॥ Savithri Devi Yama Dharmaraja Astakam Malayalam Lyrics ॥
ശ്രീനാരായണ ഉവാച –
ശക്തേരുത്കീര്‍തനം ശ്രുത്വാ സാവിത്രീ യമവക്ത്രതഃ ।
സാശ്രുനേത്രാ സപുലകാ യമം പുനരുവാച സാ ॥ 1 ॥
സാവിത്ര്യുവാച –
ശക്തേരുത്കീര്‍തനം ധര്‍മ സകലോദ്ധാരകാരണം ।
ശ്രോതൄണാം ചൈവ വക്തൄണാം ജന്‍മമൃത്യുജരാഹരം ॥ 2 ॥
ദാനവാനാം ച സിദ്ധാനാം തപസാം ച പരം പദം ।
യോഗാനാം ചൈവ വേദാനാം കീര്‍തനം സേവനം വിഭോ ॥ 3 ॥
മുക്തിത്വമമരത്വം ച സര്‍വസിദ്ധിത്വമേവ ച ।
ശ്രീശക്തിസേവകസ്യൈവ കലാം നാര്‍ഹന്തി ഷോഡശീം ॥ 4 ॥
ഭജാമി കേന വിധിനാ വദ വേദവിദാംവര ।
ശുഭകര്‍മവിപാകം ച ശ്രുതം നൄണാം മനോഹരം ॥ 5 ॥
കര്‍മാശുഭവിപാകം ച തന്‍മേ വ്യാഖ്യാതുമര്‍ഹസി ।
ഇത്യുക്ത്വാ ച സതീ ബ്രഹ്മന്‍ ഭക്തിനംരാത്മകന്ധരാ ॥ 6 ॥
തുഷ്ടാവ ധര്‍മരാജം ച വേദോക്തേന സ്തവേന ച ।
(അഥ യമാഷ്ടകം ।)
സാവിത്ര്യുവാച –
തപസാ ധര്‍മമാരാധ്യ പുഷ്കരേ ഭാസ്കരഃ പുരാ ॥ 7 ॥
ധര്‍മം സൂര്യഃ സുതം പ്രാപ ധര്‍മരാജം നമാംയഹം ।
സമതാ സര്‍വഭൂതേഷു യസ്യ സര്‍വസ്യ സാക്ഷിണഃ ॥ 8 ॥
അതോ യന്നാമ ശമനമിതി തം പ്രണമാംയഹം ।
യേനാന്തശ്ച കൃതോ വിശ്വേ സര്‍വേഷാം ജീവിനാം പരം ॥ 9 ॥
കാമാനുരൂപം കാലേന തം കൃതാന്തം നമാംയഹം ।
ബിഭര്‍തി ദണ്ഡം ദണ്ഡായ പാപിനാം ശുദ്ധിഹേതവേ ॥ 10 ॥
നമാമി തം ദണ്ഡധരം യഃ ശാസ്താ സര്‍വജീവിനാം ।
വിശ്വം ച കലയത്യേവ യഃ സര്‍വേഷു ച സന്തതം ॥ 11 ॥
അതീവ ദുര്‍നിവാര്യം ച തം കാലം പ്രണമാംയഹം ।
തപസ്വീ ബ്രഹ്മനിഷ്ഠോ യഃ സംയമീ സഞ്ജിതേന്ദ്രിയഃ ॥ 12 ॥
ജീവാനാം കര്‍മഫലദസ്തം യമം പ്രണമാംയഹം ।
സ്വാത്മാരാമശ്ച സര്‍വജ്ഞോ മിത്രം പുണ്യകൃതാം ഭവേത് ॥ 13 ॥
പാപിനാം ക്ലേശദോ യസ്തം പുണ്യമിത്രം നമാംയഹം ।
യജ്ജന്‍മ ബ്രഹ്മണോംഽശേന ജ്വലന്തം ബ്രഹ്മതേജസാ ॥ 14 ॥
യോ ധ്യായതി പരം ബ്രഹ്മ തമീശം പ്രണമാംയഹം ।
ഇത്യുക്ത്വാ സാ ച സാവിത്രീ പ്രണനാമ യമം മുനേ ॥ 15 ॥
(ഫലശ്രുതിഃ ।)
യമസ്താം ശക്തിഭജനം കര്‍മപാകമുവാച ഹ ।
ഇദം യമാഷ്ടകം നിത്യം പ്രാതരുത്ഥായ യഃ പഠേത് ॥ 16 ॥
യമാത്തസ്യ ഭയം നാസ്തി സര്‍വപാപാത്പ്രമുച്യതേ ।
മഹാപാപീ യദി പഠേന്നിത്യം ഭക്തിസമന്വിതഃ ।
യമഃ കരോതി സംശുദ്ധം കായവ്യൂഹേന നിശ്ചിതം ॥ 17 ॥
ഇതി ശ്രീമദ്ദേവീഭാഗവതേ മഹാപുരാണേഽഷ്ടാദശസാഹസ്ര്യാം സംഹിതായാം
നവമസ്കന്ധേ യമാഷ്ടകവര്‍ണനം നാമേകത്രിശോഽധ്യായഃ ॥ 31 ॥
– Chant Stotra in Other Languages –
Saraswati Devi Slokam » Goddess Savithri Yama Dharmaraja Yamastakam Lyrics in Sanskrit » English » Bengali » Gujarati » Kannada » Odia » Telugu » Tamil