॥ Sri Durga Ashtakam Kannada Lyrics ॥
॥ ದುರ್ಗಾಷ್ಟಕಮ್ ॥
ದುರ್ಗೇ ಪರೇಶಿ ಶುಭದೇಶಿ ಪರಾತ್ಪರೇಶಿ
ವನ್ದ್ಯೇ ಮಹೇಶದಯಿತೇ ಕರೂಣಾರ್ಣವೇಶಿ ।
ಸ್ತುತ್ಯೇ ಸ್ವಧೇ ಸಕಲತಾಪಹರೇ ಸುರೇಶಿ
ಕೃಷ್ಣಸ್ತುತೇ ಕುರು ಕೃಪಾಂ ಲಲಿತೇಽಖಿಲೇಶಿ ॥ 1 ॥
ದಿವ್ಯೇ ನುತೇ ಶ್ರುತಿಶತೈರ್ವಿಮಲೇ ಭವೇಶಿ
ಕನ್ದರ್ಪದಾರಾಶತಸುನ್ದರಿ ಮಾಧವೇಶಿ ।
ಮೇಧೇ ಗಿರೀಶತನಯೇ ನಿಯತೇ ಶಿವೇಶಿ
ಕೃಷ್ಣಸ್ತುತೇ ಕುರು ಕೃಪಾಂ ಲಲಿತೇಽಖಿಲೇಶಿ ॥ 2 ॥
ರಾಸೇಶ್ವರಿ ಪ್ರಣತತಾಪಹರೇ ಕುಲೇಶಿ
ಧರ್ಮಪ್ರಿಯೇ ಭಯಹರೇ ವರದಾಗ್ರಗೇಶಿ ।
ವಾಗ್ದೇವತೇ ವಿಧಿನುತೇ ಕಮಲಾಸನೇಶಿ
ಕೃಷ್ಣಸ್ತುತೇಕುರು ಕೃಪಾಂ ಲಲಿತೇಽಖಿಲೇಶಿ ॥ 3 ॥
ಪೂಜ್ಯೇ ಮಹಾವೃಷಭವಾಹಿನಿ ಮಂಗಲೇಶಿ
ಪದ್ಮೇ ದಿಗಮ್ಬರಿ ಮಹೇಶ್ವರಿ ಕಾನನೇಶಿ
ರಮ್ಯೇಧರೇ ಸಕಲದೇವನುತೇ ಗಯೇಶಿ
ಕೃಷ್ಣಸ್ತುತೇ ಕುರು ಕೃಪಾಂ ಲಲಿತೇಽಖಿಲೇಶಿ ॥ 4 ॥
ಶ್ರದ್ಧೇ ಸುರಾಽಸುರನುತೇ ಸಕಲೇ ಜಲೇಶಿ
ಗಂಗೇ ಗಿರೀಶದಯಿತೇ ಗಣನಾಯಕೇಶಿ ।
ದಕ್ಷೇ ಸ್ಮಶಾನನಿಲಯೇ ಸುರನಾಯಕೇಶಿ
ಕೃಷ್ಣಸ್ತುತೇ ಕುರು ಕೃಪಾಂ ಲಲಿತೇಽಖಿಲೇಶಿ ॥ 5 ॥
ತಾರೇ ಕೃಪಾರ್ದ್ರನಯನೇ ಮಧುಕೈಟಭೇಶಿ
ವಿದ್ಯೇಶ್ವರೇಶ್ವರಿ ಯಮೇ ನಿಖಲಾಕ್ಷರೇಶಿ ।
ಊರ್ಜೇ ಚತುಃಸ್ತನಿ ಸನಾತನಿ ಮುಕ್ತಕೇಶಿ
ಕೃಷ್ಣಸ್ತುತೇ ಕುರು ಕೃಪಾಂ ಲಲಿತಽಖಿಲೇಶಿ ॥ 6 ॥
ಮೋಕ್ಷೇಽಸ್ಥಿರೇ ತ್ರಿಪುರಸುನ್ದರಿಪಾಟಲೇಶಿ
ಮಾಹೇಶ್ವರಿ ತ್ರಿನಯನೇ ಪ್ರಬಲೇ ಮಖೇಶಿ ।
ತೃಷ್ಣೇ ತರಂಗಿಣಿ ಬಲೇ ಗತಿದೇ ಧ್ರುವೇಶಿ
ಕೃಷ್ಣಸ್ತುತೇ ಕುರು ಕೃಪಾಂ ಲಲಿತೇಽಖಿಲೇಶಿ ॥ 7 ॥
ವಿಶ್ವಮ್ಭರೇ ಸಕಲದೇ ವಿದಿತೇ ಜಯೇಶಿ
ವಿನ್ಧ್ಯಸ್ಥಿತೇ ಶಶಿಮುಖಿ ಕ್ಷಣದೇ ದಯೇಶಿ ।
ಮಾತಃ ಸರೋಜನಯನೇ ರಸಿಕೇ ಸ್ಮರೇಶಿ
ಕೃಷ್ಣಸ್ತುತೇ ಕುರು ಕೃಪಾಂ ಲಲಿತೇಽಖಿಲೇಶಿ ॥ 8 ॥
ದುರ್ಗಾಷ್ಟಕಂ ಪಠತಿ ಯಃ ಪ್ರಯತಃ ಪ್ರಭಾತೇ
ಸರ್ವಾರ್ಥದಂ ಹರಿಹರಾದಿನುತಾಂ ವರೇಣ್ಯಾಂ ।
ದುರ್ಗಾಂ ಸುಪೂಜ್ಯ ಮಹಿತಾಂ ವಿವಿಧೋಪಚಾರೈಃ
ಪ್ರಾಪ್ನೋತಿ ವಾಂಛಿತಫಲಂ ನ ಚಿರಾನ್ಮನುಷ್ಯಃ ॥ 9 ॥
॥ ಇತಿ ಶ್ರೀ ಮತ್ಪರಮಹಂಸಪರಿವ್ರಾಜಕಾಚಾರ್ಯ
ಶ್ರೀಮದುತ್ತರಾಂನಾಯಜ್ಯೋತಿಷ್ಪೀಠಾಧೀಶ್ವರಜಗದ್ಗುರೂ-ಶಂಕರಾಚಾರ್ಯ-ಸ್ವಾಮಿ-
ಶ್ರೀಶಾನ್ತಾನನ್ದ ಸರಸ್ವತೀ ಶಿಷ್ಯ-ಸ್ವಾಮಿ ಶ್ರೀ ಮದನನ್ತಾನನ್ದ-ಸರಸ್ವತಿ
ವಿರಚಿತಂ ಶ್ರೀ ದುರ್ಗಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Durga Slokam » Durga Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil