॥ Avadhutashtakam Odia Lyrics ॥
॥ ଅଵଧୂତାଷ୍ଟକଂ ସ୍ଵାମୀଶୁକଦେଵସ୍ତୁତିଃ ଚ ॥
ଶ୍ରୀ ପରମାତ୍ମନେ ନମଃ ॥
ଅଥ ପରମହଂସ ଶିରୋମଣି-ଅଵଧୂତ-ଶ୍ରୀସ୍ଵାମୀଶୁକଦେଵସ୍ତୁତିଃ
ନିର୍ଵାସନଂ ନିରାକାଙ୍କ୍ଷଂ ସର୍ଵଦୋଷଵିଵର୍ଜିତମ୍ ।
ନିରାଲମ୍ବଂ ନିରାତଙ୍କଂ ହ୍ୟଵଧୂତଂ ନମାମ୍ୟହମ୍ ॥ ୧ ॥
ନିର୍ମମଂ ନିରହଙ୍କାରଂ ସମଲୋଷ୍ଟାଶ୍ମକାଞ୍ଚନମ୍ ।
ସମଦୁଃଖସୁଖଂ ଧୀରଂ ହ୍ୟଵଧୂତଂ ନମାମ୍ୟହମ୍ ॥ ୨ ॥
ଅଵିନାଶିନମାତ୍ମାନଂ ହ୍ୟେକଂ ଵିଜ୍ଞାୟ ତତ୍ଵତଃ ।
ଵୀତରାଗଭୟକ୍ରୋଧଂ ହ୍ୟଵଧୂତଂ ନମାମ୍ୟହମ୍ ॥ ୩ ॥
ନାହଂ ଦେହୋ ନ ମେ ଦେହୋ ଜୀଵୋ ନାହମହଂ ହି ଚିତ୍ ।
ଏଵଂ ଵିଜ୍ଞାୟ ସନ୍ତୁଷ୍ଟମ୍ ହ୍ୟଵଧୂତଂ ନମାମ୍ୟହମ୍ ॥ ୪ ॥
ସମସ୍ତଂ କଲ୍ପନାମାତ୍ରଂ ହ୍ୟାତ୍ମା ମୁକ୍ତଃ ସନାତନଃ ।
ଇତି ଵିଜ୍ଞାୟ ସନ୍ତୁଷ୍ଟଂ ହ୍ୟଵଧୂତଂ ନମାମ୍ୟହମ୍ ॥ ୫ ॥
ଜ୍ଞାନାଗ୍ନିଦଗ୍ଧକର୍ମାଣଂ କାମସଙ୍କଲ୍ପଵର୍ଜିତମ୍ ।
ହେୟୋପାଦେୟହୀନଂ ତଂ ହ୍ୟଵଧୂତଂ ନମାମ୍ୟହମ୍ ॥ ୬ ॥
ଵ୍ୟାମୋହମାତ୍ରଵିରତୌ ସ୍ଵରୂପାଦାନମାତ୍ରତଃ ।
ଵୀତଶୋକଂ ନିରାୟାସଂ ହ୍ୟଵଧୂତଂ ନମାମ୍ୟହମ୍ ॥ ୭ ॥
ଆତ୍ମା ବ୍ରହ୍ମେତି ନିଶ୍ଚିତ୍ୟ ଭାଵାଭାଵୌ ଚ କଲ୍ପିତୌ ।
ଉଦାସୀନଂ ସୁଖାସୀନଂ ହ୍ୟଵଧୂତଂ ନମାମ୍ୟହମ୍ ॥ ୮ ॥
ସ୍ଵଭାଵେନୈଵ ୟୋ ୟୋଗୀ ସୁଖଂ ଭୋଗଂ ନ ଵାଞ୍ଛତି ।
ୟଦୃଚ୍ଛାଲାଭସନ୍ତୁଷ୍ଟଂ ହ୍ୟଵଧୂତଂ ନମାମ୍ୟହମ୍ ॥ ୯ ॥
ନୈଵ ନିନ୍ଦାପ୍ରଶଂସାଭ୍ୟାଂ ୟସ୍ୟ ଵିକ୍ରିୟତେ ମନଃ ।
ଆତ୍ମକ୍ରୀଡଂ ମହାତ୍ମାନଂ ହ୍ୟଵଧୂତଂ ନମାମ୍ୟହମ୍ ॥ ୧୦ ॥
ନିତ୍ୟଂ ଜାଗ୍ରଦଵସ୍ଥାୟାଂ ସ୍ଵପ୍ନଵଦ୍ୟୋଽଵତିଷ୍ଠତେ ।
ନିଶ୍ଚିନ୍ତଂ ଚିନ୍ମୟାତ୍ମାନଂ ହ୍ୟଵଧୂତଂ ନମାମ୍ୟହମ୍ ॥ ୧୧ ॥
ଦ୍ଵେଷ୍ୟଂ ନାସ୍ତି ପ୍ରିୟଂ ନାସ୍ତି ନାସ୍ତି ୟସ୍ୟ ଶୁଭାଶୁଭମ୍ ।
ଭେଦଜ୍ଞାନଵିହୀନଂ ତଂ ହ୍ୟଵଧୂତଂ ନମାମ୍ୟହମ୍ ॥ ୧୨ ॥
ଜଡଂ ପଶ୍ୟତି ନୋ ୟସ୍ତୁ ଜଗତ୍ ପଶ୍ୟତି ଚିନ୍ମୟମ୍ ।
ନିତ୍ୟୟୁକ୍ତଂ ଗୁଣାତୀତଂ ହ୍ୟଵଧୂତଂ ନମାମ୍ୟହମ୍ ॥ ୧୩ ॥
ୟୋ ହି ଦର୍ଶନମାତ୍ରେଣ ପଵତେ ଭୁଵନତ୍ରୟମ୍ ।
ପାଵନଂ ଜଙ୍ଗମଂ ତୀର୍ଥଂ ହ୍ୟଵଧୂତଂ ନମାମ୍ୟହମ୍ ॥ ୧୪ ॥
ନିଷ୍କଲଂ ନିଷ୍କ୍ରିୟଂ ଶାନ୍ତଂ ନିର୍ମଲଂ ପରମାମୃତମ୍ ।
ଅନନ୍ତଂ ଜଗଦାଧାରଂ ହ୍ୟଵଧୂତଂ ନମାମ୍ୟହମ୍ ॥ ୧୫ ॥
॥ ଇତି ଅଵଧୂତାଷ୍ଟକଂ ସମାପ୍ତମ୍ ॥
– Chant Stotra in Other Languages –
Avadhutashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil