॥ Attala Sundara Ashtakam Bengali Lyrics ॥
॥ অট্টালসুন্দরাষ্টকম্ ॥
বিক্রমপাণ্ড্য উবাচ-
কল্যাণাচলকোদণ্ডকান্তদোর্দণ্ডমণ্ডিতম্ ।
কবলীকৃতসংসারং কলয়েঽট্টালসুন্দরম্ ॥ ১ ॥
কালকূটপ্রভাজালকল়ঙ্কীকৃতকন্ধরম্ ।
কলাধরং কলামৌল়িং কলয়েঽট্টালসুন্দরম্ ॥ ২ ॥
কালকালং কলাতীতং কলাবন্তং চ নিষ্কল়ম্ ।
কমলাপতিসংস্তুত্যং কলয়েঽট্টালসুন্দরম্ ॥ ৩ ॥
কান্তার্ধং কমনীয়াঙ্গং করুণামৃতসাগরম্ ।
কলিকল্মষদোষঘ্নং কলয়েঽট্টালসুন্দরম্ ॥ ৪ ॥
কদম্বকাননাধীশং কাংক্ষিতার্থসুরদ্রুমম্ ।
কামশাসনমীশানং কলয়েঽট্টালসুন্দরম্ ॥ ৫ ॥
সৃষ্টানি মায়য়া য়েন ব্রহ্মাণ্ডানি বহূনি চ ।
রক্ষিতানি হতান্যন্তে কলয়েঽট্টালসুন্দরম্ ॥ ৬ ॥
স্বভক্তজনসংতাপ পাপাপদ্মঙ্গতত্পরম্ ।
কারণং সর্বজগতাং কলয়েঽট্টালসুন্দরম্ ॥ ৭ ॥
কুলশেখরবংশোত্থভূপানাং কুলদৈবতম্ ।
পরিপূর্ণং চিদানন্দং কলয়েঽট্টালসুন্দরম্ ॥ ৮ ॥
অট্টালবীরশ্রীশংভোরষ্টকং বরমিষ্টদম্ ।
পঠতাং শৃণ্বতাং সদ্যস্তনোতু পরমাং শ্রিয়ম্ ॥ ৯ ॥
॥ ইতি শ্রীহালাস্যমাহাত্ম্যে বিক্রমপাণ্ড্যকৃতং অট্টালসুন্দরাষ্টকম্ ॥
– Chant Stotra in Other Languages –
Lord Shiva Slokam » Attala Sundara Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil