॥ Dosha Parihara Ashtakam Malayalam Lyrics ॥
॥ ദോഷപരിഹാരാഷ്ടകം സാര്‍ഥം ॥
അന്യസ്യ ദോഷഗണനാകുതുകം മമൈതദാവിഷ്കരോതി നിയതം മയി ദോഷവത്ത്വം ।
ദോഷഃ പുനര്‍മയി ന ചേദഖിലേ സതീശേ ദോഷഗ്രഹഃ കഥമുദേതു മമേശ തസ്മിന്‍ ॥ 1 ॥
ഏഷാ വ്യഥേതിരകൃതേതി മമേശ തസ്മിന്‍ കോപോ യദി സ്വപരകാമമുഖപ്രസൂതാ ।
സേയം വ്യഥേതി മയി മേ ന കഥന്നു കോപഃ സ്വസ്യ വ്യഥാ സ്വദുരിതപ്രഭവാ ഹി സര്‍വാ ॥ 2 ॥
കാമഭൃത്യഖിലദോഷനിധേര്‍മമൈഷ മയ്യാഹ ദോഷമിതി കോ നു ദുരാഗ്രഹോംഽസ്മിന്‍ ।
ഹേയത്വമാലപതി യോഽയമലം ന കേന വാര്യോഽഥ സത്വവതി സോഽയമസത്കിമാഹ ॥ 3 ॥
യഃ സംശ്രിതഃ സ്വഹിത ധീര്‍വ്യസനാതുരസ്തദ്ദോഷസ്യ തം പ്രതി വചോഽസ്തു തദന്യദോഷം ।
യദ്വച്മി തന്‍മമ ന കിം ക്ഷതയേ സ്വദോഷചിന്തൈവ മേ തദപനോദഫലോചിതാതഃ ॥ 4 ॥
ദോഷം പരസ്യ നനു ഗൃഹ്ണതി മയ്യനൈന സ്വാത്മൈഷ ഏവ പരഗാത്രസമാഹൃതേന
ദുര്‍വസ്തുനേവ മലിനീക്രിയതേ തദന്യദോഷഗ്രഹാദഹഹ കിം ന നിവര്‍തിതവ്യം ॥ 5 ॥
നിര്‍ദോഷഭാവമിതരസ്യ സദോഷഭാവം സ്വസ്യാപി സംവിദധതീ പരദോഷധീര്‍മേ ।
ആസ്താമിയം തദിതരാ തു പരാര്‍തിമാത്രഹേതുര്‍വ്യനക്തു ന കഥം മമ തുച്ഛഭാവം ॥ 6 ॥
പദ്മാദിസൌരഭ ഇവ ഭ്രമരസ്യ ഹര്‍ഷം ഹിത്വാന്യദീയസുഗുണേ പുനരന്യദോഷേ ।
ഹര്‍ഷോ ദുരര്‍ഥ ഇവ ഗേഹകിടേഃ കിമാസ്തേ ഹാ മേ കദേശ കൃപയാ വിഗലേത്സ ഏഷഃ ॥ 7 ॥
ദോഷേ സ്വഭാജി മതികൌശലമന്യഭാജി മൌഢ്യം ഗണേഽന്യജുഷി ഹര്‍ഷഭരഃ സ്വഭാജി ।
അസ്തപ്രസക്തിരഖിലേഷു ദയാത്യുദാരവൃത്യോര്‍ജിതോ മമ കദാഽസ്തു ഹരാനുരാഗഃ ॥ 8 ॥
॥ ഇതി ശ്രീശ്രീധര അയ്യാവാലകൃത ദോഷപരിഹാരാഷ്ടകം സമ്പൂര്‍ണം ॥
– Chant Stotra in Other Languages –
Dosha Parihara Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil