॥ Bhavabandha Muktya Ashtakam Malayalam Lyrics ॥
॥ ഭവബന്ധമുക്ത്യഷ്ടകം ॥
ഏകം ദ്വിതീയരഹിതം സദബാധിതം ച
സച്ചിത്സ്വരൂപമിതി യച്ഛ്രുതിശീര്‍ഷപൂഗൈഃ ।
ജേഗീയതേ സകലലോകവിവര്‍തഭൂതം
തദ്ഭാവയാമി സതതം ഭവബന്ധമുക്ത്യൈ ॥ 1 ॥
അന്നാസുമാനസമുഖപ്രകൃതീഞ്ജഗാദ
കോശാന്‍ഛ്രുതിര്യദവബോധകൃതേഽത്ര പഞ്ച ।
സര്‍വാന്തരം ഭൃഗുമുനിപ്രവരേണ ദൃഷ്ടം
തദ്ഭാവയാമി സതതം ഭവബന്ധമുക്ത്യൈ ॥ 2 ॥
ആനാശകേന തപസാ ബഹുദക്ഷിണേന
യജ്ഞേന ദാനനിചയാച്ഛ്രുതിപാഠതശ്ച ।
ഇച്ഛന്തി വേത്തുമിഹ യദ്ധരണീസുരാഗ്ര്യാ-
സ്തദ്ഭാവയാമി സതതം ഭവബന്ധമുക്ത്യൈ ॥ 3 ॥
കശ്ചിദ്വിപശ്ചിദിഹ സംസൃതിസൌഖ്യവാഞ്ഛാം
സന്ത്യജ്യ സദ്ഗുരുമുപേത്യ കൃപാപയോഽബ്ധിം ।
വിജ്ഞായ തദ്വചനതഃ ഖലു മോദതേ യ-
ത്തദ്ഭാവയാമി സതതം ഭവബന്ധമുക്ത്യൈ ॥ 4 ॥
പ്രാണാന്നിയംയ തു മനോ ഹൃദയാരവിന്ദേ
ഭ്രൂഗഹ്വരേ ശിരസി വാ പ്രണിധായ സംയക് ।
ധ്യായന്തി യത്പരഗുരോര്‍വചനാനുസാരാ-
ത്തദ്ഭാവയാമി സതതം ഭവബന്ധമുക്ത്യൈ ॥ 5 ॥
യജ്ജാഗ്രദാദിസമയേ ധൃതവിശ്വമുഖ്യ-
നാമാതനോതി ബഹിരന്തരവസ്തുസേവാം ।
സുപ്താവബോധസഹിതസ്യ സുഖസ്യ ഭോക്തൃ
തദ്ഭാവയാമി സതതം ഭവബന്ധമുക്ത്യൈ ॥ 6 ॥
വാഗാദയഃസ്വവിഷയേഷു ചരന്തി യേന
സഞ്ചോദിതാഃ പ്രഭുവരേണ യഥാ സുഭൃത്യാഃ ।
തത്സര്‍വകാര്യകരണവ്യവഹാരസാക്ഷി
സഞ്ചിന്തയാമി സതതം ഭവബന്ധമുക്ത്യൈ ॥ 7 ॥
സംന്യസ്യ കര്‍മനിചയം ച തദങ്ഗഭൂതം
സൂത്രം ശിഖാം ച പുനരപ്യബലാദിരാഗം ।
ബോധായ യസ്യ യതതേ പരിശുദ്ധചിത്ത-
സ്തദ്ഭാവയാമി സതതം ഭവബന്ധമുക്ത്യൈ ॥ 8 ॥
പദ്യാഷ്ടകം പഠതി യോഽര്‍ഥവിബോധപൂര്‍വം
സഞ്ചിന്തയന്നനുദിനം പ്രതിപാദ്യവസ്തും ।
ഭക്ത്യാ യുതഃ കലുഷദൂരനിജാന്തരങ്ഗ-
സ്തസ്യാചിരാദ്ധി ഭവിതാ ഭവബന്ധമുക്തിഃ ॥ 9 ॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ഭവബന്ധമുക്ത്യഷ്ടകം സമ്പൂര്‍ണം ।
– Chant Stotra in Other Languages –
Bhavabandha Muktya Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil