॥ Ganeshashtakam Bengali Lyrics ॥
॥ গণেশাষ্টকম্ ॥
য়তোঽনন্তশক্তেরনন্তাশ্চ জীবা
য়তো নির্গুণাদপ্রমেয়া গুণাস্তে ।
য়তো ভাতি সর্বং ত্রিধা ভেদভিন্নং
সদা তং গণেশং নমামো ভজামঃ ॥ ১ ॥
য়তশ্চাবিরাসীজ্জগত্সর্বমেত-
ত্তথাব্জাসনো বিশ্বগো বিশ্বগোপ্তা ।
তথেন্দ্রাদয়ো দেবসঙ্ঘা মনুষ্যাঃ
সদা তং গণেশং নমামো ভজামঃ ॥ ২ ॥
য়তো বহ্নিভানূ ভবো ভূর্জলং চ
য়তঃ সাগরাশ্চন্দ্রমা ব্যোম বায়ুঃ ।
য়তঃ স্থাবরা জঙ্গমা বৃক্ষসঙ্ঘা-
স্সদা তং গণেশং নমামো ভজামঃ ॥ ৩ ॥
য়তো দানবা কিন্নরা য়ক্ষসঙ্ঘা
য়তশ্চারণা বারণা শ্বাপদাশ্চ ।
য়তঃ পক্ষিকীটা য়তো বীরুধশ্চ
সদা তং গণেশং নমামো ভজামঃ ॥ ৪ ॥
য়তো বুদ্ধিরজ্ঞাননাশো মুমুক্ষোঃ
য়তঃ সম্পদো ভক্তসন্তোষিকাঃ স্যুঃ ।
য়তো বিঘ্ননাশো য়তঃ কার্যসিদ্ধিঃ
সদা তং গণেশং নমামো ভজামঃ ॥ ৫ ॥
য়তঃ পুত্রসম্পদ্যতো বাঞ্ছিতার্থো
য়তোঽভক্তবিঘ্নাস্তথানেকরূপাঃ ।
য়তঃ শোকমোহৌ য়তঃ কাম এব
সদা তং গণেশং নমামো ভজামঃ ॥ ৬ ॥
য়তোঽনন্তশক্তিঃ স শেষো বভূব
ধরাধারণেঽনেকরূপে চ শক্তঃ ।
য়তোঽনেকধা স্বর্গলোকা হি নানা
সদা তং গণেশং নমামো ভজামঃ ॥ ৭ ॥
য়তো বেদবাচো বিকুণ্ঠা মনোভিঃ
সদা নেতি নেতীতি য়ত্তা গৃণন্তি ।
পরব্রহ্মরূপং চিদানন্দভূতং
সদা তং গণেশং নমামো ভজামঃ ॥ ৮ ॥
ফলশ্রুতিঃ ।
পুনরূচে গণাধীশঃ স্তোত্রমেতত্পঠেন্নরঃ ।
ত্রিসন্ধ্যং ত্রিদিনং তস্য সর্বকার্যং ভবিষ্যতি ॥ ৯ ॥
য়ো জপেদষ্টদিবসং শ্লোকাষ্টকমিদং শুভম্ ।
অষ্টবারং চতুর্থ্যাং তু সোঽষ্টসিদ্ধীরবাপ্নুয়াত্ ॥ ১০ ॥
য়ঃ পঠেন্মাসমাত্রং তু দশবারং দিনে দিনে ।
স মোচয়েদ্বন্ধগতং রাজবধ্যং ন সংশয়ঃ ॥ ১১ ॥
বিদ্যাকামো লভেদ্বিদ্যাং পুত্রার্থী পুত্রমাপ্নুয়াত্ ।
বাঞ্ছিতান্ লভতে সর্বানেকবিংশতিবারতঃ ॥ ১২ ॥
য়ো জপেত্পরয়া ভক্ত্যা গজাননপদো নরঃ ।
এবমুক্ত্বা ততো দেবশ্চান্তর্ধানং গতঃ প্রভুঃ ॥ ১৩ ॥
– Chant Stotra in Other Languages –
Sri Ganapathi Slokam » Ganeshashtakam Lyrics in Sanskrit » English » Gujarati » Kannada » Malayalam » Odia » Telugu » Tamil