॥ Garbha Stuti Kannada Lyrics ॥
॥ ಗರ್ಭ ಸ್ತುತಿಃ (ದೇವ ಕೃತಂ) ॥
ದೇವಾ ಊಚುಃ –
ಜಗದ್ಯೋನಿರಯೋನಿಸ್ತ್ವಮನಂತೋಽವ್ಯಯ ಏವ ಚ ।
ಜ್ಯೋತಿಸ್ಸ್ವರೂಪೋ ಹ್ಯನಿಶಃ ಸಗುಣೋ ನಿರ್ಗುಣೋ ಮಹಾನ್ ॥ ೧ ॥
ಭಕ್ತಾನುರೋಧಾತ್ಸಾಕಾರೋ ನಿರಾಕಾರೋ ನಿರಂಕುಶಃ ।
ನಿರ್ವ್ಯೂಹೋ ನಿಖಿಲಾಧಾರೋ ನಿಃಶಂಕೋ ನಿರುಪದ್ರವಃ ॥ ೨ ॥
ನಿರುಪಾಧಿಶ್ಚ ನಿರ್ಲಿಪ್ತೋ ನಿರೀಹೋ ನಿಧನಾಂತಕಃ ।
ಸ್ವಾತ್ಮಾರಾಮಃ ಪೂರ್ಣಕಾಮೋಽನಿಮಿಷೋ ನಿತ್ಯ ಏವ ಚ ॥ ೩ ॥
ಸ್ವೇಚ್ಛಾಮಯಃ ಸರ್ವಹೇತುಃ ಸರ್ವಃ ಸರ್ವಗುಣಾಶ್ರಯಃ ।
ಸರ್ವದೋ ದುಃಖದೋ ದುರ್ಗೋ ದುರ್ಜನಾಂತಕ ಏವ ಚ ॥ ೪ ॥
ಸುಭಗೋ ದುರ್ಭಗೋ ವಾಗ್ಮೀ ದುರಾರಾಧ್ಯೋ ದುರತ್ಯಯಃ ।
ವೇದಹೇತುಶ್ಚ ವೇದಶ್ಚ ವೇದಾಂಗೋ ವೇದವಿದ್ವಿಭುಃ ॥ ೫ ॥
ಇತ್ಯೇವಮುಕ್ತ್ವಾ ದೇವಾಶ್ಚ ಪ್ರಣಮ್ರಾಶ್ಚ ಮುಹುರ್ಮುಹುಃ ।
ಹರ್ಷಾಶ್ರುಲೋಚನಾಃ ಸರ್ವೇ ವವೃಷುಃ ಕುಸುಮಾನಿ ಚ ॥ ೬ ॥
ದ್ವಿಚತ್ವಾರಿಂಶನ್ನಾಮಾನಿ ಪ್ರಾತರುತ್ಥಾಯ ಯಃ ಪಠೇತ್ ।
ದೃಢಾಂ ಭಕ್ತಿಂ ಹರೇರ್ದಾಸ್ಯಂ ಲಭತೇ ವಾಂಛಿತಂ ಫಲಮ್ ॥ ೭ ॥
ಇತ್ಯೇವಂ ಸ್ತವನಂ ಕೃತ್ವಾ ದೇವಾಸ್ತೇ ಸ್ವಾಲಯಂ ಯಯುಃ ।
ಬಭೂವ ಜಲವೃಷ್ಟಿಶ್ಚ ನಿಶ್ಚೇಷ್ಟಾ ಮಥುರಾಪುರೀ ॥ ೮ ॥
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ದೇವಕೃತಾ ಗರ್ಭಸ್ತುತಿಃ ।