॥ Ganeshashtakam 3 Telugu Lyrics ॥
॥ గణేశాష్టకమ్ ౩ ॥
గజవదన గణేశ త్వం విభో విశ్వమూర్తే!
హరసి సకలవిఘ్నాన్ విఘ్నరాజ ప్రజానామ్ ।
భవతి జగతి పూజా పూర్వమేవ త్వదీయా
వరదవర కృపాలో చన్ద్రమౌలే ప్రసీద ॥ ౧ ॥
సపది సకలవిఘ్నాం యాన్తి దూరే దయాలో
తవ శుచి రుచిరం స్యాన్నామసఙ్కీర్తనం చేత్ ।
అత ఇహ మనుజాస్త్వాం సర్వకార్యే స్మరన్తి
వరదవర కృపాలో చన్ద్రమౌలే ప్రసీద ॥ ౨ ॥
సకలదురితహన్తుః త స్వర్గమోక్షాదిదాతుః
సురరిపువధకర్త్తుః సర్వవిఘ్నప్రహర్త్తుః ।
తవ భవతి కృపాతోఽశేష-సమ్పత్తిలాభో
వరదవర కృపాలో చన్ద్రమౌలే ప్రసీద ॥ ౩ ॥
తవ గణప గుణానాం వర్ణనే నైవ శక్తా
జగతి సకలవన్ద్యా శారదా సర్వకాలే ।
తదితర మనుజానాం కా కథా భాలదృష్టే
వరదవర కృపాలో చన్ద్రమౌలే ప్రసీద ॥ ౪ ॥
బహుతరమనుజైస్తే దివ్యనామ్నాం సహస్రైః ।
స్తుతిహుతికరణేన ప్రాప్యతే సర్వసిద్ధిః ।
విధిరయమఖిలో వై తన్త్రశాస్త్రే ప్రసిద్ధః
వరదవర కృపాలో చన్ద్రమౌలే ప్రసీద ॥ ౫ ॥
త్వదితరదిహ నాస్తే సచ్చిదానన్దమూర్త్తే
ఇతి నిగదతి శాస్త్రం విశ్వరూపం త్రినేత్ర ।
త్వమసి హరిరథ త్వం శఙ్కరస్త్వం విధాతా
వరదవర కృపాలో చన్ద్రమౌలేః ప్రసీద ॥ ౬ ॥
సకలసుఖద మాయా యా త్వదీయా ప్రసిద్ధా
శశధరధరసూనే త్వం తయా క్రీడసీహ ।
నట ఇవ బహువేషం సర్వదా సంవిధాయ
వరదవర కృపాలో చన్ద్రమౌలే ప్రసీద ॥ ౭ ॥
భవ ఇహ పురతస్తే పాత్రరూపేణ భర్త్తః
బహువిధనరలీలాం త్వాం ప్రదర్శ్యాశు యాచే ।
సపది భవసముద్రాన్మాం సముద్ధారయస్వ
వరదవర కృపాలో చన్ద్రమౌలే ప్రసీద ॥ ౮ ॥
అష్టకం గణనాథస్య భక్త్యా యో మానవః పఠేత్
తస్య విఘ్నాః ప్రణశ్యన్తి గణేశస్య ప్రసాదతః ॥ ౯ ॥
ఇతి జగద్గురు-శఙ్కరాచార్య-స్వామిశ్రీశాన్తానన్దసరస్వతీ-శిష్య-
స్వామి- శ్రీమదనన్తానన్దసరస్వతీవిరచితం గణేశాష్టకం సమ్పూర్ణమ్ ।
– Chant Stotra in Other Languages –
Sri Ganapathi Slokam » Sankashtaharanam Ganeshashtakam Lyrics in Sanskrit » English » Bengali » Gujarati » Kannada » Malayalam » Odia » Tamil