॥ Garbha Geetaa Bengali Lyrics ॥
॥ গর্ভগীতা ॥
বন্দে কৃষ্ণং সুরেন্দ্রং স্থিতিলয়জননে কারণং সর্বজন্তোঃ
স্বেচ্ছাচারং কৃপালুং গুণগণরহিতং যোগিনাং যোগগম্যম্ ।
দ্বন্দ্বাতীতং চ সত্যং হরমুখবিবুধৈঃ সেবিতং জ্ঞানরূপং
ভক্তাধীনং তুরীয়ং নবঘনরুচিরং দেবকীনন্দনং তম্ ॥
অর্জুন উবাচ —
গর্ভবাসং জরামৃত্যুং কিমর্থং ভ্রমতে নরঃ ।
কথং বা বহিতং জন্ম ব্রূহি দেব জনার্দন ॥ ১ ॥
শ্রীভগবানুবাচ —
মানবো মূঢ অন্ধশ্চ সংসারেঽস্মিন্ বিলিপ্যতে ।
আশাস্তথা ন জহাতি প্রাণানাং জনসম্পদাম্ ॥ ২ ॥
অর্জুন উবাচ —
আশা কেন জিতা লোকৈঃ সংসারবিষয়ৌ তথা ।
কেন কর্মপ্রকারেণ লোকো মুচ্যেত বন্ধনাৎ ॥ ৩ ॥
কামঃ ক্রোধশ্চ লোভশ্চ মদমাৎসর্যমেব চ ।
এতে মনসি বর্তন্তে কর্মপাশং কথম্ ত্যজেৎ ॥ ৪ ॥
শ্রীভগবানুবাচ —
জ্ঞানাগ্নির্দহতে কর্ম ভূয়োঽপি তেন লিপ্যতে ।
বিশুদ্ধাত্মা হি লোকঃ সঃ পুনর্জন্ম ন ভুঞ্জতে ॥ ৫ ॥
জিতং সর্বকৃতং কর্ম বিষ্ণুশ্রীগুরুচিন্তনম্ ।
বিকল্পো নাস্তি সঙ্কল্পঃ পুনর্জন্ম ন বিদ্যতে ॥ ৬ ॥
নানাশাস্ত্রং পঠেল্লোকো নানাদৈবতপূজনম্ ।
আত্মজ্ঞানং বিনা পার্থ সর্বকর্ম নিরর্থকম্ ॥ ৭ ॥
আচারঃ ক্রিয়তে কোটি দানং চ গিরিকাঞ্চনম্ ।
আত্মতত্ত্বং ন জানাতি মুক্তির্নাস্তি ন সংশয়ঃ ॥ ৮ ॥
কোটিয়জ্ঞকৃতং পুণ্যং কোটিদানং হয়ো গজঃ ।
গোদানং চ সহস্রাণি মুক্তির্নাস্তি ন বা শুচিঃ ॥ ৯ ॥
ন মোক্ষং ভ্রমতে তীর্থং ন মোক্ষং ভস্মলেপনম্ ।
ন মোক্ষং ব্রহ্মচর্যং হি মোক্ষং নেন্দ্রিয়নিগ্রহঃ ॥ ১০ ॥
ন মোক্ষং কোটিয়জ্ঞং চ ন মোক্ষং দানকাঞ্চনম্ ।
ন মোক্ষং বনবাসেন ন মোক্ষং ভোজনং বিনা ॥ ১১ ॥
ন মোক্ষং মন্দমৌনেন ন মোক্ষং দেহতাডনম্ ।
ন মোক্ষং গায়নে গীতং ন মোক্ষং শিল্পনিগ্রহম্ ॥ ১২ ॥
ন মোক্ষং কর্মকর্মেষু ন মোক্ষং মুক্তিভাবনে ।
ন মোক্ষং সুজটাভারং নির্জনসেবনস্তথা ॥ ১৩ ॥
ন মোক্ষং ধারণাধ্যানং ন মোক্ষং বায়ুরোধনম্ ।
ন মোক্ষং কন্দভক্ষেণ ন মোক্ষং সর্বরোধনম্ ॥ ১৪ ॥
যাবদ্বুদ্ধিবিকারেণ আত্মতত্ত্বং ন বিন্দতি ।
যাবদ্যোগং চ সংন্যাসং তাবচ্চিত্তং ন হি স্থিরম্ ॥ ১৫ ॥
অভ্যন্তরং ভবেৎ শুদ্ধং চিদ্ভাবস্য বিকারজম্ ।
ন ক্ষালিতং মনোমাল্যং কিং ভবেৎ তপকোটিষু ॥ ১৬ ॥
অর্জুন উবাচ —
অভ্যন্তরং কথং শুদ্ধং চিদ্ভাবস্য পৃথক্ কৃতম্ ।
মনোমাল্যং সদা কৃষ্ণ কথং তন্নির্মলং ভবেৎ ॥ ১৭ ॥
শ্রীভগবানুবাচ —
প্রশুদ্ধাত্মা তপোনিষ্ঠো জ্ঞানাগ্নিদগ্ধকল্মষঃ ।
তৎপরো গুরুবাক্যে চ পুনর্জন্ম ন ভুঞ্জতে ॥ ১৮ ॥
অর্জুন উবাচ —
কর্মাকর্মদ্বয়ং বীজং লোকে হি দৃঢবন্ধনম্ ।
কেন কর্মপ্রকারেণ লোকো মুচ্যেত বন্ধনাৎ ॥ ১৯ ॥
শ্রীভগবানুবাচ —
কর্মাকর্মদ্বয়ং সাধো জ্ঞানাভ্যাসসুয়োগতঃ ।
ব্রহ্মাগ্নির্ভুঞ্জতে বীজং অবীজং মুক্তিসাধকম্ ॥ ২০ ॥
যোগিনাং সহজানন্দঃ জন্মমৃত্যুবিনাশকম্ ।
নিষেধবিধিরহিতং অবীজং চিৎস্বরূপকম্ ॥ ২১ ॥
তস্মাৎ সর্বান্ পৃথক্ কৃত্য আত্মনৈব বসেৎ সদা ।
মিথ্যাভূতং জগৎ ত্যক্ত্বা সদানন্দং লভেৎ সুধীঃ ॥ ২২ ॥
ইতি শ্রীগর্ভগীতা সমাপ্তা ।
– Chant Stotra in Other Languages –
Garbha Gita in Sanskrit – English – Bengali – Gujarati – Kannada – Malayalam – Odia – Telugu – Tamil