॥ Ashtapadi Kannada Lyrics ॥
॥ ಅಷ್ಟಪದೀ ॥
(ರಾಗ ಭೈರವ)
ಜಯತಿ ನಿಜಘೋಷಭುವಿ ಗೋಪಮಣಿಭೂಷಣಮ್ ।
ಯುವತಿಕಲಧೌತರತಿಜಟಿತಮವಿದೂಷಣಮ್ ॥ ಧ್ರುವಪದಮ್ ॥
ವಿಕಚಶರದಮ್ಬುರುಹರುಚಿರಮುಖತೋಽನಿಶಮ್ ।
ಜಿಘ್ರತಾದಮಲಮಧುಮದಶಾಲಿನೀ ಭೃಶಮ್ ॥ 1 ॥
ತರಲದಲಸಾಪಾಂಗವಿಭ್ರಮಭ್ರಾಮಿತಮ್ ।
ನಿಃಸ್ಥಿರೀಭವಿತುಮಿಚ್ಛತು ಹೃದಿತಕಾಮಿತಮ್ ॥ 2 ॥
ಮಧುರಮೃದುಹಾಸಕಲಿತಾಧರಚ್ಯುತರಸಮ್ ।
ಪಿಬತು ರಸನಾಽಪಿ ಮುಹುರುದಿತರತಿಲಾಲಸಮ್ ॥ 3 ॥
ಅಮೃತಮಯಶಿಶಿರವಚನೇಷು ನವಸೂತ್ಸುಕಮ್ ।
ಶ್ರವಣಪುಟಯುಗಲಮನುಭವತು ಚಿರಸೂತ್ಸುಕಮ್ ॥ 4 ॥
ವಿಪುಲವಕ್ಷಸ್ಥಲೇ ಸ್ಪರ್ಶರಸಪೂರಿತಮ್ ।
ತುಂಗಕುಚಕಲಶಯುಗಮಸ್ತು ಮದನೇರಿತಮ್ ॥ 5 ॥
ಮೃದಿತತಮಕಾಯದೇವದ್ರುಮಾಲಮ್ಬಿತಾ ।
ಹರ್ಷಮತಿಶಯಿತಮುಪಯಾತು ತನುಲತಾ ॥ 6 ॥
ಪುಷ್ಪರಸಪುಷ್ಟಪರಪುಷ್ಟಭೃಂಗೀಮಯೇ ।
ವಸತಿರಪಿ ಭವತು ಮಮ ನಿಭೃತಕುಂಜಾಲಯೇ ॥ 7 ॥
ಗೀತಮಿದಮೇವಮುರುಭಾವಗರ್ಭಿತಪದಮ್ ।
ರೋಚಯತು ಕೃಷ್ಣಮಿಹ ಸರಸಸಮ್ಪದಮ್ ॥ 8 ॥
ಇತಿ ಶ್ರೀದೇವಕೀನನ್ದನಜೀಕೃತಾಽಷ್ಟಪದೀ ಸಮಾಪ್ತಾ ।
– Chant Stotra in Other Languages –
Sri Vishnu Slokam » Ashtapadis or Ashtapadi Lyrics in Sanskrit » English » Bengali » Gujarati » Malayalam » Odia » Telugu » Tamil