॥ Ashtapadi Gujarati Lyrics ॥
॥ અષ્ટપદી ॥
(રાગ ભૈરવ)
જયતિ નિજઘોષભુવિ ગોપમણિભૂષણમ્ ।
યુવતિકલધૌતરતિજટિતમવિદૂષણમ્ ॥ ધ્રુવપદમ્ ॥
વિકચશરદમ્બુરુહરુચિરમુખતોઽનિશમ્ ।
જિઘ્રતાદમલમધુમદશાલિની ભૃશમ્ ॥ ૧ ॥
તરલદલસાપાઙ્ગવિભ્રમભ્રામિતમ્ ।
નિઃસ્થિરીભવિતુમિચ્છતુ હૃદિતકામિતમ્ ॥ ૨ ॥
મધુરમૃદુહાસકલિતાધરચ્યુતરસમ્ ।
પિબતુ રસનાઽપિ મુહુરુદિતરતિલાલસમ્ ॥ ૩ ॥
અમૃતમયશિશિરવચનેષુ નવસૂત્સુકમ્ ।
શ્રવણપુટયુગલમનુભવતુ ચિરસૂત્સુકમ્ ॥ ૪ ॥
વિપુલવક્ષસ્થલે સ્પર્શરસપૂરિતમ્ ।
તુઙ્ગકુચકલશયુગમસ્તુ મદનેરિતમ્ ॥ ૫ ॥
મૃદિતતમકાયદેવદ્રુમાલમ્બિતા ।
હર્ષમતિશયિતમુપયાતુ તનુલતા ॥ ૬ ॥
પુષ્પરસપુષ્ટપરપુષ્ટભૃઙ્ગીમયે ।
વસતિરપિ ભવતુ મમ નિભૃતકુઞ્જાલયે ॥ ૭ ॥
ગીતમિદમેવમુરુભાવગર્ભિતપદમ્ ।
રોચયતુ કૃષ્ણમિહ સરસસમ્પદમ્ ॥ ૮ ॥
ઇતિ શ્રીદેવકીનન્દનજીકૃતાઽષ્ટપદી સમાપ્તા ।
– Chant Stotra in Other Languages –
Sri Vishnu Slokam » Ashtapadis or Ashtapadi Lyrics in Sanskrit » English » Bengali » Kannada » Malayalam » Odia » Telugu » Tamil