॥ Chaitanya Ashtakam Malayalam Lyrics ॥
॥ ചൈതന്യാഷ്ടകം 1 ॥
അഥ ശ്രീചൈതന്യദേവസ്യ പ്രഥമാഷ്ടകം
സദോപാസ്യഃ ശ്രീമാന്‍ ധൃതമനുജകായൈഃ പ്രണയിതാം
വഹദ്ഭിര്‍ഗീര്‍വാണൈര്‍ഗിരിശപരമേഷ്ഠിപ്രഭൃതിഭിഃ ।
സ്വഭക്തേഭ്യഃ ശുദ്ധാം നിജഭജനമുദ്രാമുപദിശന്‍
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 1 ॥
സുരേശാനാം ദുര്‍ഗം ഗതിരതിശയേനോപനിഷദാം
മുനീനാം സര്‍വസ്വം പ്രണതപടലീനാം മധുരിമാ ।
വിനിര്യാസഃ പ്രേംണോ നിഖിലപശുപാലാംബുജദൃശാം
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 2 ॥
സ്വരൂപം ബിഭ്രാണോ ജഗദതുലമദ്വൈതദയിതഃ
പ്രപന്നശ്രീവാസോ ജനിതപരമാനന്ദഗരിമാ ।
ഹരിര്‍ദീനോദ്ധാരീ ഗജപതികൃപോത്സേകതരലഃ
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 3 ॥
രസോദ്ദാമാ കാമാര്‍ബുദമധുരധാമോജ്ജ്വലതനു-
ര്യതീനാമുത്തംസസ്തരണികരവിദ്യോതിവസനഃ
ഹിരണ്യാനാം ലക്ഷ്മീഭരമഭിഭവന്ന്‍ ആങ്ഗികരുചാ
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 4 ॥
ഹരേ കൃഷ്ണേത്യുച്ചൈഃ സ്ഫുരിതരസനോ നാമഗണനാ
കൃതഗ്രന്ഥിശ്രേണീസുഭഗകടിസൂത്രോജ്ജ്വലകരഃ ।
വിശാലാക്ഷോ ദീര്‍ഘാര്‍ഗലയുഗലഖേലാഞ്ചിതഭുജഃ
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 5 ॥
പയോരാശേസ്തീരേ സ്ഫുരദുപവനാലീകലനയാ
മുഹുര്‍വൃന്ദാരണ്യസ്മരണജനിതപ്രേമവിവശഃ ।
ക്വചിത് കൃഷ്ണാവൃത്തിപ്രചലരസനോഭക്തിരസികഃ
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 6 ॥
രഥാരൂഢസ്യാരാദധിപദവി നീലാചലപതേ-
രദഭ്രപ്രേമോര്‍മിസ്ഫുരിതനടനോല്ലാസവിവശഃ ।
സഹര്‍ഷം ഗായദ്ഭിഃ പരിവൃതതനുര്‍വൈഷ്ണവജനൈഃ
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 7 ॥
ഭുവം സിഞ്ചന്നശ്രുശ്രുതിഭിരഭിതഃ സാന്ദ്രപുലകൈഃ
പരീതാങ്ഗോ നീപസ്തബകനവകിഞ്ജല്‍കജയിഭിഃ ।
ഘനസ്വേദസ്തോമസ്തിമിതതനുരുത്കീര്‍തനസുഖീ
സ ചൈതന്യഃ കിം മേ പുനരപി ദൃശോര്യാസ്യതി പദം ॥ 8 ॥
അധീതേ ഗൌരാങ്ഗസ്മരണപദവീമങ്ഗലതരം
കൃതീ യോ വിശ്രംഭസ്ഫുരദമലധീരഷ്ടകമിദം ।
പരാനന്ദേ സദ്യസ്തദമലപദാംഭോജയുഗലേ
പരിസ്ഫാരാ തസ്യ സ്ഫുരതു നിതരാം പ്രേമലഹരീ ॥ 9 ॥
ഇതി ശ്രീരൂപഗോസ്വാമിവിരചിതസ്തവമാലായാം ചൈതന്യാഷ്ടകം പ്രഥമം സമ്പൂര്‍ണം ।
– Chant Stotra in Other Languages –
Sri Krishna Slokam » Chaitanya Ashtakam 1 Lyrics in Sanskrit » English » Bengali » Gujarati » Kannada » Odia » Telugu » Tamil