॥ Sri Ganesha Avatara Stotram English Lyrics ॥
॥ śrī gaṇēśāvatāra stōtram ॥
aṅgirasa uvāca ।
anantā avatārāśca gaṇēśasya mahātmanaḥ ।
na śakyatē kathāṁ vaktuṁ mayā varṣaśatairapi ॥ 1 ॥
saṅkṣēpēṇa pravakṣyāmi mukhyānāṁ mukhyatāṁ gatān ।
avatārāṁśca tasyāṣṭau vikhyātān brahmadhārakān ॥ 2 ॥
vakratuṇḍāvatāraśca dēhināṁ brahmadhārakaḥ ।
matsurāsurahantā sa siṁhavāhanagaḥ smr̥taḥ ॥ 3 ॥
ēkadantāvatārō vai dēhināṁ brahmadhārakaḥ ।
madāsurasya hantā sa ākhuvāhanagaḥ smr̥taḥ ॥ 4 ॥
mahōdara iti khyātō jñānabrahmaprakāśakaḥ ।
mōhāsurasya śatrurvai ākhuvāhanagaḥ smr̥taḥ ॥ 5 ॥
gajānanaḥ sa vijñēyaḥ sāṅkhyēbhyaḥ siddhidāyakaḥ ।
lōbhāsuraprahartā ca mūṣakagaḥ prakīrtitaḥ ॥ 6 ॥
lambōdarāvatārō vai krōdhāsuranibarhaṇaḥ ।
ākhugaḥ śaktibrahmā san tasya dhāraka ucyatē ॥ 7 ॥
vikaṭō nāma vikhyātaḥ kāmāsurapradāhakaḥ ।
mayūravāhanaścāyaṁ sauramātmadharaḥ smr̥taḥ ॥ 8 ॥
vighnarājāvatāraśca śēṣavāhana ucyatē ।
mamāsuraprahantā sa viṣṇubrahmēti vācakaḥ ॥ 9 ॥
dhūmravarṇāvatāraścābhimānāsuranāśakaḥ ।
ākhuvāhanatāṁ prāptaḥ śivātmakaḥ sa ucyatē ॥ 10 ॥
ētē:’ṣṭau tē mayā prōktā gaṇēśāṁśā vināyakāḥ ।
ēṣāṁ bhajanamātrēṇa svasvabrahmapradhārakāḥ ॥ 11 ॥
svānandavāsakārī sa gaṇēśānaḥ prakathyatē ।
svānandē yōgibhirdr̥ṣṭō brahmaṇi nātra saṁśayaḥ ॥ 12 ॥
tasyāvatārarūpāścāṣṭau vighnaharaṇāḥ smr̥tāḥ ।
svānandabhajanēnaiva līlāstatra bhavanti hi ॥ 13 ॥
māyā tatra svayaṁ līnā bhaviṣyati suputraka ।
samyōgē maunabhāvaśca samādhiḥ prāpyatē janaiḥ ॥ 14 ॥
ayōgē gaṇarājasya bhajanē naiva siddhyati ।
māyābhēdamayaṁ brahma nirvr̥ttiḥ prāpyatē parā ॥ 15 ॥
yōgātmakagaṇēśānō brahmaṇaspativācakaḥ ।
tatra śāntiḥ samākhyātā yōgarūpā janaiḥ kr̥tā ॥ 16 ॥
nānāśāntipramōdaśca sthānē sthānē prakathyatē ।
śāntīnāṁ śāntirūpā sā yōgaśāntiḥ prakīrtitā ॥ 17 ॥
yōgasya yōgatādr̥ṣṭā sarvabrahma suputraka ।
na yōgātparamaṁ brahma brahmabhūtēna labhyatē ॥ 18 ॥
ētadēva paraṁ guhyaṁ kathitaṁ vatsa tē:’likham ।
bhaja tvaṁ sarvabhāvēna gaṇēśaṁ brahmanāyakam ॥ 19 ॥
putrapautrādipradaṁ stōtramidaṁ śōkavināśanam ।
dhanadhānyasamr̥ddhyādipradaṁ bhāvi na saṁśayaḥ ॥ 20 ॥
dharmārthakāmamōkṣāṇāṁ sādhanaṁ brahmadāyakam ।
bhaktidr̥ḍhakaraṁ caiva bhaviṣyati na saṁśayaḥ ॥ 21 ॥
iti śrīmudgalapurāṇē gaṇēśāvatārastōtraṁ sampūrṇam ।
– Chant Stotra in Other Languages –
Sri Ganesha Stotram » Ganesha Avatara Stotram in Lyrics in Sanskrit » Kannada » Telugu » Tamil