॥ Sri Shikshashtaka by Chaitanya Mahaprabhu Bengali Lyrics ॥
॥ শিক্ষাষ্টক (চৈতন্যমহাপ্রভু) ॥
শিক্ষাষ্টকং
চেতো-দর্পণ-মার্জনং ভব-মহা-দাবাগ্নি-নির্বাপণং
শ্রেয়ঃ-কৈরব-চন্দ্রিকা-বিতরণং বিদ্যা-বধূ-জীবনম্ ।
আনন্দ-অম্বুধি-বর্ধনং প্রতি-পদং পূর্ণামৃতাস্বাদনং
সর্বাত্মস্নপনং পরং বিজয়তে শ্রীকৃষ্ণ সংকীর্তনম্ ॥ ১ ॥
নাম্নাং অকারি বহুধা নিজ-সর্ব-শক্তিঃ
তত্রার্পিতা নিয়মিতঃ স্মরণে ন কালঃ ।
এতাদৃশী তব কৃপা ভগবন্-মমাপি
দুর্দৈবম্-ঈদৃশম্-ইহাজনি ন-অনুরাগঃ ॥ ২ ॥
তৃণাদপি সুনীচেন তরোরপি সহিষ্ণুনা ।
অমানিনা মানদেন কীর্তনীয়ঃ সদা হরিঃ ॥ ৩ ॥
ন-ধনং ন-জনং ন-সুন্দরীম্
কবিতাং বা জগদীশ কাময়ে ।
মম জন্মনি জন্মনি ঈশ্বরে
ভবতাদ্ ভক্তিঃ অহৈতুকী ত্বয়ি ॥ ৪ ॥
অয়ি নন্দ-তনূজ কিংকরম্
পতিতং মাং বিষমে-ভব-অম্বুধৌ ।
কৃপয়া তব পাদ-পংকজ-
স্থিত ধূলি-সদৃশং বিচিংতয় ॥ ৫ ॥
নয়নং গলদ্-অশ্রু-ধারয়া
বদনং গদ্গদ-রুদ্ধয়া গিরা ।
পুলকৈর্ নিচিতং বপুঃ কদা
তব নাম-গ্রহণে ভবিষ্যতি ॥ ৬ ॥
য়ুগায়িতং নিমেষেণ চক্ষুষা প্রাবৃষায়িতম্ ।
শূন্যায়িতং জগত্ সর্বং গোবিন্দ-বিরহেণ মে ॥ ৭ ॥
আশ্লিষ্য বা পাদ-রতাং পিনষ্টু
মাম্-অদর্শনান্ মর্ম-হতাং করোতু বা ।
য়থা তথা বা বিদধাতু লম্পটঃ
মত্-প্রাণ-নাথস্ তু স এব ন-অপরঃ ॥ ৮ ॥
– Chant Stotra in Other Languages –
Chaitanya Mahaprabhu’s Shikshashtaka Lyrics in Sanskrit » English » Gujarati » Kannada » Malayalam » Odia » Telugu » Tamil