॥ Dharmavyadha Geetaa or Vana Parva of Mahabharata Malayalam Lyrics ॥
॥ ധർമവ്യാധഗീതാ ॥
॥ അഥ ധർമവ്യാധഗീതാ ॥
വ്യാധ ഉവാച –
വിജ്ഞാനാർഥം മനുഷ്യാണാം മനഃ പൂർവ പ്രവർതതേ ।
തത്പ്രാപ്യ കാമം ഭജതേ ക്രോധം ച ദ്വിജസത്തമ ॥ 1 ॥
തതസ്തദർഥം യതതേ കർമ ചാരഭതേ മഹത് ।
ഇഷ്ടാനാം രൂപഗന്ധാനാമഭ്യാസം ച നിഷേവതേ ॥ 2 ॥
തതോ രാഗഃ പ്രഭവതി ദ്വേഷശ്ച തദനന്തരം ।
തതോ ലോഭഃ പ്രഭവതി മോഹശ്ച തദനന്തരം ॥ 3 ॥
തതോ ലോഭാഭിഭൂതസ്യ രാഗദ്വേഷഹതസ്യ ച ।
ന ധർമേ ജായതേ ബുദ്ധിർവ്യാജാദ്ധർമ കരോതി ച ॥ 4 ॥
വ്യാജേന ചരതേ ധർമമർഥം വ്യാജേന രോചതേ ।
വ്യാജേന സിദ്ധമാനേഷു ധനേഷു ദ്വിജസത്തമ ॥ 5 ॥
തത്രൈവ രമതേ ബുദ്ധിസ്തതഃ പാപം ചികീർഷതി ।
സുത്ദൃദ്ഭിഃർവാര്യമാണശ്ച പണ്ഡിതൈശ്ച ദ്വിജോത്തമ ॥ 6 ॥
ഉത്തരം ശ്രുതിസംബദ്ധം ബ്രവീത്യശ്രുതിയോജിതം ।
അധർമസ്ത്രിവിധസ്തസ്യ വർതതേ രാഗദോഷജഃ ॥ 7 ॥
പാപം ചിന്തയതേ ചൈവ ബവീതി ച കരോതി ച ।
തസ്യാധർമപ്രവൃത്തസ്യ ഗുണ നശ്യന്തി സാധവഃ ॥ 8 ॥
ഏകാശീലൈശ്ച മിത്രത്വം ഭജന്തേ പാപകർമിണഃ ।
സതേന ദുഃഖമാപ്നോതി പരത്ര ച വിപദ്യതേ ॥ 9 ॥
പാപാത്മാ ഭവതി ഹ്യേവം ധർമലാഭം തു മേ ശ്രുണു ।
യസ്ത്വേതാൻപ്രജ്ഞയാ ദോഷാൻപൂർവമേവാനുപശ്യതി ॥ 10 ॥
കുശലഃ സുഖദുഃഖേഷു സാധൂംശ്ചാപ്യുപസേവതേ ।
തസ്യ സാധുസമാരംഭാദ്ബുദ്ധിർധർമേഷു രാജതേ ॥ 11 ॥
ഇദം വിശ്വം ജഗത്സർവമജയ്യം ചാപി നിത്യശഃ ।
മഹാഭൂതാത്മകം ബ്രഹ്മ നാതഃ പരതരം ഭവേത് ॥ 12 ॥
ബ്രാഹ്മണ ഉവാച –
സത്ത്വസ്യ രജസശ്ചൈവ തമസശ്ച യഥാതഥം ।
ഗുണാംസ്തത്ത്വേന മേ ബ്രൂഹി യഥാവദിഹ പൃച്ഛതഃ ॥ 13 ॥
വ്യാധ ഉവാച –
ഹന്ത തേ കഥയിഷ്യാമി യന്മാം ത്വം പരിപൃച്ഛസി ।
ഏഷാം ഗുണാൻ പൃഥക്ത്വേന നിബോധ ഗദതോ മമ ॥ 14 ॥
മോഹാത്മകം തമസ്തേഷാം രജ ഏഷാം പ്രവർതകം ।
പ്രകാശബഹുലത്വാച്ച സത്ത്വം ജ്യായ ഇഹോച്യതേ ॥ 15 ॥
അവിദ്യാബഹുലോ മൂഢഃ സ്വപ്നശീലോ വിചേതനഃ ।
ദുർത്ദൃഷീകസ്തതോധ്യസ്തഃ സക്രോധസ്താമസോഽലസഃ ॥ 16 ॥
പ്രവൃത്തവാക്യോ മന്ത്രീ ച യോ നരാഗ്ര്യോഽനസൂയകഃ ।
വിധിത്സമാനോ വിപ്രർഷേ സ്തബ്ധോ മാനീ സ രാജസഃ ॥ 17 ॥
പ്രകാശബഹുലോ ധീരോ നിർവിധിത്സോഽനസൂയകഃ ।
അക്രോധനോ നരോ ധീമാൻ ദാന്ത്രശ്ചൈവ സ സാത്ത്വികഃ ॥ 18 ॥
ഇതി ധർമവ്യാധഗീതാ സമാപ്താ ॥
– Chant Stotra in Other Languages –
Dharmavyadha Gita in Sanskrit – English – Bengali – Gujarati – Kannada – Malayalam – Odia – Telugu – Tamil