॥ Bhaja Govindam Slokam Malayalam Lyrics ॥
ഭജ ഗോവിന്ദം ഭജ ഗോവിന്ദം
ഗോവിന്ദം ഭജ മൂഢമതേ ।
സംപ്രാപ്തേ സന്നിഹിതേ കാലേ
നഹി നഹി രക്ഷതി ഡുക്രിങ്കരണേ ॥ 1 ॥
മൂഢ ജഹീഹി ധനാഗമതൃഷ്ണാം
കുരു സദ്ബുദ്ധിമ് മനസി വിതൃഷ്ണാമ് ।
യല്ലഭസേ നിജ കര്മോപാത്തം
വിത്തം തേന വിനോദയ ചിത്തമ് ॥ 2 ॥
നാരീ സ്തനഭര നാഭീദേശം
ദൃഷ്ട്വാ മാ ഗാ മോഹാവേശമ് ।
ഏതന്മാംസ വസാദി വികാരം
മനസി വിചിന്തയാ വാരം വാരമ് ॥ 3 ॥
നളിനീ ദളഗത ജലമതി തരളം
തദ്വജ്ജീവിത മതിശയ ചപലമ് ।
വിദ്ധി വ്യാധ്യഭിമാന ഗ്രസ്തം
ലോകം ശോകഹതം ച സമസ്തമ് ॥ 4 ॥
യാവദ്-വിത്തോപാര്ജന സക്തഃ
താവന്-നിജപരിവാരോ രക്തഃ ।
പശ്ചാജ്ജീവതി ജര്ജര ദേഹേ
വാര്താം കോஉപി ന പൃച്ഛതി ഗേഹേ ॥ 5 ॥
യാവത്-പവനോ നിവസതി ദേഹേ
താവത്-പൃച്ഛതി കുശലം ഗേഹേ ।
ഗതവതി വായൗ ദേഹാപായേ
ഭാര്യാ ബിഭ്യതി തസ്മിന് കായേ ॥ 6 ॥
ബാല സ്താവത് ക്രീഡാസക്തഃ
തരുണ സ്താവത് തരുണീസക്തഃ ।
വൃദ്ധ സ്താവത്-ചിന്താമഗ്നഃ
പരമേ ബ്രഹ്മണി കോஉപി ന ലഗ്നഃ ॥ 7 ॥
കാ തേ കാന്താ കസ്തേ പുത്രഃ
സംസാരോஉയമതീവ വിചിത്രഃ ।
കസ്യ ത്വം വാ കുത ആയാതഃ
തത്വം ചിന്തയ തദിഹ ഭ്രാതഃ ॥ 8 ॥
സത്സങ്ഗത്വേ നിസ്സങ്ഗത്വം
നിസ്സങ്ഗത്വേ നിര്മോഹത്വമ് ।
നിര്മോഹത്വേ നിശ്ചലതത്ത്വം
നിശ്ചലതത്ത്വേ ജീവന്മുക്തിഃ ॥ 9 ॥
വയസി ഗതേ കഃ കാമവികാരഃ
ശുഷ്കേ നീരേ കഃ കാസാരഃ ।
ക്ഷീണേ വിത്തേ കഃ പരിവാരഃ
ജ്ഞാതേ തത്ത്വേ കഃ സംസാരഃ ॥ 10 ॥
മാ കുരു ധനജന യൗവന ഗര്വം
ഹരതി നിമേഷാത്-കാലഃ സര്വമ് ।
മായാമയമിദമ്-അഖിലം ഹിത്വാ
ബ്രഹ്മപദം ത്വം പ്രവിശ വിദിത്വാ ॥ 11 ॥
ദിന യാമിന്യൗ സായം പ്രാതഃ
ശിശിര വസന്തൗ പുനരായാതഃ ।
കാലഃ ക്രീഡതി ഗച്ഛത്യായുഃ
തദപി ന മുഞ്ചത്യാശാവായുഃ ॥ 12 ॥
ദ്വാദശ മംജരികാഭിര ശേഷഃ
കഥിതോ വൈയാ കരണസ്യൈഷഃ ।
ഉപദേശോ ഭൂദ്-വിദ്യാ നിപുണൈഃ
ശ്രീമച്ഛംകര ഭഗവച്ഛരണൈഃ ॥ 13 ॥
കാ തേ കാന്താ ധന ഗത ചിന്താ
വാതുല കിം തവ നാസ്തി നിയന്താ ।
ത്രിജഗതി സജ്ജന സങ്ഗതിരേകാ
ഭവതി ഭവാര്ണവ തരണേ നൗകാ ॥ 14 ॥
ജടിലോ മുണ്ഡീ ലുഞ്ജിത കേശഃ
കാഷായാന്ബര ബഹുകൃത വേഷഃ ।
പശ്യന്നപി ച ന പശ്യതി മൂഢഃ
ഉദര നിമിത്തം ബഹുകൃത വേഷഃ ॥ 15 ॥
അങ്ഗം ഗലിതം പലിതം മുണ്ഡം
ദശന വിഹീനം ജാതം തുണ്ഡമ് ।
വൃദ്ധോ യാതി ഗൃഹീത്വാ ദണ്ഡം
തദപി ന മുഞ്ചത്യാശാ പിണ്ഡമ് ॥ 16 ॥
അഗ്രേ വഹ്നിഃ പൃഷ്ഠേ ഭാനുഃ
രാത്രൗ ചുബുക സമര്പിത ജാനുഃ ।
കരതല ഭിക്ഷസ്-തരുതല വാസഃ
തദപി ന മുഞ്ചത്യാശാ പാശഃ ॥ 17 ॥
കുരുതേ ഗങ്ഗാ സാഗര ഗമനം
വ്രത പരിപാലനമ്-അഥവാ ദാനമ് ।
ജ്ഞാന വിഹീനഃ സര്വമതേന
ഭജതി ന മുക്തിം ജന്മ ശതേന ॥ 18 ॥
സുരമന്ദിര തരു മൂല നിവാസഃ
ശയ്യാ ഭൂതലമ്-അജിനം വാസഃ ।
സര്വ പരിഗ്രഹ ഭോഗത്യാഗഃ
കസ്യ സുഖം ന കരോതി വിരാഗഃ ॥ 19 ॥
യോഗരതോ വാ ഭോഗരതോ വാ
സങ്ഗരതോ വാ സങ്ഗവിഹീനഃ ।
യസ്യ ബ്രഹ്മണി രമതേ ചിത്തം
നന്ദതി നന്ദതി നന്ദത്യേവ ॥ 20 ॥
ഭഗവദ്ഗീതാ കിഞ്ചിദധീതാ
ഗങ്ഗാ ജലലവ കണികാ പീതാ ।
സകൃദപി യേന മുരാരീ സമര്ചാ
ക്രിയതേ തസ്യ യമേന ന ചര്ചാ ॥ 21 ॥
പുനരപി ജനനം പുനരപി മരണം
പുനരപി ജനനീ ജഠരേ ശയനമ് ।
ഇഹ സംസാരേ ബഹു ദുസ്താരേ
കൃപയാஉപാരേ പാഹി മുരാരേ ॥ 22 ॥
രഥ്യാ ചര്പട വിരചിത കന്ഥഃ
പുണ്യാപുണ്യ വിവര്ജിത പന്ഥഃ ।
യോഗീ യോഗ നിയോജിത ചിത്തഃ
രമതേ ബാലോന്മത്തവദേവ ॥ 23 ॥
കസ്ത്വം കോஉഹം കുത ആയാതഃ
കാ മേ ജനനീ കോ മേ താതഃ ।
ഇതി പരിഭാവയ നിജ സംസാരം
സര്വം ത്യക്ത്വാ സ്വപ്ന വിചാരമ് ॥ 24 ॥
ത്വയി മയി സര്വത്രൈകോ വിഷ്ണുഃ
വ്യര്ഥം കുപ്യസി മയ്യസഹിഷ്ണുഃ ।
ഭവ സമചിത്തഃ സര്വത്ര ത്വം
വാഞ്ഛസ്യചിരാദ്-യദി വിഷ്ണുത്വമ് ॥ 25 ॥
ശത്രൗ മിത്രേ പുത്രേ ബംധൗ
മാ കുരു യത്നം വിഗ്രഹ സന്ധൗ ।
സര്വസ്മിന്നപി പശ്യാത്മാനം
സര്വത്രോത്-സൃജ ഭേദാജ്ഞാനമ് ॥ 26 ॥
കാമം ക്രോധം ലോഭം മോഹം
ത്യക്ത്വാஉஉത്മാനം പശ്യതി സോஉഹമ് ।
ആത്മജ്ഞ്നാന വിഹീനാ മൂഢാഃ
തേ പച്യന്തേ നരക നിഗൂഢാഃ ॥ 27 ॥
ഗേയം ഗീതാ നാമ സഹസ്രം
ധ്യേയം ശ്രീപതി രൂപമ്-അജസ്രമ് ।
നേയം സജ്ജന സങ്ഗേ ചിത്തം
ദേയം ദീനജനായ ച വിത്തമ് ॥ 28 ॥
സുഖതഃ ക്രിയതേ രാമാഭോഗഃ
പശ്ചാദ്ധന്ത ശരീരേ രോഗഃ ।
യദ്യപി ലോകേ മരണം ശരണം
തദപി ന മുഞ്ചതി പാപാചരണമ് ॥ 29 ॥
അര്ഥമനര്ഥം ഭാവയ നിത്യം
നാസ്തി തതഃ സുഖ ലേശഃ സത്യമ് ।
പുത്രാദപി ധനഭാജാം ഭീതിഃ
സര്വത്രൈഷാ വിഹിതാ രീതിഃ ॥ 30 ॥
പ്രാണായാമം പ്രത്യാഹാരം
നിത്യാനിത്യ വിവേക വിചാരമ് ।
ജാപ്യസമേത സമാധി വിധാനം
കുര്വ വധാനം മഹദ്-അവധാനമ് ॥ 31 ॥
ഗുരു ചരണാമ്ഭുജ നിര്ഭരഭക്തഃ
സംസാരാദ്-അചിരാദ്-ഭവ മുക്തഃ ।
സേന്ദിയ മാനസ നിയമാദേവം
ദ്രക്ഷ്യസി നിജ ഹൃദയസ്ഥം ദേവമ് ॥ 32 ॥
മൂഢഃ കശ്ചിന വൈയാകരണോ
ഡുകൃണ്കരണാധ്യയന ധുരീണഃ ।
ശ്രീമച്ഛംകര ഭഗവച്ചിഷ്യൈഃ
ബോധിത ആസീച്ഛോദിത കരണൈഃ ॥ 33 ॥
– Chant Stotra in Other Languages –
Sri Vishnu Slokam » Bhaja Govindam Slokam Lyrics in Sanskrit » English » Bengali » Kannada » Telugu » Tamil