॥ Goddess Bhavani’s Eight Stanzas Gujarati Lyrics ॥
॥ ભવાન્યષ્ટકં ॥
ન તાતો ન માતા ન બન્ધુર્ન દાતા
ન પુત્રો ન પુત્રી ન ભૃત્યો ન ભર્તા ।
ન જાયા ન વિદ્યા ન વૃત્તિર્મમૈવ
ગતિસ્ત્વં ગતિસ્ત્વં ત્વમેકા ભવાનિ ॥ ૧ ॥
ભવાબ્ધાવપારે મહાદુઃખભીરુ
પ્રપાત પ્રકામી પ્રલોભી પ્રમત્તઃ ।
કુસંસારપાશપ્રબદ્ધઃ સદાહં
ગતિસ્ત્વં ગતિસ્ત્વં ત્વમેકા ભવાનિ ॥ ૨ ॥
ન જાનામિ દાનં ન ચ ધ્યાનયોગં
ન જાનામિ તન્ત્રં ન ચ સ્તોત્રમન્ત્રમ્ ।
ન જાનામિ પૂજાં ન ચ ન્યાસયોગં
ગતિસ્ત્વં ગતિસ્ત્વં ત્વમેકા ભવાનિ ॥ ૩ ॥
ન જાનામિ પુણ્યં ન જાનામિ તીર્થં
ન જાનામિ મુક્તિં લયં વા કદાચિત્ ।
ન જાનામિ ભક્તિં વ્રતં વાપિ માતર્-
ગતિસ્ત્વં ગતિસ્ત્વં ત્વમેકા ભવાનિ ॥ ૪ ॥
કુકર્મી કુસઙ્ગી કુબુદ્ધિઃ કુદાસઃ
કુલાચારહીનઃ કદાચારલીનઃ ।
કુદૃષ્ટિઃ કુવાક્યપ્રબન્ધઃ સદાહં
ગતિસ્ત્વં ગતિસ્ત્વં ત્વમેકા ભવાનિ ॥ ૫ ॥
પ્રજેશં રમેશં મહેશં સુરેશં
દિનેશં નિશીથેશ્વરં વા કદાચિત્ ।
ન જાનામિ ચાન્યત્ સદાહં શરણ્યે
ગતિસ્ત્વં ગતિસ્ત્વં ત્વમેકા ભવાનિ ॥ ૬ ॥
વિવાદે વિષાદે પ્રમાદે પ્રવાસે
જલે ચાનલે પર્વતે શત્રુમધ્યે ।
અરણ્યે શરણ્યે સદા માં પ્રપાહિ
ગતિસ્ત્વં ગતિસ્ત્વં ત્વમેકા ભવાનિ ॥ ૭ ॥
અનાથો દરિદ્રો જરારોગયુક્તો મહાક્ષીણ-
દીનઃ સદા જાડ્યવક્ત્રઃ ।
વિપત્તૌ પ્રવિષ્ટઃ પ્રનષ્ટઃ સદાહં
ગતિસ્ત્વં ગતિસ્ત્વં ત્વમેકા ભવાનિ ॥ ૮ ॥
॥ ઇતિ શ્રીમદાદિશંકરાચાર્યવિરચિતં ભવાન્યષ્ટકં સમ્પૂર્ણમ્ ॥
– Chant Stotra in Other Languages –
Sri Durga Slokam » Bhavani Ashtakam – Goddess Bhavani’s Eight Stanzas Lyrics in Sanskrit » English » Bengali » Kannada » Malayalam » Odia » Telugu » Tamil