॥ Asitha Krita Shiva Stotram Bengali Lyrics ॥
॥ শ্রীশিবস্তোত্রং অসিতকৃত ॥
শ্রীগণেশায় নমঃ ॥
অসিত উবাচ ।
জগদ্গুরো নমস্তুভ্যং শিবায় শিবদায় চ ।
যোগীন্দ্রাণাং চ যোগীন্দ্র গুরূণাং গুরবে নমঃ ॥ ১ ॥
মৃত্যোর্মৃত্যুস্বরূপেণ মৃত্যুসংসারখণ্ডন
মৃত্যোরীশ মৃত্যুবীজ মৃত্যুঞ্জয় নমোস্তু তে ॥ ২ ॥
কালরূপং কলয়তাং কালকালেশ কারণ ।
কালাদতীত কালস্থ কালকাল নমোস্তু তে ॥ ৩ ॥
গুণাতীত গুণাধার গুণবীজ গুণাত্মক ।
গুণীশ গুণিনাং বীজ গুণিনাং গুরবে নমঃ ॥ ৪ ॥
ব্রহ্মস্বরূপ ব্রহ্মজ্ঞ ব্রহ্মভাবে চ তৎপরঃ ।
ব্রহ্মবীজস্বরূপেণ ব্রহ্মবীজ নমোস্তু তে ॥ ৫ ॥
ইতি স্তুৎবা শিবং নৎবা পুরস্তস্থৌ মুনীশ্বরঃ ।
দীনবৎসাশ্রুনেত্রশ্চ পুলকাঞ্চিতবিগ্রহঃ ॥ ৬ ॥
অসিতেন কৃতং স্তোত্রং ভক্তিয়ুক্তশ্চ যঃ পঠেৎ ।
বর্ষমেকং হবিষ্যাশী শঙ্করস্য মহাত্মনঃ ॥ ৭ ॥
স লভেদ্বৈষ্ণবং পুত্রং জ্ঞানিনং চিরজীবিনম্ ।
ভবেদ্ধনাঢ্যো দুঃখী চ মূকো ভবতি পণ্ডিতঃ ॥ ৮ ॥
অভার্যো লভতে ভার্যাং সুশীলাং চ পতিব্রতাম্ ।
ইহ লোকে সুখং ভুক্ত্বা যাত্যন্তে শিবসন্নিধিম্ ॥ ৯ ॥
ইদং স্তোত্রং পুরা দত্তং ব্রহ্মণা চ প্রচেতসে ।
প্রচেতসা স্বপুত্রায়াসিতায় দত্তমুত্তমম্ ॥ ১০ ॥
ইতি শ্রীব্রহ্মবৈবর্তে মহাপুরাণে শ্রীকৃষ্ণজন্মখণ্ডে
অসিতকৃতশিবস্তোত্রং সম্পূর্ণম্ ॥
– Chant Stotra in Other Languages –
Asitha Krutha Shiva Stotram in Sanskrit – English – Bengali – Gujarati – Kannada – Malayalam – Odia – Telugu – Tamil