॥ Dosha Parihara Ashtakam Bengali Lyrics ॥
॥ দোষপরিহারাষ্টকম্ সার্থম্ ॥
অন্যস্য দোষগণনাকুতুকং মমৈতদাবিষ্করোতি নিয়তং ময়ি দোষবত্ত্বম্ ।
দোষঃ পুনর্ময়ি ন চেদখিলে সতীশে দোষগ্রহঃ কথমুদেতু মমেশ তস্মিন্ ॥ ১ ॥
এষা ব্যথেতিরকৃতেতি মমেশ তস্মিন্ কোপো য়দি স্বপরকামমুখপ্রসূতা ।
সেয়ং ব্যথেতি ময়ি মে ন কথন্নু কোপঃ স্বস্য ব্যথা স্বদুরিতপ্রভবা হি সর্বা ॥ ২ ॥
কামভৃত্যখিলদোষনিধের্মমৈষ ময়্যাহ দোষমিতি কো নু দুরাগ্রহোংঽস্মিন্ ।
হেয়ত্বমালপতি য়োঽয়মলং ন কেন বার্যোঽথ সত্ববতি সোঽয়মসত্কিমাহ ॥ ৩ ॥
য়ঃ সংশ্রিতঃ স্বহিত ধীর্ব্যসনাতুরস্তদ্দোষস্য তং প্রতি বচোঽস্তু তদন্যদোষং ।
য়দ্বচ্মি তন্মম ন কিং ক্ষতয়ে স্বদোষচিন্তৈব মে তদপনোদফলোচিতাতঃ ॥ ৪ ॥
দোষং পরস্য ননু গৃহ্ণতি ময়্যনৈন স্বাত্মৈষ এব পরগাত্রসমাহৃতেন
দুর্বস্তুনেব মলিনীক্রিয়তে তদন্যদোষগ্রহাদহহ কিং ন নিবর্তিতব্যম্ ॥ ৫ ॥
নির্দোষভাবমিতরস্য সদোষভাবং স্বস্যাপি সংবিদধতী পরদোষধীর্মে ।
আস্তামিয়ং তদিতরা তু পরার্তিমাত্রহেতুর্ব্যনক্তু ন কথং মম তুচ্ছভাবম্ ॥ ৬ ॥
পদ্মাদিসৌরভ ইব ভ্রমরস্য হর্ষং হিত্বান্যদীয়সুগুণে পুনরন্যদোষে ।
হর্ষো দুরর্থ ইব গেহকিটেঃ কিমাস্তে হা মে কদেশ কৃপয়া বিগলেত্স এষঃ ॥ ৭ ॥
দোষে স্বভাজি মতিকৌশলমন্যভাজি মৌঢ্যং গণেঽন্যজুষি হর্ষভরঃ স্বভাজি ।
অস্তপ্রসক্তিরখিলেষু দয়াত্যুদারবৃত্যোর্জিতো মম কদাঽস্তু হরানুরাগঃ ॥ ৮ ॥
॥ ইতি শ্রীশ্রীধর অয়্যাবালকৃত দোষপরিহারাষ্টকং সম্পূর্ণম্ ॥
– Chant Stotra in Other Languages –
Dosha Parihara Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil