॥ Bala Mukundashtakam Gujarati Lyrics ॥
॥ બાલમુકુન્દાષ્ટકં ॥
કરારવિન્દેન પદારવિન્દં મુખારવિન્દે વિનિવેશયન્તમ્ ।
વટસ્ય પત્રસ્ય પુટે શયાનં બાલં મુકુન્દં મનસા સ્મરામિ ॥ ૧ ॥
સંહૃત્ય લોકાન્વટપત્રમધ્યે શયાનમાદ્યન્તવિહીનરૂપમ્ ।
સર્વેશ્વરં સર્વહિતાવતારં બાલં મુકુન્દં મનસા સ્મરામિ ॥ ૨ ॥
ઇન્દીવરશ્યામલકોમલાઙ્ગં ઇન્દ્રાદિદેવાર્ચિતપાદપદ્મમ્ ।
સન્તાનકલ્પદ્રુમમાશ્રિતાનાં બાલં મુકુન્દં મનસા સ્મરામિ ॥ ૩ ॥
લમ્બાલકં લમ્બિતહારયષ્ટિં શૃઙ્ગારલીલાઙ્કિતદન્તપઙ્ક્તિમ્ ।
બિંબાધરં ચારુવિશાલનેત્રં બાલં મુકુન્દં મનસા સ્મરામિ ॥ ૪ ॥
શિક્યે નિધાયાદ્યપયોદધીનિ બહિર્ગતાયાં વ્રજનાયિકાયામ્ ।
ભુક્ત્વા યથેષ્ટં કપટેન સુપ્તં બાલં મુકુન્દં મનસા સ્મરામિ ॥ ૫ ॥
કલિન્દજાન્તસ્થિતકાલિયસ્ય ફણાગ્રરઙ્ગે નટનપ્રિયન્તમ્ ।
તત્પુચ્છહસ્તં શરદિન્દુવક્ત્રં બાલં મુકુન્દં મનસા સ્મરામિ ॥ ૬ ॥
ઉલૂખલે બદ્ધમુદારશૌર્યં ઉત્તુઙ્ગયુગ્માર્જુન ભઙ્ગલીલમ્ ।
ઉત્ફુલ્લપદ્માયત ચારુનેત્રં બાલં મુકુન્દં મનસા સ્મરામિ ॥ ૭ ॥
આલોક્ય માતુર્મુખમાદરેણ સ્તન્યં પિબન્તં સરસીરુહાક્ષમ્ ।
સચ્ચિન્મયં દેવમનન્તરૂપં બાલં મુકુન્દં મનસા સ્મરામિ ॥ ૮ ॥
॥ ઇતિ બાલમુકુન્દાષ્ટકમ્ સમ્પૂર્ણમ્ ॥
શ્રીકૃષ્ણકરણામૃતાન્તર્ગતમ્
કરારવિન્દેન પદારવિન્દં મુખારવિન્દે વિનિવેશયન્તમ્ ।
વટસ્ય પત્રસ્ય પુટે શયાનં બાલં મુકુન્દં મનસા સ્મરામિ ॥ ૨.૫૭ ॥
આકુઞ્ચિતં જાનુ કરં ચ વામં ન્યસ્ય ક્ષિતૌ દક્ષિણહસ્તપદ્મે ।
આલોકયન્તં નવનીતખણ્ડં બાલં મુકુન્દં મનસા સ્મરામિ ॥ ૩.૯૨ ॥
– Chant Stotra in Other Languages –
Sri Krishna Slokam » Bala Mukundashtakam Lyrics in Sanskrit » English » Bengali » Kannada » Malayalam » Odia » Telugu » Tamil