॥ Bodhya Geetaa Odia Lyrics ॥
॥ ବୋଧ୍ୟଗୀତା ॥
ଭୀମ ଉବାଚ ।
ଅତ୍ରାପ୍ୟୁଦାହରନ୍ତୀମମିତିହାସଂ ପୁରାତନମ୍ ।
ଗୀତଂ ବିଦେହରାଜେନ ଜନକେନ ପ୍ରଶାମ୍ୟତା ॥ ୧ ॥
ଅନନ୍ତଂ ବତ ମେ ବିତ୍ତଂ ଯସ୍ୟ ମେ ନାସ୍ତି କିଂ ଚନ ।
ମିଥିଲାୟାଂ ପ୍ରଦୀପ୍ତାୟାଂ ନ ମେ ଦହ୍ୟତି କିଂ ଚନ ॥ ୨ ॥
ଅତ୍ରୈବୋଦାହରନ୍ତୀମଂ ବୋଧ୍ୟସ୍ୟ ପଦସଞ୍ଚୟମ୍ ।
ନିର୍ୱେଦଂ ପ୍ରତି ବିନ୍ୟସ୍ତଂ ପ୍ରତିବୋଧ ଯୁଧିଷ୍ଠିର ॥ ୩ ॥
ବୋଧ୍ୟଂ ଦାନ୍ତମୃଷିଂ ରାଜା ନହୁଷଃ ପର୍ୟପୃଚ୍ଛତ ।
ନିର୍ୱେଦାଚ୍ଛାନ୍ତିମାପନ୍ନଂ ଶାନ୍ତଂ ପ୍ରଜ୍ଞାନ ତର୍ପିତମ୍ ॥ ୪ ॥
ଉପଦେଶଂ ମହାପ୍ରାଜ୍ଞ ଶମସ୍ୟୋପଦିଶସ୍ୱ ମେ ।
କାଂ ବୁଦ୍ଧିଂ ସମନୁଧ୍ୟାୟ ଶାନ୍ତଶ୍ଚରସି ନିର୍ୱୃତଃ ॥ ୫ ॥
ବୋଧ୍ୟ ଉବାଚ ।
ଉପଦେଶେନ ବର୍ତାମି ନାନୁଶାସ୍ମୀହ କଞ୍ଚନ ।
ଲକ୍ଷଣଂ ତସ୍ୟ ବକ୍ଷ୍ୟେଽହଂ ତତ୍ସ୍ୱୟଂ ପରିମୃଶ୍ୟତାମ୍ ॥ ୬ ॥
ପିଙ୍ଗଲା କୁରରଃ ସର୍ପଃ ସାରଙ୍ଗାନ୍ୱେଷଣଂ ବନେ ।
ଇଷୁକାରଃ କୁମାରୀ ଚ ଷଡେତେ ଗୁରବୋ ମମ ॥ ୭ ॥
ଭୀମ ଉବାଚ ।
ଆଶା ବଲବତୀ ରାଜନ୍ନୈରାଶ୍ୟଂ ପରମଂ ସୁଖମ୍ ।
ଆଶାଂ ନିରାଶାଂ କୃତ୍ୱା ତୁ ସୁଖଂ ସ୍ୱପିତି ପିଙ୍ଗଲା ॥ ୮ ॥
ସାମିଷଂ କୁରରଂ ଦୃଷ୍ଟ୍ୱା ବଧ୍ୟମାନଂ ନିରାମିଷୈଃ ।
ଆମିଷସ୍ୟ ପରିତ୍ୟାଗାତ୍ କୁରରଃ ସୁଖମେଧତେ ॥ ୯ ॥
ଗୃହାରମ୍ଭୋ ହି ଦୁଃଖାୟ ନ ସୁଖାୟ କଦାଚନ ।
ସର୍ପଃ ପରକୃତଂ ବେଶ୍ମ ପ୍ରବିଶ୍ୟ ସୁଖମେଧତେ ॥ ୧୦ ॥
ସୁଖଂ ଜୀବନ୍ତି ମୁନୟୋ ଭୈକ୍ଷ୍ୟବୃତ୍ତିଂ ସମାଶ୍ରିତାଃ ।
ଅଦ୍ରୋହେନୈବ ଭୂତାନାଂ ସାରଙ୍ଗା ଇବ ପକ୍ଷିଣଃ ॥ ୧୧ ॥
ଇଷୁକାରୋ ନରଃ କଶ୍ଚିଦିଷାବାସକ୍ତମାନସଃ ।
ସମୀପେନାପି ଗଚ୍ଛନ୍ତଂ ରାଜାନଂ ନାବବୁଦ୍ଧବାନ୍ ॥ ୧୨ ॥
ବହୂନାଂ କଲହୋ ନିତ୍ୟଂ ଦ୍ୱୟୋଃ ସଂକଥନଂ ଭବେତ୍ ।
ଏକାକୀ ବିଚରିଷ୍ୟାମି କୁମାରୀଶଂଖକୋ ଯଥା ॥ ୧୩ ॥
ଇତି ବୋଦ୍ଧ୍ୟଗୀତା ସମାପ୍ତା ॥
– Chant Stotra in Other Languages –
Bodhya Gita in Sanskrit – English – Bengali – Gujarati – Kannada – Malayalam – Odia – Telugu – Tamil