॥ Savithri Devi Yama Dharmaraja Astakam Telugu Lyrics ॥
శ్రీనారాయణ ఉవాచ –
శక్తేరుత్కీర్తనం శ్రుత్వా సావిత్రీ యమవక్త్రతః ।
సాశ్రునేత్రా సపులకా యమం పునరువాచ సా ॥ ౧ ॥
సావిత్ర్యువాచ –
శక్తేరుత్కీర్తనం ధర్మ సకలోద్ధారకారణమ్ ।
శ్రోతౄణాం చైవ వక్తౄణాం జన్మమృత్యుజరాహరమ్ ॥ ౨ ॥
దానవానాం చ సిద్ధానాం తపసాం చ పరం పదమ్ ।
యోగానాం చైవ వేదానాం కీర్తనం సేవనం విభో ॥ ౩ ॥
ముక్తిత్వమమరత్వం చ సర్వసిద్ధిత్వమేవ చ ।
శ్రీశక్తిసేవకస్యైవ కలాం నార్హన్తి షోడశీమ్ ॥ ౪ ॥
భజామి కేన విధినా వద వేదవిదాంవర ।
శుభకర్మవిపాకం చ శ్రుతం నౄణాం మనోహరమ్ ॥ ౫ ॥
కర్మాశుభవిపాకం చ తన్మే వ్యాఖ్యాతుమర్హసి ।
ఇత్యుక్త్వా చ సతీ బ్రహ్మన్ భక్తినమ్రాత్మకన్ధరా ॥ ౬ ॥
తుష్టావ ధర్మరాజం చ వేదోక్తేన స్తవేన చ ।
(అథ యమాష్టకమ్ ।)
సావిత్ర్యువాచ –
తపసా ధర్మమారాధ్య పుష్కరే భాస్కరః పురా ॥ ౭ ॥
ధర్మం సూర్యః సుతం ప్రాప ధర్మరాజం నమామ్యహమ్ ।
సమతా సర్వభూతేషు యస్య సర్వస్య సాక్షిణః ॥ ౮ ॥
అతో యన్నామ శమనమితి తం ప్రణమామ్యహమ్ ।
యేనాన్తశ్చ కృతో విశ్వే సర్వేషాం జీవినాం పరమ్ ॥ ౯ ॥
కామానురూపం కాలేన తం కృతాన్తం నమామ్యహమ్ ।
బిభర్తి దణ్డం దణ్డాయ పాపినాం శుద్ధిహేతవే ॥ ౧౦ ॥
నమామి తం దణ్డధరం యః శాస్తా సర్వజీవినామ్ ।
విశ్వం చ కలయత్యేవ యః సర్వేషు చ సన్తతమ్ ॥ ౧౧ ॥
అతీవ దుర్నివార్యం చ తం కాలం ప్రణమామ్యహమ్ ।
తపస్వీ బ్రహ్మనిష్ఠో యః సంయమీ సఞ్జితేన్ద్రియః ॥ ౧౨ ॥
జీవానాం కర్మఫలదస్తం యమం ప్రణమామ్యహమ్ ।
స్వాత్మారామశ్చ సర్వజ్ఞో మిత్రం పుణ్యకృతాం భవేత్ ॥ ౧౩ ॥
పాపినాం క్లేశదో యస్తం పుణ్యమిత్రం నమామ్యహమ్ ।
యజ్జన్మ బ్రహ్మణోంఽశేన జ్వలన్తం బ్రహ్మతేజసా ॥ ౧౪ ॥
యో ధ్యాయతి పరం బ్రహ్మ తమీశం ప్రణమామ్యహమ్ ।
ఇత్యుక్త్వా సా చ సావిత్రీ ప్రణనామ యమం మునే ॥ ౧౫ ॥
(ఫలశ్రుతిః ।)
యమస్తాం శక్తిభజనం కర్మపాకమువాచ హ ।
ఇదం యమాష్టకం నిత్యం ప్రాతరుత్థాయ యః పఠేత్ ॥ ౧౬ ॥
యమాత్తస్య భయం నాస్తి సర్వపాపాత్ప్రముచ్యతే ।
మహాపాపీ యది పఠేన్నిత్యం భక్తిసమన్వితః ।
యమః కరోతి సంశుద్ధం కాయవ్యూహేన నిశ్చితమ్ ॥ ౧౭ ॥
ఇతి శ్రీమద్దేవీభాగవతే మహాపురాణేఽష్టాదశసాహస్ర్యాం సంహితాయాం
నవమస్కన్ధే యమాష్టకవర్ణనం నామేకత్రిశోఽధ్యాయః ॥ ౩౧ ॥
– Chant Stotra in Other Languages –
Saraswati Devi Slokam » Goddess Savithri Yama Dharmaraja Yamastakam Lyrics in Sanskrit » English » Bengali » Gujarati » Kannada » Malayalam » Odia » Tamil