॥ Ekadasa Mukha Hanumath Kavacham Kannada Lyrics ॥
ಕುಂಭೋದ್ಭವ ದಯಾಸಿಂಧೋ ಶ್ರುತಂ ಹನುಮತಃ ಪರಮ್ ।
ಯಂತ್ರಮಂತ್ರಾದಿಕಂ ಸರ್ವಂ ತ್ವನ್ಮುಖೋದೀರಿತಂ ಮಯಾ ॥ 1 ॥
ದಯಾಂ ಕುರು ಮಯಿ ಪ್ರಾಣನಾಥ ವೇದಿತುಮುತ್ಸಹೇ ।
ಕವಚಂ ವಾಯುಪುತ್ರಸ್ಯ ಏಕಾದಶಮುಖಾತ್ಮನಃ ॥ 2 ॥
ಇತ್ಯೇವಂ ವಚನಂ ಶ್ರುತ್ವಾ ಪ್ರಿಯಾಯಾಃ ಪ್ರಶ್ರಯಾನ್ವಿತಮ್ ।
ವಕ್ತುಂ ಪ್ರಚಕ್ರಮೇ ತತ್ರ ಲೋಪಾಮುದ್ರಾಂ ಪ್ರತಿ ಪ್ರಭುಃ ॥ 3 ॥
ಅಗಸ್ತ್ಯ ಉವಾಚ ।
ನಮಸ್ಕೃತ್ವಾ ರಾಮದೂತಾಂ ಹನುಮಂತಂ ಮಹಾಮತಿಮ್ ।
ಬ್ರಹ್ಮಪ್ರೋಕ್ತಂ ತು ಕವಚಂ ಶೃಣು ಸುಂದರಿ ಸಾದರಮ್ ॥ 4 ॥
ಸನಂದನಾಯ ಸುಮಹಚ್ಚತುರಾನನಭಾಷಿತಮ್ ।
ಕವಚಂ ಕಾಮದಂ ದಿವ್ಯಂ ರಕ್ಷಃಕುಲನಿಬರ್ಹಣಮ್ ॥ 5 ॥
ಸರ್ವಸಂಪತ್ಪ್ರದಂ ಪುಣ್ಯಂ ಮರ್ತ್ಯಾನಾಂ ಮಧುರಸ್ವರೇ ।
ಓಂ ಅಸ್ಯ ಶ್ರೀಕವಚಸ್ಯೈಕಾದಶವಕ್ತ್ರಸ್ಯ ಧೀಮತಃ ॥ 6 ॥
ಹನುಮತ್ಸ್ತುತಿಮಂತ್ರಸ್ಯ ಸನಂದನ ಋಷಿಃ ಸ್ಮೃತಃ ।
ಪ್ರಸನ್ನಾತ್ಮಾ ಹನೂಮಾಂಶ್ಚ ದೇವತಾ ಪರಿಕೀರ್ತಿತಾ ॥ 7 ॥
ಛಂದೋಽನುಷ್ಟುಪ್ ಸಮಾಖ್ಯಾತಂ ಬೀಜಂ ವಾಯುಸುತಸ್ತಥಾ ।
ಮುಖ್ಯಃ ಪ್ರಾಣಃ ಶಕ್ತಿರಿತಿ ವಿನಿಯೋಗಃ ಪ್ರಕೀರ್ತಿತಃ ॥ 8 ॥
ಸರ್ವಕಾಮಾರ್ಥಸಿದ್ಧ್ಯರ್ಥಂ ಜಪ ಏವಮುದೀರಯೇತ್ ।
ಓಂ ಸ್ಫ್ರೇಂ-ಬೀಜಂ ಶಕ್ತಿಧೃಕ್ ಪಾತು ಶಿರೋ ಮೇ ಪವನಾತ್ಮಜಃ ॥ 9 ॥
ಕ್ರೌಂ-ಬೀಜಾತ್ಮಾ ನಯನಯೋಃ ಪಾತು ಮಾಂ ವಾನರೇಶ್ವರಃ ।
ಕ್ಷಂ-ಬೀಜರೂಪಃ ಕರ್ಣೌ ಮೇ ಸೀತಾಶೋಕವಿನಾಶನಃ ॥ 10 ॥
ಗ್ಲೌಂ-ಬೀಜವಾಚ್ಯೋ ನಾಸಾಂ ಮೇ ಲಕ್ಷ್ಮಣಪ್ರಾಣದಾಯಕಃ ।
ವಂ-ಬೀಜಾರ್ಥಶ್ಚ ಕಂಠಂ ಮೇ ಪಾತು ಚಾಕ್ಷಯಕಾರಕಃ ॥ 11 ॥
ಐಂ-ಬೀಜವಾಚ್ಯೋ ಹೃದಯಂ ಪಾತು ಮೇ ಕಪಿನಾಯಕಃ ।
ವಂ-ಬೀಜಕೀರ್ತಿತಃ ಪಾತು ಬಾಹೂ ಮೇ ಚಾಂಜನೀಸುತಃ ॥ 12 ॥
ಹ್ರಾಂ-ಬೀಜೋ ರಾಕ್ಷಸೇಂದ್ರಸ್ಯ ದರ್ಪಹಾ ಪಾತು ಚೋದರಮ್ ।
ಹ್ರಸೌಂ-ಬೀಜಮಯೋ ಮಧ್ಯಂ ಪಾತು ಲಂಕಾವಿದಾಹಕಃ ॥ 13 ॥
ಹ್ರೀಂ-ಬೀಜಧರಃ ಪಾತು ಗುಹ್ಯಂ ದೇವೇಂದ್ರವಂದಿತಃ ।
ರಂ-ಬೀಜಾತ್ಮಾ ಸದಾ ಪಾತು ಚೋರೂ ವಾರ್ಧಿಲಂಘನಃ ॥ 14 ॥
ಸುಗ್ರೀವಸಚಿವಃ ಪಾತು ಜಾನುನೀ ಮೇ ಮನೋಜವಃ ।
ಪಾದೌ ಪಾದತಲೇ ಪಾತು ದ್ರೋಣಾಚಲಧರೋ ಹರಿಃ ॥ 15 ॥
ಆಪಾದಮಸ್ತಕಂ ಪಾತು ರಾಮದೂತೋ ಮಹಾಬಲಃ ।
ಪೂರ್ವೇ ವಾನರವಕ್ತ್ರೋ ಮಾಮಾಗ್ನೇಯ್ಯಾಂ ಕ್ಷತ್ರಿಯಾಂತಕೃತ್ ॥ 16 ॥
ದಕ್ಷಿಣೇ ನಾರಸಿಂಹಸ್ತು ನೈಋರ್ತ್ಯಾಂ ಗಣನಾಯಕಃ ।
ವಾರುಣ್ಯಾಂ ದಿಶಿ ಮಾಮವ್ಯಾತ್ಖಗವಕ್ತ್ರೋ ಹರೀಶ್ವರಃ ॥ 17 ॥
ವಾಯವ್ಯಾಂ ಭೈರವಮುಖಃ ಕೌಬೇರ್ಯಾಂ ಪಾತು ಮಾಂ ಸದಾ ।
ಕ್ರೋಡಾಸ್ಯಃ ಪಾತು ಮಾಂ ನಿತ್ಯಮೈಶಾನ್ಯಾಂ ರುದ್ರರೂಪಧೃಕ್ ॥ 18 ॥
ಊರ್ಧ್ವಂ ಹಯಾನನಃ ಪಾತು ಗುಹ್ಯಾಧಃ ಸುಮುಖಸ್ತಥಾ ।
ರಾಮಾಸ್ಯಃ ಪಾತು ಸರ್ವತ್ರ ಸೌಮ್ಯರೂಪೋ ಮಹಾಭುಜಃ ॥ 19 ॥
ಇತ್ಯೇವಂ ರಾಮದೂತಸ್ಯ ಕವಚಂ ಯಃ ಪಠೇತ್ಸದಾ ।
ಏಕಾದಶಮುಖಸ್ಯೈತದ್ಗೋಪ್ಯಂ ವೈ ಕೀರ್ತಿತಂ ಮಯಾ ॥ 20 ॥
ರಕ್ಷೋಘ್ನಂ ಕಾಮದಂ ಸೌಮ್ಯಂ ಸರ್ವಸಂಪದ್ವಿಧಾಯಕಮ್ ।
ಪುತ್ರದಂ ಧನದಂ ಚೋಗ್ರಶತ್ರುಸಂಘವಿಮರ್ದನಮ್ ॥ 21 ॥
ಸ್ವರ್ಗಾಪವರ್ಗದಂ ದಿವ್ಯಂ ಚಿಂತಿತಾರ್ಥಪ್ರದಂ ಶುಭಮ್ ।
ಏತತ್ಕವಚಮಜ್ಞಾತ್ವಾ ಮಂತ್ರಸಿದ್ಧಿರ್ನ ಜಾಯತೇ ॥ 22 ॥
ಚತ್ವಾರಿಂಶತ್ಸಹಸ್ರಾಣಿ ಪಠೇಚ್ಛುದ್ಧಾತ್ಮಕೋ ನರಃ ।
ಏಕವಾರಂ ಪಠೇನ್ನಿತ್ಯಂ ಕವಚಂ ಸಿದ್ಧಿದಂ ಪುಮಾನ್ ॥ 23 ॥
ದ್ವಿವಾರಂ ವಾ ತ್ರಿವಾರಂ ವಾ ಪಠನ್ನಾಯುಷ್ಯಮಾಪ್ನುಯಾತ್ ।
ಕ್ರಮಾದೇಕಾದಶಾದೇವಮಾವರ್ತನಜಪಾತ್ಸುಧೀಃ ॥ 24 ॥
ವರ್ಷಾಂತೇ ದರ್ಶನಂ ಸಾಕ್ಷಾಲ್ಲಭತೇ ನಾತ್ರ ಸಂಶಯಃ ।
ಯಂ ಯಂ ಚಿಂತಯತೇ ಚಾರ್ಥಂ ತಂ ತಂ ಪ್ರಾಪ್ನೋತಿ ಪೂರುಷಃ ॥ 25 ॥
ಬ್ರಹ್ಮೋದೀರಿತಮೇತದ್ಧಿ ತವಾಗ್ರೇ ಕಥಿತಂ ಮಹತ್ ॥ 26 ॥
ಇತ್ಯೇವಮುಕ್ತ್ವಾ ವಚನಂ ಮಹರ್ಷಿಸ್ತೂಷ್ಣೀಂ ಬಭೂವೇಂದುಮುಖೀಂ ನಿರೀಕ್ಷ್ಯ ।
ಸಂಹೃಷ್ಟಚಿತ್ತಾಪಿ ತದಾ ತದೀಯಪಾದೌ ನನಾಮಾತಿಮುದಾ ಸ್ವಭರ್ತುಃ ॥ 27 ॥
॥ ಇತ್ಯಗಸ್ತ್ಯಸಾರಸಂಹಿತಾಯಾಮೇಕಾದಶಮುಖಹನುಮತ್ಕವಚಂ ಸಂಪೂರ್ಣಮ್ ॥
– Chant Stotras in other Languages –
Sri Anjaneya Kavacham » Ekadasa Mukha Hanumath Kavacham Lyrics in Sanskrit » English » Bengali » Gujarati » Malayalam » Odia » Telugu » Tamil