॥ Goraksha Ashatakam 1 Odia Lyrics ॥
॥ ଗୋରକ୍ଷଶତକମ୍ ୧ ॥
ଓଂ ପରମଗୁରଵେ ଗୋରକ୍ଷନାଥାୟ ନମଃ ।
ଓଂ ଗୋରକ୍ଷଶତକଂ ଵକ୍ଷ୍ୟେ ଭଵପାଶଵିମୁକ୍ତୟେ ।
ଆତ୍ମବୋଧକରଂ ପୁଂସାଂ ଵିଵେକଦ୍ଵାରକୁଞ୍ଚିକାମ୍ ॥ ୧ ॥
ଏତଦ୍ଵିମୁକ୍ତିସୋପାନମେତତ୍କାଲସ୍ୟ ଵଞ୍ଚନମ୍ ।
ୟଦ୍ଵ୍ୟାଵୃତ୍ତଂ ମନୋ ମୋହାଦାସକ୍ତଂ ପରମାତ୍ମନି ॥ ୨ ॥
ଦ୍ଵିଜସେଵିତଶାଖସ୍ୟ ଶ୍ରୁତିକଲ୍ପତରୋଃ ଫଲମ୍ ।
ଶମନଂ ଭଵତାପସ୍ୟ ୟୋଗଂ ଭଜତି ସଜ୍ଜନଃ ॥ ୩ ॥
ଆସନଂ ପ୍ରାଣସଂୟାମଃ ପ୍ରତ୍ୟାହାରୋଽଥ ଧାରଣା ।
ଧ୍ୟାନଂ ସମାଧିରେତାନି ୟୋଗାଙ୍ଗାନି ଭଵନ୍ତି ଷଟ୍ ॥ ୪ ॥
ଆସନାନି ତୁ ତାଵନ୍ତି ୟାଵତ୍ୟୋ ଜୀଵଜାତୟଃ ।
ଏତେଷାମଖିଲାନ୍ଭେଦାନ୍ଵିଜାନାତି ମହେଶ୍ଵରଃ ॥ ୫ ॥
ଚତୁରାଶୀତିଲକ୍ଷାଣାଂ ଏକମେକମୁଦାହୃତମ୍ ।
ତତଃ ଶିଵେନ ପୀଠାନାଂ ଷୋଡେଶାନଂ ଶତଂ କୃତମ୍ ॥ ୬ ॥
ଆସନେଭ୍ୟଃ ସମସ୍ତେଭ୍ୟୋ ଦ୍ଵୟମେଵ ଵିଶିଷ୍ୟତେ ।
ଏକଂ ସିଦ୍ଧାସନଂ ପ୍ରୋକ୍ତଂ ଦ୍ଵିତୀୟଂ କମଲାସନମ୍ ॥ ୭ ॥
ୟୋନିସ୍ଥାନକମଂଘ୍ରିମୂଲଘଟିତଂ କୃତ୍ଵା ଦୃଢଂ ଵିନ୍ୟସେ-
ନ୍ମେଢ୍ରେ ପାଦମଥୈକମେଵ ନିୟତଂ କୃତ୍ଵା ସମଂ ଵିଗ୍ରହମ୍ ।
ସ୍ଥାଣୁଃ ସଂୟମିତେନ୍ଦ୍ରିୟୋଽଚଲଦୃଶା ପଶ୍ୟନ୍ଭ୍ରୁଵୋରନ୍ତରଂ
ଏତନ୍ମୋକ୍ଷକଵାଟଭେଦଜନକଂ ସିଦ୍ଧାସନଂ ପ୍ରୋଚ୍ୟତେ ॥ ୮ ॥
ଵାମୋରୂପରି ଦକ୍ଷିଣଂ ହି ଚରଣଂ ସଂସ୍ଥାପ୍ୟ ଵାମଂ ତଥା
ଦକ୍ଷୋରୂପରି ପଶ୍ଚିମେନ ଵିଧିନା ଧୃତ୍ଵା କରାଭ୍ୟାଂ ଦୃଢମ୍ ।
ଅଙ୍ଗୁଷ୍ଠୌ ହୃଦୟେ ନିଧାୟ ଚିବୁକଂ ନାସାଗ୍ରମାଲୋକୟେ-
ଦେତଦ୍ଵ୍ୟାଧିଵିକାରହାରି ୟମିନାଂ ପଦ୍ମାସନଂ ପ୍ରୋଚ୍ୟତେ ॥ ୯ ॥
ଆଧାରଂ ପ୍ରଥମଂ ଚକ୍ରଂ ସ୍ଵାଧିଷ୍ଠାନଂ ଦ୍ଵିତୀୟକମ୍ ।
ୟୋନିସ୍ଥାନଂ ଦ୍ଵୟୋର୍ମଧ୍ୟେ କାମରୂପଂ ନିଗଦ୍ୟତେ ॥ ୧୦ ॥
ଆଧାରାଖ୍ୟେ ଗୁଦସ୍ଥାନେ ପଙ୍କଜଂ ୟଚ୍ଚତୁର୍ଦଲମ୍ ।
ତନ୍ମଧ୍ୟେ ପ୍ରୋଚ୍ୟତେ ୟୋନିଃ କାମାଖ୍ୟା ସିଦ୍ଧଵନ୍ଦିତା ॥ ୧୧ ॥
ୟୋନିମଧ୍ୟେ ମହାଲିଙ୍ଗଂ ପଶ୍ଚିମାଭିମୁଖଂ ସ୍ଥିତମ୍ ।
ମସ୍ତକେ ମଣିଵଦ୍ଭିନ୍ନଂ ୟୋ ଜାନାତି ସ ୟୋଗଵିତ୍ ॥ ୧୨ ॥
ତପ୍ତଚାମୀକରାଭାସଂ ତଡିଲ୍ଲେଖେଵ ଵିସ୍ଫୁରତ୍ ।
ଚତୁରସ୍ରଂ ପୁରଂ ଵହ୍ନେରଧୋମେଢ୍ରାତ୍ପ୍ରିତିଷ୍ଠିତମ୍ ॥ ୧୩ ॥
ସ୍ଵଶବ୍ଦେନ ଭଵେତ୍ପ୍ରାଣଃ ସ୍ଵାଧିଷ୍ଠାନଂ ତଦାଶ୍ରୟଃ ।
ସ୍ଵାଧିଷ୍ଠାନାଖ୍ୟୟା ତସ୍ମାନ୍ମେଢ୍ରଵାଭିଧୀୟତେ ॥ ୧୪ ॥
ତନ୍ତୁନା ମଣିଵତ୍ପ୍ରୋତୋ ୟତ୍ର କନ୍ଦଃ ସୁଷୁମ୍ଣୟା ।
ତନ୍ନାଭିମଣ୍ଡଲଂ ଚକ୍ରଂ ପ୍ରୋଚ୍ୟତେ ମଣିପୂରକମ୍ ॥ ୧୫ ॥
ଊର୍ଧ୍ଵଂ ମେଢ୍ରାଦଧୋ ନାଭେଃ କନ୍ଦୟୋନିଃ ସ୍ଵଗାଣ୍ଡଵତ୍ ।
ତତ୍ର ନାଡ୍ୟଃ ସମୁତ୍ପନ୍ନାଃ ସହସ୍ରାଣି ଦ୍ଵିସପ୍ତତିଃ ॥ ୧୬ ॥
ତେଷୁ ନାଡିସହସ୍ରେଷୁ ଦ୍ଵିସପ୍ତତିରୁଦାହୃତାଃ ।
ପ୍ରାଧାନ୍ୟାତ୍ପ୍ରାଣଵାହିନ୍ୟୋ ଭୂୟସ୍ତତ୍ର ଦଶ ସ୍ମୃତାଃ ॥ ୧୭ ॥
ଇଡା ଚ ପିଙ୍ଗଲା ଚୈଵ ସୁଷୁମ୍ଣା ଚ ତୃତୀୟକା ।
ଗାନ୍ଧାରୀ ହସ୍ତିଜିହ୍ଵା ଚ ପୂଷା ଚୈଵ ୟଶସ୍ଵିନୀ ॥ ୧୮ ॥
ଅଲମ୍ବୁଷା କୁହୂଶ୍ଚୈଵ ଶଙ୍ଖିନୀ ଦଶମୀ ସ୍ମୃତା ।
ଏତନ୍ନାଡିମୟଂ ଚକ୍ରଂ ଜ୍ଞାତଵ୍ୟଂ ୟୋଗିଭିଃ ସଦା ॥ ୧୯ ॥
ଇଡା ଵାମେ ସ୍ଥିତା ଭାଗେ ପିଙ୍ଗଲା ଦକ୍ଷିଣେ ତଥା ।
ସୁଷୁମ୍ଣା ମଧ୍ୟଦେଶେ ତୁ ଗାନ୍ଧାରୀ ଵାମଚକ୍ଷୁଷି ॥ ୨୦ ॥
ଦକ୍ଷିଣେ ହସ୍ତିଜିହ୍ଵା ଚ ପୂଷା କର୍ଣେ ଚ ଦକ୍ଷିଣେ ।
ୟଶସ୍ଵିନୀ ଵାମକର୍ଣେ ଚାସନେ ଵାପ୍ୟଲମ୍ବୁଷା ॥ ୨୧ ॥
କୂହୁଶ୍ଚ ଲିଙ୍ଗଦେଶେ ତୁ ମୂଲସ୍ଥାନେ ଚ ଶଙ୍ଖିନୀ ।
ଏଵଂ ଦ୍ଵାରମୁପାଶ୍ରିତ୍ୟ ତିଷ୍ଠନ୍ତି ଦଶ ନାଡିକାଃ ॥ ୨୨ ॥
ସତତଂ ପ୍ରାଣଵାହିନ୍ୟଃ ସୋମସୂର୍ୟାଗ୍ନିଦେଵତାଃ ।
ଇଡାପିଙ୍ଗଲାସୁଷୁମ୍ଣା ଚ ତିସ୍ରୋ ନାଡ୍ୟ ଉଦାହୃତାଃ ॥ ୨୩ ॥
ପ୍ରାଣାପାନୌ ସମାନଶ୍ଚ ହ୍ୟୁଦାନୋ ଵ୍ୟାନ ଏଵ ଚ ।
ନାଗଃ କୂର୍ମଶ୍ଚ କୃକରୋ ଦେଵଦତ୍ତୋ ଧନଞ୍ଜୟଃ ॥ ୨୪ ॥
ନାଗାଦ୍ୟାଃ ପଞ୍ଚ ଵିଖ୍ୟାତାଃ ପ୍ରାଣାଦ୍ୟାଃ ପଞ୍ଚ ଵାୟଵଃ ।
ଏତେ ନାଡିସହସ୍ରେଷୁ ଵର୍ତନ୍ତେ ଜୀଵରୂପିଣଃ ॥ ୨୫ ॥
ପ୍ରାଣାପାନଵଶୋ ଜୀଵୋ ହ୍ୟଧଶ୍ଚୋର୍ଧ୍ଵଂ ଚ ଧାଵତି ।
ଵାମଦକ୍ଷିଣମାର୍ଗେଣ ଚଞ୍ଚଲତ୍ଵାନ୍ନ ଦୃଶ୍ୟତେ ॥ ୨୬ ॥
ଆକ୍ଷିପ୍ତୋ ଭୁଵି ଦଣ୍ଡେନ ୟଥୋଚ୍ଚଲତି କନ୍ଦୁକଃ ।
ପ୍ରାଣାପାନସମାକ୍ଷିପ୍ତସ୍ତଥା ଜୀଵୋଽନୁକୃଷ୍ୟତେ ॥ ୨୭ ॥
ରଜ୍ଜୁବଦ୍ଧୋ ୟଥା ଶ୍ୟେନୋ ଗତୋଽପ୍ୟାକୃଷ୍ୟତେ ।
ଗୁଣବଦ୍ଧସ୍ତଥା ଜୀଵଃ ପ୍ରାଣାପାନେନ କୃଷ୍ୟତେ ॥ ୨୮ ॥
ଅପାନଃ କର୍ଷତି ପ୍ରାଣଃ ପ୍ରାଣୋଽପାନଂ ଚ କର୍ଷତି ।
ଊର୍ଧ୍ଵାଧଃ ସଂସ୍ଥିତାଵେତୌ ୟୋ ଜାନାତି ସ ୟୋଗଵିତ୍ ॥ ୨୯ ॥
କନ୍ଦୋର୍ଧ୍ଵେ କୁଣ୍ଡଲୀଶକ୍ତିରଷ୍ଟଧା କୁଣ୍ଡଲୀକୃତା ।
ବ୍ରହ୍ମଦ୍ଵାରମୁଖଂ ନିତ୍ୟଂ ମୁଖେନାଵୃତ୍ୟ ତିଷ୍ଠତି ॥ ୩୦ ॥
ପ୍ରବୁଦ୍ଧା ଵହ୍ନିୟୋଗେନ ମନସା ମାରୁତା ହତା ।
ପ୍ରଜୀଵଗୁଣମାଦାୟ ଵ୍ରଜତ୍ୟୂର୍ଧ୍ଵଂ ସୁଷୁମ୍ଣୟା ॥ ୩୧ ॥
ମହାମୁଦ୍ରାଂ ନମୋମୁଦ୍ରାମୁଡ୍ଡିୟାନଂ ଜଲନ୍ଧରମ୍ ।
ମୂଲବନ୍ଧଂ ଚ ୟୋ ଵେତ୍ତି ସ ୟୋଗୀ ସିଦ୍ଧିଭାଜନମ୍ ॥ ୩୨ ॥
ଵକ୍ଷୋନ୍ୟସ୍ତହନୁର୍ନିପୀଡ୍ୟ ସୁଚିରଂ ୟୋନିଂ ଚ ଵାମାଂଘ୍ରିଣା
ହସ୍ତାଭ୍ୟାମଵଧାରିତଂ ପ୍ରସରିତଂ ପାଦଂ ତଥା ଦକ୍ଷିଣମ୍ ।
ଆପୂର୍ୟ ଶ୍ଵସନେନ କୁକ୍ଷିୟୁଗଲଂ ବଦ୍ଧ୍ଵା ଶନୈ ରେଚୟେଦ୍
ଏଷା ପାତକନାଶିନୀ ସୁମହତୀ ମୁଦ୍ରା ନୄଣାଂ ପ୍ରୋଚ୍ୟତେ ॥ ୩୩ ॥
କପାଲକୁହରେ ଜିହ୍ଵା ପ୍ରଵିଷ୍ଟା ଵିପରୀତଗା ।
ଭ୍ରୁଵୋରନ୍ତର୍ଗତା ଦୃଷ୍ଟିର୍ମୁଦ୍ରା ଭଵତି ଖେଚରୀ ॥ ୩୪ ॥
ଊର୍ଧ୍ଵଂ ମେଢ୍ରାଦଧୋ ନାଭେରୁଡ୍ଡିୟାନଂ ପ୍ରଚକ୍ଷତେ ।
ଉଡ୍ଡିୟାନଜୟୋ ବନ୍ଧୋ ମୃତ୍ୟୁମାତଙ୍ଗକେସରୀ ॥ ୩୫ ॥
ଜାଲନ୍ଧରେ କୃତେ ବନ୍ଧେ କଣ୍ଠସଙ୍କୋଚଲକ୍ଷଣେ ।
ନ ପୀୟୂଷଂ ପତତ୍ୟଗ୍ନୌ ନ ଚ ଵାୟୁଃ ପ୍ରକୁପ୍ୟତି ॥ ୩୬ ॥
ପାର୍ଷ୍ଣିଭାଗେନ ସମ୍ପୀଡ୍ୟ ୟୋନିମାକୁଞ୍ଚୟେଦ୍ଗୁଦମ୍ ।
ଅପାନମୂର୍ଧ୍ଵମାକୃଷ୍ୟ ମୂଲବନ୍ଧୋ ନିଗଦ୍ୟତେ ॥ ୩୭ ॥
ୟତଃ କାଲଭୟାତ୍ ବ୍ରହ୍ମା ପ୍ରାଣାୟାମପରାୟଣଃ ।
ୟୋଗିନୋ ମୁନୟଶ୍ଚୈଵ ତତଃ ପ୍ରାଣଂ ନିବନ୍ଧୟେତ୍ ॥ ୩୮ ॥
ଚଲେ ଵାତେ ଚଲଂ ସର୍ଵଂ ନିଶ୍ଚଲେ ନିଶ୍ଚଲଂ ଭଵେତ୍ ।
ୟୋଗୀ ସ୍ଥାଣୁତ୍ଵମାପ୍ନୋତି ତତୋ ଵାୟୁଂ ନିବନ୍ଧୟେତ୍ ॥ ୩୯ ॥
ଷଟ୍ତ୍ରିଂଶଦଙ୍ଗୁଲଂ ହଂସଃ ପ୍ରୟାଣଂ କୁରୁତେ ବହିଃ ।
ଵାମଦକ୍ଷିଣମାର୍ଗେଣ ତତଃ ପ୍ରାଣୋଽଭିଧୀୟତେ ॥ ୪୦ ॥
ବଦ୍ଧପଦ୍ମାସନୋ ୟୋଗୀ ନମସ୍କୃତ୍ୟ ଗୁରୁଂ ଶିଵମ୍ ।
ନାସାଗ୍ରଦୃଷ୍ଟିରେକାକୀ ପ୍ରାଣାୟାମଂ ସମଭ୍ୟସେତ୍ ॥ ୪୧ ॥
ପ୍ରାଣୋ ଦେହସ୍ଥିତୋ ଵାୟୁରାୟାମସ୍ତନ୍ନିବନ୍ଧନମ୍ ।
ଏକଶ୍ଵାସମୟୀ ମାତ୍ରା ତଦ୍ୟୋଗୋ ଗଗନାୟତେ ॥ ୪୨ ॥
ବଦ୍ଧପଦ୍ମାସନୋ ୟୋଗୀ ପ୍ରାଣଂ ଚନ୍ଦ୍ରେଣ ପୂରୟେତ୍ ।
ଧାରୟିତ୍ଵା ୟଥାଶକ୍ତି ଭୂୟଃ ସୂର୍ୟେଣ ରେଚୟେତ୍ ॥ ୪୩ ॥
ଅମୃତୋଦଧିସଙ୍କାଶଂ କ୍ଷୀରୋଦଧଵଲପ୍ରଭମ୍ ।
ଧ୍ୟାତ୍ଵା ଚନ୍ଦ୍ରମୟଂ ବିମ୍ବଂ ପ୍ରାଣାୟାମେ ସୁଖୀ ଭଵେତ୍ ॥ ୪୪ ॥
ପ୍ରାଣଂ ସୂର୍ୟେଣ ଚାକୃଷ୍ୟ ପୂରୟେଦୁଦରଂ ଶନୈଃ ।
କୁମ୍ଭୟିତ୍ଵା ଵିଧାନେନ ଭୂୟଶ୍ଚନ୍ଦ୍ରେଣ ରେଚୟେତ୍ ॥ ୪୫ ॥
ପ୍ରଜ୍ଵଲଜ୍ଜ୍ଵଲନ ଜ୍ଵାଲା ପୁଞ୍ଜମାଦିତ୍ୟମଣ୍ଡଲମ୍ ।
ଧ୍ୟାତ୍ଵା ନାଭିସ୍ଥିତଂ ୟୋଗୀ ପ୍ରାଣାୟାମେ ସୁଖୀ ଭଵେତ୍ ॥ ୪୬ ॥
ରେଚକଃ ପୂରକଶ୍ଚୈଵ କୁମ୍ଭକଃ ପ୍ରଣଵାତ୍ମକଃ ।
ପ୍ରାଣାୟାମୋ ଭଵେତ୍ତ୍ରେଧା ମାତ୍ରା ଦ୍ଵାଦଶସଂୟୁତଃ ॥ ୪୭ ॥
ଦ୍ଵାଦଶାଧମକେ ମାତ୍ରା ମଧ୍ୟମେ ଦ୍ଵିଗୁଣାସ୍ତତଃ ।
ଉତ୍ତମେ ତ୍ରିଗୁଣା ମାତ୍ରାଃ ପ୍ରାଣାୟାମସ୍ୟ ନିର୍ଣୟଃ ॥ ୪୮ ॥
ଅଧମେ ଚ ଘନୋ ଘର୍ମଃ କମ୍ପୋ ଭଵତି ମଧ୍ୟମେ ।
ଉତ୍ତିଷ୍ଠତ୍ୟୁତ୍ତମେ ୟୋଗୀ ବଦ୍ଧପଦ୍ମାସନୋ ମୁହୁଃ ॥ ୪୯ ॥
ଅଙ୍ଗାନାଂ ମର୍ଦନଂ ଶସ୍ତଂ ଶ୍ରମସଂଜାତଵାରିଣା ।
କଟ୍ଵମ୍ଲଲଵଣତ୍ୟାଗୀ କ୍ଷୀରଭୋଜନମାଚରେତ୍ ॥ ୫୦ ॥
ମନ୍ଦଂ ମନ୍ଦଂ ପିବେଦ୍ଵାୟୁଂ ମନ୍ଦଂ ମନ୍ଦଂ ଵିୟୋଜୟେତ୍ ।
ନାଧିକଂ ସ୍ତମ୍ଭୟେଦ୍ଵାୟୁଂ ନ ଚ ଶୀଘ୍ରଂ ଵିମୋଚୟେତ୍ ॥ ୫୧ ॥
ଊର୍ଧ୍ଵମାକୃଷ୍ୟ ଚାପାନଂ ଵାତଂ ପ୍ରାଣେ ନିୟୋଜୟେତ୍ ।
ମୂର୍ଧାନଂ ନୀୟତେ ଶକ୍ତ୍ୟା ସର୍ଵପାପୈଃ ପ୍ରମୁଚ୍ୟତେ ॥ ୫୨ ॥
ପ୍ରାଣାୟାମୋ ଭଵତ୍ୟେଵଂ ପାତକେନ୍ଧନପାତକଃ ।
ଏନୋମ୍ବୁଧିମହାସେତୁଃ ପ୍ରୋଚ୍ୟତେ ୟୋଗିଭିଃ ସଦା ॥ ୫୩ ॥
ଆସନେନ ରୁଜୋ ହନ୍ତି ପ୍ରାଣାୟାମେନ ପାତକମ୍ ।
ଵିକାରଂ ମାନସଂ ୟୋଗୀ ପ୍ରତ୍ୟାହାରେଣ ସର୍ଵଦା ॥ ୫୪ ॥
ଚନ୍ଦ୍ରାମୃତମୟୀଂ ଧାରାଂ ପ୍ରତ୍ୟାହାରତି ଭାସ୍କରଃ ।
ତତ୍ପ୍ରତ୍ୟାହରଣଂ ତସ୍ୟ ପ୍ରତ୍ୟାହାରଃ ସ ଉଚ୍ୟତେ ॥ ୫୫ ॥
ଏକା ସ୍ତ୍ରୀ ଭୁଜ୍ୟତେ ଦ୍ଵାଭ୍ୟାମାଗତା ସୋମମଣ୍ଡଲାତ୍ ।
ତୃତୀୟୋ ୟୋ ଭଵେତ୍ତାଭ୍ୟାଂ ସ ଭଵତ୍ୟଜରାମରଃ ॥ ୫୬ ॥
ନାଭିଦେଶେ ଭଵତ୍ୟେକୋ ଭାସ୍କରୋ ଦହନାତ୍ମକଃ ।
ଅମୃତାତ୍ମା ସ୍ଥିତୋ ନିତ୍ୟଂ ତାଲୁମୂଲେ ଚ ଚନ୍ଦ୍ରମାଃ ॥ ୫୭ ॥
ଵର୍ଷତ୍ୟଧୋମୁଖଶ୍ଚନ୍ଦ୍ରୋ ଗ୍ରସତ୍ୟୂର୍ଧ୍ଵମୁଖୋ ରଵିଃ ।
ଜ୍ଞାତଵ୍ୟଂ କରଣଂ ତତ୍ର ୟେନ ପୀୟୂଷମାପ୍ୟତେ ॥ ୫୮ ॥
ଊର୍ଧ୍ଵନାଭିରଧସ୍ତାଲୁ ଊର୍ଧ୍ଵଭାନୁରଧଃ ଶଶୀ ।
କରଣଂ ଵିପରୀତାଖ୍ୟଂ ଗୁରୁଵକ୍ତ୍ରେଣ ଲଭ୍ୟତେ ॥ ୫୯ ॥
ତ୍ରିଧା ବଦ୍ଧୋ ଵୃଷୋ ୟତ୍ର ରୌରଵୀତି ମହାସ୍ଵନମ୍ ।
ଅନାହତଂ ଚ ତଚ୍ ଚକ୍ରଂ ହୃଦୟେ ୟୋଗିନୋ ଵିଦୁଃ ॥ ୬୦ ॥
ଅନାହତମତିକ୍ରମ୍ୟ ଚାକ୍ରମ୍ୟ ମଣିପୂରକମ୍ ।
ପ୍ରାପ୍ତେ ପ୍ରାଣଂ ମହାପଦ୍ମଂ ୟୋଗିତ୍ଵମମୃତାୟତେ ॥ ୬୧ ॥
ଵିଶବ୍ଦଃ ସଂସ୍ମୃତୋ ହଂସୋ ନିର୍ମଲଃ ଶୁଦ୍ଧ ଉଚ୍ୟତେ ।
ଅତଃ କଣ୍ଠେ ଵିଶୁଦ୍ଧାଖ୍ୟେ ଚକ୍ରଂ ଚକ୍ରଵିଦୋ ଵିଦୁଃ ॥ ୬୨ ॥
ଵିଶୁଦ୍ଧେ ପରମେ ଚକ୍ରେ ଧୃତ୍ଵା ସୋମକଲାଜଲମ୍ ।
ମାସେନ ନ କ୍ଷୟଂ ୟାତି ଵଞ୍ଚୟିତ୍ଵା ମୁଖଂ ରଵେଃ ॥ ୬୩ ॥
ସମ୍ପୀଡ୍ୟ ରସନାଗ୍ରେଣ ରାଜଦନ୍ତବିଲଂ ମହତ୍ ।
ଧ୍ୟାତ୍ଵାମୃତମୟୀଂ ଦେଵୀଂ ଷଣ୍ମାସେନ କଵିର୍ଭଵେତ୍ ॥ ୬୪ ॥
ଅମୃତାପୂର୍ଣଦେହସ୍ୟ ୟୋଗିନୋ ଦ୍ଵିତ୍ରିଵତ୍ସରାତ୍ ।
ଊର୍ଧ୍ଵଂ ପ୍ରଵର୍ତତେ ରେତୋଽପ୍ୟଣିମାଦିଗୁଣୋଦୟଃ ॥ ୬୫ ॥
ଇନ୍ଧନାନି ୟଥା ଵହ୍ନିସ୍ତୈଲଵର୍ତି ଚ ଦୀପକଃ ।
ତଥା ସୋମକଲାପୂର୍ଣଂ ଦେହୀ ଦେହଂ ନ ମୁଞ୍ଚତି ॥ ୬୬ ॥
ଆସନେନ ସମାୟୁକ୍ତଃ ପ୍ରାଣାୟାମେନ ସଂୟୁତଃ ।
ପ୍ରତ୍ୟାହାରେଣ ସଂୟୁକ୍ତୋ ଧାରଣାଂ ଚ ସମଭ୍ୟସେତ୍ ॥ ୬୭ ॥
ହୃଦୟେ ପଞ୍ଚଭୂତାନାଂ ଧାରଣାଶ୍ଚ ପୃଥକ୍ ପୃଥକ୍ ।
ମନସୋ ନିଶ୍ଚଲତ୍ଵେନ ଧାରଣା ଚ ଵିଧୀୟତେ ॥ ୬୮ ॥
ୟା ପୃଥ୍ଵୀ ହରିତାଲଦେଶରୁଚିରା ପୀତା ଲକାରାନ୍ଵିତା
ସଂୟୁକ୍ତା କମଲାସନେନ ହି ଚତୁଷ୍କୋଣା ହୃଦି ସ୍ଥାୟିନୀ ।
ପ୍ରାଣଂ ତତ୍ର ଵିନୀୟ ପଞ୍ଚଘଟିକାଶ୍ଚିତ୍ତାନ୍ଵିତଂ ଧାରୟେଦ୍
ଏଷା ସ୍ତମ୍ଭକରୀ ସଦା କ୍ଷିତିଜୟଂ କୁର୍ୟାଦ୍ଭୁଵୋ ଧାରଣା ॥ ୬୯ ॥
ଅର୍ଧେନ୍ଦୁପ୍ରତିମଂ ଚ କୁନ୍ଦଧଵଲଂ କଣ୍ଠେଽମ୍ବୁତତ୍ତଵଂ ସ୍ଥିତଂ
ୟତ୍ପୀୟୂଷଵକାରବୀଜସହିତଂ ୟୁକ୍ତଂ ସଦା ଵିଷ୍ଣୁନା ।
ପ୍ରାଣଂ ତତ୍ର ଵିନୀୟ ପଞ୍ଚଘଟିକାଶ୍ଚିତ୍ତାନ୍ଵିତଂ ଧାରୟେଦ୍
ଏଷା ଦୁର୍ଵହକାଲକୂଟଜରଣା ସ୍ୟାଦ୍ଵାରିଣୀ ଧାରଣା ॥ ୭୦ ॥
ୟତ୍ତାଲସ୍ଥିତମିନ୍ଦ୍ରଗୋପସଦୃଶଂ ତତ୍ତ୍ଵଂ ତ୍ରିକୋଣୋଜ୍ଜ୍ଵଲଂ
ତେଜୋରେଫମୟଂ ପ୍ରଵାଲରୁଚିରଂ ରୁଦ୍ରେଣ ୟତ୍ସଙ୍ଗତମ୍ ।
ପ୍ରାଣଂ ତତ୍ର ଵିନୀୟ ପଞ୍ଚଘଟିକାଶ୍ଚିତ୍ତାନ୍ଵିତଂ ଧାରୟେ
ଏଷା ଵହ୍ନିଜୟଂ ସଦା ଵିଦଧତେ ଵୈଶ୍ଵାନରୀ ଧାରଣା ॥ ୭୧ ॥
ୟଦ୍ଭିନ୍ନାଞ୍ଜନପୁଞ୍ଜସାନ୍ନିଭମିଦଂ ତତ୍ତ୍ଵଂ ଭ୍ରୁଵୋରନ୍ତରେ
ଵୃତ୍ତଂ ଵାୟୁମୟଂ ୟକାରସହିତଂ ୟତ୍ରେଶ୍ଵରୋ ଦେଵତା ।
ପ୍ରାଣଂ ତତ୍ର ଵିନୀୟ ପଞ୍ଚଘଟିକାଶ୍ଚିତ୍ତାନ୍ଵିତଂ ଧାରୟେଦ୍
ଏଷା ଖେ ଗମନଂ କରୋତି ୟମିନାଂ ସ୍ୟାଦ୍ଵାୟଵୀ ଧାରଣା ॥ ୭୨ ॥
ଆକାଶଂ ସୁଵିଶୁଦ୍ଧଵାରିସଦୃଶଂ ୟଦ୍ବ୍ରହ୍ମରନ୍ଧ୍ରେ ସ୍ଥିତଂ
ତତ୍ରାଦ୍ୟେନ ସଦାଶିଵେନ ସହିତଂ ଶାନ୍ତଂ ହକାରାକ୍ଷରମ୍ ।
ପ୍ରାଣଂ ତତ୍ର ଵିନୀୟ ପଞ୍ଚଘଟିକାଶ୍ଚିତ୍ତାନ୍ଵିତଂ ଧାରୟେଦ୍
ଏଷା ମୋକ୍ଷକଵାଟପାଟନପଟୁଃ ପ୍ରୋକ୍ତା ନଭୋଧାରଣା ॥ ୭୩ ॥
ସ୍ତମ୍ଭନୀ ଦ୍ରାଵଣୀ ଚୈଵ ଦହନୀ ଭ୍ରାମଣୀ ତଥା ।
ଶୋଷଣୀ ଚ ଭଵନ୍ତ୍ୟେଵଂ ଭୂତାନାଂ ପଞ୍ଚଧାରଣାଃ ॥ ୭୪ ॥
କର୍ମଣା ମନସା ଵାଚା ଧାରଣାଃ ପଞ୍ଚ ଦୁର୍ଲଭାଃ ।
ଵିଧାୟ ସତତଂ ୟୋଗୀ ସର୍ଵପାପୈଃ ପ୍ରମୁଚ୍ୟତେ ॥ ୭୫ ॥
ସର୍ଵଂ ଚିନ୍ତାସମାଵର୍ତି ୟୋଗିନୋ ହୃଦି ଵର୍ତତେ ।
ୟତ୍ତତ୍ତ୍ଵେ ନିଶ୍ଚିତଂ ଚେତସ୍ତତ୍ତୁ ଧ୍ୟାନଂ ପ୍ରଚକ୍ଷତେ ॥ ୭୬ ॥
ଦ୍ଵିଧା ଭଵତି ତଦ୍ଧ୍ୟାନଂ ସଗୁଣଂ ନିର୍ଗୁଣଂ ତଥା ।
ସଗୁଣଂ ଵର୍ଣଭେଦେନ ନିର୍ଗୁଣଂ କେଵଲଂ ଵିଦୁଃ ॥ ୭୭ ॥
ଆଧାରଂ ପ୍ରଥମଂ ଚକ୍ରଂ ତପ୍ତକାଞ୍ଚନସନ୍ନିଭମ୍ ।
ନାସାଗ୍ରେ ଦୃଷ୍ଟିମାଦାୟ ଧ୍ୟାତ୍ଵା ମୁଞ୍ଚତି କିଲ୍ବିଷମ୍ ॥ ୭୮ ॥
ସ୍ଵାଧିଷ୍ଠାନଂ ଦ୍ଵିତୀୟଂ ତୁ ସନ୍ମାଣିକ୍ୟସୁଶୋଭନମ୍ ।
ନାସାଗ୍ରେ ଦୃଷ୍ଟିମାଦାୟ ଧ୍ୟାତ୍ଵା ମୁଞ୍ଚତି ପାତକମ୍ ॥ ୭୯ ॥
ତରୁଣାଦିତ୍ୟସଂକାଶଂ ଚକ୍ରଂ ଚ ମଣିପୂରକମ୍ ।
ନାସାଗ୍ରେ ଦୃଷ୍ଟିମାଦାୟ ଧ୍ୟାତ୍ଵା ସଂକ୍ଷୋଭୟେଜ୍ଜଗତ୍ ॥ ୮୦ ॥
[verse missing]
ଵିଦ୍ୟୁତ୍ପ୍ରଭାଵଂ ହୃତ୍ପଦ୍ମେ ପ୍ରାଣାୟାମଵିଭେଦନୈଃ ।
ନାସାଗ୍ରେ ଦୃଷ୍ଟିମାଦାୟ ଧ୍ୟାତ୍ଵା ବ୍ରହ୍ମମୟୋ ଭଵେତ୍ ॥ ୮୨ ॥
ସନ୍ତତଂ ଘଣ୍ଟିକାମଧ୍ୟେ ଵିଶୁଦ୍ଧଂ ଚାମୃତୋଦ୍ଭଵମ୍ ।
ନାସାଗ୍ରେ ଦୃଷ୍ଟିମାଦାୟ ଧ୍ୟାତ୍ଵା ବ୍ରହ୍ମମୟୋ ଭଵେତ୍ ॥ ୮୩ ॥
ଭ୍ରୁଵୋର୍ମଧ୍ୟେ ସ୍ଥିତଂ ଦେଵଂ ସ୍ନିଗ୍ଧମୌକ୍ତିକସନ୍ନିଭମ୍ ।
ନାସାଗ୍ରେ ଦୃଷ୍ଟିମାଦାୟ ଧ୍ୟାତ୍ଵାଽନନ୍ଦମୟୋ ଭଵେତ୍ ॥ ୮୪ ॥
ନିର୍ଗୁଣଂ ଚ ଶିଵଂ ଶାନ୍ତଂ ଗଗନେ ଵିଶ୍ଵତୋମୁଖମ୍ ।
ନାସାଗ୍ରେ ଦୃଷ୍ଟିମାଦାୟ ଧ୍ୟାତ୍ଵା ଦୁଃଖାଦ୍ଵିମୁଚ୍ୟତେ ॥ ୮୫ ॥
ଗୁଦଂ ମେଢ୍ରଂ ଚ ନାଭିଂ ଚ ହୃତ୍ପଦ୍ମେ ଚ ତଦୂର୍ଧ୍ଵତଃ ।
ଘଣ୍ଟିକାଂ ଲମ୍ପିକାସ୍ଥାନଂ ଭ୍ରୂମଧ୍ୟେ ପରମେଶ୍ଵରମ୍ ॥ ୮୬ ॥
ନିର୍ମଲଂ ଗଗନାକାରଂ ମରୀଚିଜଲସନ୍ନିଭମ୍ ।
ଆତ୍ମାନଂ ସର୍ଵଗଂ ଧ୍ୟାତ୍ଵା ୟୋଗୀ ୟୋଗମଵାପ୍ନୁୟାତ୍ ॥ ୮୭ ॥
କଥିତାନି ୟଥୈତାନି ଧ୍ୟାନସ୍ଥାନାନି ୟୋଗିନାମ୍ ।
ଉପାଧିତତ୍ତ୍ଵୟୁକ୍ତାନି କୁର୍ଵନ୍ତ୍ୟଷ୍ଟଗୁଣୋଦୟମ୍ ॥ ୮୮ ॥
ଉପାଧିଶ୍ଚ ତଥା ତତ୍ତ୍ଵଂ ଦ୍ଵୟମେଵମୁଦାହୃତମ୍ ।
ଉପାଧିଃ ପ୍ରୋଚ୍ୟତେ ଵର୍ଣସ୍ତତ୍ତ୍ଵମାତ୍ମାଭିଧୀୟତେ ॥ ୮୯ ॥
ଉପାଧିରନ୍ୟଥାଜ୍ଞାନଂ ତତ୍ତ୍ଵଂ ସଂସ୍ଥିତମନ୍ୟଥା ।
ସମସ୍ତୋପାଧିଵିଧ୍ଵଂସି ସଦାଭ୍ୟାସେନ ୟୋଗିନାମ୍ ॥ ୯୦ ॥
ଆତ୍ମଵର୍ଣେନ ଭେଦେନ ଦୃଶ୍ୟତେ ସ୍ଫାଟିକୋ ମଣିଃ ।
ମୁକ୍ତୋ ୟଃ ଶକ୍ତିଭେଦେନ ସୋଽୟମାତ୍ମା ପ୍ରଶସ୍ୟତେ ॥ ୯୧ ॥
ନିରାତଙ୍କଂ ନିରାଲମ୍ବଂ ନିଷ୍ପ୍ରପଞ୍ଚଂ ନିରାଶ୍ରୟମ୍ ।
ନିରାମୟଂ ନିରାକାରଂ ତତ୍ତ୍ଵଂ ତତ୍ତ୍ଵଵିଦୋ ଵିଦୁଃ ॥ ୯୨ ॥
ଶବ୍ଦାଦ୍ୟାଃ ପଞ୍ଚ ୟା ମାତ୍ରା ୟାଵତ୍ କର୍ଣାଦିଷୁ ସ୍ମୃତାଃ ।
ତାଵଦେଵ ସ୍ମୃତଂ ଧ୍ୟାନଂ ତତ୍ସମାଧିରତଃ ପରମ୍ ॥ ୯୩ ॥
ୟଦା ସଂକ୍ଷୀୟତେ ପ୍ରାଣୋ ମାନସଂ ଚ ଵିଲୀୟତେ ।
ତଦା ସମରସୈକତ୍ଵଂ ସମାଧିରଭିଧୀୟତେ ॥ ୯୪ ॥
[verse missing]
ଧାରଣାଃ ପଞ୍ଚନାଡ୍ୟସ୍ତୁ ଧ୍ୟାନଂ ଚ ଷଷ୍ଠିନାଡିକାଃ ।
ଦିନଦ୍ଵାଦଶକେନୈଵ ସମାଧିଃ ପ୍ରାଣସଂୟମଃ ॥ ୯୬ ॥
ନ ଗନ୍ଧଂ ନ ରସଂ ରୂପଂ ନ ସ୍ପର୍ଶଂ ନ ଚ ନିଃସ୍ଵନମ୍ ।
ଆତ୍ମାନଂ ନ ପରଂ ଵେତ୍ତି ୟୋଗୀ ୟୁକ୍ତଃ ସମାଧିନା ॥ ୯୭ ॥
ଖାଦ୍ୟତେ ନ ଚ କାଲେନ ବାଧ୍ୟତେ ନ ଚ କର୍ମଣା ।
ସାଧ୍ୟତେ ନ ଚ କେନାପି ୟୋଗୀ ୟୁକ୍ତଃ ସମାଧିନା ॥ ୯୮ ॥
ନିର୍ମଲଂ ନିଶ୍ଚଲଂ ନିତ୍ୟଂ ନିଷ୍କ୍ରିୟଂ ନିର୍ଗୁଣଂ ମହତ୍ ।
ଵ୍ୟୋମଵିଜ୍ଞାନମାନନ୍ଦଂ ବ୍ରହ୍ମ ବ୍ରହ୍ମଵିଦୋ ଵିଦୁଃ ॥ ୯୯ ॥
ଦୁଗ୍ଧେ କ୍ଷୀରଂ ଧୃତେ ସର୍ପିରଗ୍ନୌ ଵହ୍ନିରିଵାର୍ପିତଃ ।
ଅଦ୍ଵୟତ୍ଵଂ ଵ୍ରଜେନ୍ନିତ୍ୟଂ ୟୋଗଵିତ୍ପରମେ ପଦେ ॥ ୧୦୦ ॥
ଭଵଭୟଵନେ ଵହ୍ନିର୍ମୁକ୍ତିସୋପାନମାର୍ଗତଃ ।
ଅଦ୍ଵୟତ୍ଵଂ ଵ୍ରଜେନ୍ନିତ୍ୟଂ ୟୋଗଵିତ୍ପରମେ ପଦେ ॥ ୧୦୧ ॥
॥ ଇତି ଶ୍ରୀ ଗୋରକ୍ଷନାଥପ୍ରଣୀତଃ ଗୋରକ୍ଷଶତକଂ ସମାପ୍ତମ୍ ॥