॥ Goraksha Ashatakam 1 Bengali Lyrics ॥
॥ গোরক্ষশতকম্ ১ ॥
ওঁ পরমগুরবে গোরক্ষনাথায় নমঃ ।
ওঁ গোরক্ষশতকং বক্ষ্যে ভবপাশবিমুক্তয়ে ।
আত্মবোধকরং পুংসাং বিবেকদ্বারকুঞ্চিকাম্ ॥ ১ ॥
এতদ্বিমুক্তিসোপানমেতত্কালস্য বঞ্চনম্ ।
য়দ্ব্যাবৃত্তং মনো মোহাদাসক্তং পরমাত্মনি ॥ ২ ॥
দ্বিজসেবিতশাখস্য শ্রুতিকল্পতরোঃ ফলম্ ।
শমনং ভবতাপস্য য়োগং ভজতি সজ্জনঃ ॥ ৩ ॥
আসনং প্রাণসংয়ামঃ প্রত্যাহারোঽথ ধারণা ।
ধ্যানং সমাধিরেতানি য়োগাঙ্গানি ভবন্তি ষট্ ॥ ৪ ॥
আসনানি তু তাবন্তি য়াবত্যো জীবজাতয়ঃ ।
এতেষামখিলান্ভেদান্বিজানাতি মহেশ্বরঃ ॥ ৫ ॥
চতুরাশীতিলক্ষাণাং একমেকমুদাহৃতম্ ।
ততঃ শিবেন পীঠানাং ষোডেশানং শতং কৃতম্ ॥ ৬ ॥
আসনেভ্যঃ সমস্তেভ্যো দ্বয়মেব বিশিষ্যতে ।
একং সিদ্ধাসনং প্রোক্তং দ্বিতীয়ং কমলাসনম্ ॥ ৭ ॥
য়োনিস্থানকমংঘ্রিমূলঘটিতং কৃত্বা দৃঢং বিন্যসে-
ন্মেঢ্রে পাদমথৈকমেব নিয়তং কৃত্বা সমং বিগ্রহম্ ।
স্থাণুঃ সংয়মিতেন্দ্রিয়োঽচলদৃশা পশ্যন্ভ্রুবোরন্তরং
এতন্মোক্ষকবাটভেদজনকং সিদ্ধাসনং প্রোচ্যতে ॥ ৮ ॥
বামোরূপরি দক্ষিণং হি চরণং সংস্থাপ্য বামং তথা
দক্ষোরূপরি পশ্চিমেন বিধিনা ধৃত্বা করাভ্যাং দৃঢম্ ।
অঙ্গুষ্ঠৌ হৃদয়ে নিধায় চিবুকং নাসাগ্রমালোকয়ে-
দেতদ্ব্যাধিবিকারহারি য়মিনাং পদ্মাসনং প্রোচ্যতে ॥ ৯ ॥
আধারং প্রথমং চক্রং স্বাধিষ্ঠানং দ্বিতীয়কম্ ।
য়োনিস্থানং দ্বয়োর্মধ্যে কামরূপং নিগদ্যতে ॥ ১০ ॥
আধারাখ্যে গুদস্থানে পঙ্কজং য়চ্চতুর্দলম্ ।
তন্মধ্যে প্রোচ্যতে য়োনিঃ কামাখ্যা সিদ্ধবন্দিতা ॥ ১১ ॥
য়োনিমধ্যে মহালিঙ্গং পশ্চিমাভিমুখং স্থিতম্ ।
মস্তকে মণিবদ্ভিন্নং য়ো জানাতি স য়োগবিত্ ॥ ১২ ॥
তপ্তচামীকরাভাসং তডিল্লেখেব বিস্ফুরত্ ।
চতুরস্রং পুরং বহ্নেরধোমেঢ্রাত্প্রিতিষ্ঠিতম্ ॥ ১৩ ॥
স্বশব্দেন ভবেত্প্রাণঃ স্বাধিষ্ঠানং তদাশ্রয়ঃ ।
স্বাধিষ্ঠানাখ্যয়া তস্মান্মেঢ্রবাভিধীয়তে ॥ ১৪ ॥
তন্তুনা মণিবত্প্রোতো য়ত্র কন্দঃ সুষুম্ণয়া ।
তন্নাভিমণ্ডলং চক্রং প্রোচ্যতে মণিপূরকম্ ॥ ১৫ ॥
ঊর্ধ্বং মেঢ্রাদধো নাভেঃ কন্দয়োনিঃ স্বগাণ্ডবত্ ।
তত্র নাড্যঃ সমুত্পন্নাঃ সহস্রাণি দ্বিসপ্ততিঃ ॥ ১৬ ॥
তেষু নাডিসহস্রেষু দ্বিসপ্ততিরুদাহৃতাঃ ।
প্রাধান্যাত্প্রাণবাহিন্যো ভূয়স্তত্র দশ স্মৃতাঃ ॥ ১৭ ॥
ইডা চ পিঙ্গলা চৈব সুষুম্ণা চ তৃতীয়কা ।
গান্ধারী হস্তিজিহ্বা চ পূষা চৈব য়শস্বিনী ॥ ১৮ ॥
অলম্বুষা কুহূশ্চৈব শঙ্খিনী দশমী স্মৃতা ।
এতন্নাডিময়ং চক্রং জ্ঞাতব্যং য়োগিভিঃ সদা ॥ ১৯ ॥
ইডা বামে স্থিতা ভাগে পিঙ্গলা দক্ষিণে তথা ।
সুষুম্ণা মধ্যদেশে তু গান্ধারী বামচক্ষুষি ॥ ২০ ॥
দক্ষিণে হস্তিজিহ্বা চ পূষা কর্ণে চ দক্ষিণে ।
য়শস্বিনী বামকর্ণে চাসনে বাপ্যলম্বুষা ॥ ২১ ॥
কূহুশ্চ লিঙ্গদেশে তু মূলস্থানে চ শঙ্খিনী ।
এবং দ্বারমুপাশ্রিত্য তিষ্ঠন্তি দশ নাডিকাঃ ॥ ২২ ॥
সততং প্রাণবাহিন্যঃ সোমসূর্যাগ্নিদেবতাঃ ।
ইডাপিঙ্গলাসুষুম্ণা চ তিস্রো নাড্য উদাহৃতাঃ ॥ ২৩ ॥
প্রাণাপানৌ সমানশ্চ হ্যুদানো ব্যান এব চ ।
নাগঃ কূর্মশ্চ কৃকরো দেবদত্তো ধনঞ্জয়ঃ ॥ ২৪ ॥
নাগাদ্যাঃ পঞ্চ বিখ্যাতাঃ প্রাণাদ্যাঃ পঞ্চ বায়বঃ ।
এতে নাডিসহস্রেষু বর্তন্তে জীবরূপিণঃ ॥ ২৫ ॥
প্রাণাপানবশো জীবো হ্যধশ্চোর্ধ্বং চ ধাবতি ।
বামদক্ষিণমার্গেণ চঞ্চলত্বান্ন দৃশ্যতে ॥ ২৬ ॥
আক্ষিপ্তো ভুবি দণ্ডেন য়থোচ্চলতি কন্দুকঃ ।
প্রাণাপানসমাক্ষিপ্তস্তথা জীবোঽনুকৃষ্যতে ॥ ২৭ ॥
রজ্জুবদ্ধো য়থা শ্যেনো গতোঽপ্যাকৃষ্যতে ।
গুণবদ্ধস্তথা জীবঃ প্রাণাপানেন কৃষ্যতে ॥ ২৮ ॥
অপানঃ কর্ষতি প্রাণঃ প্রাণোঽপানং চ কর্ষতি ।
ঊর্ধ্বাধঃ সংস্থিতাবেতৌ য়ো জানাতি স য়োগবিত্ ॥ ২৯ ॥
কন্দোর্ধ্বে কুণ্ডলীশক্তিরষ্টধা কুণ্ডলীকৃতা ।
ব্রহ্মদ্বারমুখং নিত্যং মুখেনাবৃত্য তিষ্ঠতি ॥ ৩০ ॥
প্রবুদ্ধা বহ্নিয়োগেন মনসা মারুতা হতা ।
প্রজীবগুণমাদায় ব্রজত্যূর্ধ্বং সুষুম্ণয়া ॥ ৩১ ॥
মহামুদ্রাং নমোমুদ্রামুড্ডিয়ানং জলন্ধরম্ ।
মূলবন্ধং চ য়ো বেত্তি স য়োগী সিদ্ধিভাজনম্ ॥ ৩২ ॥
বক্ষোন্যস্তহনুর্নিপীড্য সুচিরং য়োনিং চ বামাংঘ্রিণা
হস্তাভ্যামবধারিতং প্রসরিতং পাদং তথা দক্ষিণম্ ।
আপূর্য শ্বসনেন কুক্ষিয়ুগলং বদ্ধ্বা শনৈ রেচয়েদ্
এষা পাতকনাশিনী সুমহতী মুদ্রা নৄণাং প্রোচ্যতে ॥ ৩৩ ॥
কপালকুহরে জিহ্বা প্রবিষ্টা বিপরীতগা ।
ভ্রুবোরন্তর্গতা দৃষ্টির্মুদ্রা ভবতি খেচরী ॥ ৩৪ ॥
ঊর্ধ্বং মেঢ্রাদধো নাভেরুড্ডিয়ানং প্রচক্ষতে ।
উড্ডিয়ানজয়ো বন্ধো মৃত্যুমাতঙ্গকেসরী ॥ ৩৫ ॥
জালন্ধরে কৃতে বন্ধে কণ্ঠসঙ্কোচলক্ষণে ।
ন পীয়ূষং পতত্যগ্নৌ ন চ বায়ুঃ প্রকুপ্যতি ॥ ৩৬ ॥
পার্ষ্ণিভাগেন সম্পীড্য য়োনিমাকুঞ্চয়েদ্গুদম্ ।
অপানমূর্ধ্বমাকৃষ্য মূলবন্ধো নিগদ্যতে ॥ ৩৭ ॥
য়তঃ কালভয়াত্ ব্রহ্মা প্রাণায়ামপরায়ণঃ ।
য়োগিনো মুনয়শ্চৈব ততঃ প্রাণং নিবন্ধয়েত্ ॥ ৩৮ ॥
চলে বাতে চলং সর্বং নিশ্চলে নিশ্চলং ভবেত্ ।
য়োগী স্থাণুত্বমাপ্নোতি ততো বায়ুং নিবন্ধয়েত্ ॥ ৩৯ ॥
ষট্ত্রিংশদঙ্গুলং হংসঃ প্রয়াণং কুরুতে বহিঃ ।
বামদক্ষিণমার্গেণ ততঃ প্রাণোঽভিধীয়তে ॥ ৪০ ॥
বদ্ধপদ্মাসনো য়োগী নমস্কৃত্য গুরুং শিবম্ ।
নাসাগ্রদৃষ্টিরেকাকী প্রাণায়ামং সমভ্যসেত্ ॥ ৪১ ॥
প্রাণো দেহস্থিতো বায়ুরায়ামস্তন্নিবন্ধনম্ ।
একশ্বাসময়ী মাত্রা তদ্যোগো গগনায়তে ॥ ৪২ ॥
বদ্ধপদ্মাসনো য়োগী প্রাণং চন্দ্রেণ পূরয়েত্ ।
ধারয়িত্বা য়থাশক্তি ভূয়ঃ সূর্যেণ রেচয়েত্ ॥ ৪৩ ॥
অমৃতোদধিসঙ্কাশং ক্ষীরোদধবলপ্রভম্ ।
ধ্যাত্বা চন্দ্রময়ং বিম্বং প্রাণায়ামে সুখী ভবেত্ ॥ ৪৪ ॥
প্রাণং সূর্যেণ চাকৃষ্য পূরয়েদুদরং শনৈঃ ।
কুম্ভয়িত্বা বিধানেন ভূয়শ্চন্দ্রেণ রেচয়েত্ ॥ ৪৫ ॥
প্রজ্বলজ্জ্বলন জ্বালা পুঞ্জমাদিত্যমণ্ডলম্ ।
ধ্যাত্বা নাভিস্থিতং য়োগী প্রাণায়ামে সুখী ভবেত্ ॥ ৪৬ ॥
রেচকঃ পূরকশ্চৈব কুম্ভকঃ প্রণবাত্মকঃ ।
প্রাণায়ামো ভবেত্ত্রেধা মাত্রা দ্বাদশসংয়ুতঃ ॥ ৪৭ ॥
দ্বাদশাধমকে মাত্রা মধ্যমে দ্বিগুণাস্ততঃ ।
উত্তমে ত্রিগুণা মাত্রাঃ প্রাণায়ামস্য নির্ণয়ঃ ॥ ৪৮ ॥
অধমে চ ঘনো ঘর্মঃ কম্পো ভবতি মধ্যমে ।
উত্তিষ্ঠত্যুত্তমে য়োগী বদ্ধপদ্মাসনো মুহুঃ ॥ ৪৯ ॥
অঙ্গানাং মর্দনং শস্তং শ্রমসংজাতবারিণা ।
কট্বম্ললবণত্যাগী ক্ষীরভোজনমাচরেত্ ॥ ৫০ ॥
মন্দং মন্দং পিবেদ্বায়ুং মন্দং মন্দং বিয়োজয়েত্ ।
নাধিকং স্তম্ভয়েদ্বায়ুং ন চ শীঘ্রং বিমোচয়েত্ ॥ ৫১ ॥
ঊর্ধ্বমাকৃষ্য চাপানং বাতং প্রাণে নিয়োজয়েত্ ।
মূর্ধানং নীয়তে শক্ত্যা সর্বপাপৈঃ প্রমুচ্যতে ॥ ৫২ ॥
প্রাণায়ামো ভবত্যেবং পাতকেন্ধনপাতকঃ ।
এনোম্বুধিমহাসেতুঃ প্রোচ্যতে য়োগিভিঃ সদা ॥ ৫৩ ॥
আসনেন রুজো হন্তি প্রাণায়ামেন পাতকম্ ।
বিকারং মানসং য়োগী প্রত্যাহারেণ সর্বদা ॥ ৫৪ ॥
চন্দ্রামৃতময়ীং ধারাং প্রত্যাহারতি ভাস্করঃ ।
তত্প্রত্যাহরণং তস্য প্রত্যাহারঃ স উচ্যতে ॥ ৫৫ ॥
একা স্ত্রী ভুজ্যতে দ্বাভ্যামাগতা সোমমণ্ডলাত্ ।
তৃতীয়ো য়ো ভবেত্তাভ্যাং স ভবত্যজরামরঃ ॥ ৫৬ ॥
নাভিদেশে ভবত্যেকো ভাস্করো দহনাত্মকঃ ।
অমৃতাত্মা স্থিতো নিত্যং তালুমূলে চ চন্দ্রমাঃ ॥ ৫৭ ॥
বর্ষত্যধোমুখশ্চন্দ্রো গ্রসত্যূর্ধ্বমুখো রবিঃ ।
জ্ঞাতব্যং করণং তত্র য়েন পীয়ূষমাপ্যতে ॥ ৫৮ ॥
ঊর্ধ্বনাভিরধস্তালু ঊর্ধ্বভানুরধঃ শশী ।
করণং বিপরীতাখ্যং গুরুবক্ত্রেণ লভ্যতে ॥ ৫৯ ॥
ত্রিধা বদ্ধো বৃষো য়ত্র রৌরবীতি মহাস্বনম্ ।
অনাহতং চ তচ্ চক্রং হৃদয়ে য়োগিনো বিদুঃ ॥ ৬০ ॥
অনাহতমতিক্রম্য চাক্রম্য মণিপূরকম্ ।
প্রাপ্তে প্রাণং মহাপদ্মং য়োগিত্বমমৃতায়তে ॥ ৬১ ॥
বিশব্দঃ সংস্মৃতো হংসো নির্মলঃ শুদ্ধ উচ্যতে ।
অতঃ কণ্ঠে বিশুদ্ধাখ্যে চক্রং চক্রবিদো বিদুঃ ॥ ৬২ ॥
বিশুদ্ধে পরমে চক্রে ধৃত্বা সোমকলাজলম্ ।
মাসেন ন ক্ষয়ং য়াতি বঞ্চয়িত্বা মুখং রবেঃ ॥ ৬৩ ॥
সম্পীড্য রসনাগ্রেণ রাজদন্তবিলং মহত্ ।
ধ্যাত্বামৃতময়ীং দেবীং ষণ্মাসেন কবির্ভবেত্ ॥ ৬৪ ॥
অমৃতাপূর্ণদেহস্য য়োগিনো দ্বিত্রিবত্সরাত্ ।
ঊর্ধ্বং প্রবর্ততে রেতোঽপ্যণিমাদিগুণোদয়ঃ ॥ ৬৫ ॥
ইন্ধনানি য়থা বহ্নিস্তৈলবর্তি চ দীপকঃ ।
তথা সোমকলাপূর্ণং দেহী দেহং ন মুঞ্চতি ॥ ৬৬ ॥
আসনেন সমায়ুক্তঃ প্রাণায়ামেন সংয়ুতঃ ।
প্রত্যাহারেণ সংয়ুক্তো ধারণাং চ সমভ্যসেত্ ॥ ৬৭ ॥
হৃদয়ে পঞ্চভূতানাং ধারণাশ্চ পৃথক্ পৃথক্ ।
মনসো নিশ্চলত্বেন ধারণা চ বিধীয়তে ॥ ৬৮ ॥
য়া পৃথ্বী হরিতালদেশরুচিরা পীতা লকারান্বিতা
সংয়ুক্তা কমলাসনেন হি চতুষ্কোণা হৃদি স্থায়িনী ।
প্রাণং তত্র বিনীয় পঞ্চঘটিকাশ্চিত্তান্বিতং ধারয়েদ্
এষা স্তম্ভকরী সদা ক্ষিতিজয়ং কুর্যাদ্ভুবো ধারণা ॥ ৬৯ ॥
অর্ধেন্দুপ্রতিমং চ কুন্দধবলং কণ্ঠেঽম্বুতত্তবং স্থিতং
য়ত্পীয়ূষবকারবীজসহিতং য়ুক্তং সদা বিষ্ণুনা ।
প্রাণং তত্র বিনীয় পঞ্চঘটিকাশ্চিত্তান্বিতং ধারয়েদ্
এষা দুর্বহকালকূটজরণা স্যাদ্বারিণী ধারণা ॥ ৭০ ॥
য়ত্তালস্থিতমিন্দ্রগোপসদৃশং তত্ত্বং ত্রিকোণোজ্জ্বলং
তেজোরেফময়ং প্রবালরুচিরং রুদ্রেণ য়ত্সঙ্গতম্ ।
প্রাণং তত্র বিনীয় পঞ্চঘটিকাশ্চিত্তান্বিতং ধারয়ে
এষা বহ্নিজয়ং সদা বিদধতে বৈশ্বানরী ধারণা ॥ ৭১ ॥
য়দ্ভিন্নাঞ্জনপুঞ্জসান্নিভমিদং তত্ত্বং ভ্রুবোরন্তরে
বৃত্তং বায়ুময়ং য়কারসহিতং য়ত্রেশ্বরো দেবতা ।
প্রাণং তত্র বিনীয় পঞ্চঘটিকাশ্চিত্তান্বিতং ধারয়েদ্
এষা খে গমনং করোতি য়মিনাং স্যাদ্বায়বী ধারণা ॥ ৭২ ॥
আকাশং সুবিশুদ্ধবারিসদৃশং য়দ্ব্রহ্মরন্ধ্রে স্থিতং
তত্রাদ্যেন সদাশিবেন সহিতং শান্তং হকারাক্ষরম্ ।
প্রাণং তত্র বিনীয় পঞ্চঘটিকাশ্চিত্তান্বিতং ধারয়েদ্
এষা মোক্ষকবাটপাটনপটুঃ প্রোক্তা নভোধারণা ॥ ৭৩ ॥
স্তম্ভনী দ্রাবণী চৈব দহনী ভ্রামণী তথা ।
শোষণী চ ভবন্ত্যেবং ভূতানাং পঞ্চধারণাঃ ॥ ৭৪ ॥
কর্মণা মনসা বাচা ধারণাঃ পঞ্চ দুর্লভাঃ ।
বিধায় সততং য়োগী সর্বপাপৈঃ প্রমুচ্যতে ॥ ৭৫ ॥
সর্বং চিন্তাসমাবর্তি য়োগিনো হৃদি বর্ততে ।
য়ত্তত্ত্বে নিশ্চিতং চেতস্তত্তু ধ্যানং প্রচক্ষতে ॥ ৭৬ ॥
দ্বিধা ভবতি তদ্ধ্যানং সগুণং নির্গুণং তথা ।
সগুণং বর্ণভেদেন নির্গুণং কেবলং বিদুঃ ॥ ৭৭ ॥
আধারং প্রথমং চক্রং তপ্তকাঞ্চনসন্নিভম্ ।
নাসাগ্রে দৃষ্টিমাদায় ধ্যাত্বা মুঞ্চতি কিল্বিষম্ ॥ ৭৮ ॥
স্বাধিষ্ঠানং দ্বিতীয়ং তু সন্মাণিক্যসুশোভনম্ ।
নাসাগ্রে দৃষ্টিমাদায় ধ্যাত্বা মুঞ্চতি পাতকম্ ॥ ৭৯ ॥
তরুণাদিত্যসংকাশং চক্রং চ মণিপূরকম্ ।
নাসাগ্রে দৃষ্টিমাদায় ধ্যাত্বা সংক্ষোভয়েজ্জগত্ ॥ ৮০ ॥
[verse missing]
বিদ্যুত্প্রভাবং হৃত্পদ্মে প্রাণায়ামবিভেদনৈঃ ।
নাসাগ্রে দৃষ্টিমাদায় ধ্যাত্বা ব্রহ্মময়ো ভবেত্ ॥ ৮২ ॥
সন্ততং ঘণ্টিকামধ্যে বিশুদ্ধং চামৃতোদ্ভবম্ ।
নাসাগ্রে দৃষ্টিমাদায় ধ্যাত্বা ব্রহ্মময়ো ভবেত্ ॥ ৮৩ ॥
ভ্রুবোর্মধ্যে স্থিতং দেবং স্নিগ্ধমৌক্তিকসন্নিভম্ ।
নাসাগ্রে দৃষ্টিমাদায় ধ্যাত্বাঽনন্দময়ো ভবেত্ ॥ ৮৪ ॥
নির্গুণং চ শিবং শান্তং গগনে বিশ্বতোমুখম্ ।
নাসাগ্রে দৃষ্টিমাদায় ধ্যাত্বা দুঃখাদ্বিমুচ্যতে ॥ ৮৫ ॥
গুদং মেঢ্রং চ নাভিং চ হৃত্পদ্মে চ তদূর্ধ্বতঃ ।
ঘণ্টিকাং লম্পিকাস্থানং ভ্রূমধ্যে পরমেশ্বরম্ ॥ ৮৬ ॥
নির্মলং গগনাকারং মরীচিজলসন্নিভম্ ।
আত্মানং সর্বগং ধ্যাত্বা য়োগী য়োগমবাপ্নুয়াত্ ॥ ৮৭ ॥
কথিতানি য়থৈতানি ধ্যানস্থানানি য়োগিনাম্ ।
উপাধিতত্ত্বয়ুক্তানি কুর্বন্ত্যষ্টগুণোদয়ম্ ॥ ৮৮ ॥
উপাধিশ্চ তথা তত্ত্বং দ্বয়মেবমুদাহৃতম্ ।
উপাধিঃ প্রোচ্যতে বর্ণস্তত্ত্বমাত্মাভিধীয়তে ॥ ৮৯ ॥
উপাধিরন্যথাজ্ঞানং তত্ত্বং সংস্থিতমন্যথা ।
সমস্তোপাধিবিধ্বংসি সদাভ্যাসেন য়োগিনাম্ ॥ ৯০ ॥
আত্মবর্ণেন ভেদেন দৃশ্যতে স্ফাটিকো মণিঃ ।
মুক্তো য়ঃ শক্তিভেদেন সোঽয়মাত্মা প্রশস্যতে ॥ ৯১ ॥
নিরাতঙ্কং নিরালম্বং নিষ্প্রপঞ্চং নিরাশ্রয়ম্ ।
নিরাময়ং নিরাকারং তত্ত্বং তত্ত্ববিদো বিদুঃ ॥ ৯২ ॥
শব্দাদ্যাঃ পঞ্চ য়া মাত্রা য়াবত্ কর্ণাদিষু স্মৃতাঃ ।
তাবদেব স্মৃতং ধ্যানং তত্সমাধিরতঃ পরম্ ॥ ৯৩ ॥
য়দা সংক্ষীয়তে প্রাণো মানসং চ বিলীয়তে ।
তদা সমরসৈকত্বং সমাধিরভিধীয়তে ॥ ৯৪ ॥
[verse missing]
ধারণাঃ পঞ্চনাড্যস্তু ধ্যানং চ ষষ্ঠিনাডিকাঃ ।
দিনদ্বাদশকেনৈব সমাধিঃ প্রাণসংয়মঃ ॥ ৯৬ ॥
ন গন্ধং ন রসং রূপং ন স্পর্শং ন চ নিঃস্বনম্ ।
আত্মানং ন পরং বেত্তি য়োগী য়ুক্তঃ সমাধিনা ॥ ৯৭ ॥
খাদ্যতে ন চ কালেন বাধ্যতে ন চ কর্মণা ।
সাধ্যতে ন চ কেনাপি য়োগী য়ুক্তঃ সমাধিনা ॥ ৯৮ ॥
নির্মলং নিশ্চলং নিত্যং নিষ্ক্রিয়ং নির্গুণং মহত্ ।
ব্যোমবিজ্ঞানমানন্দং ব্রহ্ম ব্রহ্মবিদো বিদুঃ ॥ ৯৯ ॥
দুগ্ধে ক্ষীরং ধৃতে সর্পিরগ্নৌ বহ্নিরিবার্পিতঃ ।
অদ্বয়ত্বং ব্রজেন্নিত্যং য়োগবিত্পরমে পদে ॥ ১০০ ॥
ভবভয়বনে বহ্নির্মুক্তিসোপানমার্গতঃ ।
অদ্বয়ত্বং ব্রজেন্নিত্যং য়োগবিত্পরমে পদে ॥ ১০১ ॥
॥ ইতি শ্রী গোরক্ষনাথপ্রণীতঃ গোরক্ষশতকং সমাপ্তম্ ॥