্তুতে ।
অভয়ে, অনঘে, অজিতে, অমিতে, অমৃতে, অপরে,
অপরাজিতে, পঠতি, সিদ্ধে জয়তি সিদ্ধে,
স্মরতি সিদ্ধে, একোনাশীতিতমে, একাকিনি, নিশ্চেতসি,
সুদ্রুমে, সুগন্ধে, একান্নশে, উমে ধ্রুবে, অরুন্ধতি,
গায়ত্রি, সাবিত্রি, জাতবেদসি, মানস্তোকে, সরস্বতি,
ধরণি, ধারণি, সৌদামনি, অদিতি, দিতি, বিনতে,
গৌরি, গান্ধারি, মাতঙ্গী কৃষ্ণে, যশোদে, সত্যবাদিনি,
ব্রহ্মবাদিনি, কালি, কপালিনি, করালনেত্রে, ভদ্রে, নিদ্রে,
সত্যোপয়াচনকরি, স্থলগতং জলগতং অন্তরিক্ষগতং
বা মাং রক্ষ সর্বোপদ্রবেভ্যঃ স্বাহা ।
যস্যাঃ প্রণশ্যতে পুষ্পং গর্ভো বা পততে যদি ।
ম্রিয়তে বালকো যস্যাঃ কাকবন্ধ্যা চ যা ভবেৎ ॥ ১১॥
ধারয়েদ্যা ইমাং বিদ্যামেতৈর্দোষৈর্ন লিপ্যতে ।
গর্ভিণী জীববৎসা স্যাৎপুত্রিণী স্যান্ন সংশয়ঃ ॥ ১২॥
ভূর্জপত্রে ত্বিমাং বিদ্যাং লিখিত্বা গন্ধচন্দনৈঃ ।
এতৈর্দোষৈর্ন লিপ্যেত সুভগা পুত্রিণী ভবেৎ ॥ ১৩॥
রণে রাজকুলে দ্যূতে নিত্যং তস্য জয়ো ভবেৎ ।
শস্ত্রং বারয়তে হ্যেষা সমরে কাণ্ডদারুণে ॥ ১৪॥
গুল্মশূলাক্ষিরোগাণাং ক্ষিপ্রং নাশ্যতি চ ব্যথাম্ ॥
শিরোরোগজ্বরাণাং ন নাশিনী সর্বদেহিনাম্ ॥ ১৫॥
ইত্যেষা কথিতা বিদ্যা অভয়াখ্যাঽপরাজিতা ।
এতস্যাঃ স্মৃতিমাত্রেণ ভয়ং ক্বাপি ন জায়তে ॥ ১৬॥
নোপসর্গা ন রোগাশ্চ ন যোধা নাপি তস্করাঃ ।
ন রাজানো ন সর্পাশ্চ ন দ্বেষ্টারো ন শত্রবঃ ॥১৭॥
যক্ষরাক্ষসবেতালা ন শাকিন্যো ন চ গ্রহাঃ ।
অগ্নের্ভয়ং ন বাতাচ্চ ন স্মুদ্রান্ন বৈ বিষাৎ ॥ ১৮॥
কার্মণং বা শত্রুকৃতং বশীকরণমেব চ ।
উচ্চাটনং স্তম্ভনং চ বিদ্বেষণমথাপি বা ॥ ১৯॥
ন কিঞ্চিৎপ্রভবেত্তত্র যত্রৈষা বর্ততেঽভয়া ।
পঠেদ্ বা যদি বা চিত্রে পুস্তকে বা মুখেঽথবা ॥ ২০॥
হৃদি বা দ্বারদেশে বা বর্ততে হ্যভয়ঃ পুমান্ ।
হৃদয়ে বিন্যসেদেতাং ধ্যায়েদ্দেবীং চতুর্ভুজাম্ ॥ ২১॥
রক্তমাল্যাম্বরধরাং পদ্মরাগসমপ্রভাম্ ।
পাশাঙ্কুশাভয়বরৈরলঙ্কৃতসুবিগ্রহাম্ ॥ ২২॥
সাধকেভ্যঃ প্রয়চ্ছন্তীং মন্ত্রবর্ণামৃতান্যপি ।
নাতঃ পরতরং কিঞ্চিদ্বশীকরণমনুত্তমম্ ॥ ২৩॥
রক্ষণং পাবনং চাপি নাত্র কার্যা বিচারণা ।
প্রাতঃ কুমারিকাঃ পূজ্যাঃ খাদ্যৈরাভরণৈরপি ।
তদিদং বাচনীয়ং স্যাত্তৎপ্রীত্যা প্রীয়তে তু মাম্ ॥ ২৪॥
ওঁ অথাতঃ সম্প্রবক্ষ্যামি বিদ্যামপি মহাবলাম্ ।
সর্বদুষ্টপ্রশমনীং সর্বশত্রুক্ষয়ঙ্করীম্ ॥ ২৫॥
দারিদ্র্যদুঃখশমনীং দৌর্ভাগ্যব্যাধিনাশিনীম্ ।
ভূতপ্রেতপিশাচানাং যক্ষগন্ধর্বরক্ষসাম্ ॥ ২৬॥
ডাকিনী শাকিনী-স্কন্দ-কূষ্মাণ্ডানাং চ নাশিনীম্ ।
মহারৌদ্রিং মহাশক্তিং সদ্যঃ প্রত্যযকারিণীম্ ॥ ২৭॥
গোপনীয়ং প্রয়ত্নেন সর্বস্বং পার্বতীপতেঃ ।
তামহং তে প্রবক্ষ্যামি সাবধানমনাঃ শৃণু ॥ ২৮॥
একান্হিকং দ্ব্যন্হিকং চ চাতুর্থিকার্দ্ধমাসিকম্ ।
দ্বৈমাসিকং ত্রৈমাসিকং তথা চাতুর্মাসিকম্ ॥ ২৯॥
পাঞ্চমাসিকং ষাঙ্মাসিকং বাতিক পৈত্তিকজ্বরম্ ।
শ্লৈষ্পিকং সাত্রিপাতিকং তথৈব সততজ্বরম্ ॥ ৩০॥
মৌহূর্তিকং পৈত্তিকং শীতজ্বরং বিষমজ্বরম্ ।
দ্ব্যহিন্কং ত্র্যহ্নিকং চৈব জ্বরমেকাহ্নিকং তথা ।
ক্ষিপ্রং নাশয়েতে নিত্যং স্মরণাদপরাজিতা ॥ ৩১॥
ওঁ হৄং হন হন, কালি শর শর, গৌরি ধম্,
ধম্, বিদ্যে আলে তালে মালে গন্ধে বন্ধে পচ পচ
বিদ্যে নাশয় নাশয় পাপং হর হর সংহারয় বা
দুঃখস্বপ্নবিনাশিনি কমলস্থিতে বিনায়কমাতঃ
রজনি সন্ধ্যে, দুন্দুভিনাদে, মানসবেগে, শঙ্খিনি,
চক্রিণি গদিনি বজ্রিণি শূলিনি অপমৃত্যুবিনাশিনি
বিশ্বেশ্বরি দ্রবিডি দ্রাবিডি দ্রবিণি দ্রাবিণি
কেশবদয়িতে পশুপতিসহিতে দুন্দুভিদমনি দুর্ম্মদদমনি ।
শবরি কিরাতি মাতঙ্গি ওঁ দ্রং দ্রং জ্রং জ্রং ক্রং
ক্রং তুরু তুরু ওঁ দ্রং কুরু কুরু ।
যে মাং দ্বিষন্তি প্রত্যক্ষং পরোক্ষং বা তান্ সর্বান্
দম দম মর্দয় মর্দয় তাপয় তাপয় গোপয় গোপয়
পাতয় পাতয় শোষয় শোষয় উৎসাদয় উৎসাদয়
ব্রহ্মাণি বৈষ্ণবি মাহেশ্বরি কৌমারি বারাহি নারসিংহি
ঐন্দ্রি চামুণ্ডে মহালক্ষ্মি বৈনায়িকি ঔপেন্দ্রি
আগ্নেয়ি চণ্ডি নৈরৃতি বায়ব্যে সৌম্যে ঐশানি
ঊর্ধ্বমধোরক্ষ প্রচণ্ডবিদ্যে ইন্দ্রোপেন্দ্রভগিনি ।
ওঁ নমো দেবি জয়ে বিজয়ে শান্তি স্বস্তি-তুষ্টি পুষ্টি- বিবর্দ্ধিনি ।
কামাঙ্কুশে কামদুঘে সর্বকামবরপ্রদে ।
সর্বভূতেষু মাং প্রিয়ং কুরু কুরু স্বাহা ।
আকর্ষণি আবেশনি-, জ্বালামালিনি-, রমণি রামণি,
ধরণি ধারিণি, তপনি তাপিনি, মদনি মাদিনি, শোষণি সম্মোহিনি ।
নীলপতাকে মহানীলে মহাগৌরি মহাশ্রিয়ে ।
মহাচান্দ্রি মহাসৌরি মহামায়ূরি আদিত্যরশ্মি জাহ্নবি ।
যমঘণ্টে কিণি কিণি চিন্তামণি ।
সুগন্ধে সুরভে সুরাসুরোৎপন্নে সর্বকামদুঘে ।
যদ্যথা মনীষিতং কার্যং তন্মম সিদ্ধ্যতু স্বাহা ।
ওঁ স্বাহা ।
ওঁ ভূঃ স্বাহা ।
ওঁ ভুবঃ স্বাহা ।
ওঁ স্বঃ স্বহা ।
ওঁ মহঃ স্বহা ।
ওঁ জনঃ স্বহা ।
ওঁ তপঃ স্বাহা ।
ওঁ সত্যং স্বাহা ।
ওঁ ভূর্ভুবঃ স্বঃ স্বাহা ।
যত এবাগতং পাপং তত্রৈব প্রতিগচ্ছতু স্বাহেত্যোম্ ।
অমোঘৈষা মহাবিদ্যা বৈষ্ণবী চাপরাজিতা ॥ ৩২॥
স্বয়ং বিষ্ণুপ্রণীতা চ সিদ্ধেয়ং পাঠতঃ সদা ।
এষা মহাবলা নাম কথিতা তেঽপরাজিতা ॥ ৩৩॥
নানয়া সদৃশী রক্ষা। ত্রিষু লোকেষু বিদ্যতে ।
তমোগুণময়ী সাক্ষদ্রৌদ্রী শক্তিরিয়ং মতা ॥ ৩৪॥
কৃতান্তোঽপি যতো ভীতঃ পাদমূলে ব্যবস্থিতঃ ।
মূলাধারে ন্যসেদেতাং রাত্রাবেনং চ সংস্মরেৎ ॥ ৩৫॥
নীলজীমূতসঙ্কাশাং তডিৎকপিলকেশিকাম্ ।
উদ্যদাদিত্যসঙ্কাশাং নেত্রত্রয়বিরাজিতাম্ ॥ ৩৬॥
শক্তিং ত্রিশূলং শঙ্খং চ পানপাত্রং চ বিভ্রতীম্ ।
ব্যাঘ্রচর্মপরীধানাং কিঙ্কিণীজালমণ্ডিতাম্ ॥ ৩৭॥
ধাবন্তীং গগনস্যান্তঃ পাদুকাহিতপাদকাম্ ।
দংষ্ট্রাকরালবদনাং ব্যালকুণ্ডলভূষিতাম্ ॥ ৩৮॥
ব্যাত্তবক্ত্রাং ললজ্জিহ্বাং ভৃকুটীকুটিলালকাম্ ।
স্বভক্তদ্বেষিণাং রক্তং পিবন্তীং পানপাত্রতঃ ॥ ৩৯॥
সপ্তধাতূন্ শোষয়ন্তীং ক্রূরদৃষ্ট্যা বিলোকনাৎ ।
ত্রিশূলেন চ তজ্জিহ্বাং কীলয়ন্তীং মুহুর্মুহুঃ ॥ ৪০॥
পাশেন বদ্ধ্বা তং সাধমানবন্তীং তদন্তিকে ।
অর্দ্ধরাত্রস্য সময়ে দেবীং ধায়েন্মহাবলাম্ ॥ ৪১॥
যস্য যস্য বদেন্নাম জপেন্মন্ত্রং নিশান্তকে ।
তস্য তস্য তথাবস্থাং কুরুতে সাপি যোগিনী ॥ ৪২॥
ওঁ বলে মহাবলে অসিদ্ধসাধনী স্বাহেতি ।
অমোঘাং পঠতি সিদ্ধাং শ্রীবৈষ্ণবীম্ ॥ ৪৩॥
শ্রীমদপরাজিতাবিদ্যাং ধ্যায়েৎ ।
দুঃস্বপ্নে দুরারিষ্টে চ দুর্নিমিত্তে তথৈব চ ।
ব্যবহারে ভেবেৎসিদ্ধিঃ পঠেদ্বিঘ্নোপশান্তয়ে ॥ ৪৪॥
যদত্র পাঠে জগদম্বিকে ময়া
বিসর্গবিন্দ্বঽক্ষরহীনমীডিতম্ ।
তদস্তু সম্পূর্ণতমং প্রয়ান্তু মে
সঙ্কল্পসিদ্ধিস্তু সদৈব জায়তাম্ ॥ ৪৫॥
তব তত্ত্বং ন জানামি কীদৃশাসি মহেশ্বরি ।
যাদৃশাসি মহাদেবী তাদৃশায়ৈ নমো নমঃ ॥ ৪৬॥
ইস স্তোত্র কা বিধিবত পাঠ করনে সে সব প্রকার কে রোগ তথা
সব প্রকার কে শত্রু ঔর সব বন্ধ্যা দোষ নষ্ট হোতা হৈ ।
বিশেষ রূপ সে মুকদমেং মেং সফলতা ঔর রাজকীয় কার্যোং মেং
অপরাজিত রহনে কে লিয়ে যহ পাঠ রামবাণ হৈ ।
– Chant Stotra in Other Languages –
Goddess Durga Slokam » Aparajita Stotram Lyrics in Sanskrit » English » Gujarati » Kannada » Malayalam » Odia » Telugu » Tamil