॥ Bodhya Geetaa Bengali Lyrics ॥
॥ বোধ্যগীতা ॥
ভীম উবাচ ।
অত্রাপ্যুদাহরন্তীমমিতিহাসং পুরাতনম্ ।
গীতং বিদেহরাজেন জনকেন প্রশাম্যতা ॥ ১ ॥
অনন্তং বত মে বিত্তং যস্য মে নাস্তি কিং চন ।
মিথিলায়াং প্রদীপ্তায়াং ন মে দহ্যতি কিং চন ॥ ২ ॥
অত্রৈবোদাহরন্তীমং বোধ্যস্য পদসঞ্চয়ম্ ।
নির্বেদং প্রতি বিন্যস্তং প্রতিবোধ যুধিষ্ঠির ॥ ৩ ॥
বোধ্যং দান্তমৃষিং রাজা নহুষঃ পর্যপৃচ্ছত ।
নির্বেদাচ্ছান্তিমাপন্নং শান্তং প্রজ্ঞান তর্পিতম্ ॥ ৪ ॥
উপদেশং মহাপ্রাজ্ঞ শমস্যোপদিশস্ব মে ।
কাং বুদ্ধিং সমনুধ্যায় শান্তশ্চরসি নির্বৃতঃ ॥ ৫ ॥
বোধ্য উবাচ ।
উপদেশেন বর্তামি নানুশাস্মীহ কঞ্চন ।
লক্ষণং তস্য বক্ষ্যেঽহং তৎস্বয়ং পরিমৃশ্যতাম্ ॥ ৬ ॥
পিঙ্গলা কুররঃ সর্পঃ সারঙ্গান্বেষণং বনে ।
ইষুকারঃ কুমারী চ ষডেতে গুরবো মম ॥ ৭ ॥
ভীম উবাচ ।
আশা বলবতী রাজন্নৈরাশ্যং পরমং সুখম্ ।
আশাং নিরাশাং কৃৎবা তু সুখং স্বপিতি পিঙ্গলা ॥ ৮ ॥
সামিষং কুররং দৃষ্ট্বা বধ্যমানং নিরামিষৈঃ ।
আমিষস্য পরিত্যাগাৎ কুররঃ সুখমেধতে ॥ ৯ ॥
গৃহারম্ভো হি দুঃখায় ন সুখায় কদাচন ।
সর্পঃ পরকৃতং বেশ্ম প্রবিশ্য সুখমেধতে ॥ ১০ ॥
সুখং জীবন্তি মুনয়ো ভৈক্ষ্যবৃত্তিং সমাশ্রিতাঃ ।
অদ্রোহেনৈব ভূতানাং সারঙ্গা ইব পক্ষিণঃ ॥ ১১ ॥
ইষুকারো নরঃ কশ্চিদিষাবাসক্তমানসঃ ।
সমীপেনাপি গচ্ছন্তং রাজানং নাববুদ্ধবান্ ॥ ১২ ॥
বহূনাং কলহো নিত্যং দ্বয়োঃ সংকথনং ভবেৎ ।
একাকী বিচরিষ্যামি কুমারীশংখকো যথা ॥ ১৩ ॥
ইতি বোদ্ধ্যগীতা সমাপ্তা ॥
– Chant Stotra in Other Languages –
Bodhya Gita in Sanskrit – English – Bengali – Gujarati – Kannada – Malayalam – Odia – Telugu – Tamil