॥ Devi Vaibhavam Ashcharya Ashtothara Shata Divyanama Stotram Bengali Lyrics ॥
॥ দেবীবৈভবাশ্চর্যাষ্টোত্তরশতদিব্যনামস্তোত্রম্ ॥
অস্য শ্রী দেবী-বৈভব-আশ্চর্য-অষ্টোত্তরশত-দিব্যনামস্তোত্র-মহামন্ত্রস্য
আনন্দভৈরব ঋষিঃ । অনুষ্টুপ্ ছন্দঃ । শ্রী আনন্দভৈরবী
শ্রীমহাত্রিপুরসুন্দরী দেবতা ।
কূটত্রয়েণ বীজ-শক্তি-কীলকম্ ।
মম শ্রী আনন্দভৈরবী শ্রীমহাত্রিপুরসুন্দরীপ্রসাদ-
সিদ্ধ্যর্থে সান্নিধ্যসিদ্ধ্যর্থে জপে বিনিয়োগঃ ।
কূটত্রয়েণ কর-ষডঙ্গন্যাসঃ ॥
ভূর্ভুবঃসুবরোমিতি দিগ্বন্ধঃ
॥ ধ্যানম্ ॥
ক্বণত্কাঞ্চীদামা করিকলভকুম্ভস্তননতা
পরিক্ষীণা মধ্যে পরিণতশরচ্চন্দ্রবদনা ।
ধনুর্বাণান্ পাশং সৃণিমপি দধানা করতলৈঃ
পুরস্তাদাস্তাং নঃ পুরমথিতুরাহোপুরুষিকা ॥ ১ ॥
সুধাসিন্ধোর্মধ্যে সুরবিটপিবাটীপরিবৃতে
মণিদ্বীপে নীপোপবনবতি চিন্তামণিগৃহে ।
শিবাকারে মঞ্চে পরমশিবপর্যঙ্কনিলয়াং
ভজন্তি ত্বাং ধন্যাঃ কতিচন চিদানন্দলহরীম্ ॥ ২ ॥
॥ পঞ্চপূজা ॥
লং পৃথিব্যাত্মিকায়ৈ গন্ধং সমর্পয়ামি ।
হং আকাশাত্মিকায়ৈ পুষ্পৈঃ পূজয়ামি ।
য়ং বায়্বাত্মিকায়ৈ ধূপমাঘ্রাপয়ামি ।
রং অগ্ন্যাত্মিকায়ৈ দীপং দর্শয়ামি ।
বং অমৃতাত্মিকায়ৈ অমৃতং মহানৈবেদ্যং নিবেদয়ামি ।
সং সর্বাত্মিকায়ৈ সর্বোপচারান্ সমর্পয়ামি ॥
ওঁ ঐং হ্রীং শ্রীং
পরমানন্দলহরী পরচৈতন্যদীপিকা ।
স্বয়ংপ্রকাশকিরণা নিত্যবৈভবশালিনী ॥ ১ ॥
বিশুদ্ধকেবলাখণ্ডসত্যকালাত্মরূপিণী ।
আদিমধ্যান্তরহিতা মহামায়াবিলাসিনী ॥ ২ ॥
গুণত্রয়পরিচ্ছেত্রী সর্বতত্ত্বপ্রকাশিনী ।
স্ত্রীপুংসভাবরসিকা জগত্সর্গাদিলংপটা ॥ ৩ ॥
অশেষনামরূপাদিভেদচ্ছেদরবিপ্রভা ।
অনাদিবাসনারূপা বাসনোদ্যত্প্রপঞ্চিকা ॥ ৪ ॥
প্রপঞ্চোপশমপ্রৌঢা চরাচরজগন্ময়ী ।
সমস্তজগদাধারা সর্বসঞ্জীবনোত্সুকা ॥ ৫ ॥
ভক্তচেতোময়ানন্তস্বার্থবৈভববিভ্রমা ।
সর্বাকর্ষণবশ্যাদিসর্বকর্মদুরন্ধরা ॥ ৬ ॥
বিজ্ঞানপরমানন্দবিদ্যা সন্তানসিদ্ধিদা ।
আয়ুরারোগ্যসৌভাগ্যবলশ্রীকীর্তিভাগ্যদা ॥ ৭ ॥
ধনধান্যমণীবস্ত্রভূষালেপনমাল্যদা ।
গৃহগ্রামমহারাজ্যসাংরাজ্যসুখদায়িনী ॥ ৮ ॥
সপ্তাঙ্গশক্তিসম্পূর্ণসার্বভৌমফলপ্রদা ।
ব্রহ্মবিষ্ণুশিবেন্দ্রাদিপদবিশ্রাণনক্ষমা ॥ ৯ ॥
ভুক্তিমুক্তিমহাভক্তিবিরক্ত্যদ্বৈতদায়িনী ।
নিগ্রহানুগ্রহাধ্যক্ষা জ্ঞাননির্দ্বৈতদায়িনী ॥ ১০ ॥
পরকায়প্রবেশাদিয়োগসিদ্ধিপ্রদায়িনী ।
শিষ্টসঞ্জীবনপ্রৌঢা দুষ্টসংহারসিদ্ধিদা ॥ ১১ ॥
লীলাবিনির্মিতানেককোটিব্রহ্মাণ্ডমণ্ডলা ।
একানেকাত্মিকা নানারূপিণ্যর্ধাঙ্গনেশ্বরী ॥ ১২ ॥
শিবশক্তিময়ী নিত্যশৃঙ্গারৈকরসপ্রিয়া ।
তুষ্টা পুষ্টাপরিচ্ছিন্না নিত্যয়ৌবনমোহিনী ॥ ১৩ ॥
সমস্তদেবতারূপা সর্বদেবাধিদেবতা ।
দেবর্ষিপিতৃসিদ্ধাদিয়োগিনীভৈরবাত্মিকা ॥ ১৪ ॥
নিধিসিদ্ধিমণীমুদ্রা শস্ত্রাস্ত্রায়ুধভাসুরা ।
ছত্রচামরবাদিত্রপতাকাব্যজনাঞ্চিতা ॥ ১৫ ॥
হস্ত্যাশ্বরথপাদাতামাত্যসেনাসুসেবিতা ।
পুরোহিতকুলাচার্যগুরুশিষ্যাদিসেবিতা ॥ ১৬ ॥
সুধাসমুদ্রমধ্যোদ্যত্সুরদ্রুমনিবাসিনী ।
মণিদ্বীপান্তরপ্রোদ্যত্কদংববনবাসিনী ॥ ১৭ ॥
চিন্তামণিগৃহান্তস্থা মণিমণ্ডপমধ্যগা ।
রত্নসিংহাসনপ্রোদ্যচ্ছিবমঞ্চাধিশায়িনী ॥ ১৮ ॥
সদাশিবমহালিঙ্গমূলসংঘট্টয়োনিকা ।
অন্যোন্যালিঙ্গসংঘর্ষকণ্ডূসংক্ষুব্ধমানসা ॥ ১৯ ॥
কলোদ্যদ্বিন্দুকালিন্যাতুর্যনাদপরংপরা ।
নাদান্তানন্দসন্দোহস্বয়ংব্যক্তবচোঽমৃতা ॥ ২০ ॥
কামরাজমহাতন্ত্ররহস্যাচারদক্ষিণা ।
মকারপঞ্চকোদ্ভূতপ্রৌঢান্তোল্লাসসুন্দরী ॥ ২১ ॥
শ্রীচক্ররাজনিলয়া শ্রীবিদ্যামন্ত্রবিগ্রহা ।
অখণ্ডসচ্চিদানন্দশিবশক্ত্যৈকরূপিণী ॥ ২২ ॥
ত্রিপুরা ত্রিপুরেশানী মহাত্রিপুরসুন্দরী ।
ত্রিপুরাবাসরসিকা ত্রিপুরাশ্রীস্বরূপিণী ॥ ২৩ ॥
মহাপদ্মবনান্তস্থা শ্রীমত্ত্রিপুরমালিনী ।
মহাত্রিপুরসিদ্ধাম্বা শ্রীমহাত্রিপুরাম্বিকা ॥ ২৪ ॥
নবচক্রক্রমাদেবী মহাত্রিপুরভৈরবী ।
শ্রীমাতা ললিতা বালা রাজরাজেশ্বরী শিবা ॥ ২৫ ॥
উত্পত্তিস্থিতিসংহারক্রমচক্রনিবাসিনী ।
অর্ধমের্বাত্মচক্রস্থা সর্বলোকমহেশ্বরী ॥ ২৬ ॥
বল্মীকপুরমধ্যস্থা জম্বূবননিবাসিনী ।
অরুণাচলশৃঙ্গস্থা ব্যাঘ্রালয়নিবাসিনী ॥ ২৭ ॥
শ্রীকালহস্তিনিলয়া কাশীপুরনিবাসিনী ।
শ্রীমত্কৈলাসনিলয়া দ্বাদশান্তমহেশ্বরী ॥ ২৮ ॥
শ্রীষোডশান্তমধ্যস্থা সর্ববেদান্তলক্ষিতা ।
শ্রুতিস্মৃতিপুরাণেতিহাসাগমকলেশ্বরী ॥ ২৯ ॥
ভূতভৌতিকতন্মাত্রদেবতাপ্রাণহৃন্ময়ী ।
জীবেশ্বরব্রহ্মরূপা শ্রীগুণাঢ্যা গুণাত্মিকা ॥ ৩০ ॥
অবস্থাত্রয়নির্মুক্তা বাগ্রমোমামহীময়ী ।
গায়ত্রীভুবনেশানীদুর্গাকাল়্যাদিরূপিণী ॥ ৩১ ॥
মত্স্যকূর্মবরাহাদিনানারূপবিলাসিনী ।
মহায়োগীশ্বরারাধ্যা মহাবীরবরপ্রদা ॥ ৩২ ॥
সিদ্ধেশ্বরকুলারাধ্যা শ্রীমচ্চরণবৈভবা ॥ ৩৩ ॥
শ্রীং হ্রীং ঐং ওঁ
কূটত্রয়েণ ষডাঙ্গন্যাসঃ ।
ভূর্ভুবঃসুবরোমিতি দিগ্বিমোকঃ ।
পুনর্ধ্যানম্ ।
পুনঃ পঞ্চপূজা ॥
– Chant Stotra in Other Languages –
Sri Lakshmi Devi Slokam » Devi Vaibhava Ashcharya Ashtottara Shata Divyanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil