॥ Ashtabhuja Ashtakam Gujarati Lyrics ॥
॥ અષ્ટભુજાષ્ટકમ્ ॥
વેદાન્તદેશિકકૃતમ્ ।
(કાઞ્ચ્યાં)
ગજેન્દ્રરક્ષાત્વરિતં ભવન્તં ગ્રાહૈરિવાહં વિષયૈર્વિકૃષ્ટઃ ।
અપારવિજ્ઞાનદયાનુભાવમાપ્તં સતામષ્ટભુજં પ્રપદ્યે ॥ ૧ ॥
ત્વદેકશેષોઽહમનાત્મતન્ત્રસ્ત્વત્પાદલિપ્સાં દિશતા ત્વયૈવ ।
અસત્સમોઽપ્યષ્ટભુજાસ્પદેશ સત્તામિદાનીમુપલમ્ભિતોઽસ્મિ ॥ ૨ ॥
સ્વરૂપરૂપાસ્ત્રવિભૂષણાદ્યૈઃ પરત્વચિન્તાં ત્વયિ દુર્નિવારામ્ ।
ભોગે મૃદૂપક્રમતામભીપ્સન્ શીલાદિભિર્વારયસીવ પુંસામ્ ॥ ૩ ॥
શક્તિં શરણ્યાન્તરશબ્દભાજાં સારં ચ સન્તોલ્ય ફલાન્તરાણામ્ ।
ત્વદ્દાસ્યહેતોસ્ત્વયિ નિર્વિશઙ્કં ન્યસ્તાત્મનાં નાથ વિભર્ષિ ભારમ્ ॥ ૪ ॥
અભીતિહેતોરનુવર્તનીયં નાથ ત્વદન્યં ન વિભાવયામિ ।
ભયં કુતઃ સ્યાત્ત્વયિ સાનુકમ્પે રક્ષા કુતઃ સ્યાત્ત્વયિ જાતરોષે ॥ ૫ ॥
ત્વદેકતન્ત્રં કમલાસહાય સ્વેનૈવ માં રક્ષિતુમર્હસિ ત્વમ્ ।
ત્વયિ પ્રવૃત્તે મમ કિં પ્રયાસૈસ્ત્વય્યપ્રવૃત્તે મમ કિં પ્રયાસૈઃ ॥ ૬ ॥
સમાધિભઙ્ગેષ્વપિ સમ્પતત્સુ શરણ્યભૂતે ત્વયિ બદ્ધકક્ષ્યે ।
અપત્રપે સોઢુમકિઞ્ચનોઽહં દૂરાધિરોહં પતનં ચ નાથ ॥ ૭ ॥
પ્રાપ્તાભિલાષં ત્વદનુગ્રહાન્માં પદ્માનિષેવ્યે તવ પાદપદ્મે ।
આદેહપાતાદપરાધદૂરમાત્માન્તકૈઙ્કર્યરસં વિધેયાઃ ॥ ૮ ॥
પ્રપન્નજનપાથેયં પ્રપિત્સૂનાં રસાયનમ્ ।
શ્રેયસે જગતામેતચ્છ્રીમદષ્ટભુજાષ્ટકમ્ ॥ ૯ ॥
શરણાગતસન્ત્રાણત્વરા દ્વિગુણબાહુના ।
હરિણા વેઙ્કટેશીયા સ્તુતિઃ સ્વીક્રિયતામિયમ્ ॥ ૧૦ ॥
ઇતિ વેદાન્તદેશિકકૃતં અષ્ટભુજાષ્ટકં સમ્પૂર્ણમ્ ।
– Chant Stotra in Other Languages –
Ashtabhujashtakam Lyrics in Sanskrit » English » Bengali » Kannada » Malayalam » Odia » Telugu » Tamil