॥ Garbha Geetaa Odia Lyrics ॥
॥ ଗର୍ଭଗୀତା ॥
ବନ୍ଦେ କୃଷ୍ଣଂ ସୁରେନ୍ଦ୍ରଂ ସ୍ଥିତିଲୟଜନନେ କାରଣଂ ସର୍ୱଜନ୍ତୋଃ
ସ୍ୱେଚ୍ଛାଚାରଂ କୃପାଲୁଂ ଗୁଣଗଣରହିତଂ ଯୋଗିନାଂ ଯୋଗଗମ୍ୟମ୍ ।
ଦ୍ୱନ୍ଦ୍ୱାତୀତଂ ଚ ସତ୍ୟଂ ହରମୁଖବିବୁଧୈଃ ସେବିତଂ ଜ୍ଞାନରୂପଂ
ଭକ୍ତାଧୀନଂ ତୁରୀୟଂ ନବଘନରୁଚିରଂ ଦେବକୀନନ୍ଦନଂ ତମ୍ ॥
ଅର୍ଜୁନ ଉବାଚ —
ଗର୍ଭବାସଂ ଜରାମୃତ୍ୟୁଂ କିମର୍ଥଂ ଭ୍ରମତେ ନରଃ ।
କଥଂ ବା ବହିତଂ ଜନ୍ମ ବ୍ରୂହି ଦେବ ଜନାର୍ଦନ ॥ ୧ ॥
ଶ୍ରୀଭଗବାନୁବାଚ —
ମାନବୋ ମୂଢ ଅନ୍ଧଶ୍ଚ ସଂସାରେଽସ୍ମିନ୍ ବିଲିପ୍ୟତେ ।
ଆଶାସ୍ତଥା ନ ଜହାତି ପ୍ରାଣାନାଂ ଜନସମ୍ପଦାମ୍ ॥ ୨ ॥
ଅର୍ଜୁନ ଉବାଚ —
ଆଶା କେନ ଜିତା ଲୋକୈଃ ସଂସାରବିଷୟୌ ତଥା ।
କେନ କର୍ମପ୍ରକାରେଣ ଲୋକୋ ମୁଚ୍ୟେତ ବନ୍ଧନାତ୍ ॥ ୩ ॥
କାମଃ କ୍ରୋଧଶ୍ଚ ଲୋଭଶ୍ଚ ମଦମାତ୍ସର୍ୟମେବ ଚ ।
ଏତେ ମନସି ବର୍ତନ୍ତେ କର୍ମପାଶଂ କଥମ୍ ତ୍ୟଜେତ୍ ॥ ୪ ॥
ଶ୍ରୀଭଗବାନୁବାଚ —
ଜ୍ଞାନାଗ୍ନିର୍ଦହତେ କର୍ମ ଭୂୟୋଽପି ତେନ ଲିପ୍ୟତେ ।
ବିଶୁଦ୍ଧାତ୍ମା ହି ଲୋକଃ ସଃ ପୁନର୍ଜନ୍ମ ନ ଭୁଞ୍ଜତେ ॥ ୫ ॥
ଜିତଂ ସର୍ୱକୃତଂ କର୍ମ ବିଷ୍ଣୁଶ୍ରୀଗୁରୁଚିନ୍ତନମ୍ ।
ବିକଲ୍ପୋ ନାସ୍ତି ସଙ୍କଲ୍ପଃ ପୁନର୍ଜନ୍ମ ନ ବିଦ୍ୟତେ ॥ ୬ ॥
ନାନାଶାସ୍ତ୍ରଂ ପଠେଲ୍ଲୋକୋ ନାନାଦୈବତପୂଜନମ୍ ।
ଆତ୍ମଜ୍ଞାନଂ ବିନା ପାର୍ଥ ସର୍ୱକର୍ମ ନିରର୍ଥକମ୍ ॥ ୭ ॥
ଆଚାରଃ କ୍ରିୟତେ କୋଟି ଦାନଂ ଚ ଗିରିକାଞ୍ଚନମ୍ ।
ଆତ୍ମତତ୍ତ୍ୱଂ ନ ଜାନାତି ମୁକ୍ତିର୍ନାସ୍ତି ନ ସଂଶୟଃ ॥ ୮ ॥
କୋଟିୟଜ୍ଞକୃତଂ ପୁଣ୍ୟଂ କୋଟିଦାନଂ ହୟୋ ଗଜଃ ।
ଗୋଦାନଂ ଚ ସହସ୍ରାଣି ମୁକ୍ତିର୍ନାସ୍ତି ନ ବା ଶୁଚିଃ ॥ ୯ ॥
ନ ମୋକ୍ଷଂ ଭ୍ରମତେ ତୀର୍ଥଂ ନ ମୋକ୍ଷଂ ଭସ୍ମଲେପନମ୍ ।
ନ ମୋକ୍ଷଂ ବ୍ରହ୍ମଚର୍ୟଂ ହି ମୋକ୍ଷଂ ନେନ୍ଦ୍ରିୟନିଗ୍ରହଃ ॥ ୧୦ ॥
ନ ମୋକ୍ଷଂ କୋଟିୟଜ୍ଞଂ ଚ ନ ମୋକ୍ଷଂ ଦାନକାଞ୍ଚନମ୍ ।
ନ ମୋକ୍ଷଂ ବନବାସେନ ନ ମୋକ୍ଷଂ ଭୋଜନଂ ବିନା ॥ ୧୧ ॥
ନ ମୋକ୍ଷଂ ମନ୍ଦମୌନେନ ନ ମୋକ୍ଷଂ ଦେହତାଡନମ୍ ।
ନ ମୋକ୍ଷଂ ଗାୟନେ ଗୀତଂ ନ ମୋକ୍ଷଂ ଶିଲ୍ପନିଗ୍ରହମ୍ ॥ ୧୨ ॥
ନ ମୋକ୍ଷଂ କର୍ମକର୍ମେଷୁ ନ ମୋକ୍ଷଂ ମୁକ୍ତିଭାବନେ ।
ନ ମୋକ୍ଷଂ ସୁଜଟାଭାରଂ ନିର୍ଜନସେବନସ୍ତଥା ॥ ୧୩ ॥
ନ ମୋକ୍ଷଂ ଧାରଣାଧ୍ୟାନଂ ନ ମୋକ୍ଷଂ ବାୟୁରୋଧନମ୍ ।
ନ ମୋକ୍ଷଂ କନ୍ଦଭକ୍ଷେଣ ନ ମୋକ୍ଷଂ ସର୍ୱରୋଧନମ୍ ॥ ୧୪ ॥
ଯାବଦ୍ବୁଦ୍ଧିବିକାରେଣ ଆତ୍ମତତ୍ତ୍ୱଂ ନ ବିନ୍ଦତି ।
ଯାବଦ୍ୟୋଗଂ ଚ ସଂନ୍ୟାସଂ ତାବଚ୍ଚିତ୍ତଂ ନ ହି ସ୍ଥିରମ୍ ॥ ୧୫ ॥
ଅଭ୍ୟନ୍ତରଂ ଭବେତ୍ ଶୁଦ୍ଧଂ ଚିଦ୍ଭାବସ୍ୟ ବିକାରଜମ୍ ।
ନ କ୍ଷାଲିତଂ ମନୋମାଲ୍ୟଂ କିଂ ଭବେତ୍ ତପକୋଟିଷୁ ॥ ୧୬ ॥
ଅର୍ଜୁନ ଉବାଚ —
ଅଭ୍ୟନ୍ତରଂ କଥଂ ଶୁଦ୍ଧଂ ଚିଦ୍ଭାବସ୍ୟ ପୃଥକ୍ କୃତମ୍ ।
ମନୋମାଲ୍ୟଂ ସଦା କୃଷ୍ଣ କଥଂ ତନ୍ନିର୍ମଲଂ ଭବେତ୍ ॥ ୧୭ ॥
ଶ୍ରୀଭଗବାନୁବାଚ —
ପ୍ରଶୁଦ୍ଧାତ୍ମା ତପୋନିଷ୍ଠୋ ଜ୍ଞାନାଗ୍ନିଦଗ୍ଧକଲ୍ମଷଃ ।
ତତ୍ପରୋ ଗୁରୁବାକ୍ୟେ ଚ ପୁନର୍ଜନ୍ମ ନ ଭୁଞ୍ଜତେ ॥ ୧୮ ॥
ଅର୍ଜୁନ ଉବାଚ —
କର୍ମାକର୍ମଦ୍ୱୟଂ ବୀଜଂ ଲୋକେ ହି ଦୃଢବନ୍ଧନମ୍ ।
କେନ କର୍ମପ୍ରକାରେଣ ଲୋକୋ ମୁଚ୍ୟେତ ବନ୍ଧନାତ୍ ॥ ୧୯ ॥
ଶ୍ରୀଭଗବାନୁବାଚ —
କର୍ମାକର୍ମଦ୍ୱୟଂ ସାଧୋ ଜ୍ଞାନାଭ୍ୟାସସୁୟୋଗତଃ ।
ବ୍ରହ୍ମାଗ୍ନିର୍ଭୁଞ୍ଜତେ ବୀଜଂ ଅବୀଜଂ ମୁକ୍ତିସାଧକମ୍ ॥ ୨୦ ॥
ଯୋଗିନାଂ ସହଜାନନ୍ଦଃ ଜନ୍ମମୃତ୍ୟୁବିନାଶକମ୍ ।
ନିଷେଧବିଧିରହିତଂ ଅବୀଜଂ ଚିତ୍ସ୍ୱରୂପକମ୍ ॥ ୨୧ ॥
ତସ୍ମାତ୍ ସର୍ୱାନ୍ ପୃଥକ୍ କୃତ୍ୟ ଆତ୍ମନୈବ ବସେତ୍ ସଦା ।
ମିଥ୍ୟାଭୂତଂ ଜଗତ୍ ତ୍ୟକ୍ତ୍ୱା ସଦାନନ୍ଦଂ ଲଭେତ୍ ସୁଧୀଃ ॥ ୨୨ ॥
ଇତି ଶ୍ରୀଗର୍ଭଗୀତା ସମାପ୍ତା ।
– Chant Stotra in Other Languages –
Garbha Gita in Sanskrit – English – Bengali – Gujarati – Kannada – Malayalam – Odia – Telugu – Tamil