॥ Devi Bhagavatam’s Gayatri Sahasranama Stotram Bengali Lyrics ॥
॥ শ্রীগায়ত্রীসহস্রনামস্তোত্রম্ দেবী ভাগবতাংতর্গত ॥
নারদ উবাচ –
ভগবন্সর্বধর্মজ্ঞ সর্বশাস্ত্রবিশারদ ।
শ্রুতিস্মৃতিপুরাণানাং রহস্যং ত্বন্মুখাচ্ছ্রুতম্ ॥ ১ ॥
সর্বপাপহরং দেব য়েন বিদ্যা প্রবর্ততে ।
কেন বা ব্রহ্মবিজ্ঞানং কিং নু বা মোক্ষসাধনম্ ॥ ২ ॥
ব্রাহ্মণানাং গতিঃ কেন কেন বা মৃত্যু নাশনম্ ।
ঐহিকামুষ্মিকফলং কেন বা পদ্মলোচন ॥ ৩ ॥
বক্তুমর্হস্যশেষেণ সর্বে নিখিলমাদিতঃ ।
শ্রীনারায়ণ উবাচ –
সাধু সাধু মহাপ্রাজ্ঞ সম্যক্ পৃষ্টং ত্বয়াঽনঘ ॥ ৪ ॥
শৃণু বক্ষ্যামি য়ত্নেন গায়ত্র্যষ্টসহস্রকম্ ।
নাম্নাং শুভানাং দিব্যানাং সর্বপাপবিনাশনম্ ॥ ৫ ॥
সৃষ্ট্যাদৌ য়দ্ভগবতা পূর্বে প্রোক্তং ব্রবীমি তে ।
অষ্টোত্তরসহস্রস্য ঋষির্ব্রহ্মা প্রকীর্তিতঃ ॥ ৬ ॥
ছন্দোঽনুষ্টুপ্তথা দেবী গায়ত্রীং দেবতা স্মৃতা ।
হলোবীজানি তস্যৈব স্বরাঃ শক্তয় ঈরিতাঃ ॥ ৭ ॥
অঙ্গন্যাসকরন্যাসাবুচ্যেতে মাতৃকাক্ষরৈঃ ।
অথ ধ্যানং প্রবক্ষ্যামি সাধকানাং হিতায় বৈ ॥ ৮ ॥
ধ্যানম্ –
রক্তশ্বেতহিরণ্যনীলধবলৈর্যুক্তা ত্রিনীত্রোজ্জ্বলাং রক্তাং
রক্তনবস্রজং
মণিগণৈর্যুক্তাং কুমারীমিমাম্ ।
গায়ত্রীং কমলাসনাং করতলব্যানদ্ধকুণ্ডাম্বুজাং পদ্মাক্ষী
চ
বরস্রজং চ দধতীং হংসাধিরূঢাং ভজে ॥ ৯ ॥
অচিন্ত্যলক্ষণাব্যক্তাপ্যর্থমাতৃমহেশ্বরী ।
অমৃতার্ণবমধ্যস্থাপ্যজিতা চাপরাজিতা ॥ ১০ ॥
অণিমাদিগুণাধারাপ্যর্কমণ্ডলসংস্থিতা ।
অজরাজাপরাধর্মা অক্ষসূত্রধরাধরা ॥ ১১ ॥
অকারাদিক্ষকারান্তাপ্যরিষড্বর্গভেদিনী ।
অঞ্জনাদ্রিপ্রতীকাশাপ্যঞ্জনাদ্রিনিবাসিনী ॥ ১২ ॥
অদিতিশ্চাজপাবিদ্যাপ্যরবিন্দনিভেক্ষণা ।
অন্তর্বহিঃস্থিতাবিদ্যাধ্বংসিনী চান্তরাত্মিকা ॥ ১৩ ॥
অজা চাজমুখাবাসাপ্যরবিন্দনিভাননা ।
অর্ধমাত্রার্থদানজ্ঞাপ্যরিমণ্ডলমর্দিনী ॥ ১৪ ॥
অসুরঘ্নী হ্যমাবাস্যাপ্যলক্ষ্মীঘ্ন্যন্ত্যজার্চিতা ।
আদিলক্ষ্মীশ্চাদিশক্তিরাকৃতিশ্চায়তাননা ॥ ১৫ ॥
আদিত্যপদবীচারাপ্যাদিত্যপরিসেবিতা ।
আচার্যাবর্তনাচারাপ্যাদিমূর্তিনিবাসিনী ॥ ১৬ ॥
আগ্নেয়ী চামরী চাদ্যা চারাধ্যা চাসনস্থিতা ।
আধারনিলয়াধারা চাকাশান্তনিবাসিনী ॥ ১৭ ॥
আদ্যাক্ষরসমায়ুক্তা চান্তরাকাশরূপিণী ।
আদিত্যমণ্ডলগতা চান্তরধ্বান্তনাশিনী ॥ ১৮ ॥
ইন্দিরা চেষ্টদা চেষ্টা চেন্দীবরনিভেক্ষণা ।
ইরাবতী চেন্দ্রপদা চেন্দ্রাণী চেন্দুরূপিণী ॥ ১৯ ॥
ইক্ষুকোদণ্ডসংয়ুক্তা চেষুসংধানকারিণী ।
ইন্দ্রনীলসমাকারা চেডাপিঙ্গলরূপিণী ॥ ২০ ॥
ইন্দ্রাক্ষীচেশ্বরী দেবী চেহাত্রয়বিবর্জিতা ।
উমা চোষা হ্যুডুনিভা উর্বারুকফলাননা ॥ ২১ ॥
উডুপ্রভা চোডুমতী হ্যুডুপা হ্যুডুমধ্যগা ।
ঊর্ধ্বা চাপ্যূর্ধ্বকেশী চাপ্যূর্ধ্বাধোগতিভেদিনী ॥ ২২ ॥
ঊর্ধ্ববাহুপ্রিয়া চোর্মিমালাবাগ্গ্রন্থদায়িনী ।
ঋতং চর্ষিরৃতুমতী ঋষিদেবনমস্কৃতা ॥ ২৩ ॥
ঋগ্বেদা ঋণহর্ত্রী চ ঋষিমণ্ডলচারিণী ।
ঋদ্ধিদা ঋজুমার্গস্থা ঋজুধর্মা ঋতুপ্রদা ॥ ২৪ ॥
ঋগ্বেদনিলয়া ঋজ্বী লুপ্তধর্মপ্রবর্তিনী ।
লূতারিবরসম্ভূতা লূতাদিবিষহারিণী ॥ ২৫ ॥
একাক্ষরা চৈকমাত্রা চৈকা চৈকৈকনিষ্ঠিতা ।
ঐন্দ্রী হ্যৈরাবতারূঢা চৈহিকামুষ্মিকপ্রদা ॥ ২৬ ॥
ওংকারা হ্যোষধী চোতা চোতপ্রোতনিবাসিনী ।
ঔর্বা হ্যৌষধসম্পন্না ঔপাসনফলপ্রদা ॥ ২৭ ॥
অণ্ডমধ্যস্থিতা দেবী চাঃকারমনুরূপিণী ।
কাত্যায়নী কালরাত্রিঃ কামাক্ষী কামসুন্দরী ॥ ২৮ ॥
কমলা কামিনী কান্তা কামদা কালকণ্ঠিনী ।
করিকুম্ভস্তনভরা করবীরসুবাসিনী ॥ ২৯ ॥
কল্যাণী কুণ্ডলবতী কুরুক্ষেত্রনিবাসিনী ।
কুরুবিন্দদলাকারা কুণ্ডলী কুমুদালয়া ॥ ৩০ ॥
কালজিহ্বা করালাস্যা কালিকা কালরূপিণী ।
কমনীয়গুণা কান্তিঃ কলাধারা কুমুদ্বতী ॥ ৩১ ॥
কৌশিকী কমলাকারা কামচারপ্রভঞ্জিনী ।
কৌমারী করুণাপাঙ্গী ককুবন্তা করিপ্রিয়া ॥ ৩২ ॥
কেসরী কেশবনুতা কদম্বকুসুমপ্রিয়া ।
কালিন্দী কালিকা কাঞ্চী কলশোদ্ভবসংস্তুতা ॥ ৩৩ ॥
কামমাতা ক্রতুমতী কামরূপা কৃপাবতী ।
কুমারী কুণ্ডনিলয়া কিরাতী কীরবাহনা ॥ ৩৪ ॥
কৈকেয়ী কোকিলালাপা কেতকী কুসুমপ্রিয়া ।
কমণ্ডলুধরা কালী কর্মনির্মূলকারিণী ॥ ৩৫ ॥
কলহংসগতিঃ কক্ষা কৃতকৌতুকমঙ্গলা ।
কস্তূরীতিলকা কম্প্রা করীন্দ্রগমনা কুহূঃ ॥ ৩৬ ॥
কর্পূরলেপনা কৃষ্ণা কপিলা কুহরাশ্রয়া ।
কূটস্থা কুধরা কম্রা কুক্ষিস্থাখিলবিষ্টপা ॥ ৩৭ ॥
খড্গখেটকরা খর্বা খেচরী খগবাহনা ।
খট্বাঙ্গধারিণী খ্যাতা খগরাজোপরিস্থিতা ॥ ৩৮ ॥
খলঘ্নী খণ্ডিতজরা খণ্ডাখ্যানপ্রদায়িনী ।
খণ্ডেন্দুতিলকা গঙ্গা গণেশগুহপূজিতা ॥ ৩৯ ॥
গায়ত্রী গোমতী গীতা গান্ধারী গানলোলুপা ।
গৌতমী গামিনী গাধা গন্ধর্বাপ্সরসেবিতা ॥ ৪০ ॥
গোবিন্দচরণাক্রান্তা গুণত্রয়বিভাবিতা ।
গন্ধর্বী গহ্বরী গোত্রা গিরীশা গহনা গমী ॥ ৪১ ॥
গুহাবাসা গুণবতী গুরুপাপপ্রণাশিনী ।
গুর্বী গুণবতী গুহ্যা গোপ্তব্যা গুণদায়িনী ॥ ৪২ ॥
গিরিজা গুহ্যমাতঙ্গী গরুডধ্বজবল্লভা ।
গর্বাপহারিণী গোদা গোকুলস্থা গদাধরা ॥ ৪৩ ॥
গোকর্ণনিলয়াসক্তা গুহ্যমণ্ডলবর্তিনী ।
ঘর্মদা ঘনদা ঘণ্টা ঘোরদানবমর্দিনী ॥ ৪৪ ॥
ঘৃণিমন্ত্রময়ী ঘোষা ঘনসম্পাতদায়িনী ।
ঘণ্টারবপ্রিয়া ঘ্রাণা ঘৃণিসংতুষ্টকারিণী ॥ ৪৫ ॥
ঘনারিমণ্ডলা ঘূর্ণা ঘৃতাচী ঘনবেগিনী ।
জ্ঞানধাতুময়ী চর্চা চর্চিতা চারুহাসিনী ॥ ৪৬ ॥
চটুলা চণ্ডিকা চিত্রা চিত্রমাল্যবিভূষিতা ।
চতুর্ভুজা চারুদন্তা চাতুরী চরিতপ্রদা ॥ ৪৭ ॥
চূলিকা চিত্রবস্ত্রান্তা চন্দ্রমঃকর্ণকুণ্ডলা ।
চন্দ্রহাসা চারুদাত্রী চকোরী চন্দ্রহাসিনী ॥ ৪৮ ॥
চন্দ্রিকা চন্দ্রধাত্রী চ চৌরী চৌরা চ চণ্ডিকা ।
চঞ্চদ্বাগ্বাদিনী চন্দ্রচূডা চোরবিনাশিনী ॥ ৪৯ ॥
চারুচন্দনলিপ্তাঙ্গী চঞ্চচ্চামরবীজিতা ।
চারুমধ্যা চারুগতিশ্চন্দিলা চন্দ্ররূপিণী ॥ ৫০ ॥
চারুহোমপ্রিয়া চার্বাচরিতা চক্রবাহুকা ।
চন্দ্রমণ্ডলমধ্যস্থা চন্দ্রমণ্ডলদর্পণা ॥ ৫১ ॥
চক্রবাকস্তনী চেষ্টা চিত্রা চারুবিলাসিনী ।
চিত্স্বরূপা চন্দ্রবতী চন্দ্রমাশ্চন্দনপ্রিয়া ॥ ৫২ ॥
চোদয়িত্রী চিরপ্রজ্ঞা চাতকা চারুহেতুকী ।
ছত্রয়াতা ছত্রধরা ছায়া ছন্দঃপরিচ্ছদা ॥ ৫৩ ॥
ছায়াদেবী ছিদ্রনখা ছন্নেন্দ্রিয়বিসর্পিণী ।
ছন্দোঽনুষ্টুপ্প্রতিষ্ঠান্তা ছিদ্রোপদ্রবভেদিনী ॥ ৫৪ ॥
ছেদা ছত্রেশ্বরী ছিন্না ছুরিকা ছেদনপ্রিয়া ।
জননী জন্মরহিতা জাতবেদা জগন্ময়ী ॥ ৫৫ ॥
জাহ্নবী জটিলা জেত্রী জরামরণবর্জিতা ।
জম্বূদ্বীপবতী জ্বালা জয়ন্তী জলশালিনী ॥ ৫৬ ॥
জিতেন্দ্রিয়া জিতক্রোধা জিতামিত্রা জগত্প্রিয়া ।
জাতরূপময়ী জিহ্বা জানকী জগতী জরা ॥ ৫৭ ॥
জনিত্রী জহ্নুতনয়া জগত্ত্রয়হিতৈষিণী ।
জ্বালামুখী জপবতী জ্বরঘ্নী জিতবিষ্টপা ॥ ৫৮ ॥
জিতাক্রান্তময়ী জ্বালা জাগ্রতী জ্বরদেবতা ।
জ্বলন্তী জলদা জ্যেষ্ঠা জ্যাঘোষাস্ফোটদিঙ্মুখী ॥ ৫৯ ॥
জম্ভিনী জৃম্ভণা জৃম্ভা জ্বলন্মাণিক্যকুণ্ডলা ।
ঝিংঝিকা ঝণনির্ঘোষা ঝংঝামারুতবেগিনী ॥ ৬০ ॥
ঝল্লরীবাদ্যকুশলা ঞরূপা ঞভুজা স্মৃতা ।
টঙ্কবাণসমায়ুক্তা টঙ্কিনী টঙ্কভেদিনী ॥ ৬১ ॥
টঙ্কীগণকৃতাঘোষা টঙ্কনীয়মহোরসা ।
টঙ্কারকারিণী দেবী ঠঠশব্দনিনাদিনী ॥ ৬২ ॥
ডামরী ডাকিনী ডিম্ভা ডুণ্ডমারৈকনির্জিতা ।
ডামরীতন্ত্রমার্গস্থা ডমড্ডমরুনাদিনী ॥ ৬৩ ॥
ডিণ্ডীরবসহা ডিম্ভলসত্ক্রীডাপরায়ণা ।
ঢুণ্ঢিবিঘ্নেশজননী ঢক্কাহস্তা ঢিলিব্রজা ॥ ৬৪ ॥
নিত্যজ্ঞানা নিরুপমা নির্গুণা নর্মদা নদী ।
ত্রিগুণা ত্রিপদা তন্ত্রী তুলসী তরুণা তরুঃ ॥ ৬৫ ॥
ত্রিবিক্রমপদাক্রান্তা তুরীয়পদগামিনী ।
তরুণাদিত্যসংকাশা তামসী তুহিনা তুরা ॥ ৬৬ ॥
ত্রিকালজ্ঞানসম্পন্না ত্রিবলী চ ত্রিলোচনা ।
ত্রিশক্তিস্ত্রিপুরা তুঙ্গা তুরঙ্গবদনা তথা ॥ ৬৭ ॥
তিমিঙ্গিলগিলা তীব্রা ত্রিস্রোতা তামসাদিনী ।
তন্ত্রমন্ত্রবিশেষজ্ঞা তনুমধ্যা ত্রিবিষ্টপা ॥ ৬৮ ॥
ত্রিসন্ধ্যা ত্রিস্তনী তোষাসংস্থা তালপ্রতাপিনী ।
তাটঙ্কিনী তুষারাভা তুহিনাচলবাসিনী ॥ ৬৯ ॥
তন্তুজালসমায়ুক্তা তারহারাবলিপ্রিয়া ।
তিলহোমপ্রিয়া তীর্থা তমালকুসুমাকৃতিঃ ॥ ৭০ ॥
তারকা ত্রিয়ুতা তন্বী ত্রিশঙ্কুপরিবারিতা ।
তলোদরী তিলাভূষা তাটঙ্কপ্রিয়বাদিনী ॥ ৭১ ॥
ত্রিজটা তিত্তিরী তৃষ্ণা ত্রিবিধা তরুণাকৃতিঃ ।
তপ্তকাঞ্চনসংকাশা তপ্তকাঞ্চনভূষণা ॥ ৭২ ॥
ত্রৈয়ম্বকা ত্রিবর্গা চ ত্রিকালজ্ঞানদায়িনী ।
তর্পণা তৃপ্তিদা তৃপ্তা তামসী তুম্বুরুস্তুতা ॥ ৭৩ ॥
তার্ক্ষ্যস্থা ত্রিগুণাকারা ত্রিভঙ্গী তনুবল্লরিঃ ।
থাত্কারী থারবা থান্তা দোহিনী দীনবত্সলা ॥ ৭৪ ॥
দানবান্তকরী দুর্গা দুর্গাসুরনিবর্হিণী ।
দেবরীতির্দিবারাত্রির্দ্রৌপদী দুন্দুভিস্বনা ॥ ৭৫ ॥
দেবয়ানী দুরাবাসা দারিদ্র্যোদ্ভেদিনী দিবা ।
দামোদরপ্রিয়া দীপ্তা দিগ্বাসা দিগ্বিমোহিনী ॥ ৭৬ ॥
দণ্ডকারণ্যনিলয়া দণ্ডিনী দেবপূজিতা ।
দেববন্দ্যা দিবিষদা দ্বেষিণী দানবাকৃতিঃ ॥ ৭৭ ॥
দীনানাথস্তুতা দীক্ষা দৈবতাদিস্বরূপিণী ।
ধাত্রী ধনুর্ধরা ধেনুর্ধারিণী ধর্মচারিণী ॥ ৭৮ ॥
ধরন্ধরা ধরাধারা ধনদা ধান্যদোহিনী ।
ধর্মশীলা ধনাধ্যক্ষা ধনুর্বেদবিশারদা ॥ ৭৯ ॥
ধৃতির্ধন্যা ধৃতপদা ধর্মরাজপ্রিয়া ধ্রুবা ।
ধূমাবতী ধূমকেশী ধর্মশাস্ত্রপ্রকাশিনী ॥ ৮০ ॥
নন্দা নন্দপ্রিয়া নিদ্রা নৃনুতা নন্দনাত্মিকা ।
নর্মদা নলিনী নীলা নীলকণ্ঠসমাশ্রয়া ॥ ৮১ ॥
নারায়ণপ্রিয়া নিত্যা নির্মলা নির্গুণা নিধিঃ ।
নিরাধারা নিরুপমা নিত্যশুদ্ধা নিরঞ্জনা ॥ ৮২ ॥
নাদবিন্দুকলাতীতা নাদবিন্দুকলাত্মিকা ।
নৃসিংহিনী নগধরা নৃপনাগবিভূষিতা ॥ ৮৩ ॥
নরকক্লেশশমনী নারায়ণপদোদ্ভবা ।
নিরবদ্যা নিরাকারা নারদপ্রিয়কারিণী ॥ ৮৪ ॥
নানাজ্যোতিঃ সমাখ্যাতা নিধিদা নির্মলাত্মিকা ।
নবসূত্রধরা নীতির্নিরুপদ্রবকারিণী ॥ ৮৫ ॥
নন্দজা নবরত্নাঢ্যা নৈমিষারণ্যবাসিনী ।
নবনীতপ্রিয়া নারী নীলজীমূতনিস্বনা ॥ ৮৬ ॥
নিমেষিণী নদীরূপা নীলগ্রীবা নিশীশ্বরী ।
নামাবলির্নিশুম্ভঘ্নী নাগলোকনিবাসিনী ॥ ৮৭ ॥
নবজাম্বূনদপ্রখ্যা নাগলোকাধিদেবতা ।
নূপুরাক্রান্তচরণা নরচিত্তপ্রমোদিনী ॥ ৮৮ ॥
নিমগ্নারক্তনয়না নির্ঘাতসমনিস্বনা ।
নন্দনোদ্যাননিলয়া নির্ব্যূহোপরিচারিণী ॥ ৮৯ ॥
পার্বতী পরমোদারা পরব্রহ্মাত্মিকা পরা ।
পঞ্চকোশবিনির্মুক্তা পঞ্চপাতকনাশিনী ॥ ৯০ ॥
পরচিত্তবিধানজ্ঞা পঞ্চিকা পঞ্চরূপিণী ।
পূর্ণিমা পরমা প্রীতিঃ পরতেজঃ প্রকাশিনী ॥ ৯১ ॥
পুরাণী পৌরুষী পুণ্যা পুণ্ডরীকনিভেক্ষণা ।
পাতালতলনির্মগ্না প্রীতা প্রীতিবিবর্ধিনী ॥ ৯২ ॥
পাবনী পাদসহিতা পেশলা পবনাশিনী ।
প্রজাপতিঃ পরিশ্রান্তা পর্বতস্তনমণ্ডলা ॥ ৯৩ ॥
পদ্মপ্রিয়া পদ্মসংস্থা পদ্মাক্ষী পদ্মসম্ভবা ।
পদ্মপত্রা পদ্মপদা পদ্মিনী প্রিয়ভাষিণী ॥ ৯৪ ॥
পশুপাশবিনির্মুক্তা পুরন্ধ্রী পুরবাসিনী ।
পুষ্কলা পুরুষা পর্বা পারিজাতসুমপ্রিয়া ॥ ৯৫ ॥
পতিব্রতা পবিত্রাঙ্গী পুষ্পহাসপরায়ণা ।
প্রজ্ঞাবতীসুতা পৌত্রী পুত্রপূজ্যা পয়স্বিনী ॥ ৯৬ ॥
পট্টিপাশধরা পঙ্ক্তিঃ পিতৃলোকপ্রদায়িনী ।
পুরাণী পুণ্যশীলা চ প্রণতার্তিবিনাশিনী ॥ ৯৭ ॥
প্রদ্যুম্নজননী পুষ্টা পিতামহপরিগ্রহা ।
পুণ্ডরীকপুরাবাসা পুণ্ডরীকসমাননা ॥ ৯৮ ॥
পৃথুজঙ্ঘা পৃথুভুজা পৃথুপাদা পৃথূদরী ।
প্রবালশোভা পিঙ্গাক্ষী পীতবাসাঃ প্রচাপলা ॥ ৯৯ ॥
প্রসবা পুষ্টিদা পুণ্যা প্রতিষ্ঠা প্রণবাগতিঃ ।
পঞ্চবর্ণা পঞ্চবাণী পঞ্চিকা পঞ্চরস্থিতা ॥ ১০০ ॥
পরমায়া পরজ্যোতিঃ পরপ্রীতিঃ পরাগতিঃ ।
পরাকাষ্ঠা পরেশানী পাবিনী পাবকদ্যুতিঃ ॥ ১০১ ॥
পুণ্যভদ্রা পরিচ্ছেদ্যা পুষ্পহাসা পৃথূদরী ।
পীতাঙ্গী পীতবসনা পীতশয়্যা পিশাচিনী ॥ ১০২ ॥
পীতক্রিয়া পিশাচঘ্নী পাটলাক্ষী পটুক্রিয়া ।
পঞ্চভক্ষপ্রিয়াচারা পূতনাপ্রাণঘাতিনী ॥ ১০৩ ॥
পুন্নাগবনমধ্যস্থা পুণ্যতীর্থনিষেবিতা ।
পঞ্চাঙ্গী চ পরাশক্তিঃ পরমাহ্লাদকারিণী ॥ ১০৪ ॥
পুষ্পকাণ্ডস্থিতা পূষা পোষিতাখিলবিষ্টপা ।
পানপ্রিয়া পঞ্চশিখা পন্নগোপরিশায়িনী ॥ ১০৫ ॥
পঞ্চমাত্রাত্মিকা পৃথ্বী পথিকা পৃথুদোহিনী ।
পুরাণন্যায়মীমাংসা পাটলী পুষ্পগন্ধিনী ॥ ১০৬ ॥
পুণ্যপ্রজা পারদাত্রী পরমার্গৈকগোচরা ।
প্রবালশোভা পূর্ণাশা প্রণবা পল্লবোদরী ॥ ১০৭ ॥
ফলিনী ফলদা ফল্গুঃ ফূত্কারী ফলকাকৃতিঃ ।
ফণীন্দ্রভোগশয়না ফণিমণ্ডলমণ্ডিতা ॥ ১০৮ ॥
বালবালা বহুমতা বালাতপনিভাংশুকা ।
বলভদ্রপ্রিয়া বন্দ্যা বডবা বুদ্ধিসংস্তুতা ॥ ১০৯ ॥
বন্দীদেবী বিলবতী বডিশঘ্নী বলিপ্রিয়া ।
বান্ধবী বোধিতা বুদ্ধির্বন্ধূককুসুমপ্রিয়া ॥ ১১০ ॥
বালভানুপ্রভাকারা ব্রাহ্মী ব্রাহ্মণদেবতা ।
বৃহস্পতিস্তুতা বৃন্দা বৃন্দাবনবিহারিণী ॥ ১১১ ॥
বালাকিনী বিলাহারা বিলবাসা বহূদকা ।
বহুনেত্রা বহুপদা বহুকর্ণাবতংসিকা ॥ ১১২ ॥
বহুবাহুয়ুতা বীজরূপিণী বহুরূপিণী ।
বিন্দুনাদকলাতীতা বিন্দুনাদস্বরূপিণী ॥ ১১৩ ॥
বদ্ধগোধাঙ্গুলিত্রাণা বদর্যাশ্রমবাসিনী ।
বৃন্দারকা বৃহত্স্কন্ধা বৃহতী বাণপাতিনী ॥ ১১৪ ॥
বৃন্দাধ্যক্ষা বহুনুতা বনিতা বহুবিক্রমা ।
বদ্ধপদ্মাসনাসীনা বিল্বপত্রতলস্থিতা ॥ ১১৫ ॥
বোধিদ্রুমনিজাবাসা বডিস্থা বিন্দুদর্পণা ।
বালা বাণাসনবতী বডবানলবেগিনী ॥ ১১৬ ॥
ব্রহ্মাণ্ডবহিরন্তঃস্থা ব্রহ্মকঙ্কণসূত্রিণী ।
ভবানী ভীষণবতী ভাবিনী ভয়হারিণী ॥ ১১৭ ॥
ভদ্রকালী ভুজঙ্গাক্ষী ভারতী ভারতাশয়া ।
ভৈরবী ভীষণাকারা ভূতিদা ভূতিমালিনী ॥ ১১৮ ॥
ভামিনী ভোগনিরতা ভদ্রদা ভূরিবিক্রমা ।
ভূতবাসা ভৃগুলতা ভার্গবী ভূসুরার্চিতা ॥ ১১৯ ॥
ভাগীরথী ভোগবতী ভবনস্থা ভিষগ্বরা ।
ভামিনী ভোগিনী ভাষা ভবানী ভূরিদক্ষিণা ॥ ১২০ ॥
ভর্গাত্মিকা ভীমবতী ভববন্ধবিমোচিনী ।
ভজনীয়া ভূতধাত্রীরঞ্জিতা ভুবনেশ্বরী ॥ ১২১ ॥
ভুজঙ্গবলয়া ভীমা ভেরুণ্ডা ভাগধেয়িনী ।
মাতা মায়া মধুমতী মধুজিহ্বা মধুপ্রিয়া ॥ ১২২ ॥
মহাদেবী মহাভাগা মালিনী মীনলোচনা ।
মায়াতীতা মধুমতী মধুমাংসা মধুদ্রবা ॥ ১২৩ ॥
মানবী মধুসম্ভূতা মিথিলাপুরবাসিনী ।
মধুকৈটভসংহর্ত্রী মেদিনী মেঘমালিনী ॥ ১২৪ ॥
মন্দোদরী মহামায়া মৈথিলী মসৃণপ্রিয়া ।
মহালক্ষ্মীর্মহাকালী মহাকন্যা মহেশ্বরী ॥ ১২৫ ॥
মাহেন্দ্রী মেরুতনয়া মন্দারকুসুমার্চিতা ।
মঞ্জুমঞ্জীরচরণা মোক্ষদা মঞ্জুভাষিণী ॥ ১২৬ ॥
মধুরদ্রাবিণী মুদ্রা মলয়া মলয়ান্বিতা ।
মেধা মরকতশ্যামা মাগধী মেনকাত্মজা ॥ ১২৭ ॥
মহামারী মহাবীরা মহাশ্যামা মনুস্তুতা ।
মাতৃকা মিহিরাভাসা মুকুন্দপদবিক্রমা ॥ ১২৮ ॥
মূলাধারস্থিতা মুগ্ধা মণিপূরকবাসিনী ।
মৃগাক্ষী মহিষারূঢা মহিষাসুরমর্দিনী ॥ ১২৯ ॥
য়োগাসনা য়োগগম্যা য়োগা য়ৌবনকাশ্রয়া ।
য়ৌবনী য়ুদ্ধমধ্যস্থা য়মুনা য়ুগধারিণী ॥ ১৩০ ॥
য়ক্ষিণী য়োগয়ুক্তা চ য়ক্ষরাজপ্রসূতিনী ।
য়াত্রা য়ানবিধানজ্ঞা য়দুবংশসমুদ্ভবা ॥ ১৩১ ॥
য়কারাদিহকারান্তা য়াজুষী য়জ্ঞরূপিণী ।
য়ামিনী য়োগনিরতা য়াতুধানভয়ঙ্করী ॥ ১৩২ ॥
রুক্মিণী রমণী রামা রেবতী রেণুকা রতিঃ ।
রৌদ্রী রৌদ্রপ্রিয়াকারা রামমাতা রতিপ্রিয়া ॥ ১৩৩ ॥
রোহিণী রাজ্যদা রেবা রমা রাজীবলোচনা ।
রাকেশী রূপসম্পন্না রত্নসিংহাসনস্থিতা ॥ ১৩৪ ॥
রক্তমাল্যাম্বরধরা রক্তগন্ধানুলেপনা ।
রাজহংসসমারূঢা রম্ভা রক্তবলিপ্রিয়া ॥ ১৩৫ ॥
রমণীয়য়ুগাধারা রাজিতাখিলভূতলা ।
রুরুচর্মপরীধানা রথিনী রত্নমালিকা ॥ ১৩৬ ॥
রোগেশী রোগশমনী রাবিণী রোমহর্ষিণী ।
রামচন্দ্রপদাক্রান্তা রাবণচ্ছেদকারিণী ॥ ১৩৭ ॥
রত্নবস্ত্রপরিচ্ছন্না রথস্থা রুক্মভূষণা ।
লজ্জাধিদেবতা লোলা ললিতা লিঙ্গধারিণী ॥ ১৩৮ ॥
লক্ষ্মীর্লোলা লুপ্তবিষা লোকিনী লোকবিশ্রুতা ।
লজ্জা লম্বোদরী দেবী ললনা লোকধারিণী ॥ ১৩৯ ॥
বরদা বন্দিতা বিদ্যা বৈষ্ণবী বিমলাকৃতিঃ ।
বারাহী বিরজা বর্ষা বরলক্ষ্মীর্বিলাসিনী ॥ ১৪০ ॥
বিনতা ব্যোমমধ্যস্থা বারিজাসনসংস্থিতা ।
বারুণী বেণুসম্ভূতা বীতিহোত্রা বিরূপিণী ॥ ১৪১ ॥
বায়ুমণ্ডলমধ্যস্থা বিষ্ণুরূপা বিধিপ্রিয়া ।
বিষ্ণুপত্নী বিষ্ণুমতী বিশালাক্ষী বসুন্ধরা ॥ ১৪২ ॥
বামদেবপ্রিয়া বেলা বজ্রিণী বসুদোহিনী ।
বেদাক্ষরপরীতাঙ্গী বাজপেয়ফলপ্রদা ॥ ১৪৩ ॥
বাসবী বামজননী বৈকুণ্ঠনিলয়া বরা ।
ব্যাসপ্রিয়া বর্মধরা বাল্মীকিপরিসেবিতা ॥ ১৪৪ ॥
শাকম্ভরী শিবা শান্তা শরদা শরণাগতিঃ ।
শাতোদরী শুভাচারা শুম্ভাসুরবিমর্দিনী ॥ ১৪৫ ॥
শোভাবতী শিবাকারা শংকরার্ধশরীরিণী ।
শোণা শুভাশয়া শুভ্রা শিরঃসন্ধানকারিণী ॥ ১৪৬ ॥
শরাবতী শরানন্দা শরজ্জ্যোত্স্না শুভাননা ।
শরভা শূলিনী শুদ্ধা শবরী শুকবাহনা ॥ ১৪৭ ॥
শ্রীমতী শ্রীধরানন্দা শ্রবণানন্দদায়িনী ।
শর্বাণী শর্বরীবন্দ্যা ষড্ভাষা ষডৃতুপ্রিয়া ॥ ১৪৮ ॥
ষডাধারস্থিতা দেবী ষণ্মুখপ্রিয়কারিণী ।
ষডঙ্গরূপসুমতিসুরাসুরনমস্কৃতা ॥ ১৪৯ ॥
সরস্বতী সদাধারা সর্বমঙ্গলকারিণী ।
সামগানপ্রিয়া সূক্ষ্মা সাবিত্রী সামসম্ভবা ॥ ১৫০ ॥
সর্বাবাসা সদানন্দা সুস্তনী সাগরাম্বরা ।
সর্বৈশ্বর্যপ্রিয়া সিদ্ধিঃ সাধুবন্ধুপরাক্রমা ॥ ১৫১ ॥
সপ্তর্ষিমণ্ডলগতা সোমমণ্ডলবাসিনী ।
সর্বজ্ঞা সান্দ্রকরুণা সমানাধিকবর্জিতা ॥ ১৫২ ॥
সর্বোত্তুঙ্গা সঙ্গহীনা সদ্গুণা সকলেষ্টদা ।
সরধা সূর্যতনয়া সুকেশী সোমসংহতিঃ ॥ ১৫৩ ॥
হিরণ্যবর্ণা হরিণী হ্রীংকারী হংসবাহিনী ।
ক্ষৌমবস্ত্রপরীতাঙ্গী ক্ষীরাব্ধিতনয়া ক্ষমা ॥ ১৫৪ ॥
গায়ত্রী চৈব সাবিত্রী পার্বতী চ সরস্বতী ।
বেদগর্ভা বরারোহা শ্রীগায়ত্রী পরাম্বিকা ॥ ১৫৫ ॥
ইতি সাহস্রকং নাম্নাং গায়ত্র্যাশ্চৈব নারদ ।
পুণ্যদং সর্বপাপঘ্নং মহাসম্পত্তিদায়কম্ ॥ ১৫৬ ॥
এবং নামানি গায়ত্র্যাস্তোষোত্পত্তিকরাণি হি ।
অষ্টম্যাং চ বিশেষেণ পঠিতব্যং দ্বিজৈঃ সহ ॥ ১৫৭ ॥
জপং কৃত্বাহূম পূজাধ্যানং কৃত্বা বিশেষতঃ ।
য়স্মৈ কস্মৈ ন দাতব্যং গায়ত্র্যাস্তু বিশেষতঃ ॥ ১৫৮ ॥
সুভক্তায় সুশিষ্যায় বক্তব্যং ভূসু রায় বৈ ।
ভ্রষ্টেভ্যঃ সাধকেভ্যশ্চ বান্ধবেভ্যো ন দর্শয়েত্ ॥ ১৫৯ ॥
য়দ্গৃহে লিখিতং শাস্ত্রং ভয়ং তস্য ন কস্যচিত্ ।
চঞ্চলাপিস্থিরা ভূত্বা কমলা তত্র তিষ্ঠতি ॥ ১৬০ ॥
ইদং রহস্যং পরমং গুহ্যাদ্গুহ্যতরং মহত্ ।
পুণ্যপ্রদং মনুষ্যাণাং দরিদ্রাণাংনিধিপ্রদম্ ॥ ১৬১ ॥
মোক্ষপ্রদং মুমুক্ষূণাং কামিনাং সর্বকামদম্ ।
রোগাদ্বৈ মুচ্যতে রোগী বদ্ধো মুচ্যেত বন্ধনাত্ ॥ ১৬২ ॥
ব্রহ্মহত্যা সুরাপানং সুবর্ণস্তেয়িনো নরাঃ ।
গুরুতল্পগতো বাপি পাতকাতন্মুচ্যতে সকৃত্ ॥ ১৬৩ ॥
অসত্প্রতিগ্রহাচ্চৈবাঽভক্ষ্যভক্ষাদ্বিশেষতঃ ।
পাখণ্ডানৃত্যমুখ্যভ্যঃ পাঠনাদেব মুচ্যতে ॥ ১৬৪ ॥
ইদং রহস্যমমলং ময়োক্তং পদ্মজোদ্ভব ।
ব্রহ্মসায়ুজ্যদং নৄনাং সত্যং সন্ত্য ন সংশয় ॥ ১৬৫ ॥
॥ ইতি শ্রীদেবীভাগবতে মহাপুরাণে দ্বাদশস্কন্ধে
গায়ত্রীসহস্রনাম স্তোত্রকথনং নাম ষষ্ঠোঽধ্যায়ঃ ॥