॥ Ashtapadi Telugu Lyrics ॥
॥ అష్టపదీ ॥
(రాగ భైరవ)
జయతి నిజఘోషభువి గోపమణిభూషణమ్ ।
యువతికలధౌతరతిజటితమవిదూషణమ్ ॥ ధ్రువపదమ్ ॥
వికచశరదమ్బురుహరుచిరముఖతోఽనిశమ్ ।
జిఘ్రతాదమలమధుమదశాలినీ భృశమ్ ॥ ౧ ॥
తరలదలసాపాఙ్గవిభ్రమభ్రామితమ్ ।
నిఃస్థిరీభవితుమిచ్ఛతు హృదితకామితమ్ ॥ ౨ ॥
మధురమృదుహాసకలితాధరచ్యుతరసమ్ ।
పిబతు రసనాఽపి ముహురుదితరతిలాలసమ్ ॥ ౩ ॥
అమృతమయశిశిరవచనేషు నవసూత్సుకమ్ ।
శ్రవణపుటయుగలమనుభవతు చిరసూత్సుకమ్ ॥ ౪ ॥
విపులవక్షస్థలే స్పర్శరసపూరితమ్ ।
తుఙ్గకుచకలశయుగమస్తు మదనేరితమ్ ॥ ౫ ॥
మృదితతమకాయదేవద్రుమాలమ్బితా ।
హర్షమతిశయితముపయాతు తనులతా ॥ ౬ ॥
పుష్పరసపుష్టపరపుష్టభృఙ్గీమయే ।
వసతిరపి భవతు మమ నిభృతకుఞ్జాలయే ॥ ౭ ॥
గీతమిదమేవమురుభావగర్భితపదమ్ ।
రోచయతు కృష్ణమిహ సరససమ్పదమ్ ॥ ౮ ॥
ఇతి శ్రీదేవకీనన్దనజీకృతాఽష్టపదీ సమాప్తా ।
– Chant Stotra in Other Languages –
Sri Vishnu Slokam » Ashtapadis or Ashtapadi Lyrics in Sanskrit » English » Bengali » Gujarati » Kannada » Malayalam » Odia » Tamil