॥ Arya Durgashtakam Malayalam Lyrics ॥
॥ ആര്യാദുര്‍ഗാഷ്ടകം ॥
ശ്രീഗണേശായ നമഃ ॥
ആര്യാദുര്‍ഗാഽഭിധാനാ ഹിമനഗദുഹിതാ ശങ്കരാര്‍ധാസനസ്ഥാ
മാതാ ഷാണ്‍മാതുരസ്യാഖിലജനവിനുതാ സംസ്ഥിതാ സ്വാസനേഽഗ്ര്യേ ।
ഗീതാ ഗന്ധര്‍വസിദ്ധൈര്‍വിരചിതബിരുദൈര്യാഽഖിലാങ്ഗേഷു പീതാ
സംവീതാ ഭക്തവൃന്ദൈരതിശുഭചരിതാ ദേവതാ നഃ പുനാതു ॥ 1 ॥
മാതസ്ത്വാം സാംബപത്നീം വിദുരഖിലജനാ വേദശാസ്ത്രാശ്രയേണ
നാഹം മന്യേ തഥാ ത്വാം മയി ഹരിദയിതാമംബുജൈകാസനസ്ഥാം ।
നിത്യം പിത്രാ സ ദേശേ നിജതനുജനിതാ സ്ഥാപ്യതേ പ്രേമഭാവാത്
ഏതാദൃശ്യാനുഭൂത്യോ ദധിതടസവിധേ സംസ്ഥിതാം തര്‍കയാമി ॥ 2 ॥
നാസീദാലോകിതാ ത്വത്തനുരതിരുചിരാഽദ്യാവധീത്യാത്മദൃഷ്ട്യാ
ലോകോക്ത്യാ മേ ഭ്രമോഽഭൂത്സരസിജനിലയേ നാമയുഗ്മാക്ഷരാര്‍ഥാത് ।
സോഽയം സര്‍വോ നിരസ്തസ്തവ കനകമയീം മൂര്‍തിമാലോക്യ സദ്യഃ
സാഽപര്‍ണാ സ്വര്‍ണവര്‍ണാര്‍ണവതനുജനിതേ ന ശ്രുതാ നാപി ദൃഷ്ടാ ॥ 3 ॥
ശ്രീസൂക്തോക്താദ്യമന്ത്രാത്കനകമയതനുഃ സ്വര്‍ണകഞ്ജോച്ചഹാരാ
സാരാ ലോകത്രയാന്തര്‍ഭഗവതിഭവതീത്യേവമേവാഗമോക്തം ।
തന്നാമോക്താക്ഷരാര്‍ഥാത്കഥമയി വിതഥം സ്യാത്സരിന്നാഥകന്യേ
ദൃഷ്ടാര്‍ഥേ വ്യര്‍ഥതര്‍കോ ഹ്യനയപഥഗതിം സൂചയത്യര്‍ഥദൃഷ്ട്യാ ॥ 4 ॥
തന്വസ്തേ മാതരസ്മിഞ്ജഗതി ഗുണവശാദ്വിശ്രുതാസ്തിസ്ര ഏവ
കാലീ ശ്രീര്‍ഗീശ്ച താസാം പ്രഥമമഭിഹിതാ കൃഷ്ണവര്‍ണാ ഹ്മപര്‍ണാ ।
ലക്ഷ്മീസ്തു സ്വര്‍ണവര്‍ണാ വിശദതനുരഥോ ഭാരതീ ചേദമൂഷു
സ്വച്ഛാ നോനാപി കൃഷ്ണാ ഭഗവതി ഭവതീ ശ്രീരസീത്യേവ സിദ്ധം ॥ 5 ॥
നാമാദ്യായാഃ സ്വരൂപം കനകമയമിദം മധ്യമായാശ്ച യാന-
മന്ത്യായാഃ സിംഹരൂപം ത്രിതയമപി തനൌ ധാരയന്ത്യാസ്തവേദൃക് ।
ദൃഷ്ട്വാ നൂത്നൈവ സര്‍വാ വ്യവഹൃതിസരണീരിന്ദിരേ ചേദതര്‍ക്യാ
ത്വാമാദ്യാം വിശ്വവന്ദ്യാം ത്രിഗുണമയതനും ചേതസാ ചിന്തയാമി ॥ 6 ॥
ത്വദ്രൂപജ്ഞാനകാമാ വിവിധവിധസമാകൢപ്തതര്‍കൈരനേകൈ-
ര്‍നോ ശക്താ നിര്‍ജരാസ്തേ വിധി-ഹരി-ഹരസംജ്ഞാ ജഗദ്വന്ദ്യപാദാഃ ।
കാ ശക്തിര്‍മേ ഭവിത്രീ ജലനിധിതനയേ ജ്ഞാതുമുഗ്രം തവേദം
രൂപം നാംനാ പ്രഭാവാദപി വിതഥഫലോ മേ ബഭൂവ പ്രയത്നഃ ॥ 7 ॥
അസ്ത്വംബ ത്വയ്യനേകൈരശുഭശുഭതരൈഃ കല്‍പിതൈരംബ തര്‍കൈ-
രദ്യാഹം മന്ദബുദ്ധിഃ സരസിജനിലയേ സാപരാധോഽസ്മി ജാതഃ ।
തസ്മാത്ത്വത്പാദപദ്മദ്വയനമിതശിരാ പ്രാര്‍ഥയാംയേതദേവ
ക്ഷന്തവ്യോ മേഽപരാധോ ഹരിഹരദയിതേ ഭേദബുദ്ധിര്‍ന മേഽസ്തി ॥ 8 ॥
ആര്യാദുര്‍ഗാഷ്ടകമിദമനന്തകവിനാ കൃതം ।
തവ പ്രീതികരം ഭൂയാദിത്യഭ്യര്‍ഥനമംബികേ ॥ 9 ॥
ഇതി ശ്രീമദനന്തകവിവിരചിതമാര്യാദുര്‍ഗാഷ്ടകം സമ്പൂര്‍ണം ।
– Chant Stotra in Other Languages –
Sri Durga Slokam » Arya Durga Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil