॥ Deva Krita Shiva Stuti Sanskrit Lyrics ॥
॥ श्री शिव स्तुतिः (देव कृतम्) ॥
देवा ऊचुः –
नमस्सहस्रनेत्राय नमस्ते शूलपाणिने ।
नमः खट्वाङ्गहस्ताय नमस्ते दण्डधारिणे ॥ १ ॥
त्वं देवहुतभुग्ज्वाला कोटिभानुसमप्रभः ।
अदर्शने वयं देव मूढविज्ञानतोधुना ॥ २ ॥
नमस्त्रिनेत्रार्तिहराय शंभो
त्रिशूलपाणे विकृतास्यरूप ।
समस्त देवेश्वर शुद्धभाव
प्रसीद रुद्राऽच्युत सर्वभाव ॥ ३ ॥
भगास्य दन्तान्तक भीमरूप
प्रलम्ब भोगीन्द्र लुलुन्तकण्ठ ।
विशालदेहाच्युत नीलकण्ठ
प्रसीद विश्वेश्वर विश्वमूर्ते ॥ ४ ॥
भगाक्षि संस्फोटन दक्षकर्मा
गृहाण भागं मखतः प्रधानम् ।
प्रसीद देवेश्वर नीलकण्ठ
प्रपाहि नस्सर्वगुणोपपन्न ॥ ५ ॥
सीताङ्गरागा प्रतिपन्नमूर्ते
कपालधारिं-स्त्रिपुरघ्नदेव ।
प्रपाहि नस्सर्वभयेषु चैकं
उमापते पुष्करनालजन्म ॥ ६ ॥
पश्यामि ते देहगतां-त्सुरेश
सर्गारयोवेदवराननन्त ।
साङ्गन्सविद्यान् सपदक्रमाम्श्च
सर्वान्निलीनां-स्त्वयि देवदेव ॥ ७ ॥
भव शर्व महादेव पिनाकिन् रुद्र ते हर ।
नतास्स्म सर्वे विश्वेश त्राहिनः परमेश्वर ॥ ८ ॥
इत्थं स्तुतस्तदा देवैर्देवदेवो महेश्वरः ।
सन्तोषस्सर्वदेवानां वाक्यं चेदमुवाचह ॥ ९ ॥
इति श्रीवराहपुराणान्तर्गत देवकृत शिवस्तुतिः ।
– Chant Stotra in Other Languages –
Deva Krita Shiva Stuti in Sanskrit – English – Kannada – Telugu – Tamil