॥ Ganeshashtakam Malayalam Lyrics ॥
॥ ഗണേശാഷ്ടകം ॥
യതോഽനന്തശക്തേരനന്താശ്ച ജീവാ
യതോ നിര്‍ഗുണാദപ്രമേയാ ഗുണാസ്തേ ।
യതോ ഭാതി സര്‍വം ത്രിധാ ഭേദഭിന്നം
സദാ തം ഗണേശം നമാമോ ഭജാമഃ ॥ 1 ॥
യതശ്ചാവിരാസീജ്ജഗത്സര്‍വമേത-
ത്തഥാബ്ജാസനോ വിശ്വഗോ വിശ്വഗോപ്താ ।
തഥേന്ദ്രാദയോ ദേവസങ്ഘാ മനുഷ്യാഃ
സദാ തം ഗണേശം നമാമോ ഭജാമഃ ॥ 2 ॥
യതോ വഹ്നിഭാനൂ ഭവോ ഭൂര്‍ജലം ച
യതഃ സാഗരാശ്ചന്ദ്രമാ വ്യോമ വായുഃ ।
യതഃ സ്ഥാവരാ ജങ്ഗമാ വൃക്ഷസങ്ഘാ-
സ്സദാ തം ഗണേശം നമാമോ ഭജാമഃ ॥ 3 ॥
യതോ ദാനവാ കിന്നരാ യക്ഷസങ്ഘാ
യതശ്ചാരണാ വാരണാ ശ്വാപദാശ്ച ।
യതഃ പക്ഷികീടാ യതോ വീരുധശ്ച
സദാ തം ഗണേശം നമാമോ ഭജാമഃ ॥ 4 ॥
യതോ ബുദ്ധിരജ്ഞാനനാശോ മുമുക്ഷോഃ
യതഃ സമ്പദോ ഭക്തസന്തോഷികാഃ സ്യുഃ ।
യതോ വിഘ്നനാശോ യതഃ കാര്യസിദ്ധിഃ
സദാ തം ഗണേശം നമാമോ ഭജാമഃ ॥ 5 ॥
യതഃ പുത്രസമ്പദ്യതോ വാഞ്ഛിതാര്‍ഥോ
യതോഽഭക്തവിഘ്നാസ്തഥാനേകരൂപാഃ ।
യതഃ ശോകമോഹൌ യതഃ കാമ ഏവ
സദാ തം ഗണേശം നമാമോ ഭജാമഃ ॥ 6 ॥
യതോഽനന്തശക്തിഃ സ ശേഷോ ബഭൂവ
ധരാധാരണേഽനേകരൂപേ ച ശക്തഃ ।
യതോഽനേകധാ സ്വര്‍ഗലോകാ ഹി നാനാ
സദാ തം ഗണേശം നമാമോ ഭജാമഃ ॥ 7 ॥
യതോ വേദവാചോ വികുണ്ഠാ മനോഭിഃ
സദാ നേതി നേതീതി യത്താ ഗൃണന്തി ।
പരബ്രഹ്മരൂപം ചിദാനന്ദഭൂതം
സദാ തം ഗണേശം നമാമോ ഭജാമഃ ॥ 8 ॥
ഫലശ്രുതിഃ ।
പുനരൂചേ ഗണാധീശഃ സ്തോത്രമേതത്പഠേന്നരഃ ।
ത്രിസന്ധ്യം ത്രിദിനം തസ്യ സര്‍വകാര്യം ഭവിഷ്യതി ॥ 9 ॥
യോ ജപേദഷ്ടദിവസം ശ്ലോകാഷ്ടകമിദം ശുഭം ।
അഷ്ടവാരം ചതുര്‍ഥ്യാം തു സോഽഷ്ടസിദ്ധീരവാപ്നുയാത് ॥ 10 ॥
യഃ പഠേന്‍മാസമാത്രം തു ദശവാരം ദിനേ ദിനേ ।
സ മോചയേദ്ബന്ധഗതം രാജവധ്യം ന സംശയഃ ॥ 11 ॥
വിദ്യാകാമോ ലഭേദ്വിദ്യാം പുത്രാര്‍ഥീ പുത്രമാപ്നുയാത് ।
വാഞ്ഛിതാന്‍ ലഭതേ സര്‍വാനേകവിംശതിവാരതഃ ॥ 12 ॥
യോ ജപേത്പരയാ ഭക്ത്യാ ഗജാനനപദോ നരഃ ।
ഏവമുക്ത്വാ തതോ ദേവശ്ചാന്തര്‍ധാനം ഗതഃ പ്രഭുഃ ॥ 13 ॥
– Chant Stotra in Other Languages –
Sri Ganapathi Slokam » Ganeshashtakam Lyrics in Sanskrit » English » Bengali » Gujarati » Kannada » Odia » Telugu » Tamil