॥ Aparajita Stotram Gujarati Lyrics ॥
॥ અપરાજિતાસ્તોત્રમ્ ॥
શ્રીત્રૈલોક્યવિજયા અપરાજિતાસ્તોત્રમ્ ।
ૐ નમોઽપરાજિતાયૈ ।
ૐ અસ્યા વૈષ્ણવ્યાઃ પરાયા અજિતાયા મહાવિદ્યાયાઃ
વામદેવ-બૃહસ્પતિ-માર્કણ્ડેયા ઋષયઃ ।
ગાયત્ર્યુષ્ણિગનુષ્ટુબ્બૃહતી છન્દાંસિ ।
લક્ષ્મીનૃસિંહો દેવતા ।
ૐ ક્લીં શ્રીં હ્રીં બીજમ્ ।
હું શક્તિઃ ।
સકલકામનાસિદ્ધ્યર્થં અપરાજિતવિદ્યામન્ત્રપાઠે વિનિયોગઃ ।
ૐ નીલોત્પલદલશ્યામાં ભુજઙ્ગાભરણાન્વિતામ્ ।
શુદ્ધસ્ફટિકસઙ્કાશાં ચન્દ્રકોટિનિભાનનામ્ ॥ ૧ ॥
શઙ્ખચક્રધરાં દેવી વૈષ્ણ્વીમપરાજિતામ્
બાલેન્દુશેખરાં દેવીં વરદાભયદાયિનીમ્ ॥ ૨ ॥
નમસ્કૃત્ય પપાઠૈનાં માર્કણ્ડેયો મહાતપાઃ ॥ ૩ ॥
માર્કણ્ડેય ઉવાચ –
શૃણુષ્વં મુનયઃ સર્વે સર્વકામાર્થસિદ્ધિદામ્ ।
અસિદ્ધસાધનીં દેવીં વૈષ્ણવીમપરાજિતામ્ ॥ ૪ ॥
ૐ નમો નારાયણાય, નમો ભગવતે વાસુદેવાય,
નમોઽસ્ત્વનન્તાય સહસ્રશીર્ષાયણે, ક્ષીરોદાર્ણવશાયિને,
શેષભોગપર્ય્યઙ્કાય, ગરુડવાહનાય, અમોઘાય
અજાય અજિતાય પીતવાસસે,
ૐ વાસુદેવ સઙ્કર્ષણ પ્રદ્યુમ્ન, અનિરુદ્ધ,
હયગ્રીવ, મત્સ્ય કૂર્મ્મ, વારાહ નૃસિંહ, અચ્યુત,
વામન, ત્રિવિક્રમ, શ્રીધર રામ રામ રામ ।
વરદ, વરદ, વરદો ભવ, નમોઽસ્તુ તે, નમોઽસ્તુતે, સ્વાહા,
ૐ અસુર-દૈત્ય-યક્ષ-રાક્ષસ-ભૂત-પ્રેત-પિશાચ-કૂષ્માણ્ડ-
સિદ્ધ-યોગિની-ડાકિની-શાકિની-સ્કન્દગ્રહાન્
ઉપગ્રહાન્નક્ષત્રગ્રહાંશ્ચાન્યા હન હન પચ પચ
મથ મથ વિધ્વંસય વિધ્વંસય વિદ્રાવય વિદ્રાવય
ચૂર્ણય ચૂર્ણય શઙ્ખેન ચક્રેણ વજ્રેણ શૂલેન
ગદયા મુસલેન હલેન ભસ્મીકુરુ કુરુ સ્વાહા ।
ૐ સહસ્રબાહો સહસ્રપ્રહરણાયુધ,
જય જય, વિજય વિજય, અજિત, અમિત,
અપરાજિત, અપ્રતિહત, સહસ્રનેત્ર,
જ્વલ જ્વલ, પ્રજ્વલ પ્રજ્વલ,
વિશ્વરૂપ બહુરૂપ, મધુસૂદન, મહાવરાહ,
મહાપુરુષ, વૈકુણ્ઠ, નારાયણ,
પદ્મનાભ, ગોવિન્દ, દામોદર, હૃષીકેશ,
કેશવ, સર્વાસુરોત્સાદન, સર્વભૂતવશઙ્કર,
સર્વદુઃસ્વપ્નપ્રભેદન, સર્વયન્ત્રપ્રભઞ્જન,
સર્વનાગવિમર્દન, સર્વદેવમહેશ્વર,
સર્વબન્ધવિમોક્ષણ,સર્વાહિતપ્રમર્દન,
સર્વજ્વરપ્રણાશન, સર્વગ્રહનિવારણ,
સર્વપાપપ્રશમન, જનાર્દન, નમોઽસ્તુતે સ્વાહા ।
વિષ્ણોરિયમનુપ્રોક્તા સર્વકામફલપ્રદા ।
સર્વસૌભાગ્યજનની સર્વભીતિવિનાશિની ॥ ૫ ॥
સર્વૈંશ્ચ પઠિતાં સિદ્ધૈર્વિષ્ણોઃ પરમવલ્લભા ।
નાનયા સદૃશં કિઙ્ચિદ્દુષ્ટાનાં નાશનં પરમ્ ॥ ૬ ॥
વિદ્યા રહસ્યા કથિતા વૈષ્ણવ્યેષાપરાજિતા ।
પઠનીયા પ્રશસ્તા વા સાક્ષાત્સત્ત્વગુણાશ્રયા ॥ ૭ ॥
ૐ શુક્લામ્બરધરં વિષ્ણું શશિવર્ણં ચતુર્ભુજમ્ ।
પ્રસન્નવદનં ધ્યાયેત્સર્વવિઘ્નોપશાન્તયે ॥ ૮ ॥
અથાતઃ સમ્પ્રવક્ષ્યામિ હ્યભયામપરાજિતામ્ ।
યા શક્તિર્મામકી વત્સ રજોગુણમયી મતા ॥ ૯ ॥
સર્વસત્ત્વમયી સાક્ષાત્સર્વમન્ત્રમયી ચ યા ।
યા સ્મૃતા પૂજિતા જપ્તા ન્યસ્તા કર્મણિ યોજિતા ।
સર્વકામદુઘા વત્સ શૃણુષ્વૈતાં બ્રવીમિ તે ॥ ૧૦ ॥
ય ઇમામપરાજિતાં પરમવૈષ્ણવીમપ્રતિહતાં
પઠતિ સિદ્ધાં સ્મરતિ સિદ્ધાં મહાવિદ્યાં
જપતિ પઠતિ શૃણોતિ સ્મરતિ ધારયતિ કીર્તયતિ વા
ન તસ્યાગ્નિવાયુવજ્રોપલાશનિવર્ષભયં,
ન સમુદ્રભયં, ન ગ્રહભયં, ન ચૌરભયં,
ન શત્રુભયં, ન શાપભયં વા ભવેત્ ।
ક્વચિદ્રાત્ર્યન્ધકારસ્ત્રીરાજકુલવિદ્વેષિ-વિષગરગરદવશીકરણ-
વિદ્વેષોચ્ચાટનવધબન્ધનભયં વા ન ભવેત્ ।
એતૈર્મન્ત્રૈરુદાહૃતૈઃ સિદ્ધૈઃ સંસિદ્ધપૂજિતૈઃ ।
ૐ નમોઽસ્તુતે ।
અભયે, અનઘે, અજિતે, અમિતે, અમૃતે, અપરે,
અપરાજિતે, પઠતિ, સિદ્ધે જયતિ સિદ્ધે,
સ્મરતિ સિદ્ધે, એકોનાશીતિતમે, એકાકિનિ, નિશ્ચેતસિ,
સુદ્રુમે, સુગન્ધે, એકાન્નશે, ઉમે ધ્રુવે, અરુન્ધતિ,
ગાયત્રિ, સાવિત્રિ, જાતવેદસિ, માનસ્તોકે, સરસ્વતિ,
ધરણિ, ધારણિ, સૌદામનિ, અદિતિ, દિતિ, વિનતે,
ગૌરિ, ગાન્ધારિ, માતઙ્ગી કૃષ્ણે, યશોદે, સત્યવાદિનિ,
બ્રહ્મવાદિનિ, કાલિ, કપાલિનિ, કરાલનેત્રે, ભદ્રે, નિદ્રે,
સત્યોપયાચનકરિ, સ્થલગતં જલગતં અન્તરિક્ષગતં
વા માં રક્ષ સર્વોપદ્રવેભ્યઃ સ્વાહા ।
યસ્યાઃ પ્રણશ્યતે પુષ્પં ગર્ભો વા પતતે યદિ ।
મ્રિયતે બાલકો યસ્યાઃ કાકવન્ધ્યા ચ યા ભવેત્ ॥ ૧૧ ॥
ધારયેદ્યા ઇમાં વિદ્યામેતૈર્દોષૈર્ન લિપ્યતે ।
ગર્ભિણી જીવવત્સા સ્યાત્પુત્રિણી સ્યાન્ન સંશયઃ ॥ ૧૨ ॥
ભૂર્જપત્રે ત્વિમાં વિદ્યાં લિખિત્વા ગન્ધચન્દનૈઃ ।
એતૈર્દોષૈર્ન લિપ્યેત સુભગા પુત્રિણી ભવેત્ ॥ ૧૩ ॥
રણે રાજકુલે દ્યૂતે નિત્યં તસ્ય જયો ભવેત્ ।
શસ્ત્રં વારયતે હ્યેષા સમરે કાણ્ડદારુણે ॥ ૧૪ ॥
ગુલ્મશૂલાક્ષિરોગાણાં ક્ષિપ્રં નાશ્યતિ ચ વ્યથામ્ ॥
શિરોરોગજ્વરાણાં ન નાશિની સર્વદેહિનામ્ ॥ ૧૫ ॥
ઇત્યેષા કથિતા વિદ્યા અભયાખ્યાઽપરાજિતા ।
એતસ્યાઃ સ્મૃતિમાત્રેણ ભયં ક્વાપિ ન જાયતે ॥ ૧૬ ॥
નોપસર્ગા ન રોગાશ્ચ ન યોધા નાપિ તસ્કરાઃ ।
ન રાજાનો ન સર્પાશ્ચ ન દ્વેષ્ટારો ન શત્રવઃ ॥૧૭ ॥
યક્ષરાક્ષસવેતાલા ન શાકિન્યો ન ચ ગ્રહાઃ ।
અગ્નેર્ભયં ન વાતાચ્ચ ન સ્મુદ્રાન્ન વૈ વિષાત્ ॥ ૧૮ ॥
કાર્મણં વા શત્રુકૃતં વશીકરણમેવ ચ ।
ઉચ્ચાટનં સ્તમ્ભનં ચ વિદ્વેષણમથાપિ વા ॥ ૧૯ ॥
ન કિઞ્ચિત્પ્રભવેત્તત્ર યત્રૈષા વર્તતેઽભયા ।
પઠેદ્ વા યદિ વા ચિત્રે પુસ્તકે વા મુખેઽથવા ॥ ૨૦ ॥
હૃદિ વા દ્વારદેશે વા વર્તતે હ્યભયઃ પુમાન્ ।
હૃદયે વિન્યસેદેતાં ધ્યાયેદ્દેવીં ચતુર્ભુજામ્ ॥ ૨૧ ॥
રક્તમાલ્યામ્બરધરાં પદ્મરાગસમપ્રભામ્ ।
પાશાઙ્કુશાભયવરૈરલઙ્કૃતસુવિગ્રહામ્ ॥ ૨૨ ॥
સાધકેભ્યઃ પ્રયચ્છન્તીં મન્ત્રવર્ણામૃતાન્યપિ ।
નાતઃ પરતરં કિઞ્ચિદ્વશીકરણમનુત્તમમ્ ॥ ૨૩ ॥
રક્ષણં પાવનં ચાપિ નાત્ર કાર્યા વિચારણા ।
પ્રાતઃ કુમારિકાઃ પૂજ્યાઃ ખાદ્યૈરાભરણૈરપિ ।
તદિદં વાચનીયં સ્યાત્તત્પ્રીત્યા પ્રીયતે તુ મામ્ ॥ ૨૪ ॥
ૐ અથાતઃ સમ્પ્રવક્ષ્યામિ વિદ્યામપિ મહાબલામ્ ।
સર્વદુષ્ટપ્રશમનીં સર્વશત્રુક્ષયઙ્કરીમ્ ॥ ૨૫ ॥
દારિદ્ર્યદુઃખશમનીં દૌર્ભાગ્યવ્યાધિનાશિનીમ્ ।
ભૂતપ્રેતપિશાચાનાં યક્ષગન્ધર્વરક્ષસામ્ ॥ ૨૬ ॥
ડાકિની શાકિની-સ્કન્દ-કૂષ્માણ્ડાનાં ચ નાશિનીમ્ ।
મહારૌદ્રિં મહાશક્તિં સદ્યઃ પ્રત્યયકારિણીમ્ ॥ ૨૭ ॥
ગોપનીયં પ્રયત્નેન સર્વસ્વં પાર્વતીપતેઃ ।
તામહં તે પ્રવક્ષ્યામિ સાવધાનમનાઃ શૃણુ ॥ ૨૮ ॥
એકાન્હિકં દ્વ્યન્હિકં ચ ચાતુર્થિકાર્દ્ધમાસિકમ્ ।
દ્વૈમાસિકં ત્રૈમાસિકં તથા ચાતુર્માસિકમ્ ॥ ૨૯ ॥
પાઞ્ચમાસિકં ષાઙ્માસિકં વાતિક પૈત્તિકજ્વરમ્ ।
શ્લૈષ્પિકં સાત્રિપાતિકં તથૈવ સતતજ્વરમ્ ॥ ૩૦ ॥
મૌહૂર્તિકં પૈત્તિકં શીતજ્વરં વિષમજ્વરમ્ ।
દ્વ્યહિન્કં ત્ર્યહ્નિકં ચૈવ જ્વરમેકાહ્નિકં તથા ।
ક્ષિપ્રં નાશયેતે નિત્યં સ્મરણાદપરાજિતા ॥ ૩૧ ॥
ૐ હૄં હન હન, કાલિ શર શર, ગૌરિ ધમ્,
ધમ્, વિદ્યે આલે તાલે માલે ગન્ધે બન્ધે પચ પચ
વિદ્યે નાશય નાશય પાપં હર હર સંહારય વા
દુઃખસ્વપ્નવિનાશિનિ કમલસ્થિતે વિનાયકમાતઃ
રજનિ સન્ધ્યે, દુન્દુભિનાદે, માનસવેગે, શઙ્ખિનિ,
ચક્રિણિ ગદિનિ વજ્રિણિ શૂલિનિ અપમૃત્યુવિનાશિનિ
વિશ્વેશ્વરિ દ્રવિડિ દ્રાવિડિ દ્રવિણિ દ્રાવિણિ
કેશવદયિતે પશુપતિસહિતે દુન્દુભિદમનિ દુર્મ્મદદમનિ ।
શબરિ કિરાતિ માતઙ્ગિ ૐ દ્રં દ્રં જ્રં જ્રં ક્રં
ક્રં તુરુ તુરુ ૐ દ્રં કુરુ કુરુ ।
યે માં દ્વિષન્તિ પ્રત્યક્ષં પરોક્ષં વા તાન્ સર્વાન્
દમ દમ મર્દય મર્દય તાપય તાપય ગોપય ગોપય
પાતય પાતય શોષય શોષય ઉત્સાદય ઉત્સાદય
બ્રહ્માણિ વૈષ્ણવિ માહેશ્વરિ કૌમારિ વારાહિ નારસિંહિ
ઐન્દ્રિ ચામુણ્ડે મહાલક્ષ્મિ વૈનાયિકિ ઔપેન્દ્રિ
આગ્નેયિ ચણ્ડિ નૈરૃતિ વાયવ્યે સૌમ્યે ઐશાનિ
ઊર્ધ્વમધોરક્ષ પ્રચણ્ડવિદ્યે ઇન્દ્રોપેન્દ્રભગિનિ ।
ૐ નમો દેવિ જયે વિજયે શાન્તિ સ્વસ્તિ-તુષ્ટિ પુષ્ટિ- વિવર્દ્ધિનિ ।
કામાઙ્કુશે કામદુઘે સર્વકામવરપ્રદે ।
સર્વભૂતેષુ માં પ્રિયં કુરુ કુરુ સ્વાહા ।
આકર્ષણિ આવેશનિ-, જ્વાલામાલિનિ-, રમણિ રામણિ,
ધરણિ ધારિણિ, તપનિ તાપિનિ, મદનિ માદિનિ, શોષણિ સમ્મોહિનિ ।
નીલપતાકે મહાનીલે મહાગૌરિ મહાશ્રિયે ।
મહાચાન્દ્રિ મહાસૌરિ મહામાયૂરિ આદિત્યરશ્મિ જાહ્નવિ ।
યમઘણ્ટે કિણિ કિણિ ચિન્તામણિ ।
સુગન્ધે સુરભે સુરાસુરોત્પન્ને સર્વકામદુઘે ।
યદ્યથા મનીષિતં કાર્યં તન્મમ સિદ્ધ્યતુ સ્વાહા ।
ૐ સ્વાહા ।
ૐ ભૂઃ સ્વાહા ।
ૐ ભુવઃ સ્વાહા ।
ૐ સ્વઃ સ્વહા ।
ૐ મહઃ સ્વહા ।
ૐ જનઃ સ્વહા ।
ૐ તપઃ સ્વાહા ।
ૐ સત્યં સ્વાહા ।
ૐ ભૂર્ભુવઃ સ્વઃ સ્વાહા ।
યત એવાગતં પાપં તત્રૈવ પ્રતિગચ્છતુ સ્વાહેત્યોમ્ ।
અમોઘૈષા મહાવિદ્યા વૈષ્ણવી ચાપરાજિતા ॥ ૩૨ ॥
સ્વયં વિષ્ણુપ્રણીતા ચ સિદ્ધેયં પાઠતઃ સદા ।
એષા મહાબલા નામ કથિતા તેઽપરાજિતા ॥ ૩૩ ॥
નાનયા સદૃશી રક્ષા। ત્રિષુ લોકેષુ વિદ્યતે ।
તમોગુણમયી સાક્ષદ્રૌદ્રી શક્તિરિયં મતા ॥ ૩૪ ॥
કૃતાન્તોઽપિ યતો ભીતઃ પાદમૂલે વ્યવસ્થિતઃ ।
મૂલાધારે ન્યસેદેતાં રાત્રાવેનં ચ સંસ્મરેત્ ॥ ૩૫ ॥
નીલજીમૂતસઙ્કાશાં તડિત્કપિલકેશિકામ્ ।
ઉદ્યદાદિત્યસઙ્કાશાં નેત્રત્રયવિરાજિતામ્ ॥ ૩૬ ॥
શક્તિં ત્રિશૂલં શઙ્ખં ચ પાનપાત્રં ચ વિભ્રતીમ્ ।
વ્યાઘ્રચર્મપરીધાનાં કિઙ્કિણીજાલમણ્ડિતામ્ ॥ ૩૭ ॥
ધાવન્તીં ગગનસ્યાન્તઃ પાદુકાહિતપાદકામ્ ।
દંષ્ટ્રાકરાલવદનાં વ્યાલકુણ્ડલભૂષિતામ્ ॥ ૩૮ ॥
વ્યાત્તવક્ત્રાં લલજ્જિહ્વાં ભૃકુટીકુટિલાલકામ્ ।
સ્વભક્તદ્વેષિણાં રક્તં પિબન્તીં પાનપાત્રતઃ ॥ ૩૯ ॥
સપ્તધાતૂન્ શોષયન્તીં ક્રૂરદૃષ્ટ્યા વિલોકનાત્ ।
ત્રિશૂલેન ચ તજ્જિહ્વાં કીલયન્તીં મુહુર્મુહુઃ ॥ ૪૦ ॥
પાશેન બદ્ધ્વા તં સાધમાનવન્તીં તદન્તિકે ।
અર્દ્ધરાત્રસ્ય સમયે દેવીં ધાયેન્મહાબલામ્ ॥ ૪૧ ॥
યસ્ય યસ્ય વદેન્નામ જપેન્મન્ત્રં નિશાન્તકે ।
તસ્ય તસ્ય તથાવસ્થાં કુરુતે સાપિ યોગિની ॥ ૪૨ ॥
ૐ બલે મહાબલે અસિદ્ધસાધની સ્વાહેતિ ।
અમોઘાં પઠતિ સિદ્ધાં શ્રીવૈષ્ણવીમ્ ॥ ૪૩ ॥
શ્રીમદપરાજિતાવિદ્યાં ધ્યાયેત્ ।
દુઃસ્વપ્ને દુરારિષ્ટે ચ દુર્નિમિત્તે તથૈવ ચ ।
વ્યવહારે ભેવેત્સિદ્ધિઃ પઠેદ્વિઘ્નોપશાન્તયે ॥ ૪૪ ॥
યદત્ર પાઠે જગદમ્બિકે મયા
વિસર્ગબિન્દ્વઽક્ષરહીનમીડિતમ્ ।
તદસ્તુ સમ્પૂર્ણતમં પ્રયાન્તુ મે
સઙ્કલ્પસિદ્ધિસ્તુ સદૈવ જાયતામ્ ॥ ૪૫ ॥
તવ તત્ત્વં ન જાનામિ કીદૃશાસિ મહેશ્વરિ ।
યાદૃશાસિ મહાદેવી તાદૃશાયૈ નમો નમઃ ॥ ૪૬ ॥
ઇસ સ્તોત્ર કા વિધિવત પાઠ કરને સે સબ પ્રકાર કે રોગ તથા
સબ પ્રકાર કે શત્રુ ઔર સબ બન્ધ્યા દોષ નષ્ટ હોતા હૈ ।
વિશેષ રૂપ સે મુકદમેં મેં સફલતા ઔર રાજકીય કાર્યોં મેં
અપરાજિત રહને કે લિયે યહ પાઠ રામબાણ હૈ ।
– Chant Stotra in Other Languages –
Goddess Durga Slokam » Aparajita Stotram Lyrics in Sanskrit » English » Bengali » Kannada » Malayalam » Odia » Telugu » Tamil